24 ޑިސެމްބަރ 2024 - 23:02
70 comments
ފައިނަލުގައި އައްޑޫގެ މައްޗަށް 2-0 ގެ ނަތީޖާއަކުން މޮޅުވެ ގޯލްޑް ކަޕްގެ ޗެމްޕިއަންކަން ބ. އޭދަފުށިން ހޯދައިފި އެވެ.
މެޗު ފެށުމުގެ ކުރިން މުބާރާތުގެ ޗެމްޕިއަން ޓީމަށް ދޭ ތަށި ލޯންޗު ކުރި އެވެ. ގިނަ އަދަދެއްގެ ސަޕޯޓަރުން ވަދެ ތިބި ގަލޮޅު ދަނޑުގެ ޕިޗަށް ތަށި ހިފަހައްޓާލައިގެން ނުކުތީ ރާއްޖޭގެ ފުޓްބޯޅައިގެ އެންމެ ކާމިޔާބު ކުޅުންތެރިޔާ އަލީ އަޝްފާގް (ދަގަނޑޭ) އެވެ.
މުބާރާތުގެ ފައިނަލާ ހަމައަށް އައްޑޫ ކުރި ދަތުރުގައި އެއްވެސް މެޗަކުން އެ ޓީމު ބަލިވެފައެއް ނުވެ އެވެ. ދެވަނަ ބުރުގެ ފުރަތަމަ މެޗުގައި ކ. މާފުށި އަތުން އޭދަފުށި ބަލިވި އެވެ.
ގަލޮޅު ދަނޑުގައި އައްޑޫގެ ޓީމަކުން އޭދަފުއްޓާއި ދެކޮޅަށް މި ނުކުތީ 36 އަހަރަށް ފަހު އެވެ. މީގެ ކުރިން އޭދަފުއްޓާއި ދެކޮޅަށް ގަލޮޅު ދަނޑުގައި މެޗަކަށް ނުކުތީ 1988 ގަ އެވެ. ސ. ފޭދޫ ޓީމުން އޭދަފުއްޓާ ދެކޮޅަށް ކުޅުނު އެ މެޗު ނަތީޖާ ބުރަވީ އޭދަފުށީގެ ކޮޅަށެވެ. އެ މެޗު އެ ޓީމުން ކާމިޔާބު ކުރީ 2-0 ންނެވެ.
އައްޑޫގެ މޮޅުވުމުގެ ރޭހަށް ނިމުން ގެނައުމަށް، އޭދަފުއްޓަށް އެންމެ ފުރަތަމަ ފުރުސަތު ފަހިކޮށްދިނީ ކުރިން ފުރަތަމަ ޑިވިޝަނުގައި ވެސް ވާދަކުރި މުހައްމަދު ފާސިރު (ފާއްޓޭ) އެވެ.
ފުރަތަމަ ހާފުގައި ނެގި ކޯނަރުތަކުން އޭދަފުށިން އައްޑޫގެ ގޯލަށް ނުރައްކާ ކުރި އެވެ.
ގޯލްޑް ކަޕް ފައިނަލުގައި ލަނޑު ޖެހުމަށްފަހު އޭދަފުށި ޓީމުގެ އަލީ ފާސިރު (ސެންޓޭ) އުފާފާޅުކުރަނީ: ފައިނަލުގައި އައްޑޫގެ މައްޗަށް 2-0 ގެ ނަތީޖާއަކުން މޮޅުވެ ގޯލްޑް ކަޕްގެ ޗެމްޕިއަންކަން ބ. އޭދަފުށިން ވަނީ ހޯދާފައި.-- ފޮޓޯ: ފަޔާޒް މޫސާ | މިހާރު
އޭދަފުށީގެ ލަނޑު ފާއްޓޭ ޖެހީ ވެސް ހަމްޒާ މުހައްމަދު (ހަމްޕް) ނަގައި ދިން ކޯނަރު ބޮލުން ފޮނުވާލައިގެންނެވެ.
އޭގެ ފަހުން އިޝާން އިބްރާހިމް (ސައްޓު) ނަގައި ދިން ކޯނަރަކުން ވެސް ނުރައްކާ ކުރި އެވެ.
ދެވަނަ ހާފުގައި އިބްރާހިމް މަހްދީ ހުސައިން (ފޭދޫ އިއްބެ) ނަގައިދިން ބޯޅައިން ނުރައްކާތެރި ފުރުސަތެއް ތަނަވސް ކުރި އެވެ. ފޭދޫ އިއްބެ ދިން އެ ބޯޅަ ލިބުނީ އިބްރާހިމް ވަހީދު ހަސަން އަށެވެ. އޭނާ އަށް އެ ބޯޅަ ޖެހެން ނެތުމުން ކުރިއަށް ބޯޅަ ކޮއްޕާލައި އިސްމާއީލް އީސާ އަށް އެ ބޯޅަ ތަނަވަސްކޮށް ދިނެވެ. އެކަމަކު އީސަ ފޮނުވާލި ބޯޅައިގައި ބާރެއް ނެތެވެ.
އޭދަފުށީގެ ދެވަނަ ލަނޑު އަލީ ފާސިރު (ސެންޓޭ) ޖެހީ މެޗުގެ 90 ވަނަ މިނެޓްގަ އެވެ. އައްޑޫގެ ޑިފެންޑަރުން ތިބީ އޭނަ އާ މެދު އެހާ ބޮޑަށް ސަމާލުކަން ދީގެނެއް ނޫނެވެ. ހަމްޕް ކުރީގައި ހުރުމުން އައްޑޫގެ ޑިފެންޑަރުން ސަމާލުކަން ދިނީ އޭނާ އަށެވެ. ހަމްޕްގެ ފަހަތުން އަރައި އޭނާ އަށް ލިބުނު ބޯޅަ ގޯލްގެ ތެރެއަށް ފޮނުވާލި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރާއްޖެ
25 December 2024
އަތޮޅަކާ ވާދަކޮށް ރަށެއް މޮޅުވީ
ކެނެޑީ
25 December 2024
މިއީ ހާދަ ހެއްވާ ބައެއް. ތަށިނެގީ އޭދަފުއްޓޯ. އެކަމަކު ބްރެޒިލް ދިދަ މަށަށް ފެންނަނީ. އަހަރެން ސްކްރޯލްކޮއްކޮށް ނޭމާއާއި ވިނިޖޭއާރް ނުފެނިގެން މިއުޅެނީ
އިހްސާސް
25 December 2024
މަރުހަބާ އޭދަފުށި. އައްޑޫ ޓީމުގަ ބެންޖޯ ގޯސްހެދީކަމަށް ބެލެވެނީ.
ފުތާ ބެއްޔާގެ ކޯޗު
25 December 2024
ބޫ ގަލުގައި ޖެހި ބޯޅަ ނުފެނުމުގެ ސަބަބުން މެޗު ނިމުނީ 2 ސުމަކުން
އޮނަރަބްލް އަފީފު ދީދީ
25 December 2024
އެދަފުށި ޓީމް ކުޅުނު ކުޅުމާއި އަދި އެޓީމްގެ މެނޭޖްމަންޓާއި ސަޕޯޓަރުންނާއި މެދު އަހަރުމެން މައްސަލައެއް ނެތް ކަމުގައި ވިޔަސް މުބާރާތުގެ އިންތިޒާމް ތަކާއި އަދި ފައިނަލް މެޗްގެ ރެފްރީގެ ނިންމުން ތަކާއި މެދު ޝަކުވާ އެބަހުރި. އޯކޭ އެކަންކަންވެސް ރަނގަޅު ވާނެ ކަމަށް އުއްމީދު ކުރަން. މިފަހަރަުގެ ފައިނަލް މެޗުން އައްޑޫ މޮޅު ނުވި ކަމުގައިވިޔަސް އަހަރުމެން އަދި މާވަރުގަދަކޮށް އެބުރި އަންނާނަން. ތަށި ވެސް ގެންދާނަން. މަރުޙަބާ އޭދަފުށި.!!
ކޮލީނާ
25 December 2024
ފައިނަލް މެޗުގެ ރެފްރީކަން ކުރި އޭއެފްސީ އެލީޓް ރެފްރީ ސިނާންގެ އެއްވެސް މައްސަލައެއް ނެތް، އައްޑޫ ޓީމަށް ޕެނަލްޓީ ދޭންޖެހޭ ކަމަށް ބުނެ ސޯސަލް މީޑިއާގައި ދައުރުކުރާ ދެ ވީޑިއޯގެ ތެރެއިން ފުރަތަމަ ނޮޅިވަރަމް އިއްބެ ގެ ވީޑިއޯ އަކީ ކްލިއަރ ޑައިވް އެއް، ދެވަނަ ވީޑިއޯގަ ކޮނޑުހުޅަށް އަނިޔާވި ހާދިސާގަވެސް އެއީ ޕެނަލްޓީއެއް ނޫން. ކުޅުންތެރިއަކު އަމިއްލަ އަށް ވެއްޓިގެންވެސް ބޮޑު އަނިޔާއެއް ވެދާނެ، އެކަމަކު ވެއްޓޭ ކޮންމެ ފަހަރަކު ފައުލެއް ނުވާނެ.
އަފީފު މާމަ
25 December 2024
މި ލެވެލްގަ މުބާރާތެއް އަލަށް ބާޢްވާއިރު މިހެން ދިމާވެދާނެ، މި އުޅެނީ އެތައް އަހަރެއް ވީ އެފް އޭ އެމަށް ވެސް މުބާރާތެއް ބާއްވާ ނުލެވިގެން، އެހެންވީމަ ވަގުތު ދީ
ޝޯމޭން
25 December 2024
ބްރެޒިލްގެ ދިދަ ނަގާ ދެވަނަދަރަޖައިގެ ބަޔަކަށް އަމިއްލައަށް ވެގެން ތި އުޅޭ އުޅުން ބަދަލުކޮށް ތަންކޮޅެއް އަމިއްލަވަންތަކަށް އިތުރުކުރަން މިއީ ދިވެހިން ގައުމީ ކަމެއްގެ ގޮތުގަ ދެކިގެން ކުރަންޖެހޭ ވަރަށް މުހިންމު ކަމެއް. އޭދަފުއްޓައް ހާއްސަ މާނަފުން ރަމްޒެއް ދައްކުވައިދޭ ރީތިލޯގޯ އެއްފަރުމާ ކޮށްލާ މިކަހަލަ ފުރުސަތެއްގަ ރަށް ޕްރޮމޯޓުކުރުން ބްރެޒިލްދިދަ މިތާހޫރުވުމަށްވުރެ މާބުއްދިވެރިވާނެ. އޭދަފުށިހޯދި ކާމިޔާބީއަށް މަރުހަބާ.
ރަމްޖަމްނީ
25 December 2024
ވަރަށް ރީތިކޮށް އިނގޭ މުޅި ދަނޑާ ރެފްރީ ހުރީ އޭދަފުއްޓަށް ގޮސް ހުސްވެފަކަން. މިކަން އިނގޭ ޓިކެޓު ވިއްކުމުގަވެސް އައްޑޫ އަށް މަދުން ޓިކެޓު ވިއްކުމާއި ގޮނޑި މަދުން ދިނުމާއި އަވޭ ޓީމް ދިނުމުން.
ބަތްޕެން
25 December 2024
މިހާރު ނޫހުގެ ކޮންމެ އާޓިކަލް އަކަށް ކޮމެންޓްކުރާ ހުރިހާ ކަމެއް ދަންނަކަމަށް ހެދިގެން އުޅޭ އޮނަރަބަލް އަފީފު ދީދީ ކޮބާތޯ ؟ އައްޑޫ ބަލިވީމަ ހޮރަށް ވަދެ ފިލީތަ ؟
ވޭމަންޑޫ
25 December 2024
ރެފްރީއަކީ އޭދަފޫށީ މީހެއް ދޯ އައްޑޫއަށް ޕެނަލްޓީއެއް ނުދިން ކީޕަރު އޭރިޔާ ތެރޭން އައްޑޫ ކުޅުންތެރިޔާ ވައްޓާލި އެއީ ޕެނަލްޓީއެއް ރެފްރީހުރީ އޭދަފުށީ ކޮލައްގޮސް ހުސްވެފައި ރެފްރީގެ ނިމުން ތަކަކީ ބަލައިގަންނަން އެހާ ފަސޭހަކަމެއް ނޫން އަފީފު ދީދީނޭ ތިޔަކިޔަނީ. ހޯނިހިރު ބަތްޕެން. އަދި ބަލި ކުރާނަން
ހ. ހުސައިން
25 December 2024
އެއްވެސް ކަމެއްގައި މީހުންނަށް ދިމާކޮށް މައްލަވަ ކުރުމަކީ ތަހުޒީބު މީހުން ކުރާނޭ ކަމެއްނޫން. ރިވެތި އަހުލާގަކީ ހަމަ ހުރިހާ ޒަމާނެއްގައިވެސް ހުރިގަބޫލުވާ އެއްޗެއް.
އައްޑޫ ބޮނޑި.
25 December 2024
އަފީފު ދީދީގެ ކޮމެންޓެއް ނެތްނަމަ އާޓިކަލް ކިޔާހިތެއްވެސް ނުވޭ. ބޮތްޕެނަށްވެސް ވަނީ ހަމަ އެހެންދޯ ؟
ފޯވާޑް.
25 December 2024
ތިޔަބުނާ ފައުލް ރެފްރީއަށް ނުފެނިދާނެ. އެހެންވީމާ އެއީ ކޮންމެހެން ރެފުރީ އަކީ އޭދަފުށި މީހަކަށްވެގެން ވީ ކަމެއް ކަމަކަށް ނުބުނެވޭނެ. އެ ފައުލް ފިޔަވާ މުޅި މެޗްގައި ރެފުރީގެ ނިންމުންތައް ރަނގަޅުވީމާ ރެފުރީ ގޯހެކޭ ނުބުނެވޭނެނެ.
ގައުމިއްޔަތު
25 December 2024
މިއޮތްގެން ގައުމިއްޔަތު ދިރުވަނީ! ނަންވާނީ އައްޑޫ. އެހެންބަޔަކު ކޮންމެ ކަމެއްކުރިޔަސް ނުފެންނާނެ. ރުހުމުގެ ލޮލަށް ޣައިބެއް ނުފެންނަ ފަދައިން.
ސަނޑި
25 December 2024
މާކުރިން ނަފްސާނީ ގޮތުން އައްޑު ގަދަކުރަން އުޅެގެންވެސް ނުވީ... https://mihaaru.com/sports/141169