އާ އުސޫލުގެ ދަށުން ފަގީރުންގެ ދަފުތަރުގައި ރަޖިސްޓަރީވާން ހުޅުވާލަނީ

މާލޭގައި ފިތުރު ޒަކާތް ބަލައިގަންނަނީ: އާ އުސޫލުގެ ދަށުން ފަގީރުންގެ ދަފުތަރުގައި ރަޖިސްޓްރީވާން ހުޅުވާލަން ވަނީ ނިންމައިފައި.-- ފޮޓޯ: މިހާރު

އިފްރާޒް އަލީ، މިހާރު

16 މެއި 2024 - 18:24

8 comments

މޯލްޑިވްސް ޒަކާތު ހައުސް އިން އެކުލަވާލާފައިވާ ފަގީރުންނާއި މިސްކީނުންގެ ދަފުތަރުކުރުމުގެ އާ އުސޫލުގެ ދަށުން، އެ ދަފުތަރުގައި އަލަށް ރަޖިސްޓަރީކުރަން ބޭނުންވާ މީހުންނަށް ފޯމު ހުށަހެޅުމުގެ ފުރުސަތު ހުޅުވާލަން ނިންމައިފި އެވެ.

ފަގީރުންނާއި މިސްކީނުންގެ ދަފުތަރުކުރުމުގެ އާ އުސޫލެއް އެކުލަވާލައި އާންމުކުރީ މި މަހު އަށެއްގަ އެވެ.

ޒަކާތު ހައުސް އިން ކުރި އިއުލާނެއްގައި ބުނީ މާލެ އާއި ހުޅުމާލެ އަދި ވިލިމާލެ އިން ފަގީރުންގެ ދަފުތަރުގައި އަލަށް ރަޖިސްޓަރީކުރަން ބޭނުންވާ މީހުންނަށް އަންނަ އާދިއްތަ ދުވަހުން ފެށިގެން ރަސްމީ ބަންދު ނޫން ކޮންމެ ދުވަހެއްގެ ހެނދުނު 9:00 އިން މެންދުރު 12:00 އާ ހަމައަށް ފުރުސަތު ހުޅުވާލާނެ ކަމަށެވެ.

މި އަހަރު ފިތުރު ޒަކާތުގެ ފައިސާ ލިބިފައިވާ މީހުންގެ ތެރެއިން، ހާލަތު ބަދަލުވުމުގެ ސަބަބުން ދަފުތަރުން އުނިވެފައިވާކަން އަންގާފައި ނުވާ މީހުންނަކީ މި ވަގުތު ފަގީރުންގެ ދަފުތަރުގައި ހިމެނޭ މީހުން ކަމަށް ވާތީ، އެ މީހުން ދަފުތަރުގައި އަލުން ރަޖިސްޓަރީވާން ފޯމު ހުށަހަޅަން ނުޖެހޭ ކަމަށް އެ އިއުލާނުގައި ބުންޏެވެ.

ފަގީރުންގެ ދަފުތަރުގައި ރަޖިސްޓަރީވުމަށް އެދޭ ފޯމު ޒަކާތު ހައުސްގެ ވެބްސައިޓް www.zakathouse.gov.mv އިން ޑައުންލޯޑް ކުރެވޭނެ އެވެ.

އެ ފޯމު ބަލައިގަންނާނީ ޒަކާތު ހައުސްގެ އޮފީސް ކައުންޓަރުން ކަމަށް އެ އިއުލާނުގައި ބުންޏެވެ.

ފަގީރުންނާއި މިސްކީނުންގެ ދަފްތަރުގައި މިހާރު 8،000 އެއްހާ މީހުން ތިބެ އެވެ.

ޒަކާތުގެ ކަންކަން ބެލެހެއްޓުމަށް މި ސަރުކާރުން އުފައްދާފައިވާ އާ އިދާރާ މޯލްޑިވްސް ޒަކާތު ހައުސް އިން މިދިޔަ ރޯދަމަހު ވަނީ ފިތުރު ޒަކާތުގެ ގޮތުގައި ލިބުނު ފައިސާ އިން ފަގީރުންގެ ދަފުތަރުގައި ހިމެނޭ މާލެ ސަރަހައްދުގައި ދިރިއުޅޭ ކޮންމެ މީހަކަށް 8،000ރ. ބަހައިފަ އެވެ.

ޒަކާތް އިސްލާމިކް މިނިސްޓްރީ ފަގީރުކަން

8 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހޭލުން

17 May 2024

ހަގީގީ ފަގީރުންނާ މިސްކީނުންނަށް ތިޔަ ދަފްތަރުގައި ރަޖިސްޓްރީވުމުގެ ކަންކަން ހުޅުވާލިކަން ނޭނގި އޮވެދާނެ ނުވަތަ ހަދަންވީ ގޮތް ނޭނގި ތިބެދާނެ. ތިޔަ ފަދަ ކަންކަމުގެ މައުލޫމާތު އެނގޭ މީހުން އެފަދަ ނޭނގޭ މީހުން ހޭލުންތެރިކޮށް އެކަންކުރަން ބުނެދިނުން މުހިއްމު. އިއްލާންކޮށްލުމަކުން އަދި ފަގީރުންގެ ލިސްޓު އަމިއްލައަށް ފުރިހަމަވެގެންނެއް ނުދާނެ. ލިސްޓު ފުރިހަމަކުރުމުގައި މަޖްލިހުގެ މެމްބަރުންނާ ކައުންސިލަރުންގެ ޒިންމާއެއްވެސް އޮންނަންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

17 May 2024

"ޒަކާތު ހައުސް"؟ ކަލޭމެންގެ ލޮބުވެތި އަރަބި ބަހުން ނުބުނެވުނީތަ؟ "އަލް ހައުސުލް ޒަކާތް".

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުޅާގޯނި

17 May 2024

ތިގޮތަށް އޮންނަނީ ތިޔަހެނެއް ނޫންވަނީ މުއްސަދި މީހާވެސް ލިބޭއެއްޗަކުން 2 ކޮޅު ނުޖެހޭ ނަމަ ފަގީރުންގެ ދަފްތަރުގައި ރަޖިސްޓަރީ ކޮއްދޭ އެބަ އަތްމަތި ދަތިކޮއް އުޅޭމީހުން އުނިކޮއްޅަނީ ފަގީރު މީހާ މާގިނައިން ހަރަދުކުރާތީ އަނބި ދަރިންގެ ހަރަދުތައް ކުރަންޖެހޭ ދޯ ނުކައިނުބޯއިވެސް ފެން ކަރަންޓް ބިލް ތަނުގެ ކުލި ޓިއުސަން ފީީ ގުރުވާން ކުލަސް ފީ އަދި ގޭގެ ހަރަދުތައް ކޮބާތޯއެވެ ތަފްސީލް ކޮށް ހުށައެޅީމަ ވެސް ކެންސަލް ކޮއްލީ ފޯމް ސަކުވާވެސްލިން ދެރަމީހާއަށް ދެރަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުޅަގޯނި އަމާ

18 May 2024

5 މީހުންގެ އާއިލާގެ ބައެއް މީހުން ކެއިން ބުއިމުގެ ޚަރަދަށް އެބަދޭ 18 ނޫނީ 20 ވަރަކަށް ހާސް ރުފިޔާ. މިބުނީ ގޭގެ ކުއްޔާއި ފެނާއި ކަރަންޓާއި އެހެނިހެން ޒަރޫރީ ބޭނުންތައް ފިޔަވައި ޚަރަދު ކޮށްލާވަރު. ބެންކް ސްޓޭޓްމަންޓު ބަލާލީމަ އެބަހުރޭ 40 ހާހުން 50 ހާހުން އެފަދަ މީސްމީހުންގެ އެކައުންޓަށް މަހެއްގެ މައްޗަށް ވަދެފައި. އަމިއްލައަށް ވިސްނާލީމަ އެގެންވާނެދޯ އެފަދަ މީހުން ފަޤީރުންގެ ދަފުތަރުގައި ނަން ޖައްސަން ފޯމު ލައިގެން ނުވާނެކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުޅާގޯނި

17 May 2024

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާލަތުބެ

16 May 2024

ތި ދަފްތަރުގައި ރަޖިސްޓަރީ ކޮށްދޭން ވާނީ މައުލޫމާތު ވެރިފައި ކުރުމަށްފަހު އަދި ދިރިއުޅުމުގެ ހާލަތުވެސް ޔަގީންކުރުމަށްފަހު. އޭރުން ޒަކާތުގެ މަންފާ ހަގީގީ ފަޤީރުންނަށް ކުރާނީ.