ކަރެކްޝަންސްގެ އޭސީޕީގެ މަގާމަށް މީހަކު އައްޔަންކުރުން މަޑުޖައްސާލަން އަމުރުކޮށްފި

އޭސީޕީގެ މަގާމުން ވަކިކުރި އާސިފް: އޭނާ ވަކިކުރި މައްސަލަ ކޯޓަށް ހުށަހަޅަން ނިންމާފައިވާތީ އެ މަގާމަށް މީހަކު އައްޔަންކުރުން މަޑުޖައްސާލަން ކޯޓުން ވަނީ އަމުރުކޮށްފައި

އާސިމާ ނިޒާރު، މިހާރު

20 ޖުލައި 2025 - 13:26

6 comments

ކަރެކްޝަނަލް ސާވިސްގެ އެސިސްޓެންޓް ކޮމިޝަނަރުގެ މަގާމަށް މީހަކު އައްޔަންކުރުން މަޑުޖައްސާލަން ސިވިލް ކޯޓުން އަމުރުކޮށްފި އެވެ.

ކަރެކްޝަންސްގެ ޕްރިޒަންސް ކުލަބްގެ އެކައުންޓުން ދެ ލައްކަ އަށް ވުރެ ގިނަ ރުފިޔާ އެކި އެކައުންޓުތަކަށް ޖަމާކުރި މައްސަލާގެ ތުހުމަތުގައި ކަރެކްޝަންސްގެ އޭސީޕީ މުހައްމަދު އާސިފް ގިނަ ދުވަސްތަކެއް ވަންދެން ސަސްޕެންޝަންގައި ބެހެއްޓުމަށްފަހު މިދިޔަ ބުދަ ދުވަހު ވަނީ އެ މަގާމުން ވަކިކޮށްފަ އެވެ.

އެ މައްސަލާގައި އާސިފްގެ ފަރާތުން ސިވިލް ކޯޓުގައި އެދުނީ އޭނާ ވަކިކުރަން ނިންމި ނިންމުމާ ގުޅިގެން ދައުލަތާ ދެކޮޅަށް ދައުވާކުރަން ނިންމާފައިވާތީ، އެ މައްސަލާގައި ކޯޓުން ގޮތެއް ނިމެންދެން އެ މަގާމަށް މީހަކު އައްޔަންކުރުން މަޑުޖައްސާލުމުގެ ވަގުތީ އަމުރެއް ނެރެދިނުމަށެވެ.

މިހާރު އަމަލުކުރާ މަދަނީ އިޖްރައާތުގެ ގާނޫނު އޮންނަ ގޮތުން ދައުވާ ހުށަހެޅުމުގެ ކުރިން ވެސް ވަގުތީ އަމުރަކަށް އެދެވިދާނެ އެވެ.

އެހެންވެ، ކޯޓުން މިދިޔަ ބުރާސްފަތި ދުވަހު ނެރުނު ވަގުތީ އަމުރުގައިވަނީ ކަރެކްޝަންސް އޭސީޕީގެ މަގާމަށް ދާއިމީ މުވައްޒަފަކު ނުނެގުމަށާއި އަދި އެ މަގާމުގެ މައްޗަށް ތިން ވަނަ ފަރާތެއްގެ ހައްގެއް އުފަން ވެދާނެ އެއްވެސް ކަމެއް ކުރާނަމަ އެކަމެއް ވަގުތުން ހުއްޓާލަން އަންގާ ކަމަށެވެ.

ނަމަވެސް ކޯޓުގެ އަމުރުގައިވާ ގޮތުން އެ މައްސަލާގައި ދައުވާކުރާނަމަ، ކަރެކްޝަންސްއާ ދެކޮޅަށް އަންނަ މަހުގެ 17 ގެ ކުރިން ދައުވާ ހުށަހަޅަންޖެހެ އެވެ. އަދި އެ މުއްދަތުގައި ދައުވާ ނުކޮށްފިނަމަ ވަގުތީ އަމުރު ނިމުމަކަށް އަންނާނެ ކަމަށާއި އަދި އެ މައްސަލަ ހުށަހަޅައިފި ނަމަ ޝަރީއަތުން ވަކި ގޮތެއް އަންގަންދެން އެ އަމުރު ދެމިއޮންނާނެ ކަމަށް، އިސް ގާޒީ މަރިޔަމް ވަހީދު ނެރުއްވި އަމުރުގައިވެ އެވެ.

ސިވިލް ކޯޓް ކަރެކްޝަނަލް ސާވިސް ހޯމްލޭންޑް ސެކިއުރިޓީ މިނިސްޓްރީ

6 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބާސިފް

20 July 2025

ބޮޑެތި މީހުންނަށް ކަނބައިދީގެން އުޅޭ ކޮރަޕްޓު މީހުން ވެސް އުޅެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިޔާނު

20 July 2025

އަހުރެން އާސިފް ނުދަންނަން. ނަމަވެސް މިއީ ތިންވަނަ ފަހަރުކަން ހަނދާންވޭ މީނާގެ އިންޓެގްރިޓީއާއި ގުޅޭގޮތުން ދިމާވި، ހަމަ ހަބަރުން ދުށިން. ކުރީގައިވެސް ސަސްޕެންޑް ކުރި. އެތަނުގައި މަސައްކަތް ކުރާ އެންމެ އާދައިގެ މީހާވެސް މީނާއަށް އިހްތިރާމް ނުކުރޭ. ކްލަބުގެ ފައިސާ އަމިއްލަ އެކައުންޓަށް ޖަމާކުރީ މިފަހަރު. އެ ނަހަމަގޮތުގައި ބޭނުންވެސް ކުރިކަމަށް އެއޮތީ ފެންނަން. އެކަމުވެސް ހަމަ ސާފު ތޯ؟