އަމީނީމަގުގެ ތާރުގަނޑުން ހަލާކުވެފައި ހުރި ތަންތަން ހަދަން ފަށައިފި

އަމީނީމަގުގެ ތާރުގަނޑުން ހަލާކުވެފައި ހުރި ތަންތަން މަރާމާތުކުރުމުގެ މަސައްކަތް ކުރަނީ.-- ފޮޓޯ: ނިޝާން އަލީ | މިހާރު

އިފްރާޒް އަލީ، މިހާރު

11 ޖެނުއަރީ 2025 - 22:30

މާލޭގެ އަމީނީ މަގުގެ ތާރުގަނޑުން ވަރަށް ބޮޑަށް ހަލާކުވެފައި ހުރި ތަންތަން މަރާމާތު ކުރުމުގެ މަސައްކަތް އާރުޑީސީން މިއަދު ފަށައިފި އެވެ.

އެ ކުންފުނިން ބުނީ އަމީނީ މަގު މާފަންނު ސްޓޭޑިއަމް ސަރަހައްދުގައި ތާރު އަޅާފައިވާ ހިސާބަށް ގެއްލުން ވެފައި ހުރުމުގެ ސަބަބުން އެ ސަރަހައްދު މަރާމާތު ކުރުމުގެ މަސައްކަތް ކުރަމުން އަންނަ ކަމަށެވެ.

އާރުޑީސީގެ މުވައްޒަފުން މިއަދު ވަނީ ހަލާކުވެފައި އޮތް ސަރަހައްދުގެ ތާރުގަނޑު ކަފައިގެން ނަގައިފަ އެވެ. މަގު އެއްވަރުކޮށް، އެ ތަނުގައި އަލުން ތާރު އެޅުމަށް ކުރަން ޖެހޭ މަސައްކަތް ވަނީ ފަށައިފަ އެވެ.

އާރުޑީސީއާ ހަވާލު ކޮށްގެން ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން އަމީނީ މަގު ހަދަން ފެށީ ޖުލައި 2022 ގަ އެވެ. ފިޔަވަހިތަކަށް ބަހާލައިގެން ކުރިއަށް ގެންދިޔަ މަސައްކަތުގެ އެންމެ ފަހު ބައި ނިންމައި އެ މަގު އެއްކޮށް ހުޅުވީ މިދިޔަ އަހަރުގެ ކުރީކޮޅު އެވެ.

އަމީނީ މަގުގައި އިސްކަންދަރު ކޮއްޓާ ހިސާބުން ސްޓޭޑިއަމް ފަޅީގެ ބޮޑުބައެއްގެ ތާރުގަނޑު އޮތީ އަޑިގުޑަން ވެފަ އެވެ. ތާރުގަނޑުގެ ބައެއް ހިސާބުތަކުން ވަރަށް ބޮޑަށް އަޑިވެ، ވަޅުގަނޑުތައް ހެދިފައި ހުރި އިރު މަގުގެ މެދަށް ވުރެ އެއް ފަރާތުގެ ތާރުގަނޑު މާބޮޑަށް އޮތީ އަޑިވެފަ އެވެ.

Ameenee magu halaakuve nurakkaa haalathakah

The most trusted news source in the Maldives

Mihaaru

ތާރު އަޅައިގެން އަމީނީ މަގު ހެދުމަށް ދައުލަތުގެ ބަޖެޓުން 84 މިލިއަން ރުފިޔާގެ ބޮޑު ހޭދައެއް ކޮށްފައިވެ އެވެ. އެ މަގުގެ މަސައްކަތް ކޮށްފައި ވަނީ ނުއަގުގައި، އަދި ދެރަ މެޓީރިއަލް ބޭނުންކޮށްގެން ކަމަށް ބުނެ އެތައް ތުހުމަތެއް ކުރިން ކޮށްފައި ވެ އެވެ.

ޗައިނާ ސަރުކާރުގެ ހިލޭ އެހީގައި މާލެ އާއި ވިލިމާލޭގެ ހުރިހާ މަގުތައް ތާރު އަޅައިގެން ރަނގަޅު ފެންވަރަކަށް ހެދުމުގެ މަސައްކަތް މި އަހަރުގެ ކުރީކޮޅު ފަށާނެ ކަމަށް ރައީސް ޑރ. މުހައްމަދު މުއިއްޒު ވަނީ އިއުލާން ކުރައްވައިފަ އެވެ. ޗައިނާގެ ޓެކްނިކަލް ޓީމެއް ވެސް މިދިޔަ އަހަރު ފަހުކޮޅު މާލެ އައިސް ވަނީ މަގުތަކުގެ ހާލަތު ބަލައި ފީސިބިލީޓި ސްޓަޑީ ހެދުމުގެ މަސައްކަތް ފަށައިފަ އެވެ.

ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބް ވިދާޅުވި ގޮތުގައި، ޗައިނާގެ އެހީގައި މި ބޮޑު ޕްރޮޖެކްޓާ އެކު މާލޭ މަގުތައް މިހާރު ދިމާވެފައިވާ ފެންބޮޑުވުމުގެ މައްސަލަ އާއި އެހެން މައްސަލަތަކަށް ވެސް ދާއިމީ ހައްލެއް އަންނާނެ އެވެ.

މަގު ހެދުން އަމީނީމަގު ރޯޑް ޑިވެލޮޕްމަންޓް ކޯޕަރޭޝަން ކޮންސްޓްރަކްޝަން މިނިސްޓްރީ

23 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބީ

13 January 2025

މީ ހައުސިންގ މިނިސްޓްރީގައި އަލިފާންރޯވެގެން އެރިހޫނުގައި ހަލާކުވިބައިތަކެއްނޫންބާ,

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕެތެޓިކް

12 January 2025

އޮޅުވާލުމާއި މަކަރު ހެދުން. ހެޔޮނުވާނެނުން ސޯލިހު ސަރުކާރުން މިހެންހަދަން. ޚަރަދުމައްޗައް ޚަރަދު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު ނޫރިޝް

12 January 2025

މުއިއްޒް ސްޕީޑުގައި ގޮސް މި ނިންމާލަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯރިޗް

12 January 2025

ކިތަންމެ ވަރަކަށް ދޮން ކުރިއަސް ދުނބުރިއެއް އަނބަކަށްނުވާނެއޭ މީހުން ބުނެއުޅޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސަ

12 January 2025

ހުޅުމާލެ މަގުތައްވެސް އެބަހުރި ބައެއް ދިމަދިމާލުން ހަލާކުވެފަ! އެކަންކަން ބަލާ ރަގަނޅުކުރަންޖެހޭ! އަދި ހުޅުމާލެ ބައެއް މަގުތަކުގެ އަރިމަތީ ހިނގަން އޮންނަ ތަނުގައި (ޕޭވްމަންޓްތައް( އަޅާފައި އެހުންނަ އެއްފޫޓް އެއްފޫޓްގެ ގާތަކުން ގާތަށް ތަޅައިގެންގޮސް ވަރަށް ގޯސކޮށް ހުރި ދުވާރުތައްވެސް އެބަފެނޭ! މިވެސް ބަޔަކު ފޮނުވައިގެން ހުރިހާ މަގުތައް އިންސްޕެކްޓްކޮށް އަވަހަށް ރަގަނޅުކުރަން ވެފައި އޮތްކަމެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

12 January 2025

ތަފާތު ކުރުން ގެންގުޅޭކަމަށް ބުނާންޖެހެނީ މިފަދަ ކަންކަމުގެ ސަބަބުން. އެތައް މިލިޔަން ރުފިޔާ ޙަރަދުކޮށް ކ.މާލޭގެ އަމީނީ މަގު ހެދިތާ އަދި 2 އަހަރު ނުވޭ. އަނެއްކާ މާލޭ ސަރުކާރުން އެދަނީ މިލިޔަނުން ޙަރަދުކޮށް އެ މަގު މަރާމާތު ކުރަމުން. މާލޭގެ މަގުތަކުގައި ޓްރެފިކް ބޮޑުކަމުން 20 ފަންސަވީސް ކމ އަށް ނުދުއްވޭއިރު އައްޑޫ ލިންކް ރޯޑަކީ 60ކމ ބާރުމިނުގައި ދުއްވާ ހައިވޭ އެއް. މަގު ހަލާކު ވުމުގެ ސަބަބުން އެތައް ފުރާނަ ދިޔައިރު އަދިވެސް މަގު މަރާމާތު ނުކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެޔޮނުވާނެ

12 January 2025

ވިލިމާލޭގައި ތާރު އަޅާއިރު ޕޭމަންޓް ތަންކޮޅެއް ބޮޑުކޮށްލަދޭތި. މިހާރުވެސް ގިނަ މީހުން ހިނގަނީ މަގު މެދުން. ޕޭމަންޓް މާކުޑައީ ކަންނޭގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިކުނޑި

12 January 2025

ރޫޅާ ރޭވުން ނޫންކަމެއް ނޯންނާނެ މި ފަސް އަހަރަކު! ކުޑަކުދިން ބަތްކައްކާ ކުޅޭހެން ވެރިކަން ކުރަންޏާ ދެން އުންބައްޖެހުން ނޫންކަމެއް އުންމީދެއްވެސް ނުކުރެވޭ! ވަރަށް ދޯހަޅި ސަރުކާރެއްމީ!! ޕީއެންސީއަށް ދެވަނަ ދައުރެއް ހޯދޭނީ ޔާމީނާއި ބައިއަތު ހިފައިގެން!