އެމްއާރްއެމް އުވާލުމަށް ޕާޓީގެ ދަރަންޏެއް އޮތްނަމަ ހުށަަަހަޅަން އަންގައިފި

ކުރީގެ ރައީސް މައުމޫން އަބްދުލްގައްޔޫމް އިސްވެ ހުންނަވައިގެން އުފެއްދި މޯލްޑިވްސް ރިފޯމް މޫވްމަންޓް (އެމްއާރްއެމް) އުވާލުމުގެ މަސައްކަތް ކުރަމުންދާތީ، އެ ޕާޓީގެ އެއްވެސް ދަރަންޏެއް އޮތްނަމަ ހުށަހަޅަން އަންގައިފި އެވެ.

ސިޔާސީ ޕާޓީގެ ގާނޫނު ލާޒިމުކުރާ އަދަދު ކަމަށްވާ 3،000 މެމްބަރުން އެ ޕާޓީ އަށް ހަމަކުރެވިފައި ނުވާތީ، އެމްއާރްއެމް އުވާލަން ނިންމާފައިވަނީ މިިދިޔަ އޮގަސްޓުމަހުގެ ތެރޭގަ އެވެ.

އިލެކްޝަންސް ކޮމިޝަނުން މިއަދު ބުނީ އެމްއާރްއެމް އުވާލުކުރުމުގެ މަސައްކަތް ކުރަމުން އަންނަ ކަމަށާއި، އެ ޕާޓީގެ އެއްވެސް ދަރަންޏެއް އޮތްނަމަ، އެ ޕާޓީގެ އޮފީހަށް އަންނަ މަހުގެ 10 ގެ ކުރިން އަންގަން އެދޭ ކަމަށެވެ.

މައުމޫން އިސްވެ ހުންނަވައިގެން އުފެއްދި ތިން ވަނަ ސިޔާސީ ޕާޓީ އެމްއާރްއެމްގައި 3،000 މެންބަރުން ހަމަނުވާ ކަމަށާއި ސިޔާސީ ޕާޓީއެއްގައި މެމްބަރުން ތިބެން ޖެހޭ ކަމަށް ގާނޫނުގައި ލާޒިމްކޮށްފައިވާ އެ އަދަދު ފުރިހަމަކުރަން ދިން މުއްދަތު ފަހަނައަޅައި ދިޔައިރު ވެސް މެމްބަރުން ހަމަކޮށްފައި ނުވާ ކަމަށް ބުނެ އެ ޕާޓީ އުވާލަން ފުރަތަމަ ނިންމީ މިދިޔަ އަހަރުގެ މޭ މަހު އެވެ.

Maumoon ge MRM uvaalan anekkaves ninmaifi

The most trusted news source in the Maldives

Mihaaru

އެ ނިންމުމާ ގުޅިގެން އެ ޕާޓީގެ ރައީސް އަދި މައުމޫންގެ ދަރިކަލުން އަހުމަދު ފާރިސް މައުމޫން ރިޔާސީ އިންތިހާބުގައި ވާދަކުރެއްވީ ވެސް އަމިއްލަ ގޮތުންނެވެ. އޭގެ ފަހުން ރައްޔިތުންގެ މަޖިލީހުގެ އިންތިހާބުގައި ވެސް ފާރިސް އަމިއްލަ ގޮތުން ވާދަކުރެއްވި އެވެ.

މައުމޫން މުސްތަޝާރުކަން ކުރައްވާ، އަދި އެ މަނިކުފާނުގެ ދަރިކަލުން ފާރިސް މައުމޫން ރައީސްކަން ކުރައްވާ ޕާޓީ އުވާލަން ކުރިން ނިންމި ނިންމުން ސިވިލް ކޯޓަށް ހުށަހެޅި އެވެ. އެ މައްސަލާގައި ސިވިލް ކޯޓުން ކުރި ހުކުމްގައި ވަނީ ޕާޓީ އުވާލަން އީސީން ދީފައިވާ ނޯޓިސްއަކީ ސިޔާސީ ޕާޓީތަކުގެ ގާނޫނާ ހިލާފަށް ދީފައިވާ ނޯޓިސްއެއް ކަމަށެވެ.

އެމްއާރްއެމް އަށް 3،000 މެންބަރުން ހަމަކުރަން އަންގައި ފެބުރުއަރީ މަހު ފޮނުވި ނޯޓިސްގައި މެންބަރުންގެ އަދަދު ކަމަށް ކޮމިޝަނުން އަންގާފައިވަނީ 2981 އެކެވެ. އެ ޕާޓީން މެންބަރުން ހަމަކުރުމުގެ މަސައްކަތް ކުރަމުން ދިޔައީ އެ އަދަދަށް ބަލައިގެންނެވެ. އަދި އެ ނޯޓިސް އިން ޕްރޮސެސް ނުކުރާ ފޯމްތަކެއް ހުރިކަން ވެސް އެނގެން ނެތް އިރު، ނޯޓިސްގެ މުއްދަތުގައި ޕާޓީން މެންބަރުން އުނި އިތުރުކޮށްފައިވާކަން ވެސް ހުކުމްގައި ފާހަގަކޮށްފައިވެ އެވެ.