ރައީސް ނިންމެވީ ސިޔާސީ މުވައްޒަފުންނާއި ދައުލަތުގެ އިސްވެރިންނާއި ކުންފުނިތަކުގެ އިސްވެރިން އަދި ރައްޔިތުންގެ މަޖިލީހުގެ މެމްބަރުން ވެސް ހިމެނޭ ގޮތަށް އެ ބޭފުޅުންގެ މުސާރައިން 10 ޕަސެންޓް އުނިކުރުމަށް.
ރައީސް ޑރ. މުހައްމަދު މުއިއްޒު: ސިޔާސީ މުވައްޒަފުންނާއި ދައުލަތުގެ ވެރިންގެ މުސާރައިގެ 10 ޕަސެންޓް އުނިކުރުމަށް އެމަނިކުފާނު ވަނީ ނިންމަވައިފައި.-- ފޮޓޯ: ރައީސް އޮފީސް
23 އޮކްޓޯބަރ 2024 - 18:36
188 comments
ސަރުކާރުގެ ސިޔާސީ މުވައްޒަފުންނާއި ދައުލަތުގެ އިސްވެރިންނާއި ކުންފުނިތަކުގެ އިސްވެރިންގެ މުސާރައިން 10 ޕަސެންޓް ކުޑަކުރަން ރައީސް ޑރ. މުހައްމަދު މުއިއްޒު މިއަދު ނިންމަވައިފި އެވެ.
ރައީސް މުއިއްޒު މިރޭ އެކްސްގައި ކުރެއްވި ޕޯސްޓެއްގައި ވިދާޅުވީ ރައްޔިތުންގެ މަޖިލީހަށް އަންނަ އަހަރުގެ ދައުލަތުގެ ބަޖެޓު ހުށަހަޅާއިރު، ސަރުކާރުގެ އިގްތިސާދީ އިސްލާހީ އެޖެންޑާގެ ދަށުން ދައުލަތުގެ ހަރަދުތައް ކުޑަކުރުމުގެ މަގުސަދުގައި ގިނަ ފިޔަވަޅުތަކެއް އެޅުމަށް ނިންމަވާފައިވާ ކަމަށެވެ.
ރައީސް ވަނީ ސިޔާސީ މުވައްޒަފުންނާއި ދައުލަތުގެ ތިން ބާރުގެ އިސް ބޭފުޅުންނާއި މިނިވަން މުއައްސަސާތަކުގެ ވެރިންނާއި މަޖިލީހުގެ މެމްބަރުންނާއި ސަރުކާރު ކުންފުނިތަކުގެ އިސްވެރިންގެ މުސާރައިން 10 ޕަސެންޓް ދެ އަހަރު ދުވަހުގެ މުއްދަތަށް އުނިކުރުމަށް ނިންމަވައިފަ އެވެ.
މީގެ އިތުރުން ރައީސްގެ އަމިއްލަފުޅު މުސާރައިން 50 ޕަސެންޓް އުނިކުރުމަށް ވެސް އެމަނިކުފާނު ވަނީ ނިންމަވައިފަ އެވެ. ރައީސްގެ މިހާރުގެ މުސާރައަކީ 100،000ރ. އެވެ. މި އިސްލާހާ އެކު ރައީސް ދެން ނަންގަވާނީ 50،000ރ. ގެ މުސާރައެކެވެ.
"މީގެ އިތުރުން އަޅުގަނޑުގެ މުސާރައިގެ %50 ނުނަގާ ގޮތަށް ހަމަޖައްސަން ދެންނެވުން،" ރައީސް ވިދާޅުވި އެވެ.
ރައީސްގެ ނިންމެވުންތައް
• ސިޔާސީ ހުރިހާ މުވައްޒަފުންގެ މުސާރައިން 10 ޕަސެންޓް އުނިކުރުން.
• ބޭންކްތައް ފިޔަވައި ސަރުކާރު ހިއްސާވާ ކުންފުނިތަކުގެ މުވައްޒަފުންގެ މުސާރައިން 10 ޕަސެންޓް އުނިކުރުން. އަދި ކުންފުނިތަކުގެ ވެރިންނަށް އެންމެ ބޮޑުކޮށް ދެވޭނީ 90،000ރ. ކަމަށް ކަނޑައެޅުން.
• މިނިވަން މުއައްސަސާތަކުގެ އިސްވެރިންގެ މުސާރައިން 10 ޕަސެންޓް އުނިކުރަން ހުށަހެޅުން
• ޝަރުއީ ދާއިރާގެ އިސްވެރިން އަދި ރައްޔިތުންގެ މަޖިލީހުގެ މެމްބަރުންގެ މުސާރައިން 10 ޕަސެންޓް އުނިކުރަން ހުށަހެޅުން
ރައީސް ވިދާޅުވީ މި ފިޔަވަޅުތައް އެޅުމުގައި 12،000ރ. އަށް ވުރެ ދަށުން މުސާރަ އާއި އިނާޔަތްތައް ލިބޭ މުވައްޒަފުން އިސްތިސްނާވާނެ ކަމަށެވެ.
ދައުލަތުގެ ދަރަނި ބޮޑުވެ، ރާއްޖޭގެ އިގްތިސާދީ ހާލަތު ދަށަށް ގޮސްފައި ވާތީ ދައުލަތުގެ ހަރަދުތައް ކުޑަކުރުމުގެ ގޮތުން ގިނަ ފިޔަވަޅުތަކެއް އަޅަން ސަރުކާރުން ކުރިން އޮތީ ނިންމައިފަ އެވެ.
ހަރަދުތައް ކުޑަކުރުމުގެ ސިޔާސަތުގެ ދަށުން ސަރުކާރުގެ ސިޔާސީ މަގާމުތަކުގައި މިހާރު ތިބި 228 މުވައްޒަފަކު މަގާމުން ވަކިކުރަން ވެސް ރައީސް ވަނީ މިދިޔަ ހަފުތާގައި ނިންމަވައިފަ އެވެ. އެ ނިންމެވުމުގެ ސަބަބުން މަހަކު 5.7 މިލިއަން ރުފިޔާ ދައުލަތަށް ސަލާމަތް ކުރެވޭނެ ކަމަށް ރައީސް ވިދާޅުވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިރުބަ
25 October 2024
ބޭރުގެ މިޝަންތަކަށް ކުރާ ބޭކާރު ޚަރަދު ހުއްޓާލަބަލަ. އމބަސީ ހުންނަން ނުޖެހޭ ތަންތަނުން ނަގާބަލަ. އަދި އެމްބަސީ ހުންނަ ތަންތަނުގަވެސް ބޭކާރު މުވައްޒަފުން ކަނޑާބަލަ
ބޮޑުބަންޑާ
24 October 2024
މުލިޔާގޭ ފަރިއްކޮޅަށް މަހަކު ތި ހޭދަ ކުރާ 3 ލައްކައިން %10 ކަނޑަން ކެރޭނެ ބާ.
މުއީޒު
24 October 2024
ކީއްވެ ނުކެރެންވީ؟ މަ މިހާރު ކަނީ 3 އިރު. އެވެސް ގަރުދިޔައާ ބަތާ.
ހުސެންފުޅު
24 October 2024
ރައްޔިތުންނަށް އޮަލުވާލަންް ޑްރާމާ ނުކުޅޭ، ސިޔާސީ އެތައްސަތޭކަ މަގާމް ތަކަކުން (25000ރ) 228 މީހުން ވަކިކުރީމަ 5.7 މިލިޔަން ސަލާމަތްވެޔޭ ކިޔާފަ މިހާރު ތި ނިންމީ އެމީހުންގެ މުސާރައިން %10 އުނިކުރަން. މީ ބަތްކައްކާ ކުޅޭ ސަރުކާރެއްތަ؟
ކޮތަރޭ
24 October 2024
މުޅި ދެކުނު އޭޝިއާގައިވެސް ރާއްޖޭގައި އެންމެ ސިޔާސީ މީހުންގެ މުސާރަ ބޮޑީ. ތިއޮތް ބޮޑު އިންޑިއާގައިވެސް، އެގައުމުގެ ބޮޑުވަޒީރު މުސާރައަކީ މިގައުމުގެ ސިޓީ ކައުންސިލުގެ ރައީސެއްގެ މުސާރަ. ދެކޮޅު ނުޖެހިގެން މިއުޅެނީ، އާދޭސްކޮށް ސަލާން ޖަހަންދާން ވެސް އޮތީ އަވަށްޓެރި އިންޑިއާ. ނުފޯރާފޮތިން ފޫގަޅަން ނޫޅެ ސިޔަސީ އެންމެންގެ މުސާރަ ދާއިމީ ގޮތެއްގައި ކުޑަކުރަން ގޮވާލަން. އެހެން ނޫނީ ހުރިހާ ގެއްލުމެއް ނިކަމެތި ރައްޔޮތުންނަށް
ކޮތަރޭ
24 October 2024
މައުމޫނު މިޤައުމުގައި ވެރިކަން ކުރި އިރު ތިަކަހަލަ އެއްވެސް މައްސަލައެއް ދިމައެއް ނުވޭ.
ބަކަމޫން
24 October 2024
ދެން ތިބުނަނީ މައުމޫނާ ވެރިކަން ހަވާލުކުރާށޭތަ؟
އިބުރާ
24 October 2024
90 ހާސް ލިބޭ މީހާގެ މުސާރައިންވ %10 އަދި 13 ހާސް ލިބޭ މީހާގެ މުސާރައިންވެސް %10. މީތީ ކިހިނެތް ދިމާކުރާނީ. ބޮޑުކޮށް ލިބޭ މީހާ އަތުން ބޮޑުކޮށް ކަނޑަންޖެހޭ. ކޮވިޑް ދުވަސްވަރުވެސް ހެދީ ބޮޑުމީހާއަތުން ބޮޑުކޮށް ކެނޑީ.
އަސްލު......
24 October 2024
ހިތްޕުޅާވާވަރަށް ޕާޓީ ކުދިންނަށް އެއްވެސް ބެއްލެވުމެއްނެތި ވަޒީފާތައްދެއްވީ މިދިއަ 10މަސްދުވަހު އޭރަކު ހިތަކަށް ނޭރި އިގްތިސާދީހާލަތު، ވެދާނެ ބޭނުމަކީ ރައްޔަތުންގެ އަތްމަތި ދަތިކޮށް ސައިޒު ކޮށްފައި ބޭއްވުންކަމަށް...
ޕްރިންޓްޝޮޕް ޕްރިންޓަރ
24 October 2024
ހެޔޮނުވާނެ، ތިއެއްޗެއް ކަޑާފަވެސް ސްކޫލްތަކުގެ ޕްރިންޓާ އެއްޗިއްސަށް ހޭދަކުރާނެ އެއްޗެއް ދީބަލަ، ހުޅުމާލޭގެ ބައެއްސްކޫލްތަކުގަ، 2ފުށަށް ޕްރިންޓްކުރަންޖެހި، އަރިމަތީ ތަތްކުރަންޖރހޭތީ، ޓީޗަރުއައިސް ކުދިންނަށް އަމިއްލަ މުސާރައިންއެބަ ޕްރިންކުރޭ! 4ގެ ބަދަލުވި މުޤައްރަރު އިސްލާމްފޮތެއް ނުދޭ. ބެހީ ކުރީގެމުޤައްރަރުގެ ފޮތް، ޢެންގީ އާ މުގައްރަރުންނޯ ކިޔަވައިދޭނީ، އެކަމަކު ޕްރިންޓްނުކުރެވޭތީ، ޣާޒީ، ހުރަވީ ތަންތާ ކުރީގެ މުގައްރަރުން ކިޔަވައިދޭން ފަށައިފި.
ޖަވިޔަނި
24 October 2024
އެކަށީގެންވާ ދިރާސާއެއް ހަދައިފިއްޔާމުން، މި ހާލަތު ދިމާވީ މިސަރުކާރަށް މާލީ ކަންތައްތައް ނޭނގުމުގެ ސަބަބުންކަން ވަރަށް ސާފުވާނެއެވެ. ޑްރޯންތަކަކަށް ހަރަދުކޮށް، އިންޑިއާއަށް ދައްކަންނުޖޭހޭ ބޮޑު އަދަދެއް އަނބުރާ ދެއްކުމާއި، ނުވިތާކަށް އިންޑިއާ ޓުއަރިސްޓުންނަށްވެސް ނުނިޔަތްލީ ހަަމަ މި ހިނގަމުންދާ 2024 ވަނަ އަހަރުއެވެ. އިގްތިސޯދުގެ ކުރިއެރުމާއި ޕަބްލިކް ފައިނޭންސަކީ ހަމަ ވިޔަފާރި ފައިދާ އަދި ނަގުދު ފައިސާހާ ތަފާތު ދޭއްޗެވެ. މި ތަފާތު ގަބޫލުކުރަށެވެ.
ދެނޯ
24 October 2024
އޯކޭ. ގަބޫލުކޮށްގިން. ދެނޯ؟
އަލީ!!
24 October 2024
ދިވެހީން ބޭނުންވިގޮތްމީ.. ވޯޓް ދިނީ މިކަންކަމަށް އެއްބަސްވެގެން!! ކޮވިޑްތެރޭވެސް މުސާރަދިންހަމައަށް.
ބޯބުރާންތި
24 October 2024
ކޮވިޑް ތެރޭ މުސާރަދިނީ ފައިސާ ޗާޕްކޮށްގެން. ނަތީޖާއަކީ ލޯނުތައް ނުދެއްކި ދަރަނި ބޮޑުވެ ފައިސާގެ އަގުވެއްޓި އިންފްލޭޝަން މަތިވެގެން ދިއުން.