ސައުދީ ފަންޑުގެ އެންމެ އިސްވެރިޔާ އަށް ދިވެހި ދައުލަތުގެ ޝަރަފުގެ އިއްޒަތް އަރުވައިފި

ސައުދީ ފަންޑުގެ އެންމެ އިސްވެރިޔާ އަށް ނިޝާން މުލީގެ އިއްޒަތުގެ ޝަރަފު ރައީސް މުއިއްޒު މިއަދު އަރުވަނީ -- ފޮޓޯ: ރައީސް އޮފީސް

ފާތިމަތު ޝަނާ މުހައްމަދު، މިހާރު

14 އެޕްރީލް 2025 - 09:37

20 comments

ސައުދީ ފަންޑު ފޯ ޑިވެލޮޕްމެންޓް (ސައުދީ ފަންޑު) ގެ އެންމެ އިސްވެރިޔާ ސުލްތާން އަބްދުއްރަހްމާން އަލް މަރުޝަދަށް ދިވެހި ދައުލަތުގެ ޝަރަފުގެ އިއްޒަތް މިއަދު އަރުވައިފި އެވެ.

ރައީސް އޮފީހުގައި ހެނދުނު ބޭއްވި ރަސްމިއްޔާތެއްގައި ސައޫދީ ފަންޑުގެ ޗީފް އެގްޒެކެޓިވް އޮފިސަރު މަރުޝަދަށް ނިޝާން މުލީގޭ ޝަރަފުގެ އިއްޒަތް އެރުވީ ރައީސް ޑރ. މުހައްމަދު މުއިއްޒެވެ. އެއީ ދިވެހި ދައުލަތުން ދޭ ތިން ވަނަ ދަރަޖައިގެ އިއްޒަތެވެ. ނިޝާން މުލީގެ އިއްޒަތް ނިސްބަތްވަނީ އައްސުލްތާން މުހައްމަދު ޝަމްސުއްދީނަށެވެ.

ނިޝާން މުލީގެ އިއްޒަތް މަރުޝަދަށް އަރުވަން ނިންމެވީ، އެ ފަންޑުން ރާއްޖޭގެ ތަރައްގީއަށާއި ރައްޔިތުންގެ އާންމު ހާލަތު ކުރިއެރުވުމަށް ފުޅާ ދާއިރާއެއްގައި ވެފައިވާ އަދި މިހާރު ވެސް ވަމުން އަންނަ އެހީތެރިކަން ފާހަގަކުރުމުގެ ގޮތުންނެވެ.

ސައުދީ ފަންޑުން އަންނަނީ ރާއްޖޭގެ ތަރައްގީގެ މުހިއްމު ގިނަ ޕްރޮޖެކްޓްތަކަށް އެހީތެރިކަން ފޯރުކޮށްދެމުންނެވެ. ހާއްސަކޮށް ވެލާނާ އިންޓަނޭޝަނަލް އެއާޕޯޓު ތަރައްގީގެ މަޝްރޫއުތަކަށް އެކި ފަހަރު މަތިން ފައިނޭންސިން ހަމަޖައްސާފައިވެ އެވެ. އެއާޕޯޓު ތަރައްގީގެ މަޝްރޫއުތަކަށް އެ ފަންޑުން 1978، 1981، 1992، 1999 2016، 2024 ވަނަ އަހަރު ފައިނޭންސިން ހަމަޖައްސައިދީފައި ވެ އެވެ.

ސައޫދީ ފަންޑުގެ އެންމެ އިސްވެރިޔާ މަރުޝަދަށް ދިވެހި ދައުލަތުގެ ޝަރަފުގެ އިއްޒަތް އެރުވުމަށް މިއަދު ބޭއްވި ރަސްމިއްުޔާތުގައި ރައީސް މުއިއްޒާ އެކު.---ފޮޓޯ: ރައީސް އޮފީސް

ސައޫދީ ފަންޑުގެ އެންމެ އިސްވެރިޔާ މިހާރު ރާއްޖެ އަށް ކުރައްވަމުން ގެންދަވާ ދަތުރުގައި ވެސް ވެލާނާ އިންޓަނޭޝަނަލް އެއާޕޯޓުގެ އާ ޓާމިނަލް ނިންމަން އިތުރަށް ބޭނުންވާ 17 މިލިއަން ޑޮލަރުގެ ލޯނުގެ އެއްބަސްވުމުގައި މިއަދު ސޮއިކުރައްވާނެ އެވެ. މިއީ އާ ޓާމިނަލް ނިންމަން ސައޫދީ ފަންޑުން ދޭ ދެވަނަމަ ލޯނެވެ.

އެފަންޑު މެދުވެރިކޮށް ރާއްޖޭގެ މުހިއްމު 16 މަޝްރޫއުއަކަށް 470 މިލިއަން ޑޮލަރ (7.2 ބިލިއަން ރުފިޔާ) ގެ އެހީ މިހާތަނަށް ފޯރުކޮށްދީފައިވެ އެވެ.

ފިނޭންސް މިނިސްޓްރީ ސައޫދީ އަރަބިއްޔާ ސައޫދީ ޑިވެލޮޕްމެންޓް ފަންޑް ރާއްޖެ-ސައުދީ ރައީސް ޑރ. މުހައްމަދު މުއިއްޒު

20 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދއްދއ

14 April 2025

ސައުދީއާ ކުވައިތުގެ ތަނެކޭ 25 އަހަރަށް ކުއްޔަށްދޭން އުޅެ ކާމިޔާބު ނުވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރުމޯލު1

14 April 2025

ސަޅި ކަލޯގަޔާ . 5 މިލިޔަން ޖީބައްވިއްޔާ ދާނީ އިއްޒަތް ހައްޤު ދޭން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިއްކާލާވިއްކާލާ

14 April 2025

ރާއްޖޭގައި ހުރި އިއްޒަތްތައް ވިއްކާލިޔަސް ދަރަނިތައް ފޫބެއްދޭނެ. ކޮންކަމަކާ ހާސްވާންވީ. އެމެރިކާގެ ރައީސަށް ދޭންވީ ބޮޑުތަކުރުފާނުގެ އިއްޒަތް ދީފަ ހައެއްކަ ސަތޭކަ މިލިޔަން ޑޮލަރު ހޯދިދާނެ ކަމަށް ފެންނަނީ. އިއްޒަތް ބޭނުންވާ މީހުން ދުނިޔޭގަ ވަރަށް ގިނަވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް ޓުއްތޯންބެ

14 April 2025

ސައުދީ ފަންޑުން ލޯނު ފައިސާ އަކީ އަބަދުވެސް ލިބޭ އެއްޗެއް މިނޫނީ މިކަން މާ ބޮޑުކަމެއްކަމަށް ދައްކާ މިވަރުގެ ދެއްކުންތެރި ކަމެއް އެއްވެސް ސަރުކާރަކުން މިހާތަނަކަށް ދައްކާފައެއްނެތް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

14 April 2025

ފަންޑުގެ ވެރިޔާއަށް އެނގޭބާ ތުރުކީން ބާދަނޑުގަނޑެއް ހަދިޔާކުރިކަން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

×ްދް

14 April 2025

އެކަން މަނިކުފާނަށް އެނގެ އެއްނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރީނާ

14 April 2025

ގަނޑުވަރު ގެ ޖެނިޓަރ އަޔަސް ތި އިއްޒަތް mihaaru ދޭން މަޖްބޫރު ވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުގޮހޮޑާ

14 April 2025

މި މުހިންމު ވަގުތު އެހީތެރިކަމުގެ އަތެއް ދިއްކޮށްލި ހަމަ އެކަނި ފަރާތް ދޯ މިއީ. ހަނދާން ބަހައްޓަންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުބްލާ2025

14 April 2025

މީގެ އެއްޗެއްގެ އަގަކީ 17 މިލިއަން ޑޮލަރުގެ ލޯނެއްދޯ؟ ހިލޭ އެހީނަމަ ވެސް ރަނގަޅު. އެކަމު ލޯނެއް ދިނީމަވެސް "އިއްޒަތް" ލިިބޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

14 April 2025

އަދި ކިރިޔާ ތިޔަ ހިގައިގަނެވުނީ ރަގަޅު މަގަކުން. އަރަބިންނާއި ނުލާހިބު ބޮޑު ޝަރަފާއި ފުޅާ ޢިއްޒަތެއް ބޭނުންވާ ބައެއް. ވީއިރު ތިޔަފަދަ ކަމެއް ނުކޮށް ނާށިގަނޑު ހިފައިގެން ސަޢުދީއަށް ދިޔަސް ވާނެކަމެއް ނޯންނާނެ. ތިޔާ ޢިއްޒަތް ހަމަ އެރުވުމާއެކު 17 މިލިޔަން ޑޮލަރުގެ ލޯނު އެހަމަޖެހުނީ. އަދިވެސް އިތުރަށް ބޭނުންވާނަމަ މިތަނުން ބޮޑު ފަޅުރަށަށް ތިޔައިން ޕްރިންސެއްގެ ނަންދީފަ އެކަން އިސްތިހާރުކޮށްލީމާ އަންނާނެ އެހީތައް ފަތުއަޑުކިޔާހަ