ޒުވާން ޓީމަށް މުބާރާތް ނިމިއްޖެ؛ ކޯޗު ބުނީ ރާއްޖޭގެ "ބަދުނަސީބަކީ މޫސުންކަމަށް"

ހުސެއިން ހަބީބް، މިހާރު

24 ސެޕްޓެމްބަރ 2024 - 22:36

ބޫޓާނުގައި ކުރިއަށްދާ 17 އަހަރުންދަށުގެ ސާފް ޗެމްޕިއަންޝިޕްގައި އިންޑިއާ އަތުން 3-0 ން ބަލިވެ ރާއްޖެ އަށް މުބާރާތް ނިމިއްޖެ އެވެ.

ރާއްޖޭން ނިންމާލީ ބަންގްލަދޭޝް އަތުން ހޯދި އެންމެ ޕޮއިންޓަކުންނެވެ.

ރާއްޖޭގެ ފުރަތަމަ 11 އިގައި އާންމުކޮށް ކުޅޭ ކުޅުންތެރިންނަށް އަނިޔާގެ ބައެއް މައްސަލަތަކާ ހެދި މިއަދުގެ މެޗުގައި ނުކުޅެވުނެވެ.

ޓީމުގެ ކޯޗު މުހައްމަދު އާދަމް ބުނީ، ދިވެހި ޓީމަށް ކުރިމަތިވި އެންމެ ބޮޑު މައްސަލަ އަކީ މޫސުމުގެ މައްސަލަ ކަމަށެވެ. ފަރުބަދަމަތީ ގައުމު ބޫޓާންގެ ފިނިމިން މިއަދު ހުރީ މައިނަސް 21 ޑިގްރީގަ އެވެ.

"މޫސުމުގެ ސަބަބުން އަހަރެންގެ މުހިންމު ދެ ކުޅުންތެރިން ބަލިވި. ފުރަތަމަ 11 ގައި އެ ދެ ކުޅުންތެރިން ޖަހައިގެން އަހަރެން ހުރީ. އެކަމަކު އެންމެ ފަހު ވަގުތު ހޮޑުލާން ފެށީމަ އެ ކުޅުންތެރިންނާ ވާހަކަ ދައްކާފަ އަހަރެން ނިންމީ ބަދަލު ގެންނަން،" މުބާރާތަށް ދިޔައިރު ވެސް ފާޑުކިޔުން އަމާޒުވެފައިވާ މުހައްމަދު ބުންޏެވެ.

އެންމެ ފަހުގެ ޗެމްޕއިން އިންޑިއާ އަދި ރަނަރަފް ބަންގްލަދޭޝްއާ އެކު ލައްވާލުމުން އޭނާ ސިފަ ކުރީ ރާއްޖޭގެ ގުރޫޕަކީ މަރުގެ ގުރޫޕްގެ ގޮތުގަ އެވެ.

އޭނާ ބުނީ މޫސުމުގެ ސަބަބުން ދިވެހި ޓީމަށް ކުރިމަތިވި ބަދު ނަސީބު ހާލަތެއް ކަމަށެވެ. ކުޅުންތެރިންނަށް ގަދަ ފިނީގެ ސަބަބުން މައްސަލަ ކުރިމަތި ނުވިނަމަ، މިއަށް ވުރެ ރަނގަޅު ކުޅުމެއް ދެއްކުނީސް ކަމަށް އޭނާ ބުންޏެވެ.

"އަހަރެމެންނަށް ކުރިމަތިވީ ބަދު ނަސީބު ހާލަތެއް. މިބުނީ މި މޫސޫމަށް އަހަރެމެންގެ ކުޅުންތެރިން ހޭނެން ވީ އުނދަގޫ ކަމަކަށް. މެޗަށް ކުޅުންތެރިން ތައްޔާރުކުރަން އަހަރެމެންނަށް ކުރެވުނު އެންމެ ރަނގަޅަކަށް މަސައްކަތް ކުރިން. އަހަރެމެންގެ ކުޅުންތެރިން ހަމަކޮށް ތިބިނަމަ މިއަށްވުރެ ރަނގަޅު ކުޅުމެއް ދެއްކުނީސް،" ސާފްގެ މީޑީއާ އާ ވާހަކަ ދައްކަމުން މުހައްމަދު ބުންޏެވެ.

ފުޓްބޯޅަ ގައުމީ ފުޓްބޯޅަ ޓީމް ސާފް ޗެމްޕިއަންޝިޕް

11 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރެކިފުތާ

25 September 2024

ސާކު ސަރައްހައްދޭ ކިޔައިގެން މިއުޅެނީ މީދުނިޔޭގައި ފުޓުބޯޅަކުޅޭ ބަޔަކު ދަންނަ ސަރަހައްދެއްވެސްނޫން. އަދި ސާކުގައިވެސް ރާއްޖެ މިހާރުމިއީ އެންމެބަލިގައުމު. ކުރިން އޮތީ ބޫޓާނު. މިހާރު އެމީހުންވެސް ރާއްޖެ ބަލިކުރޭ. މިހެންއޮތްއިރުވެސް މިފެންވަރުގެ ފުޓުބޯޅަކޯޗުން 17 އަަހަރުންދަށުގެ ކުޅުންތެރިންގެ މުސްތަގުބަލު އަދިވެސް ހަލާކުކުރަނީ. ކުޅުންތެރިންނަށް މިދޭމެސަޖީ ޓީމު ބައްޔެއްނޫނޭ، ފިންޏޭ، ހޫނޭ، އެންވެޔޭ ބަލިވީ. ހާގީގަތަށް ވާސިލްވާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައިނަސް 21

25 September 2024

މައިނަސް އެކާވީހޭ؟ ދެން ދޮގެއް ހެދިޔަސް ގަބޫލުކުރެވޭ ވަރުގެ ދޮގެއްދޯ ހަދަންވާނީ. އެ ސްޓޭޑިއަމްގެ ފިނިހޫނުމިން އެހެރީ ފެންނަން އިންޓަނެޓްގަ. ސާބަސް އެކަމަކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސީނާގެ ހާސަރު

25 September 2024

ރާއްޖެއާއި ކުޅެންޏާ އަބަދުވެސް އަނެއް ޓީމު ކުޅޭނީ މާ ހިތްގައިމު މޫސުމެއްގަ، މާރީތި ދަނޑެއްގަ. އަބަދުވެސް މިކަހަލަ ޝަކުވާ. ބަލިވީމަ ބަލިވީ. އެކަމު ބުނަން ދިވެހި ފުޓުބޯޅަ ކުރިއެއް ނާރާނެ ކުދިން އަމިއްލައަށް ބޯޅަ ހިފައިންގޮސް ކުޅެ ކޮންފިޑެންސް ބިލްޑް ކުރާނެ ތަނެއް ނެތިއްޔާ. ގޭންގު އަތް ދަށުން ފުޓުބޯޅަ ސަލާމާތް ކުރޭ، އެހެން ނޫނީ ނުފެނޭ މިކަން ވާނެ ގޮތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލަމު

25 September 2024

-50 ހެއް ނުންތަ؟ ލޮލލ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒައްގާ

25 September 2024

މައިނަސް 21 އޭ! ސާބަހޭ ބޫޓާނުގެ އެންމެ ދަށް ޓެމްޕަރޭޗަރުގެ ގޮތުގައި ރެކޯޑު ކުރެވުފައި ވަނީ ވެސް މައިނަސް 10. މިއަދު ހުރީ 14 ޑިގްރީގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕެލޭ

25 September 2024

އަބަދުވެސް ބޮޑު އެސްކުއުޒް ގަނޑެއް! ދެން އޮންނާނީ އިމޯޝަނަލީ އަބަދުވެސް ހަމަޖެއްސުން މިފަހަރު ' ބަދު ނަސީބް ' .ބަލި ގަބޫލް ކޮއްފަ އިސްތުއުފާ ދީ އަވަހަށް!! ތިރިން ހަމަޔަށް 5 ޕާސް ނުޖެހޭ. ހީ ވަނީ ބޯޅައިން ސަލާމަތް ނުވެވިގެން އުޅޭހެން އަބަދު އިވެނީ ކުރިޔަށް ޖަހާ ، ކުރިޔަށް ، ކުލިޔާ ، ކުލިޔާ ކުރޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅޮސް

25 September 2024

21- ގަ ބޯޅަ ކުޅުނިންތޯ ދުވަހަކުވެސް އެސްކިއުޒް އޭ ތހ ކިޔަނީ ، ކޮމަންޓް ކުރާ އިރު ކުޑަކޮއް ވާނުވާ އިގިބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަމަޅަބެ

25 September 2024

މައިނަސް އެކާވީހޭ އެ ބުނަނީ ބޮޑު ދޮގެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮބީ ކޯޗް

24 September 2024

ބަލަ އިންޑިއާ ޓީމް ވެސް ކުޅުނީ މައިނަސް 21 ޑިގްރީގަ. އެމީހުންނަކަށް މޫސުން ބަދުނަސީބަކަށް ނުވި މިވީ ކިހިނެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަސީބެ

24 September 2024

މުހައްމަދު ކައިރި ބުނެލަން އޮތީ ކޯޗެއްވިއްޔާ ދާއިރު އިންގެންވާނެ މޫސުމް އަނެއްކާ 14 ފިނިމިން އެއީ ފިނިކަމަށް ނުބެލެވޭނެ ، ސައުތުއޭސިއާގެ ގިނަޓީމްތައް ޓުރޭނިންގ ކުރަނީ ރާއްޖޭގެ ވެދާގަ ، މިސާލަކށް ލަންކާ ،ބަންގުލަދޭސި އަދި އިންޑިއާ، މެޗް ބެލި ހުރިހާ މީހުންނށް ފެންނާނެ ރާއްޖެ ކުޅުން ފައިގާ ބޯޅަ ނުޖެހޭ ، 90 މ 2 ޗާންސް ވަރު ލިބެނީ. އަނެއްކާ އީތަން ވެސް ކުޅެނީ ޔޫރަޕްގަ