ހައްޖުގެ އަޅުކަމުގައި ބަޔަކު ބައިވެރިވަނީ: ރާއްޖެ އަށް ކަނޑައަޅާފައިވާ ހައްޖު ކޯޓާ އިތުރުކޮށްދޭން ސައުދީ ސަރުކާރުން ވަނީ ނިންމާފައި. --ފޮޓޯ:އޭޕީ
07 މާޗް 2017 - 13:59
15 comments
މި މަހުގެ ތިން ވަނަ ހަފުތާގައި ސައޫދީ އަރަބިއްޔާގެ ރަސްގެފާނު ސަލްމާން ބިން އަބްދުލްއަޒީޒް ރާއްޖެއަށް ކުރައްވާ ރަސްމީ ދަތުރުފުޅުގައި ރާއްޖޭގެ ހައްޖު ކޯޓާއަށް 1،000 ޖާގަ އިތުރުކޮށްދެއްވަން ނިންމަވާފައިވާކަން އެނގިއްޖެ އެވެ.
ރާއްޖެ އަށް މިހާރު ކަނޑައަޅާފައި އޮންނަނީ އަހަރަކަށް 1،000 ޖާގަ އެވެ.
ރައީސް އަބްދުﷲ ޔާމީން 2016 ގައި ސައޫދީ އަރަބިއްޔާއަށް ކުރެއްވި ދަތުރުފުޅުގައި ރަސްގެފާނު ވަނީ ހައްޖު ކޯޓާ އިތުރުކޮށްދެއްވާނެ ކަމުގެ ޔަގީންކަން ދެއްވައިފަ އެވެ.
އެ ޔަގީންކަމާ އެކު ރާއްޖެ އިން މިދިޔަ އަހަރު ހައްޖަށް ދާން، ހައްޖު ކޯޕަރޭޝަނާއި ކުންފުނިތަކަށް 2،000 ޖާގަ އިސްލާމިކް މިނިސްޓްރީން ދޫކުރި އެވެ. އެކަމަކު، ކޯޓާ ހަމަނުޖެހި، އޭގެ ތެރެއިން 1،000 މީހުންނަށް ހައްޖަށް ނުދެވޭނެ ކަމުގެ ބިރު އުފެދިފައި ވަނިކޮށް ފަހު ވަގުތު އިތުރު 1000 ޖާގަ ހަމަޖެހި އެންމެން ހައްޖަށް ދިޔަ އެވެ.
އޭޝިއާގެ ފަސް ގައުމަކަށް ރަސްގެފާނު ކުރައްވާ ދަތުރުފުޅުގައި އިންޑޮނީޝިއާ އަށް ވަޑައިގެން އެ ގައުމުގެ ހައްޖު ކޯޓާ ވެސް ވަނީ އިތުރުކޮށްދެއްވައިފަ އެވެ. އެ ގައުމަށް 10،000 ޖާގަ ވަނީ އިތުރުކޮށްދެއްވައިފަ އެވެ.
ހައްޖަށް ދާން އެކި ގައުމުތަކަށް ދޭ ހައްޖު ކޯޓާގެ އަދަދު ދަށްކޮށްފައި އޮތް އޮތުން މި އަހަރުން ފެށިގެން ނިމުމަކަށް ގެންނަން ސައުދީ ސަރުކާރުން ކުރިން ވެސް އޮތީ ނިންމައިފަ އެވެ. ސައުދީންނާއި ބޭރުގެ އެކި ގައުމުތަކުން ކޮންމެ އަހަރަކު ހައްޖަށް ދެވޭ މީހުންގެ އަދަދު ސައުދީ ސަރުކާރުން 2012 ގައި ދަށްކުރީ ހަރަމްފުޅު ބޮޑުކުރުމުގެ މަޝްރޫއު ފެށުމާ ގުޅިގެން ހައްޖާޖީންގެ ސަލާމަތަށްޓަކަ އެވެ. އެގޮތުން އެކި ގައުމުތަކަށް ދޭ ހައްޖު ކޯޓާގެ އަދަދު 20 ޕަސެންޓް ދަށްކޮށް، ސައުދީން ހައްޖަށް ދާން ކޯޓާ ދޭ މީހުންގެ އަދަދު 50 ޕަސެންޓަށް ދަށްކުރި އެވެ.
އެކަމަކު އެ މަޝްރޫއު މިހާރު ނިމުމަކާ ގާތަށް ގޮސްފައިވާތީ ސައުދީގެ ވަލީއަހުދު މުހައްމަދު ބިން ނާއިފްގެ ހުށަހެޅުއްވުމަކަށް އެ ގައުމުގެ ހައްޖު ކޮމެޓީން މިހާރު ވަނީ ކޯޓާ ދޭ މިންވަރު ދަށްކޮށްފައި އޮތް އޮތުން މިއަހަރުން ފެށިގެން ނިމުމަކަށް ގެންނަން ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިކޯ
08 March 2017
ރާއްޖެއަށް އިތުރު ކޯޓާ ހޯދާ އެ ކޯޓާ ލަންކާ އިންޑިޔާ ބުޓާނު ނެޕާލް ފަދަ ގައުމުތަކަކުގައި އުޅޭއިސްލާމުންނަށް ވިއްކޭނެ އިންތިޒާމް ހަމަޖެހިއޖިޔާ ރާއްޖޭގެ އިގްތިސާދަށް ވެސް ފައިދާކުރާނެ.
އަލީ
08 March 2017
ތިޔަށް ކިޔާނީ ފައިސާއަށް ގެފުޅު ވިއްކުން.
އާދަނު
07 March 2017
މުޅިން ސަކަރާތެއްނުން.... ރަސްގެފާނުވެސް މިދަނޑިވަޅުގަ ތިކަހަލަ ކަންކަން ކޮށްދީގެން ނުވާނެ. އަހަރެމެންގެ ކެމްޕޭނަށް ވަރަށް ބޮޑު ގެއްލުމެއް ތިދެނީ.
ގޮއްޔެ
07 March 2017
މިދިޔަ އަހަރުވެސް ތިހެން ކިޔައިގެން ރައްޔިތުން ގުނބޯ ހައްދައިގެން އުޅުނު. މިއަހަރު ކިހާވަރަކުން ދާނެބާ؟؟؟
ކޮލޮމްބޯ
07 March 2017
ޝުކްރިއްޔާ ސައޫދީއެރޭބިޔާ އަދި އެގައުމުގެ ރަސްގެފާނު ސުލްތާން ސަލްމާން! ދިވެހި ކިޔަވާ ކުދިންނަށް ހިލޭ ކިޔަވާ ދޭ ހަމައެކަނި ގައުމު!
ޢަހުމަދު
07 March 2017
ޔަމަނުގެ ނިކެމތި ރައްޔަތުން ކުރިމަތީ ތިހެން ބުނެބަލަ
ހާސަރު
07 March 2017
އަހާ އަހަރެން ހީކުރީ މިފަހަރު ރާއްޖޭން ހައްޖައްދާ އެންމެން ރަސްގެފާނުގެ ދީލަތިއެހީފުޅުން ހިލޭގެންދާނެ ކަމަށް! އޭރުން ފާފުގެކަންތަކުގާ ރައްޔިތުން މައިތިރިވެދާނެކަމަށް ބަލާ.
ޒާ
07 March 2017
މިކަކާވެސް އުފާކުރަންވާނެ. ޙައްޖަށް ދިއުމުގެ ތަނަވަސްކަން ހުރި މީހުންވެސް ކޯޓާ ނެތީމާ (ފުރުސަތު) ނުލިބޭތީ ނުދެވިފައި ތިބީ. މިއީ ވަރަށް އުފާވެރި ޚަބަރެއް. މިރާއްޖޭގެ މުސްލިމް އެތައް ރައްޔިތަކު އެދި އެދި ތިބިކަމެއް. ނަމަވެސް މިކަންވެސް ސިޔާސީކޮށްގެން އެކަން ޖަހަމް ނުވާމީހުން އެމީހުންގެ ހަސަދަވެރިކަން ކޮންމެވެސް ގޮތަކުން ފާޅުކުރާނެ.
ސިންތިލީ ވޫމް
07 March 2017
ރަގަޅެއްނުން "ބޮޑުންގެ ކަބަލުންނައް" ތިޔައިން 500ކޯޓާ ދޭނީ އަބިންގެ "ހިތްރުއްސަން"
ޕޮކަންޑި މޭން
07 March 2017
މިކަމާވެސް "އެންޑީޕީ" މީހުން ވަރަށް މޭކަރާނެ.
ރަދީފް
07 March 2017
ޝުކުރިއްޔާ ރަަސްގެފާނު. ގައިމުވެސް ގިނަބަޔަކަށް ހައްޖުކުރެވޭނެ މަގުފަހިވެގެންދާނެ.އަދި ދިވެހިކޮންމެ ރައްޔިތަކަށް 2000 ޑޮލަރަށް ހައްޖުގެ އަޅުކަންކުރެވޭނެ ގޮތްހަމަޖައްސަވައިދެއްވުންއެދެން. ވ.ވެދުން ރަސްގެފާނު އަދި ޓީމަށް.