ޚަބަރު / ޑރ. މުހައްމަދު ޝަހީމް އަލީ ސައީދު (މިނިސްޓަރު)

100 މިލިއަނާ ގާތަށް މިހާރު ޒަކާތު ފައިސާ ލިބޭ: ޝަހީމް

ރާއްޖޭގެ ޒަކާތު ހައުސް އިން އިންތިޒާމުކޮށްގެން ފުރަތަމަ ފަހަރަށް ބާއްވާ ޒަކާތު މަހާސިންތާގައި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވާހަކަފުޅު ދައްކަވަނީ.--

މާއިދާ މުހައްމަދު ރަޝާދު، މިހާރު

28 ނޮވެމްބަރ 2024 - 12:01

27 comments

ޒަކާތުގެ ގޮތުގައި ކުރިން ލިބެމުން ދިޔައީ 14 މިލިއަން ރުފިޔާ ނަމަވެސް އެކަމަށް ހޭލުންތެރިކުރުމަށް ކުރި މަސައްކަތުން އެ އަދަދު 100 މިލިއަން ރުފިޔާއާ ގާތަށް އަރާފައިވާ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެެ އެވެ.

މި އަހަރުގެ ބައިނަލްއަގުވާމީ ޒަކާތު މަހާސިންތާ ފެށުމުގެ ރަސްމިއްޔާތުގައި މިނިސްޓަރު ވިދާޅުވީ ޒަކާތުގެ ނިޒާމަކީ ހުރިހާ ދުވަސްވަރެއްގައި ވެސް ވަރަށް ހަރުދަނާ ގޮތެއްގައި ހިނގަމުން އަންނަ ނިޒާމެއް ކަމަށެވެ. އެކި ކުރިއެރުންތައް ވެސް އެ ނިޒާމަށް ލިބެމުން އަންނަ ކަމަށް މިނިސްޓަރު ވިދާޅުވި އެވެ.

މިނިސްޓަރު ވިދާޅުވި ގޮތުގައި 2008 ވަނަ އަހަރު ޑރ. އަބްދުލްމަޖީދު އަބްދުލްބާރީގެ މިނިސްޓަރުކަމުގައި އެ ނިޒާމަށް ހަރުދަނާ ބަދަލުތަކެއް ގެނެސްފައިވެ އެވެ. އޭގެ ތެރޭގައި ޒަކާތުގެ ބެހެނިވެރިންގެ މަފްހޫމް ޒަމާނީ ފިގުހުގެ އަލީގައި ދިރާސާ ކުރައްވައި އާ ކަންތައްތަކަކަށް ޒަކާތުން ހޭދަކުރެއްވުމަށް ނިންމެވި ކަމަށް ވިދާޅުވި އެވެ.

އޭގެ ތެރޭގައި ޔަތީމު ކުދިންގެ ފޮތް، ފަންސޫރަށް ފައިސާ ދޫކުރުމާ އެކު އެ ބަދަލުގެ ދަށުން ފަގީރު ކުދިންގެ މަތީ ތައުލީމަށް ވެސް އޭރު ހޭދަކުރަން ނިންމި ކަމަށެވެ.

މިނިސްޓަރު ވިދާޅުވި ގޮތުގައި އިސްލާމީ އިގްތިސާދާއި އިސްލާމީ މުޖުތަމައަކަށް ބޭނުންވާ އެކި ދާއިރާތަކުން މަތީ ތައުލީމަށް ކިޔަވަން ފުރުސަތު ފަހިކޮށްދިންއިރު އޭގެ ސަބަބުން ރާއްޖޭގެ އިސްލާމީ މާލީ މުއައްސަސާތައް އަމިއްލަ ފައި މައްޗަށް ތެދުވުމަށް ވެސް ފަހިވި އެވެ.

"މި ނޫން ވެސް ވަރަށް ގިނަ ބަދަލުތައް އެ ދުވަސްވަރު ގެނައި ޒަކާތަށް. މީހުން ހޭލުންތެރިކުރުމާއި ފޮތްތައް ތަރުޖަމާކުރުމާއި އެކި ކުންފުނިތަކަށް ބައްދަލުކޮށް ޒަކާތް ހޯދުމަށް މަސައްކަތް ކުރި،" ރާއްޖޭގެ ޒަކާތު ހައުސް އިން އިންތިޒާމުކޮށްގެން ފުރަތަމަ ފަހަރަށް ބާއްވާ ޒަކާތު މަހާސިންތާގައި މިނިސްޓަރު ވިދާޅުވި އެވެ.

ޒަކާތަށް މީހުން ހޭލުންތެރިކުރަން ކުރި މަސައްކަތްތަކުގެ ނަތީޖާއެއްގެ ގޮތުން މިއަދު ޒަކާތަށް ލިބެމުން އަންނަ ތަރުހީބު ވެސް ބޮޑުވެފައިވާ ކަމަށާއި ޒަކާތު ފަންޑަށް މިހާރު 100 މިލިއަނާ ގާތަށް ފައިސާ ލިބެމުން އަންނަ ކަމަށް ވިދާޅުވި އެވެ.

މިނިސްޓަރު ވިދާޅުވި ގޮތުގައި ޒަކާތަށް ލިބޭ ފައިސާގެ އަދަދު އިތުރުވަމުން އަންނަނީ މީހުންގެ ވިސްނުމަށް ވެސް އަންނަ ބަދަލުގެ ސަބަބުންނެވެ. މިހާރު ވެސް އެ ނިޒާމާ މެދު މީހުން ހޭލުންތެރިވާ މިންވަރު އިތުރުވަމުން އަަންނައިރު ގާނޫނީ އިމުގެ ތެރެއިން ނިޒާމު ހަރުދަނާ ކުރެވިއްޖެ ނަމަ، މިހާރަށް ވުރެެ ބޮޑު ކުރިއެރުމެއް ނިޒާމަށް ލިބޭނެ ކަމަށް ޝަހީމް ވިދާޅުވި އެވެ.

ޒަކާތު މަހާސިންތާއަކީ ރާއްޖޭގައި ގާއިމުކުރެވިފައިވާ ޒަކާތުގެ ނިޒާމު ދެމެހެއްޓެނިވި ގޮތެއްގައި ކުރިއެރުވުމުގެ މަގުސަދުގައި ބާއްވާ ކޮންފަރެންސެކެވެ. މި ކޮންފަރެންސްގައި އިލްމުވެރިންނާއި މި މަސައްކަތުގައި އުޅޭ މީހުންނާއި ސިޔާސަތުތައް ކަނޑައަޅާ ފަރާތްތަކުން ބައިވެރިވެ އެވެ.

ޒަކާތް ޒަކާތު ފަންޑް ޑރ. މުހައްމަދު ޝަހީމް އަލީ ސައީދު (މިނިސްޓަރު)

27 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙުސްސުވާލު

29 November 2024

ސަހީމު މި ލާރިތަކާ މާވަރެއްދައްކަނީ ކީއްވެބާ؟ ޒަކާތު ހައުސްހަދާ ކުންފުނަޏެއް ހިންގާހެން ހިންގަންޖެހޭބާ؟ އަނެއްކާ އެމް ޕީ އާރު ސީ އަށް ވީހެން ވަނީބާ؟ ފިނޭންސް މިނިސްޓްރީ ނޫނީ މީރާއަށް މިފަންޑް ނުބެލެހެއްޓޭނީތަ، ހަމަސުވާލު އެފެދޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޒީޒާމިސްކިތް

29 November 2024

ކޮބާ ވަގުތީ މިސްކިތް ބަންދުކޮށްގެން ކީއް ތިކުރަނީ. ރޯދަމަސް އޮތީ ކުރިއަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަދެރަ

29 November 2024

ބޭސް ފަރުވާ ނުކުރެވިގެން އުޅޭ ފަރާތްތަކަށް ކުރީ ސަރުކާރުތަކުން އެހީ ވެދިން... މި ސަރުކާރުގަ އާސަންދަ, އެންސްޕާ އެހީ ކަޑާލާ، ޒަކާތު ފަންޑުން އެހީވުން މުޅިންހެން ހުއްޓާލައިފި... ރައްޔިތުންނާ މެދު ވަރަށް ދެރަކޮށް ކަންތައް ކުރާ ސަރުކާރެއް.. ވަރަށް އިހާނާތްތެރި... ފަގީރުންގެ ލިސްޓުގަ ރަށްތަކުގަ ނަން ޖެހުމުގެ ހައްގު މުސްކުޅިންނަށް ނޯވޭ... 5000 ރުފިއާ ލިބޭތީ... 5000 ރުފިއާއިން މުސްކުޅިން އުޅޭނީ ކިހިނެތް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަކުއާ.

28 November 2024

ރަނގަޅުގޮތުގަ ބޭނުންކުރަން ނޭންގެންޏާ ހެވެއްނުން ކިތަންމެ މަދުން ލިބުނަސް ގިނައިން ލިބުނަސް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

28 November 2024

ޒަކާތު ފައިސާއާއި އެކި ގޮތްގޮތުން އިސްލާމިކް މިނިސްޓްރީއަށް ވަންނަ ފައިސާ ޚަރަދުކުރެވޭ ގޮތުގެ ފުރިހަމަ އޮޓިޑެއް ހަދާ އެކަން އާންނުކޮށް ހާމަކުރަންޖެހޭ. ވަރަށް ފާޑުކިޔުންތައް ބޮޑު ރައްޔިތުންގެ ތެރޭގައި. ދެފުށް ފެންނަން ޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟަމީރު

28 November 2024

ޒަކާތުން ކުރަންޖެހޭ ކަންކަން ކުރާނަމަ ވަރަށް ރަގަޅު. މުދިމުންގެ މުސާރަ ދިނުން. މިސްކިތްތައް ބެލެހެއްޓުން. މިނިސްޓަރާއި މިނިސްޓްރީ ބެލެހެއްޓުން. ދީނީ ޢިލްމު އުގަންނައިދޭ ތަންތަން ކުރިއަރުވަން ޚަރަދު ކުރުން. ކުއްލިއްޔާގެ ފަދަ ތަންތަނުން ރިސާޗްތަކަށް ފަންޑުކުރުން. މިހާރު ހީވާފަދަ ވަޒީރު ރައީސްކަމަށް ފައިނަގައިގެން އުޅެނީއޭވެސް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސްގޮނޑި

28 November 2024

ދިވެހިރާއްޖެއަކީ ރަނގަޅަށް ހިންގާނަމަ ދަރަންޏަށްނަގަންޖެހޭނެ ރާއްޖެއެއްނޫން. ފަގީރުން އުޅެ ސަލާންޖަހަން އުޅޭމީހުން ފެންނާނެރާއްޖެއެއްވެސްނޫން. ރައްޔިތުންނަށް އޮޅުވައިނުލައި، ތެދުބަހުންވާހަކަދައްކައި އޮޅުންފިލުވައިދީ ވިސްނާދީގެން ރީތިގޮތުގައި ހިންގާނަމަ ބަސްއަހާ ރައްޔިތުންތިބޭނެ ރާއްޖެއެއް. ރައްޔިތުން އިތުބާރުކުރާނީ އިތުބާރުކުރާ ވެރިންލިބިގެން. ވެރިންނަށް އިތުބާރުކުރެވޭނީ ތެދުވެރިކަމާއި ވަފާތެރިކަން ސާބިތުކޮށް ދަައްކައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1818

28 November 2024

ރައްޔިތުންގެ ކައިރިން އެހުމެއްނެތި އެތަށް ރައްޔިތުން ބޭސްފަރުވާ ނުކުރެވި އާސަންދަ ނުލިބި އުޅެނިކޮށް، ގަތަރަށް ތި ފޮނުވާލީ! މީ ރަގަޅަށް އޮޑިޓްކުރަން ޖެހޭ މައްސަލައެއް!