ޒަކާތު ހައުސްގެ 10 ބުރީގެ އިމާރާތެއް އަޅައި އެތަނުގެ މަންފާ ޒަކާތުގެ ހައްގުވެރިންނަށް ދެނީ

ރާއްޖޭގެ ޒަކާތު ހައުސްގެ ބިލްޑިން ނުވަތަ ބައިތުއްޒަކާތުގެ ނަމުގައި ހުޅުމާލޭގައި 10 ބުރީގެ އިމާރާތެއް އެޅުމުގެ މަސައްކަތް ކުރަމުން އަންނަ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.

މިނިސްޓަރު ވިދާޅުވީ މި އިމާރާތުގެ މަސައްކަތް މި އަހަރު ފެށޭނެ ކަމަށް އުއްމީދު ކުރައްވާ ކަމަށެވެ. ޒަކާތު ހައުސްގެ ނަމުގައި 10 ބުރީގެ އިމާރާތެއް އެޅުމުގެ މަސައްކަތް ކުރަމުން އަންނަ އިރު ޒަކާތުގެ އެންމެ ހައްގުވެރިންނަށް ހައްގު ގޮތުގައި ޒަކާތުގެ ނަފާ ލިބިދެވޭނެ މަގު ހަމަޖެއްސުމަށްޓަކައި ޒަކާތު ހައުސްގެ ނަމުގައި އިދާރާއެއް ވެސް ވަނީ އުފައްދައިފަ އެވެ.

ޒަކާތު ހައުސްގެ އިމާރާތް ވެގެން ދާނީ، ޒަކާތުގެ އިދާރާގެ އިތުރުން އޮފީސް ބައިތަކަށް ކުއްޔަށް ދެވޭ ގޮތަށް އިމާރާތް ކުރަމުންދާ ތަނަކަށް ކަމަށް ޝަހީމް ވިދާޅުވި އެވެ.

"މި އިމާރާތް ވެގެންދާނީ ޒަކާތުގެ އިދާރާގެ އިތުރުން އޮފީސް ބައިތަކަށް ކުއްޔަށްދެވޭ ޒަކާތު ފަންޑުގެ 10 ބުރީގެ ފުރަތަމަ އިންވެސްޓްމަންޓަށް،" ޝަހީމް ވިދާޅުވި އެވެ.

މިނިސްޓަރު ވިދާޅުވި ގޮތުގައި އެ އިމާރާތް ކުއްޔަށް ދޫކޮށްގެން ލިބޭ މަންފާ ބަހާނީ ޒަކާތުގެ ހައްގުވެރިންނަށެވެ.

ރާއްޖޭގައި ޒަކާތުގެ ހަރުދަނާ ނިޒާމެއް ގާއިމުކުރުމަކީ ރައީސް ޑރ. މުހައްމަދު މުއިއްޒުގެ ވައުދުފުޅެކެވެ. އެހެންވެ، ޑިސެމްބަރު، 18، 2023 ގައި ޒަކާތު ހައުސެއް އުފެއްދީ ވެސް އެ މަގުސަދުގައި ކަމަށް ވިދާޅުވި އެވެ.

މިނިސްޓަރު ވިދާޅުވީ މިިދިޔަ އަހަރަކީ ރާއްޖޭގެ ތާރީހުގައި ވެސް އެންމެ ގިނަ އަދަދަކަށް މުދަލު ޒަކާތް ލިބުނު އަހަރު ކަމަށެވެ. ޒަކާތު ފަންޑަށް 101 މިލިއަނަށް ވުރެ ގިނަ ފައިސާ ލިބުނު ކަމަށް މިނިސްޓަރު ވިދާޅުވި އެވެ.

ޒަކާތުގެ ކަންކަން ކުރިން އިންތިޒާމު ކުރަމުންދިޔައީ އިސްލާމިކް މިނިސްޓްރީގެ ހާއްސަ ޑިޕާޓްމަންޓެއްގެ ދަށުންނެވެ. ޒަކާތު ހައުސްއާ އެކު އެ ޑިޕާޓްމަންޓް ވަކި އިދާރާއެއްގެ ގޮތުގައި އަންނަނީ ހިންގަމުންނެވެ.

ޒަކާތު ހައުސްގެ މަސައްކަތްތަކުގެ ތެރޭގައި ރާއްޖޭގެ ޒަކާތު ފަންޑުގެ މަންފާ ދެމެހެއްޓެނިވި ގޮތެއްގައި ލިބިދިނުމަށްޓަކައި އެ ފަންޑު ތަރައްގީކޮށް ކުރިއެރުވުމާއި ޒަކާތު ފަންޑުން އިންވެސްޓްކުރުމުގެ އަސާސީ މިންގަނޑުތައް ކަނޑައަޅައި އާންމުކުރަން ޖެހެ އެވެ.

100 million aa gaathah mihaaru zakat ah faisa libey: Shaheem

The most trusted news source in the Maldives

Mihaaru

ކުރިން ސަރުކާރުން ބުނެފައިވާ ގޮތުގައި ޒަކާތުގެ ގޮތުގައި ލިބޭ ފައިސާ ބޭނުންކުރަމުންދަނީ މާ ބޮޑު ނިޒާމީ ވިސްނުންތަކެއް ނުވަތަ ސިޔާސަތުތަކެއް ވެސް ނެތި އެވެ. އެހެންވެ، އެ އިދާރާ އާ އެކު އެ ކަމަށް ވެސް ހައްލެއް ލިބޭނެ ކަމަށް ބުންޏެވެ.