އަލަށް ހައްޖަށް ދާ މީހުންނަށް އިސްކަންދޭ ގޮތަށް އުސޫލު ބަދަލުކުރަން ނިންމައިފި

ދިވެހި ހައްޖުވެރިން މިނާ އަށް ދިއުމަށް އިއްޔެ ދަތުރަށް ތައްޔާރުވަނީ.---ފޮޓޯ: އިސްލާމިކް މިނިސްޓްރީ

އާސިމާ ނިޒާރު، މިހާރު

05 ޖެނުއަރީ 2025 - 15:29

އަލަށް ހައްޖަށް ދާ މީހުންނަށް މި އަހަރުން ފެށިގެން އިސްކަންދޭ ގޮތަށް އުސޫލު ބަދަލުކުރަން ރައީސް ޑރ. މުހައްމަދު މުއިއްޒު މިއަދު ނިންމައިފި އެވެ.

ރައީސް އޮފީހުން ބުނީ ކެބިނެޓުގެ މިއަދުގެ ބައްދަލުވުމުގައި އެ މަނިކުފާނު އެ ގޮތަށް ނިންމެވީ އިސްލާމިކް މިނިސްޓްރީން ހުށަހެޅި ކަރުދާހަކާ މެދު މަޝްވަރާ ކުރުމަށް ފަހު ކަމަށެވެ. އެއާއެކު، ހައްޖު ކޯޕަރޭޝަންގެ ކިއު ކުޑަކުރަން، ހައްޖަށް މީހުން ގެންދިއުމާބެހޭ އުސޫލަށް ހަތަރު ބަދަލެއް ގެންނަން ވަނީ ކަނޑައަޅައިފަ އެވެ. އޭގެ ތެރޭގައި؛

- އަލަށް ހައްޖުގެ އަޅުކަން އަދާކުރާ މީހުންނަށް އިސްކަންދިނުން

- ހައްޖުގެ އަޅުކަން އަދާ ނުކުރާ މީހުންގެ ތެރެއިން 65 އަހަރުން ފެށިގެން މީހުންނަށް ހައްޖު ކޯޕަރޭޝަނުން ކޮންމެ އަހަރަކު، ހައްޖު ކޯޓާއިން ވަކި އަދަދެއް ކަނޑައެޅުން

- ހައްޖުގެ އަޅުކަން އަދާކޮށްފައިނުވާ 75 އަހަރުން މަތީގެ މީހުންގެ ތެރެއިން ސިއްހީ ހާލަތަށް ބަލައި އެހީތެރިއަކު ގެންދަންޖެހޭ މީހުންނަށް އެހީތެރިއަކު ހަމަޖައްސަން ފުރުސަތު ދިނުން. އެހީތެރިއެއްގެ ގޮތުގައި ގެންދެވޭނީ ހައްޖުގެ އަޅުކަން އަދާކޮށްފައި ނުވާ މީހެއް އަދި ހައްޖުގެ އަޅުކަން އަދާކޮށްފައިވާ މީހަކު އެހީތެރިއެއްގެ ގޮތުގައި ގެންދެވޭނީ، ހައްޖަށް ނުދާ މީހަކު ލިބެން ނެތް ހާލަތުގައި ކަމަށް ކަނޑައެޅުން

- ހައްޖުގެ އަޅުކަން ކުރިން އަދާކޮށްފައިވާ މީހަކަށް އިތުރު ފުރުސަތެއް ދެވޭނީ، އެންމެ ފަހުން އެ އަޅުކަން އަދާކުރިތާ ފަސް އަހަރު ވުމުން ކަމަށް ކަނޑައެޅުން

އެކަމަކު އެ ހާލަތުތައް، ކޯޕަރޭޝަންގެ އެހީތެރިންގެ ގޮތުގައި ދާ މީހުންނަށް އިސްތިސްނާވާނެ އެވެ.

ރައީސް އޮފީހުން ބުނީ ހައްޖު ކިއު ލިސްޓުން ޖާގަ ކަށަވަރުވިއަސް ފަރުޟު ހައްޖު އަދާކުރަން ދިގު އިންތިޒާރެއްގައި ތިބި މީހުންނަށް ހައްލެއް ހޯދައިދިނުމަށް، ހައްޖު ކޯޓާ އިތުރުކުރަން ގިނަ މަސައްކަތްތަކެއް ކުރަމުން އަންނަ ކަމަށެވެ.

ހައްޖާ ބެހޭ ގަވައިދު މިހާރު އޮންނަގޮތުން އެ އަޅުކަން އަދާކުރަން ކިތަންމެ ގިނައިން ވެސް ސައުދީއަށް ދެވޭނެ އެވެ. ނަމަވެސް އެ އުސޫލު އެ ގޮތަށް އޮތުމުން، ރާއްޖެއިން ހައްޖަށް ދިއުމަށް ލިބޭ މަދު ކޯޓާއިން ފުރުސަތު ނުލިބޭ ކަންބޮޑުވުން އަބަދު ވެސް އޮވެ އެވެ.

އިސްލާމިކް މިނިސްޓްރީ ޑރ. މުހައްމަދު ޝަހީމް އަލީ ސައީދު (މިނިސްޓަރު) ހައްޖު ދީން ރައީސް ޑރ. މުހައްމަދު މުއިއްޒު

37 ކޮމެންޓް, 35 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުސްތަފާ އަލީ

06 January 2025

އަހަރުމެން ކަހަލަ ހައްޖަށް އަދި ނުގޮސް ތިބި މީހުންގެ ހައްގުގައި ނިންމި ވަރަށް މުހިއްމު ނިންމުމެއް. (އަހަންނަކީ އެމްޑީޕީ މީހެއް.)

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިޔާޒްް

06 January 2025

ހައްޖަށްދާ މީހުންގެ ބެކްލޮގް ހައްލުކުރުމަށް މި ސަރުކާރުން މިއެޅީ ވަރަށް ބަރާބަރު ފިޔަވަޅުތަކެއް. މީގެ މަންފާ ގިނަ ދިވެހިންނަށް ކުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުނބުށޭމު

06 January 2025

ހައްޖު ކޯޕަރޭޝަނުން ފުރުޞަތު ދެނީ ކިޔު ތަރުތީބުންނޭ ނުވަތަ ތިޔަބުނާފަދަ ހަރުދަނާ އުސޫލުންކަމަށް އަޑުއެރުވިޔަސް މީގެ ކުރިންވެސް މެންބަރުންނަށް ޖާގަތައް ބަހާފައިވާކަމީ އެންމެންދަންނަ ބޮޑު ސިއްރެކެވެ. ހަރުދަނާކުރާނަމަ މިފަދަ ބޭއިންސާފު ކަންކަން ހުއްޓުވާބަލާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

06 January 2025

އަލަށް ހައްޖުވުން މާނަކުރާނީ ކިހިނެއްބާވައެވެ. ބައެއް މީހުން ފަރުޟު ޙައްޖު އަދާކޮށްފައި އެމީހުންގެ މައިންބަފައިންނަށްވެސް ހައްޖުކޮށްދޭން ދެއެވެ. މިގޮތަށް ދާމީހުން ހައްޖަށް ގޮސްފައިވިޔަސް އެމީހުން ހައްޖުކޮށްދޭ މީހާ ކުރިން ހައްޖެއްވެފައިނުވާނަމަ އިސްކަން ދޭނެބާވައެވެ. ތިޔަކަންކަން ކުރުމަށްވުރެ ސައުދީމީހުން ކައިގެންތިބިއްޔާ ދިވެހިންތިބޭނީ ކައިގެންނޭ ބުނެ ދެއްކެވި މޮޅެތި ވާހަކައާ އެއްގޮތަށް މީގެކުރިން ރާއްޖެއަށް އެންމެގިނައިން ލިބުނު މިންވަރަށް ކޯޓާހ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ެހެހެހޭ

06 January 2025

މިއޮތް ހުރިހާދުވަހު މިކަންނުކޮށްތަ އޮތީ؟ މީވާ ގައުމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާހިލްް

06 January 2025

އަސްލު އިންސާފާ ދިމާލަށް ރާއްޖޭގެ މިސްރާބުއަނބުރާލި މަންޒަރުމިއީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުﷲ ސާދިގް

06 January 2025

މިއީ ވަރައް ދެރަ ކަމެއް. މި ފަހަކައް އައިސް އަޅުގަޑު ކޮންމެ އަހަރަކު 2. ޢުމްރާ އަދި ހައްޖުގެ އަޅުކަމައްވެސް ދަން! އަދި އޭގެ އިތުރުން 2 މަސް ދުވަހު އަރަބިން ވާހަކަ ދައްކާ ގައުމެއްގަ އުޅެވޭތޯ ބަލަމު! އެންމެ ފަހުން ދުބާއީގަ ހުރީ. އެއީ އަރަބި ބަހުން ވާހަކަ ދައްކާ ބަޔެއްގެ ގާތުގައި އުމުރުގެ ފަހު ދުވަސް ކޮޅު އުޅެވޭތޯ ބެލުން!