ބީއެމްއެލް "ވައު ކިޑްޒް ރަން" 700 އަށް ވުރެ ގިނަ ކުދިންނާ އެކު ބާއްވައިފި

ބީއެމްއެލް އިން ކުޑަކުދިންނަށް ހާއްސަކޮށް ބޭއްވި ދުވުމުގެ ހަރަކާތް -- ފޮޓޯ: ބީއެމްއެލް

01 ޖޫން 2024 - 15:47

ބީއެމްއެލް އާއި ޓޯޓަލް ފިޓްނަސް ގްރޫޕް (ޓީއެފްޖީ) ގުޅިގެން ބާއްވަމުން އަންނަ "ބީއެމްއެލް ވައު ކިޑްޒް ރަން" ގެ މި އަހަރުގެ ދުވުން ކާމިޔާބުކަމާ އެކު ނިންމާލައިފި އެވެ.

އެ ބޭންކުން ބުނީ ހުޅުމާލޭގައި ހެނދުނު ބޭއްވި އެ ދުވުމުގެ ހަރަކާތުގައި 760 ކުދިން ބައިވެރިވި ކަމަށެވެ.

އެ ދުވުމުގައި އުމުރުން ތިން އަހަރާއި ފަސް އަހަރާ ދެމެދާއި ހަ އަހަރާއި އަށް އަހަރާ ދެމެދުގެ އުމުރު ފުރަ އާއި ނުވަ އަހަރާއި 11 އަހަރާ ދެމެދުގެ އުމުރުފުރާ އިން ކުދިން ބައިވެރިވި އެވެ.

ބީއެމްއެލް އިން ބޭއްވި ދުވުމުގެ ހަރަކާތުގައި ބައިވެރިވި ކުއްޖަކު ދުވަނީ.

ބީއެމްއެލް އިން ބުނީ މިއީ ދުޅަހެޔޮ ސިއްހަތެއްގައި ހުރުމުގެ މުހިންމުކަން ކުޑަކުދިންނަށް އަންގައިދިނުމުގެ ގޮތުން ބޭއްވި ހަރަކާތެއް ކަމަށެވެ. ދުވުމުގައި ބައިވެރިވެ ކޮންމެ ކުއްޖަކު ވެސް ދުވުން ނިންމި ވަގުތު ވަނީ މެޑަލް ދީފަ އެވެ.

މިއީ ބީއެމްއެލް އާއި ޓީއެފްޖީ ގުޅިގެން މި ދުވުން ބޭއްވި 8 ވަނަ އަހަރެވެ.