3،000 އަށް ވުރެ ގިނަ ދަރިވަރުންނާ އެކު އޭ ލެވެލްގެ ކިޔެވުން ފަށައިފި

އުކުޅަހު ސްކޫލުގައި އޭ ލެވެލް ކިޔެވުމަށް ދަރިވަރުންތަކެއް މިއަދު ސްކޫލަށް ވަނުމުން މަރުހަބާ ކިޔަނީ.-- ފޮޓޯ: އުކުޅަހު ސްކޫލު

ފާތިމަތު އަޖްފާން، މިހާރު

14 ސެޕްޓެމްބަރ 2025 - 09:46

8 comments

މި އަހަރު އޯ ލެވެލް ނިންމި ދަރިވަރުންގެ ތެރެއިން 3،200 ދަރިވަރުންނާ އެކު އޭ ލެވެލްގެ ކިޔެވުން މިއަދު ފަށައިފި އެވެ.

ދައުލަތުގެ މީޑިއާ "ޕީއެސްއެމް"ގައި، މިނިސްޓަރު ޑރ. އިސްމާއިލް ޝަފީއު ވިދާޅުވީ އެހެން އަހަރުތަކާ ހިލާފަށް މި އަހަރު އޭ ލެވެލްގައި ކިޔަވާ ކުދިންގެ އަދަދު އިތުރުވެފައިވާ ކަމަށެވެ.

ކޮންމެ އަހަރަކު 7،000އާ ގާތްކުރާ އަދަދަކަށް ދަރިވަރުން އޯލެވެލް ނިންމަ އެވެ. އެކަމަކު، އޭގެތެރެއިން އޭ ލެވެލް އަށް ކިޔަވަނީ ގާތްގަނޑަކަށް 2،000 ދަރިވަރުންނެވެ.

މި އަހަރު އެ އަދަދު 3،000 އިން މަތިވެފައިވާ ކަން މިނިސްޓަރު ފާހަގަކުރެއްވި އެވެ.

މިނިސްޓަރު ވަނީ އޭ ލެވެލް ފެށި ދަރިވަރުން ނަތީޖާ ނެރެން ގަދައަޅައި މަސައްކަތް ކުރަން ނަސޭހަތްތެރިވެވަޑައިގެންފަ އެވެ.

"މިއީ ދިރިއުޅުމަށް ތިޔަ ކުދިން ނެރުމަށްޓަކައި މަދަރުސީ ތައުލީމު ނިޒާމުގެ އެންމެ ފަހު މަރުހަލާ. ޔުނިވާސިޓީއަކަށް ދިޔަ ކަމުގައި ވިޔަސްމެ، ކުންފުންޏެއްގެ ވަޒީފާއަކަށް ދިޔަކަމުގައިވިޔަސްމެ، އަމިއްލަ މަސައްކަތެއް ކުރި ކަމުގައި ވިޔަސް ކުދިންނަށް ބޭނުންވާ ހުނަރާއި ގާބިލިއްޔަތު ތަކާއި އިލްމު، މި މަރުހަލާގެ ތައުލީމުން ލިބޭނެ،" އިސްމާއިލް ވިދާޅުވި އެވެ.

އޭ ލެވެލް ކިޔަވާ ދަރިވަރުންގެ އަދަދު އިތުރު ކުރުމަށް ސަރުކާރުން ވަނީ ގިނަ ކަންތައްތަކެއް މިހާރު ވެސް ކޮށްފަ އެވެ.

އޭގެތެރޭގައި މާލޭގައި ޒަމާންވަންދެން ހިންގި އޭ ލެވެލް ސްކޫލް، ސީއެޗްއެސްއީ އިމާރާތް އަލުން ހުޅުވައި ކިޔަވައި ދޭން ފެށުން ހިމެނެ އެވެ. ރާއްޖޭގައި އޭ ލެވެލް ކިޔެވުމުގެ ފުރުސަތު ވީހާވެސް ގިނަ ކުދިންނަށް ދޭން ގްރޭޑް 11، 12 އަށް ވައްދާ ކްރައިޓީރިއާ ދަށްކޮށް އުސޫލު ވެސް ވަނީ އިސްލާހުކޮށްފަ އެވެ.

ކުރިން ކިޔަވައިދޭ ސްކޫލްތަކުގެ އިތުރަށް، މި އަަހަރު އަލަށް 12 ސްކޫލެއްގައި ވެސް ވަނީ އޭ ލެވެލް އަށް ކިޔަވައިދޭން ފަށައިފަ އެވެ.

އަހުމަދިއްޔާ ސްކޫލް ސީއެޗްއެސްއީ އޭ ލެވެލް ޑރ. އިސްމާއިލް ޝަފީއު (އެޑިއުކޭޝަން މިނިސްޓަރު)

8 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަންޗޫ

14 September 2025

ސްކޫލުތަކުގަ އޭލެވެލް ފެށުމަކުން ކަމަކުނުދާނެ! އޭލެވެލް އަށް ކިޔަވަދެވޭ ފެންވަރު ކޮލިޓީ ޓީޗާރުން ސްކޫލުތަކަށް ފޮނުވައިގެން ދަރިވަރުންނަށް ކިޔަވަދެވިގެން ދަރިވަރުންނަަަށް ރަނގަޅު ނަތީޖާއެއް ނެރެވޭނި. މީގެ ކުރީ ސަރުކުކާރުތަކުންވެސް ކަންކޮށްފަވަނީ އެހެން. އެހެން ނޫނީ ގިނަދަރިވަރުން ތަކަކަށް ވާވައްދާލާ އެކުދިންގެ އުމުރުން 2 އަހަރު އެއްވެސް ނަތީޖާއެއް ނުނެރެވި ގެއްލުވާލަން ތިއުޅެނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންފުޅުބެ

14 September 2025

އަދަދު މަތި. އެ ޝަރަފު އެބައޮތް. އެކަމަކު މަތީ ސާނަވީއަށް ކިޔަައި ދިނުމަށް އެކަށީގެންވާ ރަނގަޅު ޓީޗަރުންނެއް ނެތް. ގިނައިން ތިބީ ތަޖުރިބާއެއް ނެތް އާ ޓީޗަރުން. އަދި ބައެއް މާއްދާތަކަށް ޓީޗަރުން ހަމަ ވެސް ނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންޑޭ

14 September 2025

ތިނުކުންނަ ހުރިހާ ކުދިން ކޮބާތޯ. ވަޒީފާގެ ބާޒާރަށް ނުކުންނަނީ ކިތައް ކުދިން ތޯ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާވެށި

14 September 2025

ބިދޭސީ ކޭޝިއަރުން އެދަނީ ގައުމު ހުސް ކުރަމުންނެވެ. ހުރިހާ ފައިސާ އެއް ބޭންކް މެދުވެރި ނުކޮށް އެފޮނުވަނީ ގައުމަށެވެ. ހުރިހާ ތަނެއްގަ ބިދޭސީ ކޭޝިއަރުން ހުންނަ އިރު ސަރުކާރުން ނުބަލަ އެވެ. ސަރުކާރުން އެ ދަނީ ވ ބޮޑޫ ގޯހެކެވެ. ނުބަލަ އެވެ. ވަޒީފާ ދޭ މީހާ ވެސް އެހަދަނީ ގޯހެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

14 September 2025

ކޮންމެ އަހަރަކު 7،000އާ ގާތްކުރާ އަދަދަކަށް ދަރިވަރުން އޯލެވެލް ނިންމަ އެވެ. ވަޒީފާ ނެތް އެތައް ހާސް ޒުވާނުން އެބަ އުޅެ އެވެ. އެއްވެސް ފިހާރަ އަކު ، ހޮޓަލަކު ، ކެފޭ އަކު ، ރެސްޓޯރަންޓް އަކު ދިވެއްސަކު ނެތެވެ. ބޭކަރީ އަކުވެސް ދިވެއް ސެއް ނެތެވެ. 15 ހާސް ރ ގެ މުސާރަ ދިނަސް ފައިދާ ވާނެ އެވެ. 5 ހާސް ރުފިޔާ އަށް ބިދޭސީއަކުވެސް މަސައްކަތް ނުކުރާނެ އެވެ. ދިވެއްސަކު ނެތި ހުރިހާ ވިޔަފާރި ހިންގާ އިރު އަޅާވެސް ނުލަ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުރަކަ

14 September 2025

މިހާރުގެ ޒުވާނުންގެ ތެރެއިން މަދު ބައެއް ނޫނީ ވެއިޓަރުކަން ކަހަލަ އަތުންފައިން ކުރަންޖެހޭ މަސައްކތް ކުރަން ބޭނުމެއް ނުވޭ. ބޮޑު މުސާރަ ދިނަސް ނުކުރާނެ. ބޭނުމީ އޮފީހެއްގަ ކޮމޕިއުޓަރެއް ކައިރީ މަސައްކަތް ކުރަން. މުސާރަ ކުޑަ ވިޔަސް އޯކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

14 September 2025

އަދިވެސް ރަނގަޅު ކުރެވޭނެ އެވެ. ރާއްޖެ އަކީ އެއްވެސް ބިދޭސީ އަކު ނެތި ސަތޭކަ ޕަސެންޓް ދިވެހީން މަސައްކަތް ކުރި ގައުމެކެވެ. މިހާރު ވެސް ވެމްކޯ މަސައްކަތު މީހުންނަށް އެއުޅެނީ ދިވެހީންނެވެ. ހުރިހާ ފިހާރަ އެއް ގަ ސޭޓުންނަށް އެއުޅެނީ ބިދޭސީންނެވެ. ހުރިހާ ފައިސާ އެ ފޮނުވަނީ ގައުމުން ބޭރަށެވެ. ސަރުކާރެއް އެބަ އޮތް ހެއްޔެވެ؟ ބިދޭސީންނަށް ކޭޝިއަރުންނަށް ނުހުރެވޭނެ އެވެ. އެއީ ގާނޫނީ ގޮތުން މަނާ ކަމެކެވެ. ދިވެއްސަކަށް ވެސް ބިދޭސީ އަކު ނުބެހެއްޓޭނެ އެވެ.