ތިރިން ބޯޅަ ކުޅެގެން 1969 ގައި ވިދާލި އައްޑޫ ފޭދޫގެ ޑީއެންސީގެ ޓީމު
24 ޑިސެމްބަރ 2024 - 10:56
25 comments
ސ. ހިތަދޫ އަށް ނިސްބަތްވާ އައްޑޫ ސްޕޯޓްސް އެސޯސިއޭޝަން (އޭއެސްއޭ) މާލެ އަށް ދަތުރުކޮށް 1968 ގެ ގައުމީ މުބާރާތުގައި ކުޅުނު ހިސާބުން އައްޑުއަށް ރާއްޖޭގެ ފުޓްބޯޅައިގައި ހާއްސަ ދަރަޖައެއް ލިބުނެވެ. ސަބަބަކީ އައްޑޫގެ އެ ޓީމަކީ ރާއްޖޭގައި ފުޓްބޯޅަ ކުޅެމުން އައި ގޮތް ބަދަލުކުރަން ފެށި ޓީމު ކަމަށް ވުމެވެ. މާލޭގެ ކުޅުންތެރިން ބޮޑުބޯޅަ ޖަހަން ތިއްބާ އައްޑޫ އޭއެސްއޭއިން ހަމަ ބިމަށް ބޯޅަ ތިރިކުރަން ފެށީ ކަމަށް އައްޑޫގެ ފުޓްބޯޅަ ލެޖެންޑް އަދި އޭރުގެ އެއް ވަނަ ފޯވާޑް އަބްދުﷲ މުފީދު (އުދުހޭ މުފީދު) ބުންޏެވެ.
އައްޑޫ ގަމުގައި އިނގިރޭސިން ބާއްވަމުން އައި ލީގުގައި ވާދަކުރަމުން އައި އޭއެސްއޭގެ ސަބަބުން އައްޑޫގެ ފުޓްބޯޅަ އަށް ލިބުނު ރީތި މަގާމާ އެކު އެ އަތޮޅުގެ އެހެން ރަށްރަށުން ވެސް ޓީމުތައް މާލޭގެ މުބާރާތުގައި ބައިވެރި ކުރުމަށް އިނގިރޭސިން ބާރު އެޅި ކަމަށް މުފީދު ވިދާޅުވި އެވެ.
ހިތަދޫ އޭއެސްއޭގެ ކުޅުންތެރިން 1976 ގައި ކާމިޔާބު ކުރި ގައުމީ ފައިނަލަށް ފަހު ތަށި އުފުލާލަނީ --- ފައިލް ފޮޓޯ: ކޮށިދޯރާހައުސް
"އޭއެސްއޭ ވެސް އޭރު ކުޅޭނީ ހަމަ މި ގޭމް. އެއީ އެ ޓީމަކީ ވެސް އިނގިރޭސިންގެ ލީގުގައި ކުޅޭ ޓީމެއް ވީމާ އެ ގޭމް އެ ޓީމަށް ވެސް ފަރިތަ،" މުފީދު ބުންޏެވެ.
އެކަމަކު އިނގިރޭސި ފުޓްބޯޅަ ސްޓައިލްގައި އެ ގޭމް އެންމެ ރަނގަޅަށް ކުޅޭ ޓީމަކީ ޖަމާއަތުގެ ގުޅުމުގެ ފޭދޫ ގޮފީގެ ދަށުން ކުޅޭ ޓީމު ކަމަށް މުފީދު ބުންޏެވެ.
ޖަމާއަތުގެ ގުޅުމުގެ ފޭދޫ ގޮފީގެ ކުޅިވަރު ބައިގެ ދަށުން ޑީއެންސީގެ ނަމުގައި ކްލަބް ހަދައި ޖެހިގެން އައި 1969 ގައި މާލޭގައި ބޭއްވި ގައުމީ މުބާރާތުގައި ވާދަކުރި އެވެ. އެއީ މުފީދު ވެސް ވިދާލި މުބާރާތެވެ. އޭނާ އަކީ ޑީއެންސީގެ އޭރުގެ ކެޕްޓަނެވެ.
އޭއޭއެސްގޭ ކުޅުމަށް ވުރެ ޑީއެންސީގެ ކުޅުން މާބޮޑަށް ވެސް ހިތްގައިމު ވެފައި މާ މޮޅެވެ. ގިނަބަޔަކަށް ކަމުދިޔައީ ވެސް ޑީއެންސީގެ ކުޅުމެވެ. އެ ސްޓައިލްގެ ކުޅުމާ އަޅާ ކިޔޭނެ އެހެން ޓީމެއް ވެސް އޭރަކު ނެތެވެ.
ޕްރެޒިޑެންޓްސް ކަޕް ތައްޓާ އެކު މުފީދު ފޮޓޯއަކަށް ހުއްޓިލައިގެން --- ފައިލް ފޮޓޯ
މުބާރާތުގެ ފުރަތަމަ މެޗުގައި މާލޭ އެމް އޯކިޑް ކްލްބާ ދެކޮޅަށް 3-1 ން ޑީއެންސީ މޮޅުވި މެޗުގައި އެ ޓީމު ދެއްކި ކުޅުމަށް ތައުރީފުކޮށް އޭރުގެ ނޫސް "ވިޔަފާރި މިއަދު" ގައި އެ ނޫހުގެ ރިޕޯޓަރު މަރްހޫމް ސައިކުރާ އިބްރާހިމް ނައީމު ލިޔުއްވާފައި ވަނީ ފުޓްބޯޅައަކީ ރީތިކޮށް ކުޅެވޭ ކުޅިވަރެއްކަން ޑީއެންސީން ދައްކައި ދީފައިވާ ކަމަށެވެ.
"ޑީއެންސީގެ އެހެރަ ރީތި ބަހާލުންތަކާއި ފުޓްބޯޅައިގެ އެކިއެކި އުކުޅުތައް ހާމަކޮށްލަދިންލެއް ހާދަ ފުރިހަމަ އެވެ.،" ސައިކުރާ ނައިމު ލިޔުއްވާފައިވެ އެވެ.
ހިތަދޫގެ އޭއެސްއޭއިން ދެއްކި ކުޅުމަށް ވުރެ ފޭދޫގެ ޑީއެންސީން ދެއްކި ކުޅުން އެހާ ރީތިވީ އިނގިރޭސިންނާ ދެކޮޅަށް އެންމެ ގިނައިން ކުޅުމުގެ ފުރުސަތު ފޭދޫގެ ޓީމަށް ލިބުމުން ކަމަށް މުފީދު ބުންޏެވެ.
އިނގިރޭސި ރާނީ އެލްޒަބަތު ރާއްޖެ ވަޑައިގަތުމުން އެކަމަނާގެ ޝަރަފުގައި ކުޅުނު މެޗުގައި މުފީދު، ރާނީއާ ސަލާމް ކުރައްވަނީ
ގަމާ އެންމެ ކައިރީގައި އޮތް ރަށަކީ ފޭދޫ ކަމަށް ވުމުން އެ ފުރުސަތު އެންމެ ބޮޑަށް ފަހީވީ ވެސް ފޭދުއަށެވެ. އޭރު ފަޅުތެރެއިން ހިނގާލާފައި ފޭދުން ގަމަށް ދެވެ އެވެ. މުފީދު ބުނި ގޮތުގައި ގަމުގައި އިނގިރޭސިންގެ ވަޒީފާތަކުގައި އެންމެ ގިނައިން މަސައްކަތް ކުރީ ވެސް ފޭދޫގެ މީހުންނެވެ.
"އަޅުގަނޑުމެން ގަމަށް ދާނީ ފަޅުތެރެއިން ހިނގާލަފަ. ހިތަދޫ މީހުން އަންނާނީ ފަލި ޖަހާފަ. ގަމާ އެންމެ ކައިރީގައި އަޅުގަނޑުމެންގެ ރަށް އޮންނާތީ އެމީހުންނާ އެކު އެންމެ ގިނައިން ކުޅުމުގެ ފުރުސަތު ވެސް ލިބޭނީ އަޅުގަނޑުމެންނަށް. އެހެންވެ އަޅުގަނޑުމެންގެ ގޭމް ވެސް މާބޮޑަށް ފުރިހަމަ ވީ،" މުފީދު ބުންޏެވެ.
"އިނގިރޭސިންނާ އެކު އެހާ ގިނައިން ކުޅެވުނީމަ އަޅުގަނޑުމެންގެ ގޭމް އެހާ ފުރިހަމަ ވީ."
އެ ގޭމް އެންމެ ފުރިހަމަގޮތުގައި ދައްކަން ޑީއެންސީ އަށް ފުރުސަތު ތަނަވަސްވި އަނެއް ސަބަބަކީ ގަމުގެ އިނގިރޭސިންގެ ބޭސްގެ ކުޅިވަރު ބައިގައި މަސައްކަތް ކުރި ފޭދޫގެ ހުސައިން ދީދީ (ޖޯޖު) އަށް ލިބުމެވެ. ރާއްޖޭގެ މަޝްހުރޫ ކޯޗު މުހައްމަދު ނިޒާމު އާއި އޮލިމްޕިކް ކޮމިޓީގެ ކުރީގެ ސެކްރެޓަރީ ޖެނަރަލް އަހުމަދު މަރްޒޫގް (މަރޭ) ގެ ބައްޕަ ޖޯޖަކީ އިނގިރޭސިންގެ ގަމުގައި ބޭއްވި ލީގުގައި ރެފްރީކަން ކުރަން އިނގިރޭސިން ތަމްރީނު ކުރި އޮފިޝަލެވެ.
މުފީދު ބުނީ އިނގިރޭސިންގެ ފަރާތުން ފުޓްބޯޅަ ދަސްކުރަން އެންމެ ބޮޑު ފުރުސަތެއް ލިބުނު އެކަކީ ޖޯޖް ކަމަށެވެ.
ހުސައިން ދީދީ - ޖޯޖް- (ކ) އައްޑޫގައި އިނގިރޭސިން ބޭއްވި މުބާރާތަކަށް ފަހު ތައްޓެއް ހަވާލުކޮށް ދެނީ. --- ފައިލް ފޮޓޯ: ކޮށިދޯރާހައުސް
"ޖޯޖް ވަޒީފާ އަދާކުރާނީ އިނގިރޭސިންގެ [ބޭސްގެ] ކުޅިވަރު ބައިގައި. އެހެންވެ އެމީހުންގެ ކައިރިން ކުޅިވަރުގެ ކަންކަން އެންމެ ރަނގަޅަށް އެނގިފައި ހުންނާނީ އޭނަ އަށް،" މުފީދު ބުންޏެވެ.
އޭގެ ފައިދާ ޖޯޖޯ ވެސް އަމަލީގޮތުން ފޭދޫގެ ޓީމަށް ހޯދައި ދެއްވި އެވެ. އޭނާގެ ނޯޓް ފޮތުގައި ގޭމް ޕްލޭން ކުރަހައި ޑީއެންސީގެ ކުޅުންތެރިންނަށް ކިޔައި ދެއްވި އެވެ.
ރާއްޖޭގެ ފުޓްބޯޅައިގެ ތިރިން ބޯޅަ ކުޅުމުގެ ސިފަ ޖެއްސި އައްޑޫގެ ފުޓްބޯޅަ އަށް މިރެޔަކީ ހާއްސަ ރެއެކެވެ. ގޯލްޑް ކަޕުގެ ފައިނަލުގައި މިރޭ އައްޑޫން އޭދަފުއްޓާ ދެކޮޅަށް ނުކުންނާނެ އެވެ. މުފީދު ބުނީ ގޯލްޑް ކަޕުގައި އައްޑޫ ކުޅުނު ހުރިހާ މެޗެއް އޭނާ ބެލި ކަމަށެވެ.
"[އައްޑޫ] ޓީމުން ދައްކާ ކުޅުމާ އެކު އުއްމީދު ކުރަނީ އައްޑުއަށް ތަށި ގެންނާނެ ކަމަށް،" މުފީދު ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަގަތްފާނު
24 December 2024
ދިވެހިތާރީހުގަ ކަންކަން ހިނގާގޮތުން ތިކަންވެސް ފުރަތަމަ ކުރީ ކ.މާލޭ ކޮންމެވެސް ގޯއްޗެއްގެ ސޮރެކޭ ކިޔާފަ ފޮތްތަކުގަ ޖަހައިގެން ކިޔަވަދޭތަން ދުވަސްކޮޅަކުން ފެންނާނީ.
ހަސަދު
24 December 2024
މުޅިން ރަނގަޅު ވާހަކަ އެއްނުން. އައްޑޫން ކޮންމެވެސް ވަރަކަށް ޕާސް ކުރި އެހެނަސް ޒަމާނީ ކުރެވުނީ ބޭރު ކޯޗުން ގެނެސް ގެން ކުރެވުނު މަސައްކަތުން.
ބުރިދިލް
24 December 2024
ބައިދަވޭ އިނގިރޭސިންނަކީ އެއްވެސް އިރަކު ތިރިން ރީތި ފުޓްބޯޅައެއް ކުޅުނު ބައެއްނޫން. ÷ޕްރިމިއަރ ލީގްގައި ގިނައިން އެހެން ގައުމުތަކުގެ ކުޅުންތެރިން. ޢިނގިރޭސި ގައުމީޓީމަކީ ބޮޑުބޯޅަ ޓީމެއް.
ބޮޑޭވުން
24 December 2024
މިއާރޓިކަލްގައި މިވަނީ އެއްވެސް ހަގީގަތެއް ނެތް ވާހަކައެއް.
ސުހާނާ
25 December 2024
އައްޑޫގެ ޑީއެންސީގެ ޓީމާއި އޭއެސްއޭގެ ޓީމު ކުޅުނުތަން ދުށިންތަ؟
ޏައިނާ
24 December 2024
މިއީ މިހާރު ނޫހުން ފެނުނު ވަރަށް ސަޅި އިނިޝިއޭޓެއް. މިމުބަރާތާއި ގުޅިގެން ޚާއްސަކޮށް ފައިނަލުގެ ދެޓީމުގެ ހިސްޓްރީއާ ބެހޭ ގޮތުން ހަބީބް އަދި ހަމްދޫން މި ގެނެސްދިން ދެ ލިޔުން ވަރަށް ފުރިހަމަ. އަޅުގަނޑު އުންމީދުކުރަނީ ޔެސް މުބާރާތުގެ މެޗްތައް ލައިވް ކޮމެންޓޭޓަރ މި ލިޔުންތައް ކިޔައިލަން. އެއްވެސް އޮޔެއް ވަޔެއް ނެތް އެސޮރުގެ އެގޮވެލި ފައްޗަކު.
ބޯ ހަލާކު
24 December 2024
ތިޔަ ބުނާގޮތަށް ކުޅެން ފެށީ އައްޑޫ މީހުންނޭ ތިޔަ ކިޔަނީ ރަނގަޅަށްތަ؟ ބަލަ އެއީ، އިނގެރޭސިން އައްޑޫ ގަމުގައި ތިބިއިރު އެމީހުން ނާ އެކު އައްޑޫ މީހުން ސޮކަރ ކުޅުނީމާ، ކުޅެން އާދަވާނީ އެގޮތަށްދޯ؟ ތިޔަ ދައްކަނީ 1961 ވަނަ އަހަރު އިނގެރޭސި މީޑިއަމް އަށް މާލޭގައި ނާސިރިއްޔާ މޮންޓެސޫރީ ސްކޫލް، ދެން އަމީނިއްޔާ، މަޖީދިއްޔާ ގައި ކިޔަވަން ފެށީމާ އެންމެ ފުރަތަމަ އިނގެރޭސިން ވާހަކަދައްކަން ފެށީ މާލޭ މީހުންނޭ ބުނުންކަހަލަ ވާހަކައެއްދޯ؟
އަބްޑޫޅް +
24 December 2024
އިގިރޭސީން "ސޮކަރ" އެއް ނުކުޅޭނެ. އިގިރޭސީން އެ ކުޅިވަރަށް ކިޔަނީ އެހެން ނަމެއް.
ހަސަންކަލޯ.
24 December 2024
އައްޑޫ މީހުންނަށް ފުޓްބޯޅަ އަދި އިންގްލިޝް މީޑިއަމަށް ކިޔަވަން ފެއްޓި ސުކޫލް ތައްވެސް އޮޅިފައެއްނުވޭ. މާލޭ ކުދިންނަށް ޤަބޫލު ނުކުރެވުނު ކަމަށްވިޔަސް މާލެއަށް ފުޓްބޯޅަ ތައާރަފް ކުރީ އައްޑޫގެ ޓީމް ތަކުން. އަދި ތިޔަ ވިދާޅުވި އިނގެރޭސި މީޑިއަމް އަށް މާލޭގައި ނާސިރިއްޔާ މޮންޓެސޫރީ ސްކޫލް ގައި ކިޔަވަން ފެއްޓުމުގެ ކުރިން އައްޑޫ އިންގްލިޝް ސުކޫލް ގައި ކިޔަވާ ދިނީ އިންލިޝް މީޑިއަމަށް.
އޮނަރަބްލް ކުދު ބެއްޔާ ގެ އަފީފު ދީދީ
24 December 2024
ޑީޢެންސީ އައްޑޫ ފުޓުބޯޅަ އަކީ ސްޓައިލް ފުޓުބޯޅަ ކުޅުންރީތި ކަމަށް ކިޔާ. ނަމަވެސް މުޅި ރާއްޖެއަށް އިތުރަށް ސްޓައިލް ފުޓްބޯޅަ ތައާރަފް ވެގެން އައީ ޓިޥީ މޯލްޑްވިސް . އަދި ޓީވީ ވީސީ އާރު ރާއްޖެއަށް ތައާރަފްވި ދުވަސްވަރު. ކުލަބް ވެލެންސިޔާ ކުޅުންތެރިންގެ ފަރާތުން .
އަންތަރު ބިން ޝައްދާދު
24 December 2024
ހަގީގަތަށް ބުނާނަމަ ރާއްޖެއަށް ޒަމާނީ ފުޓްބޯޅައިގެ ވައްޓަފާޅި ( ޕާސިންގ ގޭމް ) ތައާރުފްކުރުމުގައި އައްޑޫ މީހުންގެ ދައުރު ވަރަށްބޮޑުކަމަށް ބުނެވިދާނެ ، ގައުމީ މުބާރާތްތަކުގައި އައްޑޫ ޑީއެންސީ ބައިވެރިވެ ތިރިން ޕާސްކޮށްގެން ކުޅެންފެށުން ވެގެންދިޔައީ ދިވެހި ފުޓްބޯޅަ ބަދަލުކޮށްލި ކަމަކަށް، ތިރިން ޕާސްކޮށްގެން ކުޅެން އައްޑޫ ކުޅުންތެރިންނަށް ދަސްވީ އިނގިރޭސިންގެ ފަރާތުން، އެއީ ހަގީގަތަކީ އެއަށްފަހު ބޭރުން ކިޔަވައިގަން އައިދިވެހިން ޕާސިންގ ގޭމްކުޅުނީ
ރާވެރިބެ
24 December 2024
ޢުދުހޭ މުފީދު ކެޕްޓަން، ފަހަތުން ލަބީބު ދުވެޔޭ…މިލަފުޒުތަށް ހިމެނޭ ލަވައެއްގެ ވާހަކަ އަޑު އެހިން. އައްޑޫ ކްލަބް ތަކުން ތިރިން ޕާސް ކުރާ ގޮތަށް ފުޓްބޯޅަ ރާއްޖެއަށް ތައާރަފް ކުރުމުގެ ކުރިން ކުޅުންތެރިން ބަލާނީ އެއްމެ މައްޗަށް ބޯޅަޖެހެނީ ކާކަށް ތޯ ކަމަށް އެޒަމާނުގެ މީހެއް ބުނެދިން.
ސުހާނާ
25 December 2024
ލަބީބަކީ އެޓީމުގެ ސެންޓަރ ފޮވާރޑް. އެ ލަވަ ކިޔަނީ ތިޔަ ބުނި ހެނެއް ނޫން. އެ ލަވަ ކިޔަނީ: "އުދުހޭ މުފީދު ކެޕްޓަން، ދަނޑުގައި ލަބީބު ގުޅިގެން، ފަހަތުން ސަޢީދު ފެނެޔޭ، ޞާލިޙުގެ ބޯޅަ ފޮނުވުން" މިގޮތަށް.
ވިންޓޭ
24 December 2024
ހަގީގަތަކީ އައްޑޫ މީހުން މާލޭބިނާކުރުމުގެ ބަދަލުގައި އައްޑޫ ބިނާކޮއް ކުރިއެރުވިނަމަ މިއަދު މިފެންނަ ނިކަމެތި ކަމަކާ ފަޅުކަމެއް އައްޑޫ އަކުން ނުފެންނާނެކަން. މާލެ ބަދަލުވުމުގެ ބަދަލުގަ ހުވަދު އަތޮޅުމީހުންވެސް ދިއުން ކައިރީ އައްޑުއައް. ހަގީގަތް ވާނީ ހަގީގަތައް
ސަނާކި
24 December 2024
ހަގީގަތަކީ އައްޑޫ މީހުން މާލެ އަންނަން ޖެހުނު ސަބަބު ވިންޓޭއަށް އެއްވެސް ވަރަކަށް ނޭގޭ ކަން. ކުޑަ މިސާލެއް ބުނެލާނަން. އައްޑޫ ކޮޅަށް މުދާ ބޭލުން މަނާކޮށް ޓެކްސް އިތުރުކޮށް ވިޔަފާރި ހުއްދަތައް ބާތިލް ކުރި.. މީ މި މަޖުބޫރީގެ ކުޑަވަރެއް..
އިބުރާ
24 December 2024
ދެކުނަށް މުދާ ބާލާއި މިމަގުން ކަންކުރަން ފުރުސަތު ނުދީ، މުގައްދަސް މާލެއަށް ޖިޒީ ދައްކަން ޖެހުމުގެ ސަބަބުން ސުވައިދީބު އުފެދުނީވެސް، މައި ސަރުކާރަކުން އެއްވެސް އިރަކު ބޭނުމެއް ނުވޭ އަތޮޅު ތެރެ ތަރައްގީ ވާކަށް. މި މިގައްދަސް މާލެ ފިޔަވައި. މިހާރުވެސް ކަން ހިނގަނީ ހަމަ އެމަގުން