ކ.މާފުށި
17 ޖޫން 2016 - 14:34
6 comments
ކ. މާފުށިން ސަތޭކައެއްހާ ގޯތި ދޫކުރުމަށް އެ ރަށު ކައުންސިލުން ނިންމި މައްސަލާގައި މާފުށީ ކައުންސިލްގެ ރައީސް މުހައްމަދު މުސްތަފާ ދެ މަހަށް ސަސްޕެންޑް ކުރުމަށް ލޯކަލް ގަވަމަންޓް އޮތޯރިޓީން އިއްޔެ ނިންމައިފި އެވެ.
އެލްޖީއޭ އިން ކައުންސިލަށް އިއްޔެ ފޮނުވާފައިވާ ސިޓީއެއްގައި ބުނެފައި ވަނީ އެ ރަށުން ބިން ދޫކުރަން ނިންމާފައި ވަނީ ބިމާ ބެހޭ އެއްވެސް ކަމެއް ނުކުރުމަށް މޯލްޑިވްސް ލޭންޑް އެންޑް ސާވޭ އޮތޯރިޓީން އަންގާފައި އޮއްވާ ކަމަށާއި އަދި ހައުސިން މިނިސްޓްރީގެ ހުއްދަ ނެތި ބިން ދޫނުކުރުމަށް ވެސް އަންގާފައި ވަނިކޮށް ކަމަށެވެ.
އެކަމަކު މުސްތަފާ އިސްކޮށް ހުންނަވައިގެން ގޯތި ދޫކުރުމާ ގުޅޭ ގޮތުން ކައުންސިލް ދެ މެމްބަރަކު ހުށަހެޅުއްވުމުން އެ މައްސަލަ އެޖެންޑާ ކުރައްވައި ބަހުސަށް ހުޅުވާލުމަށް ފަހު ވޯޓަށް އަހާފައިވާ ކަމަށް ވެސް އެލްޖީއޭގެ ސިޓީގައި ފާހަގަކޮށްފައިވެ އެވެ.
އެހެންވެ އަންނަ އާދިއްތަ ދުވަހުން ފެށިގެން މުސްތަފާގެ މުސާރަ އާއި އިނާޔަތް ނުހިނގާ ގޮތަށް 60 ދުވަސް ވަންދެން ސަސްޕެންޑް ކުރުމަށް ނިންމީ ކަމަށް އެލްޖީއޭގެ ރައީސް އަދި ހޯމް މިނިސްޓަރު އުމަރު ނަސީރު ސޮއިކުރައްވާ ފޮނުވި ލިޔުމުގައި ވެއެވެ.
މާފުށީ ކައުންސިލްގެ ނައިބު ރައީސް މަޖުދާ އިބްރާހިމް މިއަދު ވިދާޅުވީ އެލްޖީއޭގެ ނިންމުމާ ގުޅޭ އެއްވެސް ލިޔެކިޔުމެއް އަދި ކައުންސިލަށް ލިބިފައިނުވާ ކަމަށެވެ.
"ރަސްމީ ހައިސިއްޔަތަކުން އަދި އެއްވެސް ލިޔުމެއް ނުލިބޭ،" ކައުންސިލްގެ ނައިބު ރައީސް ވިދާޅުވި އެވެ.
އެކަމަކު ކައުންސިލުން ބިން ދޫކުރަން ނިންމާފައިވާ ކަމަށާއި އެގޮތަށް ނިންމާފައި ވަނީ ބިން ވިއްކުމާ ގުޅޭ ގޮތުން އެއްވެސް މުއާމަލާތެއް ނުކުރުމަށް ކަމާ ބެހޭ އިދާރާތަކުން އަންގާފައިވަނިކޮށް ކަމަށް މަޖުދާ ވެސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ
18 June 2016
ބިން ދެނީ ކީއްކުރަން؟ ބިން ލިބުނީމަ ދިރި އުޅުމުގެ ބަދަލުގަ ކޮންމެވެސް ގެސްޓް ހައުސް އެއް އެޅުމަށް މުައްސަންޖަކަށް ވިއްކާލާފަ އައިސް މާލޭގަ ގަނަ ތެޅޭނީ....އެއީ މިހާރުވެސް ފެންނަ މަންޒަރު. ތާހިރު ދިރިއުޅުމެއް ރަށުގަ އުޅެންވާ ގެ ގެސްޓްހައުސް އަޅަން ދީފަ އައިސް މާލެއިން ކޮޓަރިއެއް ހިފައިގެން އެންމެން އެތާ ގަނަ ތެޅެނީ!
ކަދުރު
17 June 2016
މީ ރާއްޖެތެރޭގެ ހުރިހާ ކައުންސިލްތަކަށް ދިމާވެފައިވާ މައްސަލައެއް. ކައުންސިލުން އެއްވެސްކަމެއް ކުރުމުގެ ހުއްދައެނެތް. ލާމަރުކަޒީނިޒާމްވަނީ ފެއިލްކޮށްލާފަ. ހުރިހާ ދެރައެއް ރާއްޖެތެރެމީހުންނަށް. ބަޔަކުބޭނުންވާގޮތަށް ރާއްޖެތެރެދަނީ ފަޅުވަމުން. ވޯޓާޖެހެންދެން ކެއްކުރުންނޫންގޮތެއްނެތް.
އަލިފުއަލިފު
17 June 2016
މާލޭ ސަރުކާރުގެ ބިމެއްނޫން ، ރަށުކައުންސިލަށް ރަށުގެ ބިން ދޫކުރެވެންޖެހޭނެ. މިދެން ކިހާބޮޑުވެއްޖެކަމެއް. އަހަރުމެން ރައްރަށު މީހުންވެސް މި ތިބެނީ ތިބުނާހާ ޓެކްސްތަށް ދައްކައިގެން. ދެން ރަށުގެ ރކަކަުބް ފަންވަތެއް އުފުރަންވެސ ްމާލޭ ސަރުކާރުން އަހާ ހިސާބަށް ދިޔައީމަ ބޮޑުވަރު. ލާމަރުކޒީ ނިޒާމު އޮޅާލީ ދޯ.
ލޯކަލްމީހާ
17 June 2016
މުއީޒުގެ ބާރު ނުފޯރުވާ އެއްވެސްކަމެއް ހަމަނެތޭދޯ ކީއްކުރާކައުންސިލުތަކެއްތަ ދެން މުއީޒުއަށް މާލެއެއޮތީ ހިތުހުރިއެއްޗެއް ހަދަން ލިބިފަ ދެން އަހަރުމެން ރާއްޖެތެރޭ މީހުންގެ ކަންކަމާ ނުބެހި ހަމަ ނިދި ނާންނަނީތަ
ފައިދާ
17 June 2016
އާއެއްވެސް ބިމެއްދޫކޮށްގެން ނުވާނެ އެއިންސަރުކާރަށް އެންމެބޮޑަށް ފައިދާލިބެނިވިގޮތެއް ހޯދުމަށްފަހު އެެގޮތައް އަމަލުކުރަންޖެހޭނީ...!
ފާތުން
17 June 2016
ފުނާޑު ކައުންސިލްގެ ރައީސްވެސް