ޚަބަރު / މުއާޒް މުހައްމަދު ރަޝީދު (އެމްޑީ، ފެނަކަ)

ސްމާޓް މީޓަރަކީ ކަރަންޓު އިގްތިސާދުކުރަން އެހީއަކަށްވާނެ: މުއާޒް

ކުޑަހުވަދޫގައި މިރޭ ބޭއްވި ޖަލްސާގައި ފެނަކަ އެމްޑީ މުއާޒް މުހައްމަދު ރަޝީދު ވާހަކަ ދައްކަވަނީ.---ފޮޓޯ: ފެނަކަ

ފާތިމަތު އަޖްފާން، މިހާރު

28 އޯގަސްޓް 2024 - 12:54

ކަރަންޓު ބިލްތައް ބޮޑުވެގެން ކުރާ ޝަކުވާތަކަށް ސްމާޓް މީޓަރު މީޓަރުން ހައްލެއް ލިބޭނެ ކަމަށާއި އެ މީޓަރުތަކަކީ ކަރަންޓު އިގްތިސާދުކުރަން އެހީއަކަށް ވާނެ ކަމަށް ފެނަކައިގެ މެނޭޖިން ޑިރެކްޓަރު މުއާޒް މުހައްމަދު ރަޝީދު އިއްޔެ ވިދާޅުވެއްޖެ އެވެ.

ދ. ކުޑަހުވަދޫގެ ހުރިހާ ގެއެއްގައި ސްމާޓް މީޓަރު ހަރުކޮށް ނިންމުމުގެ ރަސްމިއްޔާތުގައި މުއާޒް ވިދާޅުވީ ކޮންމެ މަހެއް ނިމޭއިރު ކަރަންޓު ބިލްތައް ބޮޑުކަމުގެ ޝަކުވާ ރައްޔިތުންގެ ފަރާތުން އަޑުއިވޭ ކަމަށާއި އެކަމާ ކަންބޮޑުވެވަޑައިގަންނަވާ ކަމަށެވެ.

މި ޕްރޮޖެކްޓުގެ މައިގަނޑު މަގުސަދަކީ އެ ޝަކުވާތަކަށް ހައްލެއް ހޯދައިދިނުން ނުވަތަ ކޮންމެވެސް ވަރެއްގެ ހިތްހަމަ ޖެހުމެއް ހޯދައިދިނުން ކަމަށް މުއާޒް ވިދާޅުވި އެވެ.

ކަރަންޓު ބިލަށް އަރާ ވަރާއި ބޭނުން ކުރެވެނީ ކިހާ ވަރެއްކަން މިހާރު އެނގެނީ ކޮންމެ މަހެއްގެ ބިލު ލިބުމުން ކަމަށާއި އެ ހިސާބުން ރައްޔިތުންގެ ޝަކުވާތައް އަންނަ ކަމަށް މުއާޒް ވިދާޅުވި އެވެ. ނަމަވެސް ސްމާޓް މީޓަރުން ބޭނުންކުރާއިރު ކޮންމެ ދުވަހަކު ކަރަންޓު ބޭނުންކުރެވުނު މިންވަރު ބަލައި ކަރަންޓު އިގްތިސާދުކުރަން ފުރުސަތު ލިބޭނެ ކަމަށް އޭނާ ވިދާޅުވި އެވެ.

"މިހާރު ކޮންމެ މީހަކަށް އެ މީހަކަށް ކަރަންޓު ބޭނުންކުރި ވަރު ފޯނުން ފެންނާނެ. އެ ދުވަހެއްގައި ކަރަންޓު ބޭނުންކުރުން އިތުރުވީ ކީއްވެކަން ވެސް މި މީޓަރުތަކުން ފެންނާނެ. ކަރަންޓު ބިލް ބޮޑު ކަމުގެ ޝަކުވާ އަކީ ކޮންމެ ދުވަހަކު ވެސް ސޯޝަލް މީޑިއާއިން ފެންނަ ޝަކުވާ، ވަރަށް ކަންބޮޑުވޭ،" އޭނާ ވިދާޅުވި އެވެ.

ކުޑަހުވަދޫގެ ގެތަކުގައި ސްމާޓް މީޓަރު ހަރުކުރުމުގެ މަޝްރޫއު ނިންމުން، ތިމާވެއްޓާ ބެހޭ މިނިސްޓަރު ތޯރިގު ރޭ އިފުތިތާހު ކޮށްދެއްވާއިރު އަރިހުގައި ފެނަކައިގެ މެނޭޖިން ޑިރެކްޓަރު މުއާޒު މުހައްމަދު ރަޝީދު. --ފޮޓޯ: ފެނަކަ

މުއާޒް ވިދާޅުވީ މި ޕްރޮޖެކްޓު މުޅި ރާއްޖޭގައި ފެށުމުން ކަރަންޓު ބިލްތައް ވަރަށް ބޮޑަށް ކުޑަވެގެންދާނެ ކަމަށެވެ.

ސްމާޓް މީޓަރު ހަރުކުރުމަކީ ކުރީގެ ސަރުކާރުން ފަށާފައި އޮތް މަޝްރޫއެއްކަން ފާހަގަކުރައްވަމުން މުއާޒް ވިދާޅުވީ ކުރީގެ މެނޭޖްމަންޓުން ވަރަށް ގިނަ ކަންކަން ފަށާފައިވާ އެބަހުރި ކަމަށެވެ. ނަމަވެސް ވަރަށް ބޮޑަށް ޕްރޮޖެކްޓުތައް މަޑުޖެހިފައިވާ ކަމަށް އޭނާ ވިދާޅުވި އެވެ.

މުއާޒް ވިދާޅުވީ ފެނަކައިގެ ވިސްނުމަކީ އެ ކުންފުނިން ހިދުމަތްދޭ ހުރިހާ ރަށެއްގެ ފެން މީޓަރުތައް ވެސް ސްމާޓް މީޓަރަށް ބަދަލުކުރުން ކަމަށެވެ.

ދ. ކުޑަހުވަދޫ ފެނަކަ ކޯޕަރޭޝަން މުއާޒް މުހައްމަދު ރަޝީދު (އެމްޑީ، ފެނަކަ)

17 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

‫ނާޑުވާ

29 August 2024

ސ‫ްމާރޓް މީޓަރު ހަރު ކުރީމަ އޮފީހުގަ ތިބެގެން މީޓަރު އަނބުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

29 August 2024

އޮޅުޅުޥާލަން ނޫޅޭ ސޫމާޓު ކޮންމެ އެއްޗެއްވެސް އެބަޔަކު ބޭނުގޮތައް ބަދަލު ކުރެވޭނެ! އިހައްދުވަހު އުޅުން 700 ބިލިޔަން ޑޮލަރު ހޮޅިގެން އެކައުންޓު ތަކައް ފޮނުވިގެން އެއަދަދު އެ ބެންކުގަ ނުހުންނާނެ! އެއީ ޑިޗިޓަލް ނަންބަރުތަކެއް ހަމަ އެގޮތައް ކަރަންޓު ބޭނުކުރުމާ މީޓަރައްއަރާއެއްޗަކާ މާބޮޑު ގުމެއްނެއް އެކަންއެގޭނެ ކުރިން ހުރި މީޓަރައް ވުރެ 700 ރުފިޔާ ސުމާޓު މީޓަރު ބެހެއްޓިމަ ބޮޑުވި ގެތައް އެބަހުރި ކޮންމެހެން ނުޖެހޭފޯނުން މީޓަރައް އާވަރު ބެލޭކައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދާލަތު

29 August 2024

ކާކުގެ ކޮންފޯނަކަށް ކޮންދުވަހެއްގެ ކޮންގަޑިއެއްގައި ކޮންގޮތަކަށްތޯ ތިޔަމީޓަރ ފެންނަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަމަ

28 August 2024

ސްމާޓް މީޓަރ ކިޔަން ލަދެއް ނުގަންނަކަން މަ ހައިރާންވެއްޖެ. ބަލަތިކަމަކީ ތިމާމެންނާ ބެހޭ ކަމެއްވެސްނޫން ނިމިދިޔަ ސަރުކާރުން ފަށާފަހުރި ކަމެއްނޫނީ މިސަރުކާރުމް އަލަށްކުރަންފެށި އެއްވެސް ކަމެއް އަދި ނެތް. ޑްރޯންތައް އުދުއްސާފަ އަދިބުނާނެ ތިމަންނަމެންނޭ މިކަންވެސްފެށީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

28 August 2024

މަހުގެ 25 ހުގަ ބިލްހަދާފަ އޮންނަ އިރު ސަރުކާރުން މުސާރަ ޖަމާވާ ތާރީހުކަމުގަވިޔަސް އެންމެނަށް މިތާރީހުގަ ނުލިބެއެެެވެ. ލިބޭއިރު ބިލްއޮންނަނީ ވަންޕަސެންޓުން ޗާރޖްވަމުންގޮސް ބިލްގެ ސައިޒުން އިންޗިއެއް ބޮޑުވެފައެވެ. މިޗާރޖް މީ އަދި ފިޔުލާއިއެކު ހަމަޖެހޭ އުސޫލެއްތޯޢެވެ؟ ބިލްވެސް ފަރުމާ ކޮށްފަ އޮންނަނީ ވަކިއުސޫލަކުން ވަކިބަޔަކަށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުސްތަޅާ

28 August 2024

"މިހާރު ކޮންމެ މީހަކަށް އެ މީހަކަށް ކަރަންޓު ބޭނުންކުރި ވަރު ފޯނުން ފެންނާނެ. އެ ދުވަހެއްގައި ކަރަންޓު ބޭނުންކުރުން އިތުރުވީ ކީއްވެކަން ވެސް މި މީޓަރުތަކުން ފެންނާނެ." ހާދަ ސްމާޓްވީމައޭ ދޯ ބޭނުންކުރެވޭ ވަރު އިތުރުވީ ސަބަބު މީޓަރަށް އެގޭނީ. ބޭންކުން މިކަހަލަ މީޓަރެއް ހަރުނުކުރެވޭނެތޯ، އޭރުން ވަރަށް ފަސޭހަވާނެކަންނޭގެ ޚަރަދުތައް މެނޭޖްކުރަން، އަދި ބައެއްމަހު ޚަރަދު ބޮޑުވަނީ ކީއްވެކަންވެސް އެގޭނެތާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިންބާ ދަ ގްރޭ ކެޓް

28 August 2024

އަޅުގަނޑުމެންގެ ކަރަންޓް ބޭނުންކުރުން ވަކި ދުވަހެއްގައި ގިނަނަމަ މީޓަރުން އެއްވެސް އެއްޗެއް ނުބުނާނެ، ދެން ސިކުނޑި ބޭނުންކޮށްގެން އަމިއްލައަށް އެކަން ތަހުގީގުކޮށް އެއަށް ރިއާޔަތްކޮށް ފިޔަވަޅު އަޅަން ޖެހޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަކްރެސްޓް

28 August 2024

ކިޔޭނުކިޔޭވެސް ނޭގޭހެން ހީވަނީ. އިތުރުވީ ސަބަބުވެސް މީޓަރުން އެގެޔޯ. ދެންއަތްޖަހަންވީ؟ ބިލްބޮޑުވާ މައިގަޑުސަބަބަކީ ބޮޑުވާބައި އަގުކުރަނީ 4.25ރ ގެރޭޓުން. ބިލްތައްބަލައިލީމާ އެގޭނެ މިކަން. ރާއްޖެގައި އޮންނަގޮތަކީ ކަރަންޓްގިނައިން ބޭނުންކުރީމާ ރޭޓް ބޮޑުވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަށު މުދިމު

28 August 2024

ހާދަ ހީނުވާ ކަމަކޭ ތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިރުސައި

28 August 2024

މުއާޒު ބުނެދެއްވަފާނަންތޯ "އެ ދުވަހެއްގައި ކަރަންޓު ބޭނުންކުރުން އިތުރުވީ ކީއްވެކަން ވެސް މި މީޓަރުތަކުން ފެންނާނެ" މިކަން ތިބުނާ މީޓަރުން ބުނާނީ ކިހިނެއްތޯ؟ ހުރިހާ އާލާތެއް ސްމާޓް މީޓަރާ ކަނެކްޓްވެފަތޯ ހުންނަނީ؟ ކިހިނެއްތޯ؟