އިސްލާމިކް މިނިސްޓްރީގެ "މީޑިއާ މައުރަޒު" ފަށައިފި

އިސްލާމިކް މިނިސްޓްރީން މީޑިއާއަށް މައުލޫމާތު ދިނުމަށް މިއަދު ފެށި މައުރަޒު ނައިބް ރައީސް ހުސެއިން މުހައްމަދު ލަތީފް އިފްތިތާހުކޮށްދެއްވުން.-- ފޮޓޯ: އިސްލާމިކް މިނިސްޓްރީ

މާއިދާ މުހައްމަދު ރަޝާދު، މިހާރު

21 ޖުލައި 2024 - 19:49

11 comments

އިސްލާމިކް މިނިސްޓްރީން މިހާތަނަށް ކޮށްފައިވާ މަސައްކަތްތައް އެއް ތަނަކުން ފެންނަ "މީޑިއާ މައުރަޒު" މިއަދު ފަށައިފި އެވެ.

އިސްލާމީ މަރުކަޒުގައި ކުރިއަށް ގެންދާ އެ މައުރަޒު އިފުތިތާހު ކޮށްދެއްވީ ނައިބު ރައީސް ހުސައިން މުހައްމަދު ލަތީފެވެ.

އެ މައުރަޒަކީ ރައީސް ޑރ. މުހައްމަދު މުއިއްޒުގެ ރިޔާސީ މެނިފެސްޓޯގައިވާ ކަންތައްތަކުގެ ތެރެއިން އިސްލާމީ ދާއިރާއިން މިދިޔަ 8 މަސް ދުވަހުގެ ތެރޭގައި ހާސިލުވި ކަންކަން މީޑިއާއާ ހިއްސާކުރުމަށް ބާއްވާ މައުރަޒެކެވެ.

އިސްލާމިކް މިނިސްޓްރީގެ މީޑިއާ މައުރަޒު ފެށުމުގެ ރަސްމިއްޔާތުގައި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު، ނައިބް ރައީސް ހުސެއިން މުހައްމަދު ލަތީފަށް އެ މިނިސްޓްރީގެ އެކްޝަން ޕްލޭން އެކުލެވޭ ފޮތެއް ދެއްވަނީ-- ފޮޓޯ: މިނިސްޓްރީ

އިސްލާމިކް މިނިސްޓްރީން ބުނީ، އެ މަރުރަޒުގައި އެ މިނިސްޓްރީގެ އެކި ސެކްޝަންތަކާއި އިދާރާތަކުގެ ސްޓޯލްތައް ހުންނާނެ ކަމަށެވެ. އަދި އެތަންތަނުން އެ ދާއިރާއަކުން ކުރިއަށް ގެންދާ މައުލޫމާތުތައް ހިއްސާކުރާނެ ކަމަށް މިނިސްޓްރީން ބުންޏެވެ.

އިސްލާމިކް މިނިސްޓްރީން ފާއިތުވި 8 މަހުގެ ތެރޭގައި ރިޔާސީ މެނިފެސްޓޯ ހާސިލުކުރި މިންވަރު މީޑިއާއަށް ހިއްސާކުރުމަށް ބާއްވާ މައުރަޒުގައި ނައިބް ރައީސް ހުސެއިން މުހައްމަދު ލަތީފް ބައިވެރިވެވަޑައިގަންނަވަނީ-- ފޮޓޯ: މިނިސްޓްރީ

މަރުރަޒުގައި ހިމެނޭ ދާއިރާތައް:

- ދިވެހިރާއްޖޭގެ ޒަކާތު ހައުސް.

- އިސްލާމީ ފަތުވާދޭ އެންމެ މަތީ މަޖިލިސް.

- މޮސްކް މެނޭޖްމަންޓް ސެކްޝަން.

- ޕަބްލިކޭޝަން ޔުނިޓު އަދި ހަލާލް ސެޓްފިކޭޝަން ޔުނިޓް.

- ހައްޖާއި އުމްރާއާ ބެހޭ ޔުނިޓް.

- އިސްލާމިކް ދައުވާ.

- ކީރިތި ގުރުއާނާ ބެހޭ މަރުކަޒު.

- މިނިސްޓަރު ބިއުރޯ.

- އައުގާފް އެންޑް އިންފްރާސްޓްރަކްޗާ.

މިނިސްޓްރީގެ މައުރަޒުގައި މި ދާއިރާތަކުން މިދިޔަ 8 މަސް ދުވަހުގެ ތެރޭގައި ހާސިލުވި ކަންކަން މީޑިއާތަކާ ހިއްސާކުރާނެ އެވެ.

އިސްލާމިކް މިނިސްޓްރީގެ މީޑިއާ މައުރަޒު އިފްތިތާހުކޮށްދެއްވުމުން، އެ މިނިސްޓްރީގެ މަސައްކަތްތައް ކުރިއަށްދާ ގޮތް އިސްލާމިކް މިނިސްޓަރު ޑރ. މުހައްމަދު ސައީދު، ނައިބް ރައީސް ހުސެއިން މުހައްމަދު ލަތީފަށް ހިއްސާކުރައްވަނީ-- ފޮޓޯ: މިނިސްޓްރީ

މި މައުރަޒު ކުރިއަށް ގެންދާނީ މިރޭގެ އިތުރުން މާދަމާ ހެނދުނު 9:00 އިން ހަވީރު 6:00 އާ ހަމައަށެވެ.

އިސްލާމިކް މިނިސްޓްރީ ޑރ. މުހައްމަދު ޝަހީމް އަލީ ސައީދު (މިނިސްޓަރު) ނައިބު ރައީސް ހުސައިން މުހައްމަދު ލަތީފް ދީން

11 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިންދިރާގާންދީ

22 July 2024

ޑރ.ޝަހީމަކީ ހިންގުންތެރި ބޭފުޅެއް ނަމަވެސް، ދެއްކުންތެރިކަން ތަންކޮޅެއް ބޮޑުކަން ފާހަގަކުރެވޭ. މިނިސްޓްރީގެ މަސައްކަތްތައް ދައްކާލުމުގެ ނަމުގައި މިއޮތް ދަތި ދުވަސްވަރު ބޭކާރު ޚަރަދުކޮށްގެން ކީއްކުރަން ބާއްވާ މައުރަޒެއް ބާވައޭ މަގޭ ހިތަށް އަރާ. މިދާވަރުން ދަންޏާ އަދި މިނިސްޓްރީގެ މަސައްކަތުމީހުން ސާފުކުރާގޮތް ދައްކާލުންވެސް ބާއްވާނެ ކަންނޭންގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތޫރި

22 July 2024

ޝަހީމްގެ ޕީއާރު މެނޭޖަރު ހޯދަންވެއްޖެއެވެ. އަހަރެންގެ އުއްމީދެއް ނުކުރަން 2028 އަކަށް. އެކަމަކު އެ ތަރީހު ފެންނަ ބަޔަކުވެސް އުޅޭނެތާ މީހާރުން ފެށިގެން މަސައްކަތް ފަށައިގެންތާ އަލިމަގެއް ފެންނާނީ. ދެން ބާކީބައި ކިޔުންތެރިންނަށް ދޫކޮށްލުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހާރަދުން

22 July 2024

ތި މައުރަޒު ބަލަން ޕުޓިން އާ މޯދީ ނޫން ހުރިހާ ރައީސުންވެސް ވަޑައިގަންނަވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިރުގަރުދިޔަ

22 July 2024

ވެރިކަމުގަ މިވީ ދުވަސްކޮޅު ޙުތުބާތައް ލިޔެވުނު އަދަދު އިމާމުކަން ކުރި މީހުންގެ އަދަދު. މިކަންތައްތަކާ ބެހޭގޮތުންވެސް މައުރަޒެއް ބާއްވާލަބަލަ، ހަމަ އެވެސް ޙަރަދު ކުޑަކުރުމގެ ފިޔަވަޅުތައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުވަދޫ އަހައްމަދޭ

22 July 2024

ކުރިން ދުވަހުވެސް ބުނިން މި ބޭފުޅާއަށް ހަމަ ނިންޖެއް ނުލިބޭނެއޭ މީޑިއާގެ ފަލަ ސުރުޙީއަށް ހަފުތާއަކު އެއްމެ މަދުވެގެން ތިން ފަހަރު ނޭރެންޏާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިނިސްޓަރު އޮފް ދެއްކޭ

22 July 2024

ކީކޭތަ އަޅެފަހެ މީހަކު ބުނާނީ؟ އަދި އެއްމެ 8 މަހޭ، ކުރެވުނު ކަންތައްތަކުގެ މައުރަޒު ބާއްވާ ފޮތް ލިޔެ އަންބާ ކިޔަން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަރުދިޔަބޭ

21 July 2024

ހަރަދު ކުޑަދިރިއުޅުމަކަށް ރައްޔިތުން ތިރިވާށޭކިޔާފަ މިބޭފުޅުން ސަރުކާރު ޕުފޮމޯޓް ކުރެވޭތޯ މިއުޅެނި. ޕްރެސް ކޮންފަރެންސެއް ބާއްވައި، ޕްރެޒެންޓޭޝަނަކުން ފުދެން އޮތްކަމެއް މޮޅެތި ކެންވާސްތައް ހަދައި މީޑިއަރ މައުރަޒޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަރުދިޔާއްތަ

22 July 2024

ޕްރެޒެންޓޭޝަނެއްވެސް ބާއްވާކަށް ނުޖެހޭ، އަދީ އަށްމަސް ވިއްޔަ މިވީ ގައިމު ކަރާ ފަޅަން އެވެނި ކަމެއް ކޮށްފީމޭ މިވެނި ކަމެއް ކޮށްފީމޭ ކިޔާފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތޮލާލް

21 July 2024

މިނިސްޓަރު ވިދާޅުވެދެއްވަފާނަންތޯ ސަލްމާން މިސްކިތުގެ ދެކުނުފަރާތުގަ ސައިކަލްތައް ޕާކްނުކުރެވޭ ގޮތައް ބަންދުކުރީ ކީއްވެގެންތޯ. އަޅުގަޑު ސަލްމާން މިސްކިތައް ނަމާދުކުރަން ގަވައިދުން ދަނީ ، ފަސޭހަ ކަމާ އެއްކޮއް ސައިކަލް ޕާކް ކޮއްލެވޭތީވެ. މިހާރު އެކަމައްވެސް ހުރަސް އެޅިއްޖެ.