ގުރައިދޫން ދެ މެޗު ވެސް ކާމިޔާބުކޮށްގެން އެއްވަނަ، ފުވައްމުލަކާއި ތިމަރަފުށި ގުރަކަށް

ގުރޫޕްގެ ފަހު މެޗުގައި ފުވައްމުލައް ސިޓީ 1-0 އިން ބަލިކޮށް ކ. ގުރައިދޫން ކުޅުނު ދެ މެޗު ވެސް ކާމިޔާބުކޮށްގެން ގުރޫޕްގެ އެއްވަނަ ހޯދައިފި އެވެ.

މި ނަތީޖާއާ އެކު ގުރައިދުއަށް ހަ ޕޮއިންޓް ލިބިފައި ވާއިރު، ފުވައްމުލަކާ އެކު ގުރޫޕް އީ ގައި ދެން ހިމެނޭ ތ. ތިމަރަފުއްޓަށް ވެސް ލިބިފައި ވަނީ އެންމެ ޕޮއިންޓެކެވެ. އެއީ ދެ ޓީމު ވާދަކޮށް 1-1 އިން އެއްވަރުވި މެޗުން ލިބުނު ޕޮއިންޓެވެ.

ތިމަރަފުށި ވެސް ގުރައިދޫ އަތުން ބަލިވެފައި ވަނީ 1-0 ގެ ނަތީޖާއަކުންނެވެ. މިއާ ގުޅިގެން ތިމަރަފުއްޓާއި ފުވައްމުލައް ވެސް ޕޮއިންޓާއި ގޯލުގެ ގޮތުން ވެސް އެއްވަރުވުމާ އެކު، ގުރޫޕްގެ ދެވަނަ ޓީމުގެ ގޮތުގައި ކުއާޓާގެ ޖާގަ ހޯދާ ޓީމެއް ކަނޑައެޅުމަށް ނިންމާފައި ވަނީ ގުރުއަތުލައިގެންނެވެ. ގުރުއަތުލުން ބޭއްވުމަށް ހަމަޖެހިފައިވަނީ މާދަމާ އެވެ.