ވިޔަފާރި / މުހައްމަދު ވަޖީހު އިބްރާހިމް (އެމްޑީ، އެމްޕީއެލް)

ބަނދަރުގައި މުދާ ހިލޭ ބެހެއްޓޭ މުއްދަތު ކުރު ކުރަނީ

މާލޭ ވިޔަފާރިވެރިންގެ ބަނދަރު: -- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

10 އޮކްޓޯބަރ 2024 - 11:51

މާލޭ ކޮމާޝަލް ހާބަރުގައި ވިޔަފާރިވެރިންނަށް މުދާ ހިލޭ ބެހެއްޓޭ މުއްދަތު ވަރަށް އަވަހަށް ކުރު ކުރާނެ ކަމަށް އެމްޕީއެލްގެ ސީއީއޯ މުހައްމަދު ވަޖީހު އިބްރާހިމް ވިދާޅުވެއްޖެ އެވެ.

އޭނާ ވިދާޅުވީ، އެމްޕީއެލް އިން މިހާރު ބޭނުން ކުރާ ބަނދަރަކީ 2،000 އެއްހާ ކޮންޓެއިނާ ބެހެއްޓުމުގެ ޖާގަ އޮތް ތަނެއް ނަމަވެސް، އެތަނުގައި މިހާރު 5،000 އަށް ވުރެ ގިނަ ކޮންޓެއިނާ ބާލައި، ބަހައްޓަން ޖެހޭ ކަމަށެވެ.

އޭނާ ވިދާޅުވި ގޮތުގައި މިވަގުތު ވިޔަފާރިވެރިންނަށް، ކޮންޓެއިނާ ބަނދަރުގައި ބަހައްޓާތާ 10 ދުވަސް ވަންދެން މުދާ ހިލޭ ބެހެއްޓޭތީ ގިނަ ވިޔަފާރިވެރިން މުދާ ކްލިއާކޮށް ގެންދަނީ އެންމެ ފަހު ދުވަހު ކަމަށެވެ. އެކަން ހައްލު ކުރުމަށްޓަކައި މުދާ އުފުލާ މުއްދަތު ހަތް ދުވަހަށް ކުރު ކުރަން ނިންމާފައިވާ ކަމަށް އޭނާ ވިދާޅުވި އެވެ.

ފިނި ތަކެތި ގެންނަ ރީފާ ކޮންޓެއިނާތައް ބަނދަރުގައި ބެހެއްޓޭ މުއްދަތު ފަސް ދުވަހަށް ކުރު ކުރަން މަސައްކަތް ކުރަމުން އަންނަ ކަމަށް ވެސް ވަޖީހު ވިދާޅުވި އެވެ.

ވަޖީހު ވިދާޅުވީ ބަނދަރުން ޖާގަ ނުލިބޭތީ، ބޯޓުތަކުން ކޮންޓެއިނާތައް ނުބާލާ މަޑުކުރަން ޖެހޭ ކަމަށެވެ.

އޭނާ ވިދާޅުވި ގޮތުގައި އެ ބަދަލު ގެންނަން ނިންމީ، ބަނދަރުގައި މުދާ ނުބަހައްޓައި ވީ އެންމެ އަވަހަކަށް މުދާ ކްލިއާ ކުރެވޭނެ ގޮތެއް ހެދުމަށެވެ.

ވިޔަފާރި ބަނދަރަށް ދިމާވެފައިވާ ޖާގައިގެ މައްސަލަ ހައްލު ކުރުމަށްޓަކައި ސަރުކާރުން އަންނަނީ ތިލަފުއްޓަށް ކޮމާޝަލް ހާބަރު ބަދަލު ކުރުމަށް އެ ސަރަހައްދު ތަރައްގީ ކުރަމުންނެވެ. އެކަމަށް ގާތްގަނޑަކަށް 100 ހެކްޓަރުގެ ބިން ހިއްކަން ޖެހެ އެވެ. އޭގެ ތެރެއިން ކުރީގެ ސަރުކާރުން އޮތީ، އެމްޕީއެލްގެ ބޭނުމަށް 20 ހެކްޓަރު ހިއްކައިފަ އެވެ. އެހެންވެ، އެ 20 ހެކްޓަރު ބަނދަރުގެ ހިދުމަތްތަކަށް ކަނޑައަޅައި އިތުރު 80 ހެކްޓަރު ބިން ހިއްކުމަށް މިހާރު ވަނީ ކަނޑައަޅައިފަ އެވެ.

މާލޭ ވިޔަފާރި ބަނދަރު މުހައްމަދު ވަޖީހު އިބްރާހިމް (އެމްޑީ، އެމްޕީއެލް)

12 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަަނދަރު

10 October 2024

ޑެމަރޭޖްވާ ހިސާބުން އެކަމަކު ތިބުނާ ހިލޭ ހުރިހާ ދުވަހަކަށާ ލައިގެން ދެއްތޯ.ޑެމަރޭޖް ނަގަނީ. އެހެންވީމާ ކިހިނެއް ހިލޭ. ވެފަ އަޔައޮތީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބަލް ތެޔޮ ގުރާބް ސައްތާރު

10 October 2024

ބަނދަރުގައި މުދާ ހިލޭ ބަހައްޓާދޭކަށް ނުޖެހޭ . ދުނިޔޭގެ އެއްވެސް ބަދަރެއްގައި އޮްންނަގޮތެއް ނޫން ، އެހެނަސް ބަދަރަށް ވަންނަ ބޯޓުން ގެންނަ މުދާ ކޮޅު ނުބޭލި މަސްދުވަސް ވެސް އެބަވޭ . މުދާ ނުބޭލި ހޭދަވާ ދުވަަސް ތަކުގެ ގެއްލުމުގެ ޒިންމާ ހިދުމަތް ދޭ ފަރާތުން ޔައުނީ އެމްޕީއެލް ކުންފުނިން ޒިންމާވާން ވެސް ނަގަންޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަމީމު

10 October 2024

3 ދުވަހަށް ހަދާ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މ.ރަޝީދު

10 October 2024

ތިހެންނެތް ތިކަންތަކަށް ކުރަންވީ. ތީ ހަމަ ރައްޔިތުންނަށް ބުރަވާގޮތް. ސަރުކާރުން ތިތަން ބޮޑުކޮށް ހެދޭނެ ގޮތްތަކެއް ނެތީތަ! ރައްޔިތުން ހަނާކުރާވިސްނުމުން މިސަރުކާރު ދުރުވުން އެދެމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިފާގު

10 October 2024

މީތި ކަޑަ. މިހާރުވެސް 3 ދުވަސްކުރިން ނޯޓުކޮށްގެންނޫނީ މުދާކޮޅު ކްލިއަރ ނުކުރެވޭ. ބޯޓު ބަނދަރުކުރާއިރަކަށް ޑީއޯއެއްނުލިބޭ. ޑީއޯ ނަގަން ބޭންކް ޕްރޮސެސްވެސް ނުނިމޭ. މިހެން ހެދުމުން ހުރިހާ ގެއްލުމެއް ވިޔަފާރިވެރިންނަށް. ދިގުމުއްދަތުގައި އާންމު ރައްޔިތުންނަށް. ވިސްނުމެއްނެތި މިފަދަކަންތައް ނުނިންމުމަށް ގޮވާލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

10 October 2024

ބޭރަށް ދައްކަން ޖެހޭ ވ ބޮޑެތި ލޯން ތަކެއް ދެއްކުމަށް އެކި ދިމަ ދިމާލުން ފައިސާ ލިބޭނެ ގޮތް ތައް ދަނީ ހޯދަމުންނެވެ. ސިޔާސީ ބައެއް މީހުން ވަގަށް ނެތި އެތައް ބިލިއަން ރުފިޔާ އެއް ހޯދާނެ ގޮތެއް ސަރުކާ ރަކަށް ނޭނގުނެވެ. ދެން މިއަންނަނީ އާދައިގެ މީހާ އާ ދިމާލަށް އެކި ނަންނަމުގެ ފައިސާ ލިބޭނެ ގޮތް ތައް ހަމަ ޖައްސަމުންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެރި މޯދީ

10 October 2024

މިސަރުކާރު އައިފަހުން އުފާވެރި ހަބަރެއް ފަސޭހައެއް ލުޔެއް ވާނެ ހަބަރެއް ނުލިބޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑީ

10 October 2024

މަޑުކުރޭ! ވަރަށް އަވަހަށް ފުލެޓްތައް ލިބިގެންދާނެ. އޭރުން ހިތަށް އުފާވެރިކަންލިބި ސިކުނޑިއަށް ލުއި ލިބިގެންދާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސެންޗޫރިއަން

10 October 2024

ފައިސާ ދައްކާފަ އެޖެންޓު ހިތުހުރި ވަގުތަކު ޑީއޯ އެޕްރޫވްކުރާ އުސޫލަކުން ތިކަމެއްނުވާނެ. ތިއުޅެނީ ލާރިކާން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިޔަފާރި ވެރިއެއް

10 October 2024

ހިތާމަވެރި ހަބަރެއް. ކަސްޓަމްސް އެހާ ސްލޯއިރު. ޑެމަރޭޖްވާނެ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކްސްް

10 October 2024

ބޮޑަށް ލަފާކުރެވެނީ އެމްޕީއެލްގެ ކޭޝްފްލޯ ރަނގަޅުކުރަން ޖަހާ މަޅިއެއްހެން. ކިތަންމެ ކުރިން އިންވޮއިސް ފާސްކުރަން ހުށަހެޅިއަސް، ކަސްޓަމުން ފޯމު ނިންމަނީ އެންމެ ފަހު ވަގުތު. މިކަމުގެ ސަބަބުން މުދާ ކްލިއަރ ކުރުމަށް އިންތިހާއަށް ދަތިތަކާއި ދިމާވޭ.