އެމްޓީސީސީގެ އަހަރީ އާއްމު ޖަލްސާގައި ކުންފުނީގެ ޑިރެކްޓަރުންގެ ބޯޑު މެމްބަރުން. -- ފޮޓޯ: ފަޔާޒް މޫސާ | މިހާރު
17 ޖުލައި 2024 - 21:43
2 comments
އެމްޓީސީސީއަށް މިދިޔަ އަހަރު ލިބުނު ފައިދާއިން ކޮންމެ ހިއްސާއަކަށް 3.ރ ބަހަން ފާސްކޮށްފި އެވެ.
އެގޮތަށް ފާސްކުރީ އުމަރު ޒާހިރު ބިލްޑިންގައި ހުންނަ މަލްޓި ޕާޕަސް ހޯލްގައި މިރޭ ބޭއްވި އެމްޓީސީސީގެ އަހަރީ އާއްމު ޖަލްސާގަ އެވެ. މި ޖަލްސާގައި ބަހަން ނިންމީ ހިއްސާގެ ފޭސްވެލިއު 5ރ. އަދި ޑިވިޑެންޑަށް 3ރ. އެވެ.
މި އަދަދު ބަހަން ފާސްވީ އަހަރީ އާންމު ޖަލްސާގައި ބައިވެރިވި ހިއްސާދާރުންގެ 99.6 ޕަސެންޓުގެ ވޯޓުންނެވެ. މި ޖަލްސާގައި ޖުމްލަ 374 ހިއްސާދާރުން ބައިވެރިވި އެވެ.
އެމްޓީސީސީން ހިއްސާގެ ފައިދާ ބަހާނީ މިދިޔަ މަހުގެ 23 ވަނަ ދުވަހާ ހަމައަށް އެ ކުންފުުނީގެ ހިއްސާދާރުންގެ ގޮތުގައި ރަޖިސްޓްރީވެފައިވާ ފަރާތްތަކަށެވެ.
އެމްޓީސީސީއަށް މިދިޔަ އަހަރު ލިބުނު ފައިދާއިން 3ރ. ބަހަން ނިންމި އިރު, މިދިޔަ އަހަރުގެ ޖުމްލަ އާމްދަނީގެ ގޮތުގައި ލިބިފައި ވަނީ 3.2 ބިލިއަން ރުފިޔާ އެވެ. މިއީ 2022 ވަނަ އަހަރާ އަޅާބަލާއިރު 30 ޕަސެންޓު ދަށް އަދަދެކެވެ. އެ ކުންފުންޏަށް 2023 ވަނަ އަހަރު ޓެކްސްއަށް ކެނޑުމަށް ފަހު، ފައިދާގެ ގޮތުގައި ލިބިފައިވަނީ 97 މިލިއަން ރުފިޔާއެވެ. މިއީ އޭގެ ކުރީ އަހަރު އެ ކުންފުންޏަށް ލިބުނު 196 މިލިއަން ރުފިޔާއާ އަޅާބަލާއިރު 50 ޕަސެންޓު ދަށް އަދަދެކެވެ.
އެ ކުންފުނީގެ އަހަރީ ރިޕޯޓުގައި ބުނެފައިވަނީ މިދިޔަ އަހަރު ސާފު ފައިދާ ދަށަށް ދިޔައީ ޕްރޮވިޝަންސް އަދި އަނބުރާ ދައްކަން ޖެހޭ ފައިސާއަށް ކުރަން ޖެހޭ ހަރަދު އިތުރުވުމުންނެވެ.
މިދިޔަ އަހަރު އެމްޓީސީސީއަށް ލިބުނު އާމްދަނީ ބަހާފައި ވަނީ ހިއްސާއަކަށް 4ރ. އެވެ. އެ ކުންފުނިން 2022 ވަނަ އަހަރުގެ ފައިދާއިން 4ރ. ބަހަން ނިންމީ މިދިޔަ އަހަރުގެ ޖޫން މަހުގައި ބޭއްވި އެ ކުންފުނީގެ އަހަރީ އާންމު ޖަލްސާގައި އެ އަދަދު ބަހަން ފާސް ނުވުމުން އެ ނިންމުން ބަދަލުކޮށް މިދިޔަ މަހު ބޭއްވި އެކްސްޓްރާއޯޑިނަރީ ޖެނެރަލް މީޓިން (އީޖީއެމް) ގައި އެ އަދަދު ބެހުމަށް ފާސް ކުރުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
18 July 2024
އެމްޓީސީސީގައި އޮތް ދައުލަތުގެ ޙިއްސާގެ ބޮޑުބައެއް ދިވެހި ރައްޔިތުންނަށް (މިހާރު 100 ޙިއްސާނެތް ކޮންމެ ދިވެއްސަކަށް) ކޮންމެ މީހަކަށް 100 ޙިއްސާ ހެ މަގުން ޙިއްސާ ގަތުމަށް ފުރުސަތު ހުޅުވާލަން ޖެހޭ. # އެންމެ ބޮޑު ބޭނުމަކީ ސަރުކާރުގެ ޙިއްސާ މަދުކޮށް ޙަޤީގީ ޕަބްލިކް ކުންފުންޏެއްގެ ގޮތުގައި ކުންފުނި ހިންގާން ފުރުސަތުދިނުމާއި، ކުންފުނީގެ މާލީ ހާލަތު ރަނގަޅުކޮށް ރިއަލްއެސްޓޭޓް ވިޔަފާރިއަށް ކުންފުނި ވަންނާން ފުރުސަތު ހޯދައި އެވިޔަފާރި ފެއްޓުން.
އޮނަރަބްލް އަފީފު ދީދީ
18 July 2024
ކުންފުންޏަށް މަތީގައިދެންނެވި ބަދަލުގެނެސް ރިއަލްއެސްޓޭޓް ވިޔަފާރި ފަށައިގަތުމަށްޓަކާ (ސޯޝަލް ހައުސިން ފުލެޓް އެޅުމުގެ ބަދަލުގައި) އެންމެފުރަތަމަ ކުރާންޖެހޭ ކަމަކީ MTDC ހުވަދޫ އަތޮޅުން 3 ފަޅުރަށް ނަގައިގެން ދައުލަތުގެ ސޮވަރިންގ ގެރަންޓީ ހޯދައިގެން ބޭރުގެ މާލީ އިދާރާއަކުން ފައިސާ ހޯދައިގެން ހަތަރު ⭐️ ⭐️ ⭐️ ⭐️ ގެ ފެންވަރަށް ރަށްތައް ތަރައްޤީކޮށް އިންވެސްޓްމަންޓްގެ އަގު އެއްފަހަރާ ދައްކާ ފަރާތަކަށް 50 އަހަރަށް ރަށްތައް (އިންވެސްޓްމަންޓް) ވިއްކާލުން.