ޚަބަރު / ކޭއެފްސީ

ކޭއެފްސީއަށް ގެއްލުންދިން ކަމުގެ ތުހުމަތުގައި މީހަކު ހައްޔަރުކޮށްފި

ކޭއެފްސީގެ ބިއްލޫރިގަނޑެއް މީގެ ކުރިން ތަޅާލުމުން އެ ތަނުގައި ސަތަރި އަޅާފައި.-- ފޮޓޯ: މިހާރު

އާސިމާ ނިޒާރު، މިހާރު

20 ޖުލައި 2024 - 16:40

22 comments

މާލޭގައި ހިންގާ ކޭއެފްސީގެ އައުޓްލެޓަށް ގެއްލުން ދިން މައްސަލައިގައި މިއަދު މީހަކު ހައްޔަރުކޮށްފި އެވެ.

ފުލުހުންގެ މީޑިއާ އޮފިޝަލަކު ވިދާޅުވީ އަމީނީ މަގުގައި ހިންގާ ކޭއެފްސީގެ ބިއްލޫރިގަނޑެއް މިދިޔަ އަންގާރަ ދުވަހުގެ ރޭ ދަންވަރު ތަޅާލި މައްސަލައިގައި އުމުރުން 48 އަހަރުގެ ދިވެހި ފިރިހެނަކު ބަންދުކޮށްފައިވާ ކަމަށެވެ.

އެ މީހާ ހައްޔަރުކޮށްފައިވަނީ ކޯޓު އަމުރެއްގެ ދަށުން މާލެއިންނެވެ.

އަމީނީ މަގުން ފުރުގާން މިސްކިތް ކުރިމަތީގައި ހުންނަ ކޭއެފްސީގެ ބިއްލޫރިގަނޑެއް ރޭ ފަތިހު ވެސް ތަޅައިލި އެވެ. އެކަމަކު، އެ މައްސަލާގައި އަދި މީހަކު ހައްޔަރެއް ނުކުރާ ކަމަށް ފުލުހުން ބުންޏެވެ.

ފުލުހުން ބުނީ، ކޭއެފްސީގެ ބިއްލޫރިގަނޑުގައި ގާބުރިއަކުން ޖަހައި ތަޅާލި މައްސަލައިގެ ރިޕޯޓް ލިބުނީ ރޭ ފަތިހު 4:32 ހާއިރު ކަމަށެވެ.

މިދިޔަ ހަފުތާއެއްގެ ތެރޭގައި ދެ ފަހަރެއްގެ މަތިން ކޭއެފްސީގެ ބިއްލޫރިގަނޑު ތަޅާލައި ވަނީ ގެއްލުންތަކެއް ދީފަ އެވެ.

އިޒްރޭލުން ގާޒާ އަށް ދެމުންދާ ލާއިންސާނީ އަނިޔާތަކާ ދެކޮޅު ހަދައި، ވާގިވެރިވާ ވިޔާފާރިތަކާ ގުޅުން ހުރި ތަންތަން ބޮއިކޮޓް ކުރަން ގޮވުމުގެ ތެރެއިން، ކޭއެފްސީ ކުރިމަތީގައި އާއްމުން ދޭތެރެ ދޭތެރެއިން މުޒާހަރާކުރެ އެވެ.

މިދިޔަ އަހަރު ވަނީ ކޭއެފްސީ އާއި ޕިއްޒާ ހަޓް ރެސްޓޯރެންޓް އަދި ކޮކާކޯލާ ގުދަނަށް ބަޔަކު ވަދެ ކަޅުތެޔޮ ޖަހައިފަ އެވެ.

ފުލުހުން ކޭއެފްސީ ތަންތަނަށާއި ތަކެއްޗަށް ގެއްލުންދިނުން ރާއްޖެ-އިޒްރޭލް

22 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އާދަންބަޑޭ

20 July 2024

މިހާރު އުމުރުން 48އަހަރުވެފަ ބޭބެތިހުރީ ދެންވެސް އުމުރުގެ ބާކީއޮތްބައި ކުޑަގޮޅީގަ އޮތުމަށްވުރެ ފަސްވަގުތުނަމާދުކޮންގެން ފަލަސްތީނުގެ އަހުންނަށް ހެޔޮދުވާކޮށް އަނބިދަރިންނާއެކުވަގުތުހޭދަކުރުންމާ އައުލާކަންބޮޑު. ކަންދަހާރު މީހުންއުޅޭހެންނޫޅެބަލަ ތަންކޮޅެއް ތަހުޒީބުވެބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

20 July 2024

އިންޓަނެޓާއި ލެޕްޓޮޕް ބޭނުންކުރުން ހުއްޓާލީބާއެވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވެންގަބޯ

20 July 2024

މުސްލިމުންގެ ގޮތަކީ ހިތްހަމަ ނުޖެހުނަސް މީހުންގެ މުދަލާއި ތަކެއްޗަށް ގެއްލުން ދީގެންނުވާނެ. ޔަހޫދީން ހިތްސާ އޮންނަ ތަންތަނަށް ދިވެހިން ނުދާންވީ. ފަލަސްޠީނަށް ހެވެއްއެދެން ބޭނުން ނަމަ!!! ޔާ ﷲ ފަލަސްތީނުގެ ބިންތައް ގަދަބާރުން ހިފައިގެން ތިބި މީހުން ބަލިކުރައްވަންދޭ އަމީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އރދަ

21 July 2024

މި ޕޯސްޓް ކާކުބާ ތަމްބްސް ޑައުން ކުރީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާބް

21 July 2024

ޔަހޫދީ ހިއްސާނެތް ބޮޑު ބިޔަފާރިއެއް ދުނިޔޭގައި ނޯންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

20 July 2024

ދެން އިޒްރޭލުން އެބަޔެއްގެ މިފަދަ ކަންކަމަށް ގެއްލުން ދޭ މީހުންނަކީ ޓެރަރިސްޓުން ކަމުގަ ނިންމާ އެބަޔަކު އުޅޭތަނެއް ހޯދައި އިޒްރޭލާ ހަވާލުކުރަން ގައުމު ތަކަށް އަންގާނެ ގާނޫނެއްވެސް ހަދާނެއެވެ.! އަދި ދަނީ މުޅިދުނިޔެއަށް އެބަޔެއްގެ ބާރުގަދަކުރަމުންނެވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުދަލަށް ގެއްލުންދިނުން ދީނާ ޚިލާފު

20 July 2024

ޢާއްމުންގެ ބަޔަކު އެތާ މުޒާހަރާ ކުރެޔޭ ބުނާއިރު ކޮންމެ ހުކުރު ދުވަހަކު ހަމަ ބަރާބަރު 8 މީހުން އެތާނގައި އައިސިސް ސިފަ ހުރި ކަޅުދިދަ ހިފައިގެން ތިބެނީ. އެމީހުން ގިނަފަހަރަށް ދައްކަނީ ހަމަނުޖެހޭ ވާހަކަ. ކޭ.އެފް. ސީ އިން ތެލުލިކުކުޅު ނުކައި މެރީ ބްރައުން އަށް ދާށޭވެސް ބުނޭ. އެކަމަކު މެރީ ބްރައުން ބާރގަރ ކިންގް އަދި ޕިއްޒާ ވިއްކާ ހުރިހާތަނަކުން ކޮންމެ މީލް އެއްގަ އިންނާނީ ކޮކާކޯލާ ކުންފުނީގެ ބުއިމެއް. އެވަރުވެސް ރޭކާ ނުލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސެލަޑް

21 July 2024

ބޯ ގޮވާފައި ތިބޭ ބައެކޭ އެތާ މުޒާހަރާ ކުރަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންބެ

20 July 2024

ބުއްދި ހަމަ ނުޖެހޭ ދެބަންދިހާރުން އުޅޭ ޒާތަށް ނޫޅެބަލަ.. ބޮއިކޮޓްކޮށް ވިޔަފާރި ނުކުރީމަ ނިމުނީ. މީހުންގެ މުދަލަށް އަދި މުވައްޒިފުން އަދި ތަނަށް ވަންނަ އާއިލާތަކާ ކުޑަކުދިންނަށް ގެއްލުންވަަ ފަދަ އަމަލުތައް ކޮށްގެން ކޮން ފައިދާއެއް އޮތީ.. ކޮންމެ ކަމެއްގައިވެސް އަެގެ ނުރަނގަޅު ގޮތް އިހްތިޔާެރު ކުރެވެނީ.. ތި ގޮތަށް ދިމާކުރަންޏާ ދިވެހިންގެ 90 ޕަސެންޓް ދިރިއުޅުމުގަ ބޭނުން ކުރާ ސާމާނާ މުދަލާ ކެއިން ބުއިމަކީ ތިޔަ ބުނާ އިޒްރޭލާ ގުޅުން ހުރިހާ ގޮތަކުންވެސް ބަހައްަޓާ ގައުމުތަކުގެ ޕްރޮޑަކްޓް.. ދެން ނެތެންނު ސަލާމަތެއް ތި މަގުން ކަން ކުރަންވެއްޖެއްޔާ ކޮންމެ ފަހަރަކު..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިޑޭ

21 July 2024

އެއް ގޮތަކަށްވެސް ތިހެނެއް ނޫން. ދުރު ވިސްނާ މީހުން ބޭނުންވަނީ އިޒްރޭލަށް ވާގިދޭ ވިޔަފާރިތައް ބަނގުރޫޓު ކުރަން. ގައުމުން ބޭރުކުރަން. އިޒްރޭލުގެ އިގްތިސާދު ފުނޑުވީމަ، ހަތިޔާރު ގަންނަން ދަތިވާނެ ކަމަށް އަހަރުމެންގެ 'މޮޔަ ސިކުނޑި'ތަކަށް ވިސްނެނީ. ދެން ހަމަ އިޒްރޭލު ވިޔަފާރިތަކުގެ ޕްރެޝަރ އިޒްރޭލު ސަރުކާރަށް ބޮޑުވަންޏާވެސް ހަނގުރާމަ ދިގު ދަންމަން އުނދަގޫވާނެ