އީސީގެ މެމްބަރު ކަމަށް ޒާހިދާއި ސޮލާހު އައްޔަން ކުރައްވައިފި

އިލެކްޝަންސް ކޮމިޝަނަށް އަލަށް އައްޔަން ކުރި ޒާހިދު އަދި އަބްދުއްރަހްމާން ސޮލާހް -- ފޮޓޯ: ރައީސް އޮފީސް

އައިޝަތު ނުޒުހާ، މިހާރު

26 ޖެނުއަރީ 2025 - 11:53

އިލެކްޝަން ކޮމިޝަން (އީސީ) ގެ މެމްބަރު ކަމަށް ހިއުމަން ރައިޓްސް ކޮމިޝަންގެ ކުރީގެ ނައިބު ރައީސް މުހައްމަދު ޒާހިދާއި އިލެކްޝަންސް ކޮމިޝަންގެ ސެކްރެޓަރީ ޖެނެރަލްކަން ކުރެއްވި އަބްދުއްރަހްމާން ސޮލާހު ރަޝީދު މިއަދު އައްޔަން ކުރައްވައިފި އެވެ.

ރައީސް އޮފީހުގައި މިއަދު ބޭއްވި ރަސްމިއްޔާތެއްގައި މި ދެ ބޭފުޅުން މެންބަރުކަމަށް އައްޔަން ކުރެއްވި ކަމުގެ ލިޔުން ހަވާލުކޮށްދެއްވީ ރައީސް ޑރ. މުހައްމަދު މުއިއްޒެވެ.

މި ދެ ބޭފުޅުން އިލެކްޝަންސް ކޮމިޝަނަށް އައްޔަން ކުރަން ފެންނަ ކަމަށް މަޖިލީހުން ފާސްކުރީ ދައުރުން ބޭރުން މި މަހުގެ 16 ވަނަ ދުވަހު ބޭއްވި ޖަލްސާގަ އެވެ.

އިލެކްޝަންސް ކޮމިޝަނަށް އަލަށް އައްޔަން ކުރި ޒާހިދު އަދި އަބްދުއްރަހްމާން ސޮލާހު މަގާމުގެ ހުވާ ކުރައްވަނީ -- ފޮޓޯ: ރައީސް އޮފީސް

އީސީއަށް އައްޔަން ކުރި ޒާހިދު އެޗްއާރުސީއެމުން ވަކިކުރީ ކުރީގެ މަޖިލީހުގައި އޭނާގެ އިތުބާރު ނެތް ކަމަށް ފާސްކޮށްގެންނެވެ.

ސޮލާހު އެންމެ ފަހުން ހުންނެވީ ހޯމްލޭންޑް ސެކިއުރިޓީ އެންޑް ޓެކްނޮލޮޖީގެ ޕީއެސްއަކަށެވެ. އޭނާ އެ މަގާމުން އިސްތިއުފާ ދެއްވީ މިދިޔަ އަހަރުގެ ކުރީކޮޅުގަ އެވެ.

އީސީގެ ދެ މަގާމެއް ހުސްވީ ކޮމިޝަންގެ ކުރީގެ ނައިބު ރައީސް އަލީ ނަޝާތާއި މެންބަރު މުހައްމަދު އާސިފް މަގާމުން ވަކިކުރުމާ ގުޅިގެންނެވެ. އެ ދެ މެންބަރުން ވަކިކުރީ މަޖިލީހުގެ ކޮމިޓީން ބެލި މައްސަލަތަކަކާ ގުޅިގެންނެވެ.

ރައީސް އޮފީސް އިލެކްޝަންސް ކޮމިޝަން

6 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވޯލް

27 January 2025

މި ޒާހިރުމެން ފެހި ޤާނޫނު އަސާސީ ވުޖޫދުވި ދުވަހުން ފެށިގެން މިނިވަން މުއައްސަސާތަކުގެ މެމްބަރުންކަމުގައި، އެކަމަކު މި 15 އަހަރުތެރޭ އޭނަ ހިމެނުން އެއްވެސް މިނިވަން މުއައްސަސާއެއްގެ ރަގަޅަށް ފަންކްޝަން ކުރިތަން ފެނިފައި ނެތް. ކިރިޔާވެސް ރައްޔިތުން ހޮތްހަމަޖެހޭ ވަރުގެ މަސައްކަތެއް ކުރި ތަނަކީ އެލެކްޝަން ކޮމިޝަން. ދެން ތިޔަ އިދާރާވެސް ތިޔަ ދިޔައީ. ޓެސްޓް ކުރެވި ފެއިލްވެފަތިބޭ ސިޔާސީ ތަޢައްޞަބުން ކަންކަން ކުރާ މީހުން މި ނިޒާމާ ދުރުން ކުރަން ނުވޭތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަސޮރު

27 January 2025

މަރުހަބާ 2ބޭފުޅުންނަށް ވަޒީފާ ގެ ދަހިވެތިކަން އެއްކިބާކޮށް، ވަގު ފޯމް ތަކުގެ މައްލަ ރަނގަޅަށް ބައްލަވާ، ޖިނާއީ ތަހުގީގެއް ހިންގުމަށް ފޮނުއްވައި ދެއްވާނެކަމަށް އުއްމީދުކުރަން، ޒާހިދު އާއި ޞަލާހު އަކީ ގަޓު ހުރި 2 ބޭފުޅުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު 12

27 January 2025

މި ޒާހިދު މީ އަބަދުވެސް ކޮންމެސް ކޮމިޝަންގެ ބަހައްޓަންޖެހޭ މީހަކީތަ؟ މީނާގެ އަދާޔާ ޚިލާފު މޮޅު ޢިލްމަކާ ހުނަރެއް ހުންނަތީތަ ކޮންމެ ދައުރެއްގަވެސް ކޮންމެސް ކޮމިޝަނަކަށް ލާން މިޖެހެނީ؟ ކިޔަވައިިގެން ނިކުންނަ ޒުވާނަކަށް ފުރުސަތު ދިނިއްްޔަ ކީއްތަވަނި؟