ޚަބަރު / ސާޖިދާ މުހައްމަދު (ފަސްޓް ލޭޑީ)

އަނިޔާއަކީ ކޮންމެ ދުވަހެއްގެ އާދައެއްގެ ގޮތުގައި ހެދުން ބަލައެއް ނުގަނެވޭނެ: ފަސްޓް ލޭޑީ

ފަސްޓް ލޭޑީ ސާޖިދާ މުހައްމަދު: އަނިޔާއަކީ އާދައިގެ ކަމެއްގެ ގޮތުގައި ބަަލައިގަނެގެން ނުވާނެ ކަމަށް ވިދާޅުވި..-- ފޮޓޯ | ރައީސް އޮފީސް

މާއިދާ މުހައްމަދު ރަޝާދު، މިހާރު

25 ނޮވެމްބަރ 2025 - 12:00

2 comments

ޑިޖިޓަލް ދާއިރާ ކުރިއަރާފައިވާ މި ޒަމާނުގައި އަނިޔާއަކީ ކޮންމެ ދުވަހެއްގައި ކުރިމަތިވަމުންދާ ކަމެއްގެ ގޮތުގައި ބަލައިގަނެ، އެކަން އާދައިގެ ކަމަކަށް ހެދުމަކީ ބަލައިގަނެވޭނެ ކަމެއް ނޫން ކަމަށް ފަސްޓް ލޭޑީ ސާޖިދާ މުހައްމަދު މިއަދު ވިދާޅުވެއްޖެ އެވެ.

އަންހެނުންނަށް ކުރާ އަނިޔާ ނައްތާލުމަށް ބާރުއަޅަން ބައިނަލްއަގުވާމީ ފެންވަރުގައި މިއަދު ފާހަގަކުރަމުން އަންނަ ދުވަހާ ގުޅިގެން ސާޖިދާ ވިދާޅުވީ އެކަމަނާ ވަކާލާތު ކުރައްވަން ބޭނުންފުޅު ވަނީ އަނިޔާއަށް ބިރުގަނެ، ބަސް ބުނަން ނުކެރިފައިވާ އަންހެނުންނާއި އަންހެން ކުދިންގެ ހައްގުގައި ކަމަށެވެ.

ސާޖިދާ ވިދާޅުވީ އެންމެންނަށް ވެސް ރައްކާތެރިކަމާއި ކަރާމާތާއި މިނިވަންކަމުގެ ހައްގު ލިބެންޖެހޭ ކަމަށެވެ. އަދި ކުރިއަރާފައިވާ މި ޒަމާނުގައި އަނިޔާއަކީ ކޮންމެ ދުވަހެއްގެ ދިރިއުޅުމުގެ އާދައެއްގެ ގޮތުގައި "ނޯމަލް" ކޮށްގެން ނުވާނެ ކަމަށް އެކަމަނާ ވިދާޅުވި އެވެ.

Today, as we mark the International Day for the Elimination of Violence Against Women, I speak for every woman and girl silenced by fear. We all deserve safety, dignity, and the freedom to thrive. As women in this digital age, we refuse to accept violence as a “normal” part of…
— First Lady Sajidha Mohamed (@sajidhaamohamed) November 25, 2025

ފަސްޓް ލޭޑީ ވިދާޅުވި ގޮތުގައި ޑިޖިޓަލް ސްޕޭސްގައި އަންހެނުން ބާރުވެރިކުރުވަން ޖެހެ އެވެ. އަދި އޮންލައިން ފުރައްސާރަ އާއި ބިރުދެއްކުމަށް އެއްވެސް ފުރުސަތެއް އޮވެގެން ނުވާނެ ކަމަށް އެކަމަނާ ވިދާޅުވި އެވެެ.

ސާޖިދާ ވިދާޅުވީ އެންމެން މަސައްކަތްކުރަންވާނީ އަންހެނުންނާއި އަންހެން ކުދިންނަށް ސަޕޯޓްކުރާ ޑިޖިޓަލް ދުނިޔެއެއް އުފެއްދުމާއި އޮންލައިންނާއި އޮފްލައިންކޮށް ވެސް ރައްކާތެރި މުޖުތަމައެއް ކަށަވަރުކޮށްދޭން ކަމަށެވެ.

Anhenun aniyaa in rahkaatheri kuran fasjehigen nuvaane: Raees

The most trusted news source in the Maldives

Mihaaru

މި ދުވަހާ ގުޅިގެން އދ. އިން ނެރުނު ރިޕޯޓުގައިވާ ގޮތުން ބައިވެރިޔާ ނުވަތަ އާއިލާގެ މެންބަރުންގެ އަނިޔާތަކުގައި މިދިޔަ އަހަރު 50،000 އަންހެނުން މަރާލާފައިވެ އެވެ. އަދި އަންހެނަކަށް ވީތީ މަރާ މައްސަލައާ ދެކޮޅަށް ކުރާ މަސައްކަތުގައި ލިބޭ ކުރިއެރުން ދަށްކަމުގެ ކަންބޮޑުވުން ފާޅުކޮށްފައިވެ އެވެ.