ލަންކާ ވިސާ ދިވެހިންނަށް ކުރިއެކޭ އެއްގޮތަށް ލިބޭނެ: މިނިސްޓްރީ

ސްރީލަންކަން އެއާލައިން.--

ފާތިމަތު އަޖްފާން، މިހާރު

24 މެއި 2024 - 22:17

ސްރީ ލަންކާއަށް ދަތުރުކުރާ ދިވެހިންނަށް މިހާރު ވެސް އޮތް ގޮތަށް ވިސާ ލިބޭނެ ކަމަށް ފޮރިން މިނިސްޓްރީން މިރޭ ބުނެފި އެވެ.

ލަންކާއަށް ދިއުމަށް ކުރިން 30 ދުވަހަށް 50 ޑޮލަރަށް ވިސާ ލިބެ އެވެ. އެހެން ނަމަވެސް 30 ދުވަހަށް ވިސާ ދިނުމުގެ ބަދަލުގައި ހަ މަހަށް ވިސާ ދޭން އެ ގައުމުން މިހާރު ވަނީ ނިންމައިފަ އެވެ. އެ މުއްދަތަށް ވިސާ ޖަހަން 101 ޑޮލަރު ވަރު ހޭދަކުރަން ޖެހެ އެވެ.

އެ ގައުމުން ގެނައި މި ބަދަލުތަކާ ގުޅިގެން ރާއްޖޭގެ ފޮރިން މިނިސްޓްރީން ބުނީ ލަންކާގައި އަލަށް ބޭނުންކުރަން ފަށާ އީ-ވިސާ ސިސްޓަމެއް ގާއިމްކޮށް ހިދުމަތް ފަށާފައިވާތީ، އެ ގައުމުގެ ކަމާ ގުޅޭ އިދަރާތަކާ އެ މިނިސްޓްރީން މަޝްވަރާ ކުރަމުން އަންނަ ކަމަށެވެ.

ދިވެހިންނަށް މިހާރު ވެސް އޮންއެރައިވަލް ވިސާ 30 ދުވަހަށް ލިބޭ ގޮތަށް އޮންނަ އޮތުން ބަދަލުނުވާ ގޮތަށް މަޝްވަރާކުރާނެ ކަމަށާއި އެކަން ހަަމަޖެހޭނެ ކަމުގެ ޔަގީންކަން ވެސް ފޮރިން މިނިސްޓްރީން ދެ އެވެ.

މަހަކަށް ވުރެން ދިގުމުއްދަތަކަށް އެ ގައުމުގައި މަޑުކުރަން ޖެހޭ ނަަމަ އޮންލައިންކޮށް ވިސާ އިތުރުކޮށްދިނުމަށް އެދެވޭނެ ކަމަށް ވެސް މިނިސްޓްރީން ބުންޏެވެ.

ލަންކާގައި މި ވަގުތު ތިބި ދިވެހީންގެ ތެރެއިން ވިސާގެ މުއްދަތު އިތުރުކުރަން ޖެހިފައިވާ ދިވެހިން އެ ގައުމުގައި ހުންނަ ދިވެހި ހައިކޮމިޝަނަށް ދިއުމުން އެކަން ހަމަޖެހޭނެ ކަމަށް ވެސް މިނިސްޓްރީން ބުންޏެވެ.

ސްރީ ލަންކާ ފޮރިން މިނިސްޓްރީ ރާއްޖެ-ލަންކާ

5 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްޑޫޅް +

26 May 2024

ރާއްޖޭގެ ޕާސްޕޯޓުގެ، މި އަހަރުގެ ރޭންކަކީ، ބެލީޒް އާއި ޓީމޯރު ލެސްޓް އާއި އެއްހަމައިގަ، 51 ވަނަ. މިއީ ލަދުގަންނަހާ ދަށު ފެންވަރެއް. ޓުވަލޫ، ސާމޮއާ، ސޭސެލު، ސައިޕްރަސް، ކިރިބައްތި އަކީވެސް ކުދި ޖަޒީރާ. އެކަމަކު އެ މީހުންގެ ޕާސްޕޯޓު މާ ވަރުގަދަ. ޗީޗީ. ވެއްޖަނުން މިކަމަށް ފިޔަވަޅެއް އަޅަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާޖޭ

25 May 2024

ރާއްޖޭން ކުރު މުއްދަތަށް ލަންކާޔަށް ދާމީހުންނަށް އޮން އެރައިވަލް ވިސާ ނުލިބެންޏާ، ނުވަތަ އޮން އެރައިވަލް ވިސާ ލިބިފައި ދެންވެސް 30 ޑޮލަރު ދައްކަން ޖެހެންޏާ، ލަންކާ މީހުން އަތުންވެސް 30 ޑޮލަރު ރާއްޖޭން ނަގަންވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަރާމްކޯ

25 May 2024

މުޅި މާލެ ގޯޑައުންތަކަކަށް ހަދާލާފަ ރާއްޖެއަށް ލިވބޭ ޑޮލަރުކޮޅު ލަންކާ ގެ ކެސިނޯތަކާ ޕަބްތަކަށް ޚަރަދުކުރުން ނޫންކަމެއް މި މީހުންގެ ނޯވޭ، އަދި ނުވީތާކަށް އާސަނދަ އާއި ފުޓްސެލް އާ ހުރިހާ އެއްޗެއް މި މީހުނަށް ދޭންޖެހޭ، ޓެކްސް ދައްކަނީ އެއް ނޫން؟ ނިކަން ޤައުމާދޭތެރޭގަވެސް ޒިންމާދާރު ވެބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެއްލޫން

25 May 2024

ކޮއްކޯ ކޮންބައެއްގެ ވާހަކަ ތޯ ތިޔަ ދައްކަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާންބެ

24 May 2024

ގައިމުވެސް ލަންކާއަށް އަހަރެން އެންމެ ފަހުން ދިޔަފަހަރުވެސް އެއްވެސް ލާރިޔެއް ނުދައްކާ އޮންއެރައިވަލް ވިސާލިބުނު. އެއީ މިސަރުކާރު އައުމުގެކުރިން މިދިޔަ އަހަރު އޭޕްރީލްގަ.