އެހެން ގައުމުތަކުން ބޭނުން ނުކުރާ ހައްޖު ކޯޓާއިން ބައެއް ރާއްޖެއަށް ހޯދަން މަޝްވަރާކޮށްފި

އިސްލާމިކް މިނިސްޓަރު ޝަހީމާއި ސައުދީގެ ހައްޖު މިނިސްޓަރު ޑރ.ތަވްފީގް ބިން ފައުޒާން އަލް ރަބީއާ އާ ބައްދަލު ކުރައްވަނީ: އެހެން ގައުމުތަކުން ބޭނުން ނުކުރާ ހައްޖު ކޯޓާގެ ބައެއް ރާއްޖެއަށް ހޯދަން ވަނީ މަޝްވަރާ ކޮށްފައި --- ފޮޓޯ/އިސްލާމިކް މިނިސްޓްރީ

09 ނޮވެމްބަރ 2025 - 16:28

7 comments

ހައްޖަށް ދިއުމަށް އެހެން ގައުމުތަކަށް ދީފައިވާ ކޯޓާގެ ތެރެއިން އެ ގައުމުތަކުން ބޭނުން ނުކޮށް ހުންނަ ކޯޓާގެ ތެރެއިން ބައެއް ރާއްޖެއަށް ހޯދަން އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ސައުދީ ސަރުކާރާއެކު މިއަދު މަޝްވަރާ ކުރައްވައިފި އެވެ.

އެ މަޝްވަރާތައް ބޭއްވީ މިނިސްޓަރު ޝަހީމް ސައުދީއަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިންނެވެ.

އެ މަޝްވަރާތަކާ ގުޅޭގޮތުން މިނިސްޓަރު ވިދާޅުވީ ގައުމުތަކަށް ދީފައި އޮންނަ ހައްޖު ކޯޓާގެ އިތުރަށް، އިތުރު ކޯޓާ މިހާރު ނުދޭ ކަމަށެވެ. އެހެން ނަމަވެެސް، އެހެން ގައުމުތަކަށް ދީފައި ހުންނަ ކޯޓާގެ ތެރެއިން އެގައުމުތަކުން ބޭނުން ނުކޮށް ހުންނަ ކޯޓާތައް، އިތުރަށް ކޯޓާ ބޭނުންވާ ގައުމުތަކުން ބޭނުން ކުރެވޭ އުސޫލެއް އޮންނަ ކަމަށް އޭނާ ވިދާޅުވި އެވެ.

"އެހެން ގައުމުތަކަށް ދީފައި ހުންނަ ކޯޓާގެ ތެރެއިން އެ ގައުމުތަކުން ބޭނުން ނުކޮށް ހުންނަ ކޯޓާ، ކޯޓާ އިތުރަށް ބޭނުންވާ ގައުމުތަކުން ބޭނުން ކުރެވޭ ގޮތަށް ސައުދީން ކުރިއަށް ގެންދާ ހައްޖު މުބާޝިރު އިނިޝިއޭޓިވް އިން ރާއްޖެއަށް ފުރުސަތު ހޯދަން މިއަދު ވަނީ މަޝްވަރާ ކުރެވިފަ،" ޝަހީމް ވިދާޅުވި އެވެ.

ހައްޖު ކޯޓާގެ ގޮތުގައި ރާއްޖެއަށް މިހާރު ދެނީ 1،000 މީހުންގެ ކޯޓާ އެވެ. ނަމަވެސް އެ އަދަދު އިތުރުކުރަން ސަރުކާރުން ކުރިން ވެސް އޮތީ އެދިފަ އެވެ.

ސައޫދީ އަރަބިއްޔާ ހައްޖު އިސްލާމިކް މިނިސްޓްރީ ޑރ. މުހައްމަދު ޝަހީމް އަލީ ސައީދު (މިނިސްޓަރު) ރާއްޖެ-ސައުދީ

7 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސުނާރު

10 November 2025

ތިޝަހީމް ފޮނުވައިގެން ސައުދީގެ ބަދިގެޔަކުން ކާފަ އުކާލަން ހުންނަ ރިހަފޮދެއްވެސް ނުލިބޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުހާނާ

09 November 2025

ކޯޓާ އިތުރަށް ލިބުނަސް، ކިޔޫގައި ތިބި މީހުން ދަނީ ކިޔުގެ ފަހަތަށް. އަހަރެން 2023 ގައި ފައިސާ ދެއްކިއިރު އޮތް ވަރަށްވުރެ 400 އަށްވުރެ ގިނަ ނަންބަރު ފަހަތަށް މި ސަރުކާރު ހަވާލުވިފަހުން ހިނގައްޖެ. އެކަމަކު މި ސަރުކާރު ހަވާލުވިފަހުން ފުރަތަމަ ޙައްޖަށް ފޮނުވި ފަހަރުވެސް 150 ކޯޓާ އިތުރަށް ލިބުނުކަމަށް ބުނޭ. ކިޔު ކުޑަކުރާށޭ ކިޔާފައި، އަމިއްލަ އެއްވެސް ކުންފުންޏަކަށް ކޯޓާ ނުދީ ޙައްޖު ކޯޕަރޭޝަނަށް ހުރިހާ ކޯޓާ ދިނީމާވެސް ވާގޮތަކީ މިއީ.