ނަގުދު ފައިސާ ބޭނުންކުރާ ވަރު އިތުރުވެއްޖެ

ރުފިޔާތަކެއް ބަންޑެލި ޖަހާފައި:ނަގުދު ފައިސާ ބޭނުން ކުރި ވަރު މިދިޔަ އަހަރު އިތުރު -- ފައިލް ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

04 ސެޕްޓެމްބަރ 2024 - 13:10

ނަގުދު ފައިސާ ދައުރުވާ ވަރު ނުވަ ޕަސެންޓަށް އިތުރުވެފައިވާ ކަމަށް މަރުކަޒީ ބޭންކު، އެމްއެމްއޭގެ ތަފާސްހިސާބުތަކުން ދައްކައިފި އެވެ.

އެމްއެމްއޭގެ ޕޭމެންޓް ބުލެޓިންގައިވާ ގޮތުން 2022 ވަނަ އަހަރުން 2023 ވަނަ އަހަރަށް ދައުރުވާ ފައިސާގެ އަދަދު 3.7 ބިލިއަނުން 4 ބިލިއަނަށް ވަނީ އިތުރުވެފަ އެވެ. އެމްއެމްއޭ އިން ބުނީ، މިދިޔަ އަހަރު ދަށް އަދަދުތަކުގެ ފައިސާ އަށް އޮތް ޑިމާންޑު އިތުރުވި ކަމަށެވެ. ވަކި ލާރި އަށް އޮތް ޑިމާންޑު ވެސް 5.8 ޕަސެންޓަށް ވަނީ އިތުރުވެފަ އެވެ. ވަކި ލާރި ދައުރުވި ވަރު ވަނީ 79.8 މިލިއަނުން 84.4 މިލިއަން ރުފިޔާއަށް އިތުރުވެފަ އެވެ.

އެމްއެމްއޭ އިން ބުނީ، މި ބަދަލުގެ މައިގަނޑު ސަބަބަކީ ކޮވިޑަށް ފަހު އަނެއްކާ ވެސް ކޭޝް-ލެސް ހިދުމަތްތަކުގެ އިތުރަށް ފައިސާގެ މުއާމަލާތްތައް ކުރުމުގައި ނަގުދު ފައިސާ އަށް މީހުން ބަދަލުވާތީ ކަމަށެވެ.

އޭޓީއެމްތައް މެދުވެރކޮށް މިދިޔަ އަހަރު ފައިސާ ނެގި ވަރު ވެސް ވަނީ ވަރަށް ބޮޑަށް އިތުރުވެފަ އެވެ. މިދިޔަ އަހަރު އޭޓީއެެމް ތަކުން 9.2 މިލިއަން ރުފިޔާ ނަގާފައިވެ އެވެ. އޭޓީއެމްތަކުން 2022 ވަނަ އަހަރު ނަގާފައިވަނީ 9.16 މިލިއަން ރުފިޔާ އެވެ.

ނަގުދު ފައިސާ ބޭނުން ކުރާ ވަރު އިތުރުވި ނަމަވެސް، ޗެކުން ކުރާ މުއާމަލާތްތަކުގެ އަދަދު ވަނީ 19 ޕަސެންޓު ދަށަށް ގޮސްފަ އެވެ. މިދިޔަ އަހަރު ޗެކު މެދުވެރިކޮށް 56 ބިލިއަން ރުފިޔާގެ މުއާމަލާތް ހިންގާފައިވެ އެވެ. އެއީ 465،000 ޗެކެވެ. އޭގެ ކުރީ އަހަރު އެ އަދަދު ހުރީ 69 ބިލިއަން ރުފިޔާގަ އެވެ. އެއީ 577،000 ޗެކެވެ.

ހަމައެކަނި ރުފިޔާ ބަލައިގަތުން އެމްއެމްއޭ ފައިސާ ދިވެހި ރުފިޔާ

22 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކާލް

05 September 2024

އޭޓީއެމް ތަކުން މިނެގެނީ އެންމެ 9 ވަރަކަށް މިލިއަން ރުފިޔާ؟ ހާދަ ހީނުވޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

05 September 2024

އަދިވެސް، ކަލޭމެން ޗެކު ގެންގުޅެމުތަ؟ އަހުރެން ޗެކެއް ނުދެކޭތާ ވެސް 20 އަހަރު ވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކީއްކުރަން

05 September 2024

ޢަހަރެމެން ނަށް ތި ބެންކުތަކުގެ އުނދަގޫ ވަރަށް ބޮޑު. މަންމަ އެކައުންޓުން ލާރި ބޮރޯކުރީމަ ވެސް އުފަން ދުވަހުގެ ސޭޓިފިކެޓް އަށް ދަންދެން ލާންޖެހޭ ލާރި ހޯދި ގޮތް ބުނެދޭން. ދެން ހަމަ ގޭގަ ލާރި ބަހައްޓާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓިސްޓިސްޖީބަށް

05 September 2024

ނަގުދު ފައިސާ ދައުރުވުން އިތުރުވުމުގެ ފަހަތުގައި ކޮރަޕްޝަނާއި ވައްކަން އޮވެދާނެ އެހެނީ ސޫޓުކޭހާއި އަންބޮނޑީގައި އުފުލާ ފައިސާ ބެލޭނެގޮތެއް ނޯންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދިލު ސަލީމު

05 September 2024

ބަންގާޅީންނާ އިންޑިޔާ ވިޔަފާރިވެރިން މިހާރު ޓްރާންސްފަރ ނުކުރޭ. އެމީހުން ބޭނުންވަނީ ރުފިޔާ ކަޅުބާޒާރުން ޑޮލަރ ހޯދަނީ. ބައެއް ފިހާރަ ތަކުގައި އެބަތިބޭ ވަކިން ކައުންޓަރ ހަދައިގެން ރުފިޔާ މަނީ ލޯންޑަރ ކުރާމީހުން. ދިލްބަހާރު މަގު އެއޮތީ އިންޑިޔާ ބާޒާރެއް. ބިންމާ ސްޓޯރ ކައިރިން ދުވާނީ ޗާލާ ބާޒާރު ގެ ވަސް. އެތެރޭފައި އިންނާނެ މަނީ ޗޭންޖަރެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިމް

05 September 2024

ސަލާމަތެއް ނެތެއްނު އެމްއެމްއޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޭމްސް މިލްނާ

04 September 2024

ދެފަހަރުން އެއްފަހަރު އިންޓަރނެޓް ބޭންކިން ހުއްޓޭ އޭޓީއެމް އަކުން ވެސް އެގަޑީގައި ފައިސާނުނެގޭ އެހެންވެ ކޭސް އަތުގައި ބެހެއްޓުން ރަގަޅުވީމާ އެހެން އެވަނީ.. މިހާރު އެންމެން އޮންލައިން ޓްރާންސްފަރއަށް ބަރޯސާވުން ކުޑަވަނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެތްއިތުބާރު

04 September 2024

ބޭންކުން ކާޑުން ކަނޑާ ގޮތާ މެދު މިހާރު ހިތްހަމައެއްނުޖެހޭ. ކާޑުން ވަރަށް ގިނައިން ވިޔަފާރިކޮށްފިނަމަ އެބަ ފައިސާ ގެއްލޭ. އެޕުން އެކި ފަހަރު އެކި ވަރަށް ދައްކަނީ. އެޕުން ދައްކާ ވަރާ ޚަރަދުކުރިކަމަށް މެސެޖް ލިބޭ ވަރާ ދިމަލެއްނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަރަނިވެރިން

04 September 2024

ގިނަ މީހުންތިބޭނީ ބެންކުން ލުއިލޯނުނަގައިގެން ނުދައްކައި. ވަކިހިސާބަކުން އެކައުންޓަށް އެއްޗެއް ލެވޭކަށެއްނޯވެ ލާއިރަށް ކާލަ. އޯވާރ ޑިއުވެފައި ހުރީމަ. ދެން ކުދިން ކުދިން އުޅޭނީ ވީހާވެސް ދުވަހަކަަށް އެއެކައުންޓަށް އެއްޗެއް ނުލައިވޭތޯ.