ގްރޭޑު 6 އިން މަތީގެ ދަރިވަރުން އިމާމުވެ ހުކުރު/ކޭތަ ނަމާދުކުރަން ވަގުތީ ހުއްދަ ދެވޭ ގޮތަށް އުސޫލު ބަދަލުކޮށްފި

މިސްކިތެއްގައި އިމާމުވެ ހުކުރު ނަމާދެއް ކުރި ޒުވާން ހަތީބް ހުސެއިން ޒައިން އަލީ، ނަމާދަށްފަހު މީހަކާއެކު މަޑުކޮށްލައިގެން..--- ފޮޓޯ: ފަޔާޒު މޫސާ | މިހާރު

އާސިމާ ނިޒާރު، މިހާރު

11 ޖޫން 2024 - 12:09

11 comments

ގްރޭޑު 6 އިން ފެށިގެން މަތީގެ ކުދިން އިމާމުވެ ހުކުރު ނަމާދާއި ކޭތަ ނަމާދުކުރަން ވަގުތީ ހުއްދައެއް ދެވޭ ގޮތަށް އުސޫލު ބަދަލުކޮށްފި އެވެ.

އިސްލާމިކް މިނިސްޓްރީން އިއްޔެ އާއްމުކުރި އުސޫލުގައިވާ ގޮތުން ވަކި ހާއްސަ ހާލަތުތަކެއްގައި ގްރޭޑު 6 އިން މަތީގެ ކުދިންނާއި އުމުރުން 65 އަހަރުން މަތީގެ މީހުންނަށް ހުކުރު ނަމާދާއި ކޭތަ ނަމާދުކުރަން ހަ މަސް އަދި އެއް މަސް ދުވަހުގެ ވަގުތީ ހުއްދައެއް ދެވޭނެ އެވެ.

އެ ހާލަތްތަކަކީ؛ އިމާމުވެ ހުކުރު ނަމާދާއި ކޭތަ ނަމާދުކުރާނެ އެއްވެސް މީހަކު ނެތް ނަމަ ގާބިލް މީހަކަށް ހުއްދަ ހޯދުމަށް އެދި ކަމާގުޅޭ އިދާރާއަކުން ހުށަހެޅުމުން އެ މީހަކަށް ހަ މަސް ދުވަހަށް ވުރެ އިތުރު ނުވާނެ ހުއްދައެއް ދިނުމެވެ.

އެ ނަމާދުތައް ކުރަން ހުއްދަ އޮތް މީހަކު ބަލިވެއްޖެ ނަމަ އެހެން މީހަކަށް އެއް މަސް ދުވަހުގެ މުއްދަތަށް ވަގުތީ ހުއްދައެއް ދެވޭނެ ކަމަށް އުސޫލުގައި ބަޔާން ކޮށްފައި ވެ އެވެ.

މިނިސްޓްރީން ބުނީ އެ ހާލަތްތަކުގައި 65 އަހަރުން މަތީގެ މީހުންނަށް ވަގުތީ ހުއްދަ ދޫކުރާނީ އެ މީހަކަށް ސިއްހީ ގޮތުން ޒިންމާ އަދާކުރެވޭ ވަރުގެ ގާބިލްކަން ހުރި ނަމަ ކަމަށެވެ. ހަމަ އެ އުސޫލުން ގްރޭޑު 6 އިން ފެށިގެން މަތީ ގްރޭޑުތަކުގެ ކުދިންގެ ތެރެއިން ރީތިކޮށް ގުރުއާން ކިޔަވައި އަދި ނަމާދުގެ ހުކުމްތައް އެނގޭ ކުދިންނަށް ތަމްރީނު ދިނުމުގެ ބޭނުމުގައި ވަގުތީ ހުއްދަ ދޫކުރެވޭނެ އެވެ.

ގްރޭޑު 10-12 އާ ހަމައަށް ކިޔަވާ ކުއްޖެއް ނަމަ ނުވަތަ ސްކޫލު ނިންމާފައިވާ ކުދިންގެ ތެރެއިން 18 އަހަރު ނުފުރޭ ކުއްޖެއް ނަމަ އަނގަބަހުން ދޭ އިމްތިހާނަކުން މަދުވެގެން 75 ޕަސެންޓް މާކްސް ލިބިފައި ނުވަތަ ހަތީބުކަމުގެ ތަމްރީން ފުރިހަމަކޮށް، އެ ތަމްރީނަށް ކަނޑައަޅާ 10 ޕަސެންޓް މާކްސް ލިބިއްޖެ ނަމަ އިމާމުވެ، ހުކުރު ނަމާދާއި ކޭތަ ނަމާދުކުރުމުގެ ހުއްދަ ލިބޭނެ އެވެ.

އިމާމުކަމުގެ ސާނަވީ އަދި މަތީ ސާނަވީއާ އެއް ފެންވަރުގެ ސަނަދެއް ހާސިލްކޮށްފައިވާ ނަމަ 10 ޕަސެންޓް މާކްސް ލިބޭނެ އެވެ.

ނަމަވެސް އިސްލާމީ މަރުކަޒާއި ކިންގް ސަލްމާން މިސްކިތުގައި އިމާމުގެ ހުކުރު ނަމާދާއި ކޭތަ ނަމާދުކުރުމުގެ ހުއްދަ ދޭނީ ދީނީ ދާއިރާއަކުން މަދުވެގެން ޑިގްރީ ސެޓްފިކެޓް ހާސިލް ކޮށްފައިވާ ނަމަ ކަމަށް އާ އުސޫލުގައި ބުންޏެވެ.

މާލޭގައި އުޅޭ މީހުން މީހުން ޓެސްޓު ކުރާނީ އިސްލާމިކް މިނިސްޓްރީންނެވެ. ރަށްރަށުގައި ދިރިއުޅޭ ކުދިން އެ ރަށެއްގެ ކައުންސިލަށް ހާޒިރުކޮށް އޮންލައިންކޮށް ނުވަތަ މިނިސްޓްރީން ކަނޑައަޅާ ގޮތަށެވެ.

އިމްތިހާނުން ފެއިލްވެއްޖެ ނަމަ ތިން މަސް ދުވަހުގެ ތެރޭގައި އިމްތިހާނު ދެވޭނީ ގިނަ ވެގެން ދެ ފަހަރު އެވެ.

އެ ނަމާދުތައް ކުރުމަށްޓަކައި އިމާމުންގެ ޕޫލެއް އެކުލަވާލާނެ އެވެ. މާލޭގައި އެކަން ކުރާނީ މިނިސްޓްރީން އަދި ރަށްރަށުގައި ކައުންސިލްތަކުންނެވެ.

އިސްލާމިކް މިނިސްޓްރީ ހުކުރު ނަމާދު ޑރ. މުހައްމަދު ޝަހީމް އަލީ ސައީދު (މިނިސްޓަރު)

11 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސީނު ކާފު

13 June 2024

ތި އުޅެނީ ކޮންމެވެސް ބޭފުޅެއްގެ ދަރިއަށް ޢީދު ނަމާދުކުރަން މި ފަހަރު ދޭން. އަޅުގަނޑު ހިތަން އަރަނީ މިވަރުން ހުކުރުކުރުން ކުޑަކުދިން ލައްވާ ކުރުވަން މިއުޅެނީ ހުކުރުކޮށްދޭނެ ބޮޑެތީ މީހުން ނެތިގެން ބާއެވެ. ނޫން ކިޔަވައިގެނ ތިބި މޮޅެތި މީހުން އެބަތިބި. އެމީސް މީހުން ބާކީކޮށްލަން ކުރާ ކަމެއް މީ. ދެން އޮތީ ދެންކުންތެރިކަން. ދެން ވެރިކަމަށް އަންނަ ބަޔަކު 10 އަހަރަށް ބަދަލުކުރައްވީ. ރެކޯޯޑަށްފަހު ރެކޯޑަކަށް ވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަވޭދާން

12 June 2024

ރަނގަޅު ނިންމުމެއް ނޫން. ތި ދެވެނީ ވަރަށް ނުބައި މެސެޖެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަތ_&&

12 June 2024

މިދެން ކޮންކަމެއް...ހަމަ ދެއްކުންތެރިކަން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސަބޭ

12 June 2024

ވަރަށް ކަމުނުދާ ވިސްނުމެއް ގަސްދުގައި ތިގޮތަށް ނިންމުމަކީ. ހުކުރު ޚުތުބާ ކިޔަން އަރާ ކުދިންނަށް ޚުތުނާގެ "ޞީޣާ" ގެންނަން ނޭނގުމަކީ އަހަން ތިބީން ފޫހި ކުރުވާކަމެއް. ބައެއް ޝޭޚުންގެ ކިބައިގަވެއް މި ފަންނު ނުހުންނަކަން ފާހަގަ ކުރަށް. އަޑަށް ބާރު ލާންޖެހޭ ހާލަތާ މީހުންގެ ހިތްތަށް ޝައުޤު ވެރި ކުރާ ގޮތް ނުހުންނަނަމަަ ވެސް ކުތުބާ ކިޔަން އެރުވުމަކީ ކުރާވަރުގެ ކަމެއް ކަމަކަށް ނުދެކެން. މިވެސް ޓެސްޓް މާކްސް ދޭންޖެހޭކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަފުން

12 June 2024

ލިސްޓްދިގުކޮށްލަން ރަގަޅު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހށނ

11 June 2024

އިމާމު ކަމަކީވެސް ރަގަޅު އާމްދަނީއެއްލިބޭ މަސައްކަތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫޗީ.މީދޫ

11 June 2024

ކުޑަކުދިންނަކީ ކުޑަކުދީން. އެކުދިން ލައްވާ އިމާމްކަން ކުރުވުމަކީ އެކުދިންނާއި ނުގުޅޭ ކަމެއް. އިމާމްކަން ކުރުވުމަކީ އެއްގޮތކައްވެސް ފެއްނަކަމެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫޗީ އަށް

12 June 2024

އަލީގެފާނުވެސް ކުޑަ އިރު ނަމާދު ކުރެއްވިއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑަ ބޭ

11 June 2024

އިމާމުވެ ނަމާދު ކުރުމާއި ޚާއްސަކޮށް ޚުތުބާ ކިއުމުގެ ހުއްދަ ދިނުމަށް އެންމެ އެކަށީގެންވަނީ ދޮށީ ޢުމުރުގެ އަޚުލާގާއި އަދަބާއި ސަދަބު ގައި އުޅޭ މީހުން! އަދި މީހުން އެމީހަކާޢި މެދު ރެސްޕެކްޓު ކުރާ އުޅުން ރަނގަޅު މީހުންނަށް!