ރައީސް ވިދާޅުވީ، ތެލެސީމިއާ ކުދިންގެ ކަންކަން ހައްލު ކުރާނީ ސީދާ އެ މަނިކުފާނުގެ ބެއްލެވުމުގެ ދަށުން ކަމަށް.
ރައީސް މުއިއްޒު މިއަދު ހެނދުނު ތެލެސީމިއާ ސެންޓަރަށް ވަޑައިގެން އެ ތަނުގައި ހުރި މައްސަލަތައް ބައްލަވަނީ.---ފޮޓޯ: ރައީސް އޮފީސް
23 މާޗް 2025 - 15:46
48 comments
ތެލަސީމިއާގެ ފަރުވާ ހޯދާ މީހުންގެ ޝަކުވާތަކަށް ހައްލެއް ލިބޭނެ ގޮތްތަކެއް މިއަދުން މިއަދަށް ސަރުކާރުން ކަނޑައަޅައި އެ އަށް އަމަލު ކުރަން ފަށާފައިވާ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ރައީސް އެހެން ވިދާޅުވީ، ތެލެސީމިއާ ސެންޓަރުގެ ހިދުމަތްތަކާ މެދު ތެލަސީމިއާ މީހުންނާއި އާއިލާތަކުން ރޭ ކުރި މުޒާހަރާއި ފާޅުކުރި ކަންބޮޑުވުންތަކާ ގުޅިގެން އެ ސެންޓަރުގެ ހާލަތު ބެއްލެވުމަށް މިއަދު ހެނދުނު ކުރެއްވި ޒިޔާރަތަށް ފަހު އެވެ.
ރައީސް ވިދާޅުވީ، މައްސަލަތައް ވަގުތުން ހައްލު ކުރުމަށް "ހުރިހާ ތަފުސީލަކާ އެކު" ބައްދަލުވުމެއް ވެސް މިއަދު ބޭއްވެވި ކަމަށާއި އެކަންކަން ކުރިއަށް ގެންދާނެ ގޮތުގެ "ޑައިރެކްޝަންސް" މިހާރު ދީފައިވާނެ ކަމަށެވެ.
އެ މަނިކުފާނު ވިދާޅުވިގޮތުގައި 2017 ވަނަ އަހަރުން ފެށިގެން ވެސް ތެލެސީމިއާ ސެންޓަރު ހިންގަނީ ޑިރެކްޓަ ޖެނެރަލެއް ނެތި އެވެ.
"އެކަން ވަގުތުން ހައްލު ކުރެވޭނެ ގޮތެއް އަޅުގަނޑު ވާނީ ދަންނަވާފައި. ދެން އެއާ އެކު، ނަރުހުން މަދު ވާހަކަ، ނަރުހުން ހޯދޭނެ ގޮތް، ސީނިއާ ފިޒީޝަނެއް ހަމަޖެއްސުމަށް، ތަނަށް ބޭނުންވާ އެކި ކަހަލަ އާލާތްތައް ހޯދޭނެ ގޮތް، ލެބޯޓްރީގައި ބޭނުންވާނެ ވަސީލަތްތަކާއި ލެބޯޓްރީ ޓެކްނީޝަނުންނާއި ލެބޯޓްރީ ޓެކްނޮލޮޖިސްޓުން ހޯދުމަށް..." ތެލެސީމިއާ ސެންޓަރުގެ ކަންކަން ރަނގަޅު ކުރަން ވަގުތުން ވަގުތަށް އަޅަން ނިންމި ފިޔަވަޅުތަކާ ގުޅޭ ގޮތުން ރައީސް މުއިއްޒު ވިދާޅުވި އެވެ.
ފައިސާގެ ގޮތުން ދަތިތަކެއް ދިމާވެގެން ކަމެއް ހައްލު ނުވެ ނޯންނާނެކަން އަޅުގަނޑު ސީދާ ޔަގީން ކުރާނަން،"--- ރައީސް
އެ މަނިކުފާނު ވިދާޅުވީ، ހޮސްޕިޓަލެއް ހިންގާ ގޮތަށް ތެލެސީމިއާ ސެންޓަރު ހިންގަން ބޭނުންވާ ވަގުތާއި އިންސާނީ ވަސީލަތްތަކަށް މަގުފަހި ކުރާނެ ގޮތުގެ އިރުޝާދު ވެސް މިއަދު ދެއްވި ކަމަށެވެ.
މިއަދުގެ ބައްދަލުވުންތަކުގައި ފިނޭންސް މިނިސްޓަރު މޫސާ ޒަމީރު ވެސް ބައިވެރި ކުރެއްވީ ރައީސް ވިދާޅުވިގޮތުގައި ފައިސާގެ ގޮތުން ދަތިވާނެ ކަންކަން ކުރިމަތިވިޔަ ނުދިނުމަށެވެ. އެހެންވެ، ފައިސާގެ ގޮތުން ދަތިނުވެ، ކުރިއަށް ދެވޭނެ ގޮތުގެ ހާއްސަ އިރުޝާދުތަކެއް ވެސް ދެއްވި ކަމަށް ވިދާޅުވި އެވެ.
"އަދި މުހުމަތުތަކެއް ވެސް އަޅުގަނޑު ހަމަޖައްސާފައި އޮންނާނެ އެންމެންގެ މަޝްވަރާއާ އެކީގައި. މިކަމުގައި ބޭނުންވާނެ އެންމެންނާ އެކީގައި އަޅުގަނޑުމެން ބައްދަކުރީ. އެހެންވީމާ ވަސީލަތުގެ ގޮތުންނާއި މީހުންގެ ގޮތުން ކުރިއަށް ދެވޭނެ ގޮތް އިރާދަކުރެއްވިއްޔާ ފަހިކޮށްދިނިން،" ރައީސް ވިދާޅުވި އެވެ.
ރައީސް މުއިއްޒު މިއަދު ހެނދުނު ތެލެސީމިއާ ސެންޓަރަށް ވަޑައިގެން ކަމާ ގުޅުން ހުރި އިދާރާތަކުގެ ވެރިންނާ އެކު ބައްދަލުވުމެއް ބާއްވަވަނީ.---ފޮޓޯ: ރައީސް އޮފީސް
އެ މަނިކުފާނު އެންމެ ބޮޑަށް ފާހަގަކުރެއްވި އެއް ކަމަކީ ތެލެސީމިއާގެ ކަންކަން ހައްލު ކުރުމަށް ބޭނުންވާ ފައިސާގެ ކަންކަން ދަތި ނުވެ ހަމަޖެހޭނެ ކަމެވެ.
"ފައިސާގެ ގޮތުން ދަތިތަކެއް ދިމާވެގެން ކަމެއް ހައްލު ނުވެ ނޯންނާނެކަން އަޅުގަނޑު ސީދާ ޔަގީން ކުރާނަން،" ރައީސް މުއިއްޒު ވިދާޅުވި އެވެ.
މައްސަލަތައް އުޅޭކަން ކުރިން ރައީސަށް އެނގިވަޑައިނުގަންނަވާ
ރައީސް މުއިއްޒު މިއަދު ވިދާޅުވީ، ތެލެސީމިއާ ބަލީގެ މީހުން ރޭ އިހުތިޖާޖު ކުރުމާ ހަމައަށް އެ މައްސަލަތައް އެ މަނިކުފާނަށް އެނގިވަޑައިނުގަންނަވާ ކަމަށެވެ. އެކަމަކު، ތެލެސީމިއާއާ ގުޅޭ އެކި ފަރާތްތަކުން ސަރުކާރުގެ އެކި އިދާރާތަކާ މިދިޔަ އަހަރެއްހާ ދުވަހު ވެސް ބައްދަލުކޮށްފައިވާކަން މިއަދު ބެއްލެވި ލިޔެކިޔުންތަކުން އެނގޭ ކަމަށް އެ މަނިކުފާނު ވިދާޅުވި އެވެ. އެކަމަކު އަމަލީ ސިފަ ނާންނަ ކަމަށް ރައީސް ވިދާޅުވި އެވެ.
އެ މަނިކުފާނު ވިދާޅުވީ، "އިންޓާނަލީ" ވެސް ތެލެސީމިއާ ސެންޓަރުގެ ކަންން ބަދަލުކުރަން ވަނީ ނިންމަވައިފަ އެވެ.
"މާލޭގައި ތެލެސީމިއާ ސެންޓަރު ހިންގަން ޖެހޭހާ ދުވަހަކު ދޭންޖެހޭ ހިދުމަތްތައް މި ދެންނެވި ގޮތަށް ކުރަންޖެހޭ ކަންކަން ކުރަން މިއަދު ވާނީ ނިންމާފައި،" ރައީސް ވިދާޅުވި އެވެ.
ރައީސް މުއިއްޒު މިއަދު ހެނދުނު ތެލެސީމިއާ ސެންޓަރަށް ވަޑައިގެންނެވި ވަގުތު އެ ތަނުގައި ފަރުވާ ހޯދާ މީހެއްގެ ހާލަތު އޮޅުން ފިލުއްވަނީ.---ފޮޓޯ: ރައީސް އޮފީސް
"އިރާދަކުރެއްވިއްޔާ ކުރިއަށް އޮތް ދުވަސްތަކުގައި މި ތެލެސީމިއާ ކުދިންނަށް ދިމާވާ ހުރިހާ ދަތިތަކެއް ހައްލު ކޮށްދިނުމުގައި ސީދާ އަޅުގަނޑުގެ ބެލުމުގެ ދަށުން ކަންކަން ކުރިއަށް ގެންދާނަން. އަޅުގަނޑު އަރުވާ ޔަގީން ކަމަކީ މި ދެންނެވި ފަދައިން ހުރިހާ ކަމެއް ކުރިއަށް އޮތް ދުވަސްތަކުގައި ހައްލު ކުރަމުން ގެންްދާނެ."
އާ ސެންޓަރު ނިންމުމުގެ މަސައްކަތް ހަލުވި ކުރަނީ
ރައީސް މިއަދު ވަނީ ތެލެސީމިއާ ސެންޓަރު ހުޅުމާލެ އަށް ބަދަލުކުރަން ހުޅުމާލޭގައި އިމާރާތްކުރާ އާ ތަނަށް ވެސް ވަޑައިގެން އެ ތަނުގެ މަސައްކަތްތައް ބައްލަވާލައްވައިފަ އެވެ.
އެ މަނިކުފާނު ވިދާޅުވިގޮތުގައި، އެ ތަނުގެ މަސައްކަތް އަވަސް ކުރެވޭނެ ގޮތްތަކެއް ވެސް މިއަދު ކަނޑައެޅުއްވި އެވެ. ތެލެސީމިއާގެ އާ ސެންޓަރަކީ ޖާގައިގެ ގޮތުން ބޮޑު ތަނެއްކަން ފާހަގަކުރައްވަމުން ރައީސް ވިދާޅުވީ، އެ ތަން ހުޅުވުމުން ވަސީލަތްތައް ވެސް މާ ބޮޑަށް ފަހިވާނެ ކަމަށެވެ.
ހުޅުމާލޭގައި އިމާރާތް ކުރަމުން އަންނަ ތެލެސީމިއާ ސެންޓަރުގެ އާ އިމާާރާތުގެ މަސައްކަތްތައް ހަލުވި ކުރެވޭނެ ގޮތްތަކާ ގުޅޭ ގޮތުން ރައީސް މިއަދު މަޝްވަރާ ކުރައްވަނީ.---ފޮޓޯ: ރައީސް އޮފީސް
އާ ތެލެސީމިއާ ސެންޓަރަށް ހާއްސަ ބަސްތަކެއް ކަނޑައެޅުމާއި އިތުރު ލުއިގޮތްތައް ވެސް ފަހިވާނެ ކަަމަށް ރައީސް ވިދާޅުވި އެވެ.
ރޭގެ މުޒާހަރާކުރި މީހުން ފާހަގަ ކުރި ބައެއް މައްސަލަތަކުގެ ތެރޭގައި ލޭ އެޅުމުގައި ބޭނުންކުރާ ފިލްޓަރު ގޯސްވުމުގެ ސަބަބުން އަވަސް އަވަހަށް ފިލްޓަރު ބަދަލުކުރަން ޖެހި އިސްރާފުވާ މައްސަލަ ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިއްޒަތު
25 March 2025
މަނިކުފާނު ދެން ވަޑައިގަންނަވަންވީ ހުޅުމާލޭ ހޮސްޕިޓަލުގެ ހާލަތު ބައްލަވަން! މިތަނުގެ ބައެއް މުވައްޒަފުންގެ ވާހަކަ ދެއްކުމަށްވުރެ ނުދެއްކުން ރަގަޅުވާނީ! މިތަނުގެ މުވައްޒަފަކު ދާދިފަހުން އޭނާގެ އެއްބަޑު އަންހެނެއްގެ ދަރިފުޅަކަށް ދައުލަތުގެ ޚަރަދުގައި ކޯހެއްހަމަޖައްސައިދީ ބޭރަށްފޮނުވާ ކިޔަވާދީ ހަދާފައިވާތީ އެކަނަކުރީ ކޮން އުޞޫލަކުންތޯއާއި ކޯހަށް ހޮވުނުގޮތެއް އެގުންޖެހޭ! މިކަހަލަ ކޮރެޕްޝަނަށް މަގުފަހިވާ ކަންކަން އެބަހިގާ ހުޅުމާލޭ ހޮސްޕިޓަލުގައި!
ކެކެކެކެކެކެކެކެކެކެކ
25 March 2025
މުޒާހަރާ ނުކޮއް އެއްވެސް ކަމެއް ނުވޭ! އަހަރުން ރަށު ކަރަންޓު މައްސަލަ ވެސް ހައްލު ކޮއްދީބަލަ!
ކާސިންޖީ
24 March 2025
"އެ މަނިކުފާނު ވިދާޅުވިގޮތުގައި 2017 ވަނަ އަހަރުން ފެށިގެން ވެސް ތެލެސީމިއާ ސެންޓަރު ހިންގަނީ ޑިރެކްޓަ ޖެނެރަލެއް ނެތި އެވެ." ދެން ހެލްތުގެ ޕީއެސް އަދިވެސް ހަމަ މަޤާމަުގައި ހުންނަންވީ؟
ހައި ޓީ
24 March 2025
އަސްލު މައްސަލަ ބާއްވާފައި 60 ބުރީގެ ތެލެސީމިޔާ ސެންޓަރެއް އެޅުން ކަހަލަ "އާދައިގެ"ކަމެއް ނުނިންމާނެ ކަމަށް އުންމީދުކުރަން.
ފަޒީލް 2
24 March 2025
މި ރައީސް އަށް އިންގޭ ކަމެއް އެބައޮތްތަ؟
އެމީހ
24 March 2025
ތިތަނުގެ އިސްވެރިން ވަކިކުރުން އެމެއް ރަނގަޅީ. ހަމަ އެޔާއެކު ހުޅުމާލޭ ހޮސްޕިޓަލްގެ ވެރިން ބަދަލުކުރުން ވެސް ވަރައް މުހިއްމު. ޓަރޝަރީ ކިޔާފަ ވަރައް ދޯދިޔާ ތަނެއް އެއީ. އަދި ޚާއްސަކޮށް މުވައްޒަފުން ގެ ޒާތީ ކަންތަކާ ބެހޭ ވަރަށް މުވައްޒަފުންނަށްވެސް ވަރަށް އަނިޔާވެރި ވެރިން ތިބިތަނެއް ހުޅުމާލޭ ހޮސްޕިޓަލަކީ
ތެލެސީމިއާ ކުއްޖެގެ މަންމަ
24 March 2025
ތެންކިޔޫ ރައީސް. ވަރަށް އުފާވެއްޖެ. ވަރަށް އުއްމީދުއާ ވެއްޖެ. މާތް ﷲ ރައީސްއަށް މިކަމުގަ ކާމިޔާބު ދެއްވާ މަސައްކަތުގައި ރަހްމަތްލައްވާށި. އާމީން.
ރައީސް އަށް ނޭންގޭ
24 March 2025
މިވަރުވެގެން ދިޔައިރުވެސް ވަރުވަރުން ވެރިންތައް ލާފާތިބިއިރުވެސް ރައީސްމީހާއަށް ނޭނގޭ؟ އަޖައިބު.
އިހުމާލާ ކަރަޕްޝަން
23 March 2025
އެތަނުގަ ނަގާފަ އިން "ލޮބުވެތި ދިދަ" އިން ޙާލު ފެނުނީމަވެސް އިނގޭ ކިހާވަރަކަށް ސަރުކާރުން ސަމާލުކަން ދޭ ތަނެއްކަން. ރައީސަށް ދިދަ ނޯޓިސް ކުރެވުނުކަމަށް ހީކުރަން
ޓިނުު
23 March 2025
ކޮންމެކަމެއްވެސް ބަޔަކުނުކުމެ ހަޅޭޖަހައިގަތީމަ މިއެގެނީ ؟
އަފްރާސިޔާބު
24 March 2025
ވެރިކަމަށް. ފައިނަގައިގެން ރައްޔިތުން ކައިރިއަށް ދިޔައިރު ނޭނގޭ އެއްވެސް ކަމެއް ނެތް. އިގްތިސާދު ހަމަޔަކަށް އަޅުވައި ގައުމަށް ވަންނަ ފައިސާ ޚަރަދު ކުރާނެ ގޮތާއި ލޯނު ދައްްކާނެ ގޮތާއި ހޮސްޕިޓަލު ތަކުގެ ފެންވަރާއި ކިޔައިދޭގޮތާއި ފެންވަރާއި ވޭސްޓް ކުރާމިންވަރާއި ވަޒީފާތަކުގައި މީހުން ތިބިވަރާއި ބޯހިޔާވަހިކަމަށް ބޭނުންވެފައިވާ މީހުންތިބިކަމާއި މިހެންގޮސް ނޭގޭ އެކައްޗެއްވެސްނެތްކަމަށް ބުނެފައި ހޮވީމާ މިހާރު މިއިން ކަމެއްް އެނގޭކަމަކަށްނުވޭ.