އިބްރާހިމް ނާސިރު އިންޓަނޭޝަލް އެއާޕޯޓުގެ އާ ރަންވޭ އަޅާ ސަރަހައްދުގެ މަތިން ނަގާފައިވާ ފޮޓޯ: އެ މަސައްކަތް އަންނަ މަހު ފަށާނެ. ފޮޓޯ: އެމްއޭސީއެލް
16 ޖޫން 2016 - 14:02
11 comments
އިބްރާހިމް ނާސިރު އިންޓަނޭޝަނަލް އެއާޕޯޓް (އައިއެންއައިއޭ)ގެ އާ ރަންވޭ އަޅަން ބިން ހިއްކުމުގެ މަސައްކަތް އަންނަ މަހު ފަށާނެ ކަމަށް މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން މިއަދު ބުނެފި އެވެ.
މެނޭޖިން ޑިރެކްޓަރު އާދިލް މޫސާ "މިހާރު" އާ ވާހަކަދައްކަވަމުން ވިދާޅުވީ އާ ރަންވޭ އަޅަން ހަވާލުކޮށްފައިވާ ޗައިނާގެ ބެއިޖިން އާބަން ކޮންސްޓްރަކްޝަން ގްރޫޕް (ބީޔޫސީޖީ)ން ބިން ހިއްކަން ޑްރެޖަރެއް ގެނެސްފައިވާ ކަމަށެވެ. އަދި އިތުރު ޑްރެޖަރެއް ވެސް ގެންނަން ނިންމާފައިވާ ކަމަށް އޭނާ ވިދާޅުވި އެވެ.
"އަޅުގަނޑުމެން މި ބަލަނީ ހިއްކުމުގެ މަސައްކަތް ފަސް މަސް ދުވަހުގެ ތެރޭގައި ނިންމާލެވޭނެ ކަމަށް. އަދި މުޅި ޕްރޮޖެކް 2018 ވަނަ އަހަރުގެ ތެރޭގައި ނިންމާލެވޭނެ ކަމަށް ލަފާކުރެވެނީ،" އާދިލް ވިދާޅުވި އެވެ.
އެއާޕޯޓްގެ ދެވަނަ ރަންވޭގެ މަޝްރޫއުގައި ހަދަނީ 3،400 މީޓަރު ދިގު 60 މީޓަރު ފުޅާ ރަންވޭއެކެވެ. އަދި 120،000 ޓަނުގެ ކާގޯ ޓާމިނަލަކާއި 45 މިލިއަން ލީޓަރުގެ ތެޔޮ ރައްކާކުރެވޭނެ ފިއުލްފާމެއް ހެދުން ވެސް ހިމެނެ އެވެ.
އަޅުގަނޑުމެން މި ބަލަނީ ހިއްކުމުގެ މަސައްކަތް ފަސް މަސް ދުވަހުގެ ތެރޭގައި ނިންމާލެވޭނެ ކަމަށް. އަދި މުޅި ޕްރޮޖެކް 2018 ވަނަ އަހަރުގެ ތެރޭގައި ނިންމާލެވޭނެ ކަމަށް ލަފާކުރެވެނީ، އާދިލް
އޭނާ ވިދާޅުވީ 373 މިލިއަން ޑޮލަރުގެ މަޝްރޫއުގެ ދަށުން ދެވަނަ ރަންވޭ އާއި ފިއުލް ފާމް އަދި ކާގޯ ބިލްޑިންގެ މަސައްކަތް ފަށަން ކޮންޓްރެކްޓަރުން ތިބެން ވަގުތީ ތަންތަން ހެދުމުގެ މަސައްކަތް ވެސް ކުރަމުން އަންނަ ކަމަށެވެ.
ސައުދީ އެއާލައިންގެ މަތިންދާބޯޓެއް ޖައްސަނީ: އާ ރަންވޭ ހެދުމުގެ މަސައްކަތް އަންނަ މަހު ފަށާނެ: ފޮޓޯ: އެމްއޭސީއެލް
"ރަންވޭ ޕްރޮޖެކްޓާއި އާ ޓާމިނަލް އެޅުމުގެ މަސައްކަތް ވެސް އެކުއެކީގައި ކުރިޔަށް ދާނީ. އެ ޕްރޮޖެކްޓްގެ ދަށުން ޓާމިނަލްގެ ޑީޓެއިލް ޑިޒައިން ތައްޔާރުކުރުމުގެ މަސައްކަތް ފްރެންޗް ބަޔަކާ ހަވާލުކޮށްގެން ކުރިޔަށް އެބަ ދޭ،" އާދިލް ވިދާޅުވި އެވެ.
އެމްއޭސީއެލް އިން ބުނީ ސައުދީ ބިންލާދިން ގްރޫޕާ ހަވާލުކޮށްގެން ކުރިޔަށް ގެންދާ 300 މިލިއަން ޑޮލަރުގެ މަޝްރޫއުގެ ދަށުން އަހަރަކު ހަތް މިލިއަން ޕެސެންޖަރުންނަށް ހިދުމަތް ދެވޭ ފެންވަރަށް އެއާޕޯޓް ތަރައްގީކުރުމުގެ މަސައްކަތް 2018 ވަނަ އަހަރު ނިމޭނެ ކަމަށެވެ.
"އެ މަސައްކަތަށް ބޭނުންވާ ހުރިހާ ފައިސާއެއް ވެސް ހަމަޖެހިފައިވާ ކަމަށް ފިނޭންސް މިނިސްޓްރީން އަންގާފައިވޭ. އެ މަސައްކަތް ވެސް ވަރަށް އަވަހަށް ފެށިގެންދާނެ ކަމަށް އުއްމީދުކުރެވޭ،" މެނޭޖިން ޑިރެކްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވާންޖެހޭނެ
16 June 2016
އެއާރޕޯރޓް ޖެހޭނެ މާލެ އާއި ހުޅުލެ އާއި ދެމެދު އޮތް ބްރިޖް ނިމެންވާއިރަށް ނިިމި ހުޅުވެން. މިނޫން ގޮތަކަށް މިކަން ވެގެން ނުވާނެއެވެ. އެމްއޭސީއެލް އިން ޖެހޭނެ މިކަން ކަށަވަރު ކުރަން. 2018 ވަނަ އަހަރުގެ ޖުލައި މަހުގެ 26 ވަނަ ދުވަސް ފާހަގަ ކުރަން ޖެހޭނީ އެއާރޕޯރޓް އެއްކޮށް ތަރައްގީ ކޮށް ނިމި އެއާރޕޯރޓް ހުޅުވޭ ދުވަހަކަށް ވާން ޖެހޭނީ ދެހާސް އަށާރައިގެ ޖުލައި 26 ވަނަ ދުވަސް އެވެ. މިނޫން އިތުރު އެއްވެސް ޗޮއިސް އެއްވެސް މީގައި އޮވެގެން ނުވާނެެއެވެ. އަދި މީގައި އިތުރު އެއްވެސް އެކްސްކިއުޒެއް ވެސް އޮވެގެން ނުވާނެއެވެ. މިކަން މިމަގުން ހިނގަން ޖެހޭނެއެވެ.
ފޭކު
16 June 2016
އާ ރަންވޭ އެއް ނުފެނެ، ހުސް ދޮގު؟
ހަސަން.
16 June 2016
ހަޖަމެއް ނުކުރެވޭނެ .. ކޮންމެވެސް ކޮހެއްގޮވައި ރައިޔަތުންގެ ބޯކާލެވޭތޯ އުޅޭނެ. ބަލަ މާރަންދޫ އާއި ތަކަންދޫ ހިއްކާގޮތަކަށް ނޫނޫ ރަންވޭ އަޅަން ބިންހިއްކަނީ. ހަމަ ވެލި ތަކެއް ގެނެސް އޮއްސާލަނީކީ ނޫނޭ. މި ރަންވޭ އަކީ ދުނީއޭގައި މިވަގުތު ހުރި އެންމެ ބިޔަ ބޯޓުތަކަށްވެސް ކޭޓާރ ކުރެވޭގޮތަށް ހަދާ ތަނެއް.
ޙުސޭނު
16 June 2016
ޢެއާޕޯޓް ވީމަ ބިން ހިއްކަނީ ތެޔޮލައިގެންތަ. ބިން ވާނީ ބިމައް. ގަނޑު ވަރެއް އެޅިޔަސް ޖިފުޓި ގަޑެެއް ޖެހިޔަސް ރަންވޭއެއް އެޅިޔަސް. ރަންވޭ އަޅާ ބިން ރަނުން ހިއްކާކަށް ނުޖެހޭނެ.
ނިރު
16 June 2016
މިކަހަލަ ޙަބަރުތަށް ގެނެސްދޭވަރަކަށް ޙަޖަމް ނުކުރެވޭނެ ބަޔަކުވެސް އުޅެކަން އެބައިގޭ
ޢަބްދުﷲ
16 June 2016
ބޮޑެތި ބިޔަ ބިންތައް 3 ދުވަހުން 4 ދުވަހުން ހިއްކާ ޒަމާނެއްގައި، އެެއާޕޯރޓް އާ ރަންވޭ އަޅަން ބޭނުންވާ ބިން ހިއްކުމަށް 5 މަސްދުވަސް ވީމަ ތަންކޮޅެއް ގިނަ ދުވަހެއް ނޫންތޯ؟
މޮހޮދޭ
17 June 2016
ކުޑަ ދުވަސްކޮޅެއްގެތެރޭގަ ހިއްކީމަ ގިނަފަހަރަށް އަގުބޮޑުވޭ. އެހެންނޫނަސް ސައުދީ ލޯނުން ކުރާ މަސައްކަތަކަށްވާތީ ސައުދީ ކުންފުނިން ކަންކަން ކުރަން ބޭނުންވާ ގޮތަށް އިސްކަން ދޭންޖެހޭ. 5 މަސް ދުވަސް ދިގެއް ނޫން މިކަމާ ބަލާފަ. 3 ނޫނީ 4 ދުވަހުން ނުވާނެއެކޭ ނޫން.
އަހުމަދު
16 June 2016
ހެސްކިޔާފަ ލޯނުނަގާނަމަ އަދި ސަރުކާރުގަ ފައިސާ ނެތް ނަމަ ދެން ޖެހޭނީ ޓެކްސް ތައް ބޮޑުކޮށް ރައްޔިތުން އަތުން އެފައިސާ ނަގާށެވެ. އޭރުން ގެއްލުންވަނި ކޮންބަޔަކަށް ހެއްޔެވެ؟
ހާޖީ
16 June 2016
އަނެއްކާ އުދަލިން ކޮނެގެން ފަސް މަސްދުވަސް ތެރޭގަ ހިއްކާ ވާހަކަތަ ތިބުނީ ، މިޒަމާނުގަ ތިވަރު ކުޑަ ތަންކޮޅެއް ހިއްކަން ނަގާނީ އެންމެ ގިނަވެގެން 5 ވަރަކަށް ދުވަސް ، އައްޑޫ ފޭދޫގެ 58 ހެކްޓަރުގެ ބިންވެސް ހިއްކާ ނިމުނީ އެންމެ 15 ދުވަހުން ، ދެން 5 މަސް ނަގާވާހަކަ ބުނުމުން ހައިރާންވެގެން ހަމަ މި ކޮމެންޓު ކޮށްލީ
އާދަން ފުތާ
16 June 2016
އެއީ އެގައުމުގެ އަރާރުން ޖެހިފާ ވާ ޖަޒީރާ އޮތް ސަރަހައްދުގެ ފަޅުހިއަްކާތި މިވަގުތު އެ ބޮޑު ޑްރެޖަރ ނުލިބުނީ
ަކަލޯ
16 June 2016
ރަށެއްގެ ބިން ހިއްކުމާ އެއާރޕޯޓެއް އަޅަން ބިން ހިއްކުމާ ވަރަށް ތަފާތުވާނެ. ޓެކްނިކަލީ އެއާރޕޯޓް އަޅާ ބިމެއްގަ ވަކި ޝަރުތު ތަކެއް ހުންނަން ޖެހޭނެ. ބޮޑެތި ބޯޓްތައް އައިސް ލޭންޑްކޮށްލާތަނުން ރަންވޭ އަޑިއަށަް ދިޔާމަ ކަަމަކު ނުދާނެ