ޚަބަރު / މޫސާ ޒަމީރު، ފިނޭންސް މިނިސްޓަރު

ބަހްރެއިންގެ ވަލީއަހްދާ ޒަމީރު ބައްދަލުކުރައްވައިފި

ރާއްޖޭގެ ފޮރިން މިނިސްޓަރު މޫސާ ޒަމީރު، ބަހުރެއިންގެ ރަސްދަރިކަލުން ސަލްމާން ބިން ހަމަދު އަލް ޚަލީފާއާ ބައްދަލުކުރައްވަނީ.-- ފޮޓޯ: ފޮރިން މިނިސްޓްރީ

އިފްރާޒް އަލީ، މިހާރު

12 އޯގަސްޓް 2024 - 18:35

6 comments

ބަހްރެއިނަށް މިހާރު ރަސްމީ ދަތުރެއް ކުރައްވަމުން ގެންދަވާ ރާއްޖޭގެ ފޮރިން މިނިސްޓަރު މޫސާ ޒަމީރު އެ ގައުމުގެ ވަލީއަހްދު އަދި ބޮޑުވަޒީރު ސަލްމާން ބިން ހަމަދު އަލް ޚަލީފާއާ މިއަދު ބައްދަލު ކުރައްވައިފި އެވެ.

ޒަމީރު އެކްސްގައި ކުރެއްވި ޕޯސްޓެއްގައި ވިދާޅުވީ ބަހްރެއިންގެ ވަލީއަހްދު ސަލްމާން ބިން ހަމަދު އަލް ޚަލީފާއާ ބައްދަލުކުރައްވާފައިވާ ކަމަށެވެ. އެ ބައްދަލުކުރެއްވުމުގައި ޒަމީރު ވަނީ ރައީސް ޑރ. މުހައްމަދު މުއިއްޒު، ބަހުރެއިންގެ ރަސްގެފާނު ހަމަދު ބިން އިސާ އަލް ޚަލީފާއަށް ފޮނުއްވި ސިޓީފުޅެއް ވެސް ވަލީއަހްދުއާ ހަވާލު ކުރައްވައިފަ އެވެ.

ސަލްމާން ބިން ހަމަދު އަލް ޚަލީފާއަކީ ބަހްރެއިންގެ ޑެޕިއުޓީ ސުޕްރީމް ކޮމާންޑަރު ވެސް މެ އެވެ.

ރާއްޖެ އާއި ބަހްރެއިންގެ ރަހުމަތްތެރިކަމުގެ ގުޅުން އިތުރަށް ވަރުގަދަ ކުރުމަށްޓަކައި ދިވެހި ސަރުކާރުގެ ފުރިހަމަ އެއްބާރުލުން ދޭނެ ކަމުގެ ޔަގީންކަން އެ ބައްދަލުވުމުގައި ޒަމީރު ދެއްވި އެވެ.

ޒަމީރުގެ މި ދަތުރަކީ ބަހްރެއިންގެ ފޮރިން މިނިސްޓަރު ޑރ. އަބްދުއްލަތީފް ބިން ރާޝިދު އަލް ޒަޔާނީގެ ދައުވަތަކަށެވެ. އެ ދަތުރުގައި ބަހްރެއިން ސަރުކާރުގެ އެހެން ބައެއް އިސްވެރިންނާ ވެސް ޒަމީރު ބައްދަލު ކުރައްވާނެ އެވެ.

ބަހުރެއިން ފޮރިން މިނިސްޓްރީ ޑިޕްލޮމެޓިކް ގުޅުން މޫސާ ޒަމީރު، ފިނޭންސް މިނިސްޓަރު

6 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފިތުރަތު

13 August 2024

މީ މަމެން އަބަދުވެސް ދެކެން ބޭނުންވާ ދުވަސް. ތަނަވަސް (ހައްދުފަހަނަ އަޅައިނުދާ) އަރަބި ކަރައާއި ދިވެހި ދައުލަތް އަތުގުޅުވާލާ ދުވަސް. ޝުކުރިއްޔާ މިނިސްޓާރ ޒަމީރު. އިއްޔެ އިނޑިޔާ މިއަދު ބަހްރެއިން. މާދަމާ އޮމާން އާއި ކުވެއިތު