ޚަބަރު / ބިދޭސީން

ބިދޭސީންގެ ވޯކް ޕާމިޓާއި ކޯޓާ ފީ ނުދައްކާ ބޮޑެތި ކުންފުނިތައް ހިމެނޭހެން ލިސްޓް އާއްމުކޮށްފި

ޖޫރިމަނާގެ އަދަދު ލައްކައަކަށް ވުރެ މަތިވުމުން ނަންތައް އާއްމުކުރިއިރު، ބައެއް ކުންފުނިތަކުން ދައުލަތަށް ދައްކަން ޖެހޭ ފައިސާގެ އަދަދު 26 މިލިއަނަށް އަރާ.

ރާއްޖޭގައި މަސައްކަތް ކުރާ ބިދޭސީންތަކެއް.

މޫސާ ރަޝީދު، މިހާރު

24 ޖުލައި 2024 - 23:35

70 comments

ބިދޭސީންނާ ގުޅޭ ގޮތުން ދައުލަތަށް ދައްކަން ޖެހޭ ވޯކް ޕާމިޓާއި ކޯޓާ ފީ ނުދައްކައި ޖޫރިމަނާގެ އަދަދު 100،000ރ. އަށް ވުރެ އިތުރުވެފައިވާ 1،000 އަށް ވުރެ ގިނަ ކުންފުނީގެ ނަން ހޯމް މިނިސްޓްރީން މިރޭ ހާމަ ކޮށްފި އެވެ.

މިއީ، ބިދޭސީންނާ ގުޅޭ ފީތަކާއި ޖޫރިމަނާތައް ނުދައްކައިގެން ސަރުކާރުން ކުންފުނިތަކުގެ ނަން ހާމަ ކުރި ފުރަތަމަ ފަހަރެވެ.

ހޯމް މިނިސްޓްރީގެ އިއުލާނެއްގައި ބުނީ ބޮޑެތި ކުންފުނިތައް ހިމެނޭހެން 1،026 ކުންފުންޏަކުން ފީތައް ނުދައްކާ އެބަހުރި ކަމަށެވެ. އޭގެ ތެރޭގައި ފުޅާދާއިރާއެއްގައި ވިޔަފާރިކުރާ ވަރަށް މަޝްހޫރު، ބޮޑެތި ކުންފުނިތައް ވެސް ހިމެނެ އެވެ.

ބިދޭސީ މަސައްކަތްތެރިންނަށް ދޫކޮަށްފައިވާ ހުއްދަތަކާ ގުޅިގެން، ވަޒީފާދޭ ފަރާތުން ދައުލަތަށް ދައްކަންޖެހި ނުދައްކާ ހުރި ފީތަކާއި ޖޫރިމަނާތަކުގެ ޢަދަދު -/100،000 (އެއް ލައްކަ) ރުފިޔާ އަށްވުރެ އިތުރުވާ ފަރާތްތަކުގެ ތަފްޞީލް pic.twitter.com/Jkj3OMlzA2
— Ministry of Homeland Security & Technology, MV (@HomeMinistrymv) July 24, 2024

އޭގެ ތެރެއިން 123 ކުންފުންޏަކުން ދައުލަތަށް ދައްކަން ޖެހޭ އަދަދު މިލިއަނަކަށް ވުރެ ގިނަ އެވެ. އަދި ބައެއް ކުންފުނިތަކުން ދައްކަން ޖެހޭ ފައިސާގެ އަދަދު 26 މިލިއަނަށް ވުރެ މައްޗަށް އަރާފައިވާ ކަމަށް ވެސް ހޯމް މިނިސްޓްރީން އާންމު ކުރި ލިސްޓުން އެނގެ އެވެ.

ބިދޭސީންގެ މައްސަލަތައް ހައްލުކުރަން ގިނަ ފިޔަވަޅުތަކެއް އަޅަން މި ސަރުކާރުން ވަނީ ނިންމައިފަ އެވެ. އޭގެ ތެރޭގައި ގަވާއިދާ ޚިލާފަށް ރާއްޖޭގައި މަސައްކަތް ކުރުން ހުއްޓުވައި ވިޔަފާރި ހިންގާ ބިދޭސީން ޑިޕޯޓްކުރުން ހިމެނެ އެވެ.

ބިދޭސީންނަށް މުސާރަ ނުދޭ ނަމަ ބައި ލައްކަ ރުފިޔާ އިން ޖޫރިމަނާ ކުރާ ގޮތަށް ގާނޫނަށް އިސްލާހެއް ވެސް ވަނީ ހުށަހަޅައިފަ އެވެ.

މި ސަރުކާރު ވެރިކަމަށް އައި ފަހުން، ރާއްޖޭގައި މަސައްކަތްކުރާ ބިދޭސީންގެ މައްސަލަ ހައްލު ކުރުމަށް ހާއްސަ ފިޔަވަޅުތަކެއް އަޅަން ވަނީ ފަށައިފަ އެވެ. އޭގެ ތެރޭގައި ގަވާއިދާ ހިލާފަށް ވިޔަފާރިކުރާ ބިދޭސީން އަތުލައިގަންނަން ރެއިޑް އޮޕަރޭޝަން ހިންގުމާއި އެ ގޮތަށް އަތުލައިގަންނަ މީހުން ޑީޕޯޓްކުރުން ހިމެނެ އެވެ. މި ސަރުކާރު އައި ފަހުން މިހާތަނަށް އެކަނިވެސް 2،000 އަށް ވުރެ ގިނަ ބިދޭސީން ވަނީ ޑީޕޯޓް ކޮށްލައިފަ އެވެ.

އިމިގްރޭޝަނުން މިހާރު ވަނީ ގަވާއިދާ ހިލާފަށް އުޅޭ ބިދޭސީންގެ މައުލޫމާތު ކޮންމެ ވަގުތަކު ކޮންމެ މީހަކަށް ވެސް އެ އިދާރާ އަށް ހުށަހެޅޭނެ ހާއްސަ ޕޯޓަލެއް ވެސް ގާއިމްކޮށްފަ އެވެ.

ހޯމްލޭންޑް ސެކިއުރިޓީ މިނިސްޓްރީ ބިދޭސީން ވޯކް ވިސާ ވޯކް ވިސާ ފީ

70 ކޮމެންޓް, 35 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑޮކްޓާރ. ބަނާނާ

25 July 2024

މޫނަށް ކަނދުރާ ޔަކަށް ނުބަލާ ކަންކަން ތަންފީޒް ކުރާ މިފަދަ ވެރިން މިލޮބުވެތި ގައުމުން ފެންނަނީ ވަރަށް މަދުން. މިފަދަ ލީޑަރޝިޕެއް ހުރި ތައުލީމީ ހިނގުންތެރި ބޭފުޅުން ނަށް އެދި މިއަދު މިގައުމު ރޮއެ އާދޭސް ކުރަނީ. ތަނެއް ދޮރެއް ނޭގޭ ސިޔާސީ ކަނޑުކޮހުން ޒިއްމާ ދާރު މަގާމު ތަކުން ވަކިކޮށް ( އިހުސާނު އަދި އަމީން ) ފަދަ ބޭފުޅުން އެމަގާމުތަކަށް އިސްކޮށްގެން މެނުވީ ގައުމުގައި ހުރި ބޮޑެތި މައްސަލަ ހައްލުނުވާނެ. ވ ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިއްބަތު އަޒީޒް

25 July 2024

މި އިއުލާނުގަ ސަރުކާރުގެ ހިމެނޭ މީހުންގެ ކުންފުނިތައްވެސް އެބަވޭ. މިހެން ވާންޖެހޭނެ. ހަމަހަމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިމަން ތައުފީގް

25 July 2024

ބިދޭސީންނާ ގުޅޭ މައްސަލަތައް ހައްލުކުރުމަށް އެޅުނު ފިޔަވަޅުތަކުން ސަރުކާރުގެ ފުރިހަމަ ފިޔަވަޅެއް. މިހާރުވެސް އެކަން ނުކޮށްގެން ބޭރު މީހުން ހާދަ ހާލުގަ އުޅެޔޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު ސައްތާރު

25 July 2024

ހީޥޭ ކަމެއްހެން. މި ސަރުކާރު ތޯތޯ ނުވާނެ. މޫނަކަށް ކަދުރާއަކަށް ނުބަލާ ގާނޫން ހިންގާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝައްމާން މުހައްމަދު

25 July 2024

2،000 އަށްވުރެ ގިނަ ބިދޭސީން އަނބުރާ ފޮނުވާލުމުން ސަރުކާރުގެ ޤައުމީ ސަލާމަތަށް ދޭ އަހައްމިއްޔަތުކަން ހާމަވެގެންދޭ ވަރަށް ބޮޑަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާއުދަރެސް

25 July 2024

އެބަ ރަނގަޅުވޭ. ތެޅިފޮޅި ނުގަނެ އެހެނަސް ސީރިއަސް ރޭވުންތެރި މަސއްކަތަކުން ގުޑް ގަވަނޭންސަކަށް މިގައުމު ގެނެސްދެއްވާ. ހުރިހާ ކަމެއް ސެޓްލްވެފައި މިހިރީ ވަރަށް ދޯދިޔާކޮށް އެތައް ޒަމާންތަކަކުން. ރެއަކާ ދުވާލަކުން ކުރެވޭނެ އިސްލާހެއް ނޫން. އެކަމަކު ދޭތެރެއަކުން ޖައްސާ ސިޔާސީ މާލޫދަކަށް ނުހައްދަވާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަކީނާއި

25 July 2024

ކޮންމެ ދެމެ ދެމަފިރިއަކަށް ކުންފުޔެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެމަފިރިން

25 July 2024

އަސްތާ ތިބުނި އެއްޗެއް ނެތިއްޔާ ދެމަފިރިންނެކޭ ނުކިޔޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިކުނޑި

25 July 2024

ލިސްޓުގެ އެންމެ ކުރީގައި ހިމެނޭ 5 ކުންފުނީގެ ތެރެއިން ހަތަރު ކުންފުންޏަކީ އެއްބައެއްގެ ކުންފުނިތައް! ކުންފުނި ރަޖިސްޓަރ ކޮށްފައި ހުރީ ވޭތިވެދިޔަ 5 އަހަރުގެ ތެރޭގައި! އެހެންވީމާ މިދިޔަ ސަރުކާރޭ ނުކިޔަން ތިއްބަސް ކިޔޭނެ! ތަފުސީލުކޮށް ބަލާލައިފިނަމަ މިއީ ގަސްތުގައި ބަޔަކު ހިންގާފައިވާ ޖަރީމާއެއްކަން އެނގޭނެ! މި މައްސަލަ ބަލަން ކަމާބެހޭ ފަރާތްތަކަށް ފޮނުވަންޖެހޭނެ!