ކޮންމެ އަތޮޅެއްގައި ދަތުރުދާ ރަށެއް ސަރުކާރުން ތަރައްގީކުރަނީ

ރައީސް ޑރ. މުހައްމަދު މުއިއްޒު ޖަލްސާއެއްގައި ވާހަކަފުޅު ދައްކަވަނީ: ކޮންމެ އަތޮޅެއްގައި ޕިކްނިކް އައިލެންޑެއް ތަރައްގީކުރަން ސަރުކާރުން ވަނީ ނިންމާފައި. -- ފޮޓޯ: ރައީސް އޮފީސް

ފާތިމަތު އަޖްފާން، މިހާރު

20 އޯގަސްޓް 2025 - 10:00

18 comments

ރާއްޖޭގެ ކޮންމެ އަތޮޅަކުން އެއް ރަށް ދަތުރުދާން ހާއްސަކޮށް، ސަރުކާރުން ތަރައްގީކޮށްދޭނެ ކަަމަށް ރައީސް ޑރ. މުހައްމަދު މުއިއްޒު ރޭ ވިދާޅުވެއްޖެ އެވެ.

އއ. އަތޮޅަށް ކުރައްވާ ދަތުރުފުޅުގައި، މަތިވެރީގައި ރައީސް ވިދާޅުވީ ރައްޔިތުންނާ ބައްދަލުކުރައްވާއިރު، ޕިކްނިކް އައިލެންޑެއް ހަމަޖައްސައިދޭން ވަރަށް ގިނަ ރަށްރަށުން އެދޭ ކަމަށެވެ. އާއިލާ އެކު ޕިކްނިކަށް އެއްވެލާނެ ރަށެއް ނެތުމަކީ ދަތިތަކެއް ކުރިމަތިވާނެ ކަމެއް ކަން ގަބޫލުކުރައްވާ ކަމަށް ރައީސް ވިދާޅުވި އެވެ.

އެ އަތޮޅެއްގެ ރައްޔިތުން ދަތުރު ދާން ވަކި ރަށެއް ހާއްސަވެފައި އޮތުމަކީ ޓޫރިޒަމަށް ވެސް ފައިދާ ކުރާނެ ކަމެއް ކަން ރައީސް ފާހަގަކުރެއްވި އެވެ.

ރައީސް ވިދާޅުވި ގޮތުގައި ދަތުރުދާނެ ރަށްތައް ތަރައްގީކުރަން މިހާރު ދިރާސާ ކުރިއަށް އެބަދެ އެވެ. އެ ރަށްތަކުގެ އަމަލީ މަސައްކަތް ވަރަށް އަވަހަށް ފެށޭނެ ކަމަށް އެމަނިކުފާނު ވިދާޅުވި އެވެ.

"މުޅި ރާއްޖޭގެ ހުރިހާ އަތޮޅެއްގައި އެއް ރަށް އަޅުގަނޑުމެން ނަގައި، އެ ރަށް އެއީ އެ އަތޮޅެއްގެ ރައްޔިތުންނާއި އެ ރައްޔިތުންގެ ގެސްޓް ހައުސްތަކާއި އެކަހަލަ ކަންކަމަށް، ގެސްޓުންނަށް ޕިކްނިކް ދާން ހާއްސަ ކުރާނަން،" ރައީސް ވިދާޅުވި އެވެ.

"ރަށްރަށުގެ ރައްޔިތުންނަށް ވަރަށް އުނދަގޫ، ފުރުސަތު ނެތް އާއިލާއާ އެކު ޕިކްނިކް ދާނެ ތަނެއް. ގެސްޓުން ގެންދާނެ ތަނެއް ވެސް ނެތް. އެހެންވެ ކޮންމެ އަތޮޅަކަށް އެއް ރަށް ސަރުކާރުން ތަރައްގީކޮށްދީ، އެކަމުގެ ދިރާސާތައް އެބަކުރެވޭ. އެ މަސައްކަތް ނިންމާނަން."

ރައީސް ވަނީ އިންތިހާބުގައި އެމަނިކުފާނު ވެވަޑައިގެންފައިވާ ހުރިހާ ވައުދުތަކެއް ފުއްދަވާނެ ކަމުގެ ޔަގީންކަން ވެސް ދެއްވައިފަ އެވެ.

ޕިކްނިކް ޓޫރިޒަމް ޕިކްނިކް އައިލެންޑް ރައީސް ޑރ. މުހައްމަދު މުއިއްޒު

18 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގަމާ

20 August 2025

އެހެންތަ. ފުވައްމުލަކު މީހުންނަށް ރަށެއް ހިއްކައިދޭނެ ދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްސަފަފ

20 August 2025

"ރައީސް ވަނީ އިންތިހާބުގައި އެމަނިކުފާނު ވެވަޑައިގެންފައިވާ ހުރިހާ ވައުދުތަކެއް ފުއްދަވާނެ ކަމުގެ ޔަގީންކަން ވެސް ދެއްވައިފަ އެވެ." ޖާދޫގަރެއް ނޫނިއްޔާ މީނަ ވެފަ ހުރި ހުރިހާ ވައުދެއް މިދައުރުގަ ނުނިންމޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަގަން ވިއްކާލުން

20 August 2025

ދިވެހިރާއްޖޭގެ ގުދްރަތީ ސިފަތައް ގެއްލުވާލުން. އަތޮޅު ތަމްސީލް ކުރާނެ ވެރިއެއް ނެތް. ގުދުރަތީ ގޮތުން އަތޮޅަކާ، އިދާރީ ގޮތުން އަތޮޅުގެ ރަށްތަކަށް ބަސް ބުނާނެ ވެރީން ކާބަފައިން ހަމަޖައްސާފަ ވަނީ މާތް މަގުސަދެއްގަ. އަތޮޅު ވެރިކަން ކުރާ ރަށެއް ނެތް އެއް ނަމެއް ކިޔާ އެތައް ރަށެއް ރާއްޖޭގެ އެކި އަތޮޅުގައި އެބަވޭ. މިސާލަކަށް ދެން ކިޔަން ޖެހޭނީ ތިނަދޫ، ދިވެހިރާއްޖެ ކޮން އަތޮޅަކަށް ނިސްބަތްވާ ރަށެއް ކަމެއް ނުވެއްއިނގޭނެ. ފުޅި ބައްތި އަރުވަންވީނު އަލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިއްދޫމީހާ

20 August 2025

ތިބޭޅާ ފުރަތަމަ 100ދުވަހަ ވީވައުދުތައްވެސް ނުފުދިގެންނޭ ތިޔައުޅެނީ އަނެއްކާ އަނެއް ވައުދުތައް ވާންފެއްޓީ،ތިބޭޅާ ރަށަކަށް އަރާފިއްޔާ ދިކޮއްލާ ނޯޓްކޮޅަކަށް ބަލާގެން ވައުދުތައް ތިޔަވަނީ އެއިން ދޭހަވަނީ ތިބޭޅާއަކީ އެެއްވެސް މިސްރާބެއްނެތްކަން އަހަރެމެން ކަހަލަ މުސްކުޅިން ބުނެ އުޅޭނެ އޮޔާދާ އުނބަކުން ނިރެއް ނުފަޅާނޭ(އުނބެއް އޮޔާދިޔަސް ނުދިޔަސް އެއިން ނިރެއް ނުފަޅާނެ)އޭގެ މިސާލެއް ތިބޭޅާއަކީ:.