ރައްޔިތުން މަޖިލީހުގެ ރައީސް އަބްދުއްރަހީމް އަބްދުﷲ ވިލާކޮލެޖުގެ އާ ދެ ޕްރޮގުރާމު ލޯންޗުކުރައްވަނީ. -- ފޮޓޯ: ފަޔާޒް މޫސާ | މިހާރު
04 އޯގަސްޓް 2024 - 12:39
ވިލާ ކޮލެޖުން ބެޗެލާ އޮފް ކުއަންޓިޓީ ސާވޭ އިން އާއި ބެޗެލާ އޮފް ޕޮލިޓިކަލް ސައިންސް އެންޑް އިންޓަނޭޝަނަލް ޕްރޮގުރާމު ލޯންޗުކޮށްފި އެވެ.
އެ ޕްރޮގްރާމްތައް އިފުތިތާހު ކޮށްދެއްވީ އެ ކޮލެޖުގައި ބޭއްވި ރަސްމިއްޔާތެއްގައި ރައްޔިތުން މަޖިލީހުގެ ރައީސް އަބްދުއްރަހީމް އަބްދުﷲ އެވެ.
ސްކޫލް އޮފް ކޮމްޕިއުޓާ ސައިންސްގެ ހެޑް އޮފް ސްކޫލް އުދުމާ އަބްދުއްލަތީފް ވިދާޅުވީ ބެޗެލާ އޮފް ކުއަންޓިޓީ ސާވޭ ޕްރޮގުރާމަކީ ރާއްޖޭގެ އުމްރާނީ ތަރައްގީގެ މަސައްކަތްތަކުގައި މިހާތަނަށް ރާއްޖޭގައި ލިބެން ނެތް ތައުލީމީ ފުރުސަތުތަކެއް ލިބޭނެ ޕްރޮގްރާމެއް ކަމަށެވެ. އެއީ އިމާރަތް ކުރުމުގެ މަޝްރޫއުތަކަށް ބޭނުންވާ ތަކެތި ކުއަންޓިފައި ކުރުމާއި އިމާރާތް ކުރުމުގެ މަޝްރޫއުތަކުގެ ފައިނޭންޝަލް އަދި ޕްރޮކިއުމަންޓު ޕްރޮސެސް އާއި އިމާރާތް ކުރުމާ ގުޅޭ ގާނޫނީ ކަންތައްތައް ކިޔަވައި ދޭނެ ކަމަށް ވިދާޅުވި އެވެ.
އާ ޕްރޮގުރާމުތައް ނެރުމުގެ ރަސްމިއްޔާތުގައި އެ ކޮލެޖުގެ ފެކަލްޓީ ބޭފުޅުން. -- ފޮޓޯ: ފަޔާޒް މޫސާ | މިހާރު
ތިން އަހަރު ދުވަހުގެ މި ކޯހުގައި ކޯސްޓް ޕްލޭނިން، އެސެސްމަންޓާއި ބިލްޑިން މެޓީރިއަލް ކަލްކިއުލޭޝަން، ހަރަދު ކުޑަކުރުމާއި ހަރަދުތަކުގެ އަންދާޒާ ހެދުމާއި ބިލްޑިން ޑިވެލޮޕްމަންޓު ޓެކްނިކްސް އާއި ބިލްޑިން ޕްރޮޖެކްޓް މެނޭޖުމަންޓު ފަދަ ހުނަރުތައް ދަސްކޮށްދޭނެ އެވެ. އަދި މި ދާއިރާގައި އުފެއްދުންތެރި އާ ހައްލުތަކެއް ހޯދުމަށް ފުރުސަތުދީ، މަސައްކަތުގެ މާހައުލަށް އަހުލުވެރި ކުރުވުމުގެ ގޮތުން ޕްރޮގްރާމުގައި އިންޑަސްޓްރިއަލް ޓްރޭނިން ވެސް ދޭނެ އެވެ.
ބެޗެލާ އޮފް ޕޮލިޓިކަލް ސައިންސް އެންޑް އިންޓަނޭޝަނަލް ޕްރޮގްރާމާ ގުޅޭ ގޮތުން ފެކަލްޓީ އޮފް ޝަރީއާ އެންޑް ލޯގެ ސީނިއާ ލެކްޗަރާ އަލްއުސްތާޒާ އައިޝަތު ހަލީލާ އަބްދުއްސައްތާރު ވިދާޅުވީ، އެއީ ޒުވާން ސިޔާސީ ލީޑަރުން ބިނާކުރުމުގައި މުހިންމު ދައުރެއް އަދާކުރާނެ ޕްރޮގްރާމެއް ކަމަށެވެ. ސަރަހައްދީ ގުޅުންތަކާއި ބައިނަލްއަގުވާމީ ގުޅުންތަކާއި ދުނިޔޭގެ ސިޔާސީ މަސްރަހަށް އަންނަމުންދާ ބަދަލުތަކުގެ ސަބަބުން ކުރާ އިގުތިސާދީ އަސަރުތައް ހިމެނޭ ގޮތަށް ފަރުމާކޮށްފައިވާ ޕްރޮގްރާމެއްކަން އޭނާ ފާހަގަކުރެއްވި އެވެ.
އޭޝިއާ ސަރަހައްދުގެ އެކަޑަމިކް ބޭފުޅުން ތައްޔާރުކޮށްފައިވާ ޕްރޮގްރާމަކީ ރާއްޖޭގެ ގާނޫނީ ނިޒާމާ ގުޅޭ ގޮތުންނާއި ތިން ވަނަ ދުނިޔޭގެ ސިޔާސީ މަސްރަހާއި ހާރިޖީ ސިޔާސަތާއި އިންސާނީ ހައްގު ފަދަ އެކި މާއްދާތައް ހިމެނޭ ގޮތަށް ފަރުމާ ކޮށްފައިވާ ތިން އަހަރުގެ ޕްރޮގްރާމެކެވެ. މި ޕްރޮގްރާމް އޮންލައިންކޮށް ވެސް ކިޔަވައި ދެ އެވެ.
ރައްޔިތުން މަޖިލީހުގެ ރައީސް އަބްދުއްރަހީމް އަބްދުﷲ، ކަށިމާ ޝާކިރު ލިޔުއްވާފައިވާ ފޮތްތައް މިއަދު ނެރެދެއްވަނީ. -- ފޮޓޯ: ފަޔާޒް މޫސާ | މިހާރު
މި ޕްރޮގްރާމުތައް އިފުތިތާހު ކުރުމަށް ބޭއްވި ރަސްމިއްޔާތުގައި ވިލާ ކޮލެޖުގެ ސީނިއާ ކަރިކިއުލަމް ޑިވެލޮޕާ ކަށިމާ އަހުމަދު ޝާކިރު ލިޔުއްވާފައިވާ ދެ ފޮތެއް ނެރުނެވެ. މި ދެ ފޮތް ވެސް ނެރެދެއްވީ ރައްޔިތުން މަޖިލީހުގެ ރައީސް އަބްދުއްރަހީމް އަބްދުﷲ އެވެ.
އެއީ ރާއްޖެ އާއި ބޭރު ގައުމުތަކާ ދެމެދު އޮތް ގުޅުންތަކުގެ މައުލޫމާތުތައް ހިމެނޭ "ސިޔާސީ ތާރީހު - އެއް ވަނަ ބައި" އަދި "ދިވެހިރާއްޖޭގައި އުފެދުނު ޝަރަފުވެރި ބޭފުޅުންގެ ތެރެއިން އުސްތާޒުންނާއި އާލިމުން، އުދަބާއުނާއި ޝާއިރުން"ގެ ނަމުގައި 34 ހިދުމަތްތެރިން ހިމެނޭ ދެ ފޮތެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ހިޔަޅު
05 August 2024
ވޯޓްގެ ހިސާބު ޖެހުމުންތަ؟
އެމްސް
04 August 2024
މިތަނުން ކޯހަކަށް އަބްދުއްރަޙީމް އަށް ދަޢުވަތު ނުދިނީތީ ހިތާމަހުއްޓެވެ!
ކޮރަލް
04 August 2024
( ޝަރަފްވެރި މެހްމާން ) އިލްމީ މީޙުންނަށް ދައުވަތު ދޭން ވީ އެވެ.
ކޯސް
04 August 2024
އަބްދުއްރަހީމް ވެސް މިކޯސް ހަދާފަ ސެޓްފިކެޓް ހޯދާނެކަމަށް އުންމީދުކުރަން. އޭރުން ތަޖުރިބާ އާއި އެއްވަރަށް ތައުލޫމުވެސް އުގެނެވުނީ. އަބްދުއްރަހީމް ގެނައަިވެސް އަބްދުއްރަހީމް މިކޯްސްހަދަން ފެނެޔޭ ވިލާއިން އިންޑައުރެކްޓް ކޮށް ބުނަން ކަމައްބެލެވޭ
ހަމީދު 2024
04 August 2024
މީ ދުނިޔޭގެ އުޞޫލު. އިތުރު ވާހަކައެއް ނުދެންނެވިޔަސް މީ ވަރަށް ވާހަކަ. :)
މުރައިދޫ ގަނޑުވަރު ރާޖާ
04 August 2024
ތި ކޯސް އިފްތިތާހް ކޮއްދެއްވަން އެންމެ ރަނގަޅު އެންމެ އެކަށީގެންވާ ބޭފުޅަކީ އަބްދުއްރަހީމް. އެހެނީ ސިޔާސީގޮތުން އެންމެ ފުންނާބު އުސް ބޭފުޅަކީ އަދި އެންމެ ބޮޑު ތަޖުރިބާކާރަކީ އަބްދުއްރަހީމް. އެ މަނިކުފާނު އެ ސާބިތުކޮއްދެއްވަނީ އިލްމަކީ ހަމައެކަނި ކޮލެޖު ޔުނިވަރސިޓީއަށް ގޮސްގެން ހާސިލް ކުރެވޭނެ އެއްޗެއް ނޫންކަން.