މަޖިލިސް މެންބަރުން--ފޮޓޯ: މަޖިލިސް
28 ޖުލައި 2024 - 19:34
ރައްޔިތުންގެ މަޖިލީހުގެ މެންބަރުގެ އަދަދު ހިފަހައްޓަން ޖެހޭ ކަމަށް ސަރުކާރު ހިންގާ ޕީއެންސީ އާއި އިދިކޮޅު އެމްޑީޕީގެ ވެސް ރައްޔިތުންގެ މަޖިލީހުގެ މިނިވަން މުއައްސަސާތަކާބެހޭ ކޮމެޓީގައި މިއަދު ބުނެފި އެވެ.
މަޖިލީހުގައި މިހާރު 93 މެމްބަރުން ތިއްބަވާއިރު، ރާއްޖޭގެ އާބާދީއަށް އަންނަ ބަދަލާ އެކު ކޮންމެ ފަސް އަހަރަކުން އެއް ފަހަރު މެމްބަރުންގެ އަދަދު އިތުރުވެ އެވެ.
މަޖިލިސް މެންބަރުންގެ އަދަދު ހިފެހެއްޓުމާ ގުޅޭ ގޮތުން ދެ ޕާޓީގެ ވިސްނުން ހާމަކުރީ އެ މައްސަލާގައި މަޖިލީހަށް ހުށަހަޅާފައިވާ ގަރާރާ ގުޅޭ ގޮތުން މިނިވަން މުއައްސަސާތަކާ ބެހޭ ކޮމިޓީގައި މިއަދު ބޭއްވި ބައްދަލުވުމުގަ އެވެ.
އެމްޑީޕީގެ ލީޑާޝިޕްގެ ފަރާތުން ވާހަކަ ދައްކަވަމުން ޕާޓީގެ ތަރުޖަމާނު އަނަސް އަބްދުއްސައްތާރު ވިދާޅުވީ މަޖިލިސް މެންބަރުންގެ އަދަދު ހިފެހެއްޓުމަކީ މުހިންމު ބަދަލެއް ކަމަށާއި ނަމަވެސް އެކަން ކުރަންވާނީ ހުރިހާ ސިޔާސީ ޕާޓީތަކާއި މަދަނީ ޖަމިއްޔާތަކާއި ރައްޔިތުންގެ ހިޔާލު ހޯދުމަށްފަހު ކަމަށެވެ.
މިނިވަން މުއައްސަސާތަކުގެ ކޮމެޓީގައި އެމްޑީޕީގެ ތަރުޖަމާން އަނަސް އަބްދުއްސައްތާރު މިއަދު ވާހަކަ ދައްކަވަނީ --- ފޮޓޯ/މަޖިލިސް
މިހާރު ކޮންމެ 5،000 މީހަކަށް މެންބަރަކު ހުންނަން ޖެހޭތީ އޭގެ ސަބަބުން ފައިދާތަކާއި ގެއްލުން ވެސް ހުރި ކަމަށް އަނަސް ވިދާޅުވި އެވެ. އެހެންވެ، މެމްބަރުންގެ އަދަދަށް ބަދަލު ގެންނައިރު، މިހާތަނަށް ކުރެވުނު ތަޖުރިބާގެ އަލީގައި، މެންބަރުންގެ އަދަދު މަދު ކުރުމުން ހުރި ފައިދާ އާއި ގެއްލުންތަކަކީ ކޮބައިތޯ ވެސް ބަލަން ޖެހޭ ކަމަށް އަނަސް ވިދާޅުވި އެވެ.
އޭގެ އިތުރުން ދައުލަތުގެ ހަރަދު ކުޑަ ކުރުމުގެ ނިޔަތުގައި ދައުލަތުގެ އެއްބާރުގެ މެންބަރުންގެ އަދަދު މަދު ކުރާއިރު، ސިޔާސީ މަގާމްތަކަށް އެއްވެސް ކޮންޓްރޯލެއް ނެތި މީހުން އައްޔަން ކުރެވޭ ނަމަ، އޭގެ ނަތީޖާއެއް ނުނިކުންނާނެ ކަމަށް ވެސް އަނަސް ވިދާޅުވި އެވެ.
"މާލީ ބުރަ އަށް ބަލައިގެން މިކަން ކުރާނަމަ އެހެން ބާރުތަކުގެ ހަރަދުތައް ވެސް ކުޑަ ކުރުމުގެ ވިސްނުން ވެސް ގެންގުޅެން ޖެހޭ." އޭނާ ވިދާޅުވި އެވެ.
އެކަމާ ގުޅޭ ގޮތުން އެމްޑީޕީގެ ލީގަލް ޑިރެކްޓަރު މަހްފޫޒް ސައީދު ވިދާޅުވި ގޮތުގައި މަޖިލިސް މެންބަރުންގެ އަދަދާ ގުޅޭ ގޮތުން މިހާރު ބައެއް ގައުމުތަކުން އަމަލު ކުރާ ގޮތަކީ ވަކި އަދަދެއް ކަނޑައަޅައި ކެޕް ކުރުމެވެ.
އެމެރިކާގެ ކޮންގްރެސްގައި 435 މެމްބަރުން އަދި އިނގްިރޭސިވިލާތުގައި 650 މެންބަރުންނަށް ކެޕް ކޮށްފައިވާ ކަމަށާއި އަދި އިންޑިއާގައި ވަކި އަދަދެއް ނެތް ނަމަވެސް އެންމެ ގިނަވެގެން ތިބެވޭނީ 552 މެންބަރުން ކަމަށް އެ ގައުމުގެ ގާނޫނު އަސާސީގައި ކަނޑައެޅިފައިވާ ކަމަށް މަހްފޫޒް ވިދާޅުވި އެވެ.
ރާއްޖެއިން ވެސް އެގޮތަށް އަމަލު ކުރަން ބޭނުން ނަމަ ރައްޔިތުން ތަމްސީލު ކުރުން ނުގެއްލޭނެ ގޮތަކަށް އަމަލު ކުރަން ޖެހޭނެ ކަމަށް އޭނާ ވިދާޅުވި އެވެ.
"ގާނޫނުއަސާސީގައި ވަކި އަދަދެއް އަޅުގަނޑުމެން ކަނޑައެޅި ނަމަވެސް އެ އަދަދަށް މީހުން އިންތިހާބު ކުރާނީ ކިހިނެތްތޯ އެއީ ދިރާސާ ކޮށްގެން ބަލާލަން ޖެހޭ ވަރަށް މުހިންމު ކަމެއް." އޭނާ ވިދާޅުވި އެވެ.
ޕީއެންސީގެ ފަރާތުން އެ ބައްދަލުވުމުގައި ބައިވެރިވެވަޑައިގެންނެވީ މަޖިލީހަށް އެ ގަރާރު ހުށަހެޅުއްވި އެ ޕާޓީގެ ނައިބު ރައީސް އަދި ބާރަށު ދާއިރާގެ މެންބަރެވެ.
އޭނާ ވިދާޅުވީ ދެ ޕާޓީ ދެމެދު އޮތް ސިޔާސީ ހިޔާލު ތަފާތުވުމަށް ވުރެ ގައުމީ މަސްލަހަތު އިސްކޮށްގެން މި މަސައްކަތް ކުރަން އެ ޕާޓީން ބޭނުންވާ ކަމަށެވެ.
އެކަން ކުރާނީ ހުރިހާ ރައްޔިތުންގެ ބައިވެރިވުން އޮންނަ ގޮތަށް ކަމަށާއި މި ނިޒާމަށް މިހާރަށް ވުރެ ބޮޑަށް ރައްޔިތުންގެ އިތުބާރު އުފެދިގެން ދާނެ ގޮތަކަށް އެ ބަދަލު ގެންނަންޖެހޭ ކަމަށް ޝުޖާއު ވިދާޅުވި އެވެ.
ޝުޖާއު ވަނީ މިހާރު 5،000 މީހުންނަށް މަޖިލީހުގެ ދާއިރާތައް ބަހާއިރު ދިމާވާ ބައެއް މައްސަލަތައް ފާހަގަ ކުރައްވައިފަ އެވެ. ދަފްތަރުގެ މީހުން އެކި ފަހަރު އެކި ދާއިރާތަކަށް ވޯޓުލުމާއި އެކި އިންތިހާބުތަކުގައި އެކި މީހުން ވޯޓުލާން ޖެހޭ ދާއިރާތައް އަވަސް އަވަހަށް ބަދަލުވާ މައްސަލަ އޭނާ ފާހަގަ ކުރެއްވި އެވެ.
ގާނޫނުއަސާސީ އެކުލަވާލިއިރު ރައްޔިތުންގެ މަޝްވަރާ ހޯދޭނެ މިންވަރަށް ބަލައިގެން 5،000 މީހުންނަށް މެމްބަރަކު ކަނޑައެޅި ނަމަވެސް މިހާރު ޓެކްނޮލޮޖީގެ ވަސީލަތްތައް ހުރި ގޮތުން އެ އަދަދު 10،000 އަށް ނުވަތަ އެއަށް ވުރެ ގިނަ ވެސް ކުރެވިދާނެ ކަމަށް ޝުޖާއު ވިދާޅުވި އެވެ.
މި ގަރާރުގެ މަސައްކަތް ކުރިޔަށް ދާއިރު، ޕީއެންސީ އަދި އެމްޑީޕީން ވެސް އެ ޕާޓީތަކުގެ އާންމު މެންބަރުންނާ މަޝްވަރާ ކުރުމަށް އެ ޕާޓީތަކުން އެދޭ ގޮތް ލިޔުމުން ހުށަހަޅުއްވަން އެދިވަޑައިގަންނަވާ ކަމަށް އެ ކޮމިޓީގެ މުގައްރިރު މާފުށީ ދާއިރާގެ މެންބަރު ހުސެއިން ރިޒާ އަހުމަދު ވިދާޅުވި އެވެ. އެ ގަރާރާ މެދު އާންމުންގެ ހިޔާލު ހޯދުމަށް ވެސް މަޖިލީހުން މިހާރު އޮތީ ހުޅުވާލައިފަ އެވެ. ދައުލަތުގެ ހަރަދުތައް ކުޑަ ކުރުމަށްޓަކައި މަޖިލިސް މެމްބަރުންގެ އަދަދު ކޮންޓްރޯލް ކުރުމާއި ލޯކަލް ކައުންސިލްތަކުގެ މެމްބަރުންގެ އަދަދު މަދު ކުރުމަށް ގާނޫނު އަސާސީއަށް އިސްލާހު ގެނައުމާއި މަޖިލިސް އިންތިހާބާއި ރިޔާސީ އިންތިހާބު އެއްކޮށް ބޭއްވުމަށް ގާނޫނު އަސާސީއަށް އިސްލާހު ހުށަހަޅުއްވާނެ ކަމަށް ރައީސް ޑރ. މުހައްމަދު މުއިއްޒު ކުރިން ވަނީ އިއުލާން ކުރައްވައިފަ އެވެ. އޭގެ ސަބަބުން އެތައް ސަތޭކަ މިލިއަން ރުފިޔާއެއް ދައުލަތަށް ސަލާމަތް ކުރެވޭނެ ކަމަށް އެމަނިކުފާނު ވަނީ ވިދާޅުވެފަ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ޔަގީންޓާރ
29 July 2024
މަކިލީހުގެ ޖުމުލަ މެންބަރުންގެ އަދަދު 75 އަކަށް ކަނޑައަޅާފައި، އޭގެ ތެރެއިން ކޮންމެ އަތޮޅަކަށް 1 މެނަބަރުން ކަމަށް ހަދާނީ ދެން ދެން ބާކީ ބައި އާބާދީގެ ނިސްބަތުން ބަހާލާނީ! އެއީ ވަރަށް ރަނގާލުގޮތެއްކަމަށް ފެނޭ!
ަާއާދަންފުޅު
29 July 2024
7 މެންބަރުން އޯކޭ ، ގާނޫނުތަށް 7 ފަޑިޔާރުން ނަށް މާނަވެސް ކުރެވޭނު.
ކިއްލި
29 July 2024
މެންބަރުން ގިނަވެގެން ކުރިކަމެއް ފެއްނާކަށް ނެތް،5 އަހަރުގެ ދައުރެއް ނިމޭއިރު ކޮންމެ މެމްބަރެއްގެ 10 ފްލެޓް 15 ފްލެޓް ނެތި އެއް ނުދޭ،އުމުރަށް އެލަވަންސް ލިބޭ،ރައްޔިތުން ތިބީ މިހާރު ނަފްސާނީ ވެފަ،މެމްބަރުން ގިނަވެގެން އަމިއްލަ ޖީބަށް ނޫނީ ނެތް ޤާނޫނޫ އެއް ހަދާފަ،ފޭރުމާއި ވައްކަމާއި ދުނިޔޭގައި ލެއްވި ހުރިހާ ނުބައިކަމެއް ކުރަމުން ޕާރޓޭންތަށް ދުވާއިރު ތި ޤާނޫނުން އާއްމު ރައްޔިތުމީހާ އަށްވި ފައިދާ އަކީ ކޮބާތޯ؟؟؟ބޭނުމެއްނޫން ތި ކަޅުފޮށި މެންބަރުންނެތް
ހުސްނުބާނޫ
29 July 2024
ތިއެމްޑީޕީގެ ވެރިކަމުގައި ތިމީހުނަށް ކުރެވެން އޮތްކަމެކޭ ތިއީ. ސުޕާ މެޖޯރިޓީ ނަގައިގެން މަޖުލިސް ތެރޭ ޗަރުކޭސް ވިއްޔާ ކުޅުނީ. ގައިމު ތިމީހުނަށް ގައުމު ހަމައަކަށް އަޅުވަން ފުރުސަތު ލިބުނު. އާރާއި ބާރު އޮތްއިރުގަ ޑުރާމާ ކުޅެކުޅެފަ މިހާރު ކީކޭތަ ތިމީހުން ތިކިޔަނީ. މިއަދު ތިޔައީ ހުކުރު ހަމަނުވާ އަދިކިޔެއްތަ ފުޓުބޯޅަ ޓީމެއްގެ މެމްބަރުންގެ އަދަދުވެސް ހަމަނުވާ ކުޑަކުޑަ ޖަމާއަތެއް. ކޮންމެހެން ތެދުވެރިކަން ދައްކަން އުޅޭނެ ކަމެއްނެތް. ވަރަށް ސަލާން.
ދައިގަންނަގުރާ
29 July 2024
ތިޔަވާހަކަ ތި މަޖިލިހެއް ހުޅުވުނީއްސުރެ ދައްކަދައްކާ ތި ތިބެނީ ދެންއަޅެފަހެ ތި މަޖިލީހުގައުޅެނީ ފިޔަބިނދިފަތިބި ގުރާތަކެއްތަ؟ ކުރަންޖެހޭކަމެއް ކޮށްބަލަ. ސާރވޭކުރަންޏާ އެ ކޮށްބަލަ!
އޮނަރަބްލް އަފީފު ދީދީ
29 July 2024
އިންތިޙާބީ ޙަރަދުތަކަށް ބޮޑުހޭދައެއް ކުރާންޖެހޭތީއާއި، މަޖިލިސް މެންބަރުންގެ އަހަރީޙަރަދުތައް ކުރިއަށްއޮތް 50 އަހަރު އެއްވަރެއްގައިހިފެހެއްޓުމަށްޓަކާ މަޖިލިސް ގޮނޑީގެއަދަދު 90 ކަމުގައިހަދާން ތާއީދު. # އަދި ދައުލަތުގެ ޙަރަދުކުޑަކުރުމުގެ އިސްލާޙީ އެޖަންޑާގެދަށުން މަޖިލީހުގައި މެންބަރުކަންކުރާ ފަރާތްތަކަށް ދެމުންގެންދާ އިނާޔަތްދިނުން ހުއްޓާލަން މިދެންނެވި ޤާނޫނުއުވާލުމަށްވެސް ތާއީދުކުރަން. އެކަމަކު މަޖިލިސް މެންބަރުންގެ މުސާރަ ކުޑަކޮށްގެން ނުވާނެ.
ގައުމީދޫ:
28 July 2024
ކޮންމެ ސިޓީ އަކަށް 1 މެމްބަރު އަދި އަތޮޅަކަށް 02 މެމްބަރުން އަދި ކޮންމެ އިންޑަސްޓްރީ އަކުން އެއް މެމްބަރު އިންތިޚާބް ކުރީމަ ރަނގަޅުވާނެ. މިއަށް ވުރެ އިތުރުކުރެވޭނީ އެ އަތެޅެއްގެ ނުވަތަ ސިޓީ އެއްގެ ކޮންމެ 30،000 ރައްޔިތަކަށް މެމްބަރެއް.
ސާއިގު.
28 July 2024
މަޖިލިސް މެންބަރުން މަދުކުރަން ތިއުޅެނީ ވަރަށް ނުބައި ރޭވުމެއް އޮތީމަ. އެހެން ނޫން ނަމަ ޙަރަދު ކުޑަކުރަން މަދުކުރާނީ ސިޔާސީ މީހުން. މަޖިލީހާއި ކުޅެން އުޅެނީ ރައްޔިތުން ނިކަމެތިކޯށް ވެރިންގެ ބާރު ގަދަކުރަން. ތިކަން ކޮށްގެން ނުވާނެ. އަހަރުމެން ތިކަމާއި ދެކޮޅު.
އޮނަރަބްލް އަފީފު ދީދީ
28 July 2024
ދިވެހިން މަރަށް ފުރާނައަށް ބެލުމެއްނެތި ނިކުމެ ހޯދައިގަތް ޑެމޮކްރަޓިކް ނިޒާމަށް ކުޑަވެސް ހީނަރުކަމެއް އަންނަގޮތަކަށް މަޖިިިލިސް ކޮށާލުމަށާއި، މަޖިލިސް މެންބަރުންގެ އުޖޫރަ ކަޑާވައްޓާލުމަށް ފުރުސަތުދީގެންނުވާނެ. # މިއަދު އަހަރުމެން ހިތްހަމަނުޖެހޭބަޔަކު މެންބަރުންނަށްތިބުމަކީ ތާއަބަދަށްޓަކާ މަޖިލިސް ނުކުޅެދޭތަނަކަށް ހަދާލަންޖެހޭސަބަބެއްނޫން އިގޭތޯ. މަޖިލިސް ގޮނޑީގެއަދަދު ހިފަހައްޓާނަމަ އެކަންކުރާންވާނީ ޑިމޮކްރަސީއާއި ރައްޓެހިގޮތަކަށްކަމުގައި ދެކެން.
އޮނަރަބްލް އަފީފު ދީދީ
28 July 2024
މަތީގައި ދެންނެވިގޮތަށް "އިންސާފުވެރިކަމާއިއެކުގައި" ރާއްޖެ އިދާރީ ޤާނޫނީ 3 ސަރަޙައްދަކަށް ލާމަރުކަޒުކުރުމަށްޓަކާ ޑިސެންޓްރަލައިޒޭޝަން ޤާނޫނަށާއި އިންތިޙާބީ ޤާނޫނުތަކަށް ބަދަލުގެންނާން ޤާނޫނުއަސާސީ އިސްލާޙްކޮށް މިދެންނެވި 3 ރީޖަން ނުވަތަ ޕްރޮވިންސް ތަކަކީ ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ހިމަނައި) ދާލަށް ސެންޓްރަލް، އަދި ކޮޅުމަޑުލުން އައްޑުއަށް ސަދާންރީޖަންކަމުގައި ކަޑައަޅާ މަޖިލީހުގައި ރީޖަންތައް ތަމްސީލުކުރާގޮތަށް ބަދަލުކުރޭ.