އިންޓަވިއުއަށް ފަހު 549 މީހަކު އިމިގްރޭޝަންގެ އިމްތިހާނު ހަދައިފި

އިމިގްރޭޝަން އޮފިސާ ޓްރެއިނީގެ ވަޒީފާގެ އިންޓަވިއުގެ ބައެއްގެ ގޮތުގައި ކުރިއަށް ގެންދިޔަ އިމްތިހާނުގައި މީހުން ބައިވެރިވަނީ.-- ފޮޓޯ: އިމިގްރޭޝަން

އިފްރާޒް އަލީ، މިހާރު

30 މެއި 2025 - 20:49

12 comments

މޯލްޑިވްސް އިމިގްރޭޝަންގެ 50 ވަޒީފާއަށް ކުރިމަތިލާން ބޭއްވި ވޯކް-އިން އިންޓަވިއު އިން ހޮވުނު 549 މީހަކު އެ އިންޓަވިއުގެ ބައެއްގެ ގޮތުގައި ބޭއްވި އިމްތިހާނުގައި ބައިވެރިވެއްޖެ އެވެ.

އިމިގްރޭޝަނުން މިއަދު ސޯޝަލް މީޑިއާގައި ކުރި ޕޯސްޓެއްގައި ބުނީ، އިމިގްރޭޝަން އޮފިސާ ޓްރެއިނީގެ 50 މަގާމަށް މީހުން ހޯދުމަށް ފުރަތަމަ ފަހަރަށް ބޭއްވި ވޯކް-އިން އިންޓަވިއުތަކަށް ފަހު، އެ އިންޓަވިއުގެ ބައެއްގެ ގޮތުގައި ކުރިއަށް ގެންދިޔަ އިމްތިހާނު މިދިޔަ ބުދަ ދުވަހާއި އިއްޔެ ބާއްވާފައިވާ ކަމަށެވެ.

އިންޓަވިއު ކުރި މީހުންގެ ތެރެއިން އިމްތިހާނުގައި ބައިވެރިވީ 549 މީހުން ކަމަށް އިމިގްރޭޝަނުން ބުންޏެވެ.

އެ އިދާރާ އިން ބުނީ އިންޓަވިއު އާއި އިމްތިހާނުގެ ޖުމްލަ މާކްސްއާ އެކު، އެންމެ މަތިން މާކްސް ލިބުނު 50 މީހުން ވަރަށް އަވަހަށް އިއުލާންކުރާނެ ކަމަށެވެ.

އިމިގްރޭޝަން އޮފިސަރ ޓްރެއިނީގެ 50 މަގާމަށް މީހުން ހޯދުމަށް ފުރަތަމަ ފަހަރަށް ބޭއްވި ވޯކް-އިން އިންޓަވިއުތަކަށް ފަހު، އިންޓަވިއުގެ ބައެއްގެ ގޮތުގައި ކުރިއަށް ގެންދިޔަ އިމްތިހާން ވަނީ މި މަހުގެ 28 އަދި 29 ވަނަ ދުވަހު ބާއްވާފައި. އިންޓަވިއު ކުރެވުނު ފަރާތްތަކުގެ ތެރެއިން… pic.twitter.com/x8CnuP8ITl
— Maldives Immigration (@ImmigrationMV) May 30, 2025

އިމްތިހާނުގެ އިންތިޒާމުތައް ބައްލަވައިލެއްވުމަށް އިމިގްރޭޝަންގެ ކޮންޓްރޯލަރު އަހްމަދު ފަސީހާއި ޑެޕިއުޓީ ކޮންޓްރޯލަރު އަހްމަދު އަޝްފާން ވަޑައިގެންނެވި ކަމަށް ވެސް އިމިގްރޭޝަނުން ބުންޏެވެ.

"މި މަސައްކަތުގައި އެންމެހާ ފަރާތްތަކުން ދެއްވި އެއްބާރުލުމަށް އަދިވެސް އެއްފަހަރު ޝުކުރު ދަންނަވަން. އަދި އެންމެހާ ފަރާތްތަކަށް ކާމިޔާބަށް އެދެން،" އިމިގްރޭޝަނުން ބުންޏެވެ.

އިމިގްރޭޝަން އިން ކުރިން ބުނި ގޮތުގައި، 50 ވަޒީފާއަށް 876 މީހަކު ކުރިމަތިލި އިރު، އޭގެ ތެރެއިން 758 މީހަކު ޝަރުތު ހަމަވެ އެވެ. އިމިގްރޭޝަން އޮފިސަރުން ހޯދަން މި މަހު 24 ގައި ބޭއްވި ވޯކް-އިން އިންޓަވިއުއަށް ގިނަ ބަޔަކު ދިޔަ އެވެ.

އިމިގްރޭޝަން ވަޒީފާ މޯލްޑިވްސް އިމިގްރޭޝަން

12 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަވަރު

31 May 2025

ކީއްކުރަން ހަދާ ޓެސްޓެއް. ތި 50 ޖާގަ އޮންނާނީ މަޖްލިސް މެމްބަރުންނަށް ބަހާލާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކޮއި

31 May 2025

މިޤައުމުގައި މިހާރު ފުށާއި ހަކުރާއި ހަނޑުލަށްވުރެ ސަރުކާރުގެ ވަޒީފާތައް ގިނަވެއްޖެ. ޕާޓީގެ ކޮންމެ ކުއްޖަކަށް ވަޒީފާއެއް. އިށީންނާނެ ގޮނޑިއެއް މޭޒެއްނެތި ކުރާނެ އެއްވެސް މަސައްކަތެއްނެތިވެސް އެތައްހާސް މުވައްޒަފުންތިބިކަން އެންމެނަށް އެނގޭ. މިސަރުކާރުނިމޭއިރު މިޤައުމު އޮންނާނީ ކޮންފަދަ ޙާލަތެއްގައިބާއޭހިތަށްއަރާ. އެއްވެސްކަމަކާނުލައި ފާޑުފާޑުގެ ކޮމެޓީތަކާއި ކުންފުނިތައް އުފައްދައި އެތަންތަނަށްވެސް ހަބޭހަށް މީހުންވައްދަމުންދަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟުއޭދު

31 May 2025

ހުނަރެއްނެޠް ސިޔާސީ މީހަކަށް ވަޒީފާއެއް ދޭންވީމަ ހަދާނެ އިމްތިހާނެއްނެޠް ؟ ކިޔަވައިގެން ވަޒީފާ ހޯދުމަށް އިމްތިހާނުން ފާސްވިޔަސް ނުފުދޭ. އަދި އެބަޖެހޭ ސިޔާސީ މީހަކުގެ ބޫޓް އޮފްކޮއްގެން އެމީހުންގެ އަޅުންގެ ލިސްޓަށް ނަން އަރުވަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިކަލް ޓެކްސީ

31 May 2025

އެހާގިނަ މީހުން އިމިގްރޭޝަން އޮފިސަރު ކަމުގެ މަގާމަށް ކުރިމަތިލަނީ ކީއްވެތަ؟ އަޅެ ކޮންމެވެސް މީހަކު ބުނެދީފާނަންތަ؟ ސަރުކާރުގެ އެހެހަން މަގާމަކަށް މިވަރުގެ ޑިމާންޑެއް ނޯވޭ. ވަޒީފާ ނެތް މީހުން ހިސާބަށްވުރެން ގިނަނަމަ އެހެން މަގާމުތަކަށްވެސް ކުރިމަތިލީސްނުން.