އެއާޕޯޓުގައި ހުރި އިމިގްރޭޝަން ކައުންޓަރަކުން ޚިދުމަތް ދެނީ: ބިޒްނަސް ވިސާ އިތުރުކޮށް ދެވޭނީ ގިނަވެގެން 90 ދުވަހަށް ކަމަށް ގަވާއިދުގައިވޭ --ފޮޓޯ/މިހާރު
26 އެޕްރީލް 2017 - 11:40
18 comments
ބިޒްނަސް ވިސާގައި ރާއްޖެ އެތެރެވާ މީހަކު ދައުލަތާ އިދިކޮޅު ހަރަކާތެއްގައި ބައިވެރިވެއްޖެ ނަމަ އެ މީހެއްގެ ވިސާ ކެންސަލްކޮށް، ރާއްޖެ އިން ފޮނުވާލެވޭ ގޮތަށް ގަވާއިދެއް ހަދައިފި އެވެ.
ބިޒްނަސް ވިސާ ދޫކުރުމާ ގުޅޭގޮތުން އިމިގްރޭޝަނުން އިއްޔެ އަމަލުކުރަން ފެށި ގަވާއިދު ބުނާގޮތުން، ބިޒްނަސް ވިސާ ދޫކުރުމަށް ފަހު، އެ ވިސާ ކެންސަލް ކުރެވޭނީ ހަތް ސަބަބެއްގެ ތެރެއިން ސަބަބަކާ ހެދި އެވެ. އެއީ ދައުލަތާ އިދިކޮޅު އެއްވެސް ހަރަކާތެއް ހިންގުމާއި އެފަދަ ހަރަކާތެއްގައި ބައިވެރިވުން ނުވަތަ ރާއްޖޭގެ މިނިވަން ކަމާއި އިސްތިގްލާލަށް ގެއްލުންވާ ފަދަ ކަމެއް ކުރުން ނުވަތަ ރާއްޖޭގެ ސަލާމަތަށް ނުރައްކާވެދާނެ ފަދަ ކަމެއް ކުރުމެވެ.
މީގެ އިތުުރުން ޓެރަރިސްޓް ޖަމާއަތެއްގައި ބައިވެރިވުމާއި އެފަދަ ޖަމާއަތަކާ ގުޅުން އޮވެއްޖެ ނަމަ ނުވަތަ ރާއްޖޭގައި ހުންނައިރު ކެއުންބުއިމާއި ނިދުމުގެ ކަންކަން ހަމަޖެއްސެން ނެތް ނަމަ ނުވަތަ ނުރައްކާތެރި ބައްޔެއް ހުރެއްޖެ ނަމަ ނުވަތަ އެހެން ގައުމަކަށް ފިލައިގެން ދާން އުޅުމަކީ ވެސް ބިޒްނަސް ވިސާ ކެންސަލް ކުރެވޭނެ ސަބަބެއް ކަމަށް ގަވާއިދުގައިވެ އެވެ.
ގަވާއިދުގައިވާ ގޮތުން ބިޒްނަސް ވިސާ ދޫކުރެވޭނީ 90 ދުވަހާއި 270 ދުވަހާ ދެމެދުގެ މުއްދަތަކަށެވެ. ބިޒްނަސް ވިސާ ހަމަވުމުގެ ތިން މަސް ކުރިން ވިސާ އަށް އެދި ހުށަހަޅަން ޖެހޭއިރު، ކޮންމެ ފަހަރަކު ވެސް އިތުރު ކުރެވޭނީ ގިނަވެގެން 90 ދުވަހެވެ. ވިސާގެ މުއްދަތު އިތުރު ކުރެވޭނީ އިތުރުކުރާ ކޮންމެ ފަހަރަކު 750ރ. ގެ ފީއެއް ދެއްކުމުންނެވެ.
ގަވާއިދުގެ ދަށުން ބިޒްނަސް ވިސާ ދޭނީ ދައުލަތުގެ މުއައްސަސާތަކާއި ސަރުކާރު ކުންފުނިތަކާއި ރަޖިސްޓަރީ ކޮށްގެން ހިންގާ ސްކޫލްތަކާއި ކޮލެޖްތަކާއި ޔުނިވާސިޓީތަކާއި ކްލަބް ޖަމްއިއްޔާތަކާއި ސިއްހީ ފަރުވާ ދޭ ތަންތަނާ ގުޅިގެން އަންނަ ބިދޭސީންނަށެވެ. އެކަމަކު ބްލެކް ލިސްޓް ކޮށްފައިވާ މީހަކަށް ނުވަތަ އިމިގްރޭޝަންގެ ގާނޫނުގެ ދަށުން ރާއްޖެ އެތެރެވުން މަނާ މީހަކަށް ބިޒްނަސް ވިސާ ދުލެއް ނުކުރާނެ އެވެ.
ބިޒްނަސް ވިސާ ބާތިލް ކުރާ ފަހުން ނުވަތަ ވިސާގެ މުއްދަތު ހަމަވާ ފަހުން ރާއްޖޭގައި ހުރެއްޖެ ނަމަ އެ މީހަކާއި އެ މީހަކު ރާއްޖެ ގެނައި ފަރާތް ޖޫރިމަނާ ކުރެވޭނެ ކަމަށް އެ ގަވާއިދުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކާފަ
14 May 2017
ކާފަގެ މާމަގެ ބަހުންނަމަ ދަެއލަތަކީ ގައުމާއި ގައުމުގެ ރައއޔިތުންނާ އެރައްޔިތުންގެ ދުސްތޫރީ ނިޒާމެވެ. މިހަމަތަކުން ބަލާއިރު ދައުލަތާ އިދިކޮޅުވުމަކީ ކޮބާކަން ކާފައަށް ބުނެދީބަލާށެވެ.
ވަގު
27 April 2017
ރައީސް ޔާމީނާ ގުޅިއްޖިއްޔާ ހުރިހާ ކުށަކުންބަރީއަ ވާނެ އެހެން ނޫތޯ ތި ވިދާޅުވަނީ
އާދަނު
27 April 2017
ރޭ ގަލޮޅުގައި ބޭއްވި ޕީޕީއެމް ޖަލްސާއެއްގައި ހުރިހާކަމެއް އިންތިޒާމުކުރަން ގެންގުޅުނީ ބަނގުލަދޭޝް މީހުން. އެމީހުން ފޮނުވާލާނެބާ؟
އާމިނާަ ދައިތާ .ލ. ފޮނަދޫ
26 April 2017
އިދިކޮޅު އޮތިއްޔާ ކުރީ ކޮޅު ވެސް އޮންނާނެ.. ވީމާ ކުރީކޮޅަށް ސަޕޯރޓުކޮށް މިފަދަ މީސްމީހުން ހަރަކާތް ހިންގުމަކީ ހުއްދަކަމެއްތޯ.؟؟؟؟؟
އުދުހޭ
26 April 2017
އިސްރާއީލުގައިވެސް ފަލަސްތީނު މީހެއްވިއްޔާ ވަކި ގާނޫނެއް. އިސްރާއީލު މީހެއްވިއްޔާ އެހެން ގާނޫނެއް. މިގައުމުގައި މިވަނީ އެހެން. އެއްކޮޅަށްވިއްޔާ މައްސަލައެއް ނެތް ކިތަންމެ ވަރަކަށް ކުރިއަސް. ދެކޮޅުވިއްޔާ އެ ނިމުނީ. މިހެން ހަދާކަށްނޫން އަހަރެން ޔާމީނަށް ވޯޓް ދިނީ. މަޖިލީހުގެ މެޖޯރިޓީ އޮވެ ކޯޓްތަށް އިސްހާރުކުރާކަށްވެސް ޔާމީނު އުޅޭތަނެއް ނުފެނޭ.
އަލިބެ
26 April 2017
ކީއްވެތޯ ހަމަ އެކަނި ސަރުކާރާ އިދިކޮޅު ހަރަކާތެއްގައި ބައިވެރި ވުން ހިމަނާފައި އޮތީ؟ ބިޒްނަސް ވިސާގައި އަންނަނީ ބިޒްނަސްކުރަން އެހެންވީމަ އިދިކޮޅު ހަރަކާތެއްނޫން އެއްކޮޅު ހަރަކާތުގަވެސް ބައިވެރިވެގެން ނުވާނެ. ވިސާނެގި ކަންކޮށްފަ ދާންވީ އެކަމަކާ ނުގުޅޭ އެއްވެސް ހަރަކާތެއްގައި އުޅެގެން ނުވާނެ. އެއީ އަހަރެން ދެކޭގޮތް.
މުޒާހަރާ ދެޔޯ
26 April 2017
ބަރާބަރު. ތީ ހަމަ މިހާރު ކުރަން ވެއްޖެ ކަމެއް. މި ގައުމުގައި އުޅޭ ބިދޭސީން އުޅެން ޖެހޭނީ އެމީހުންގެ ސައިޒުގަ. ރަޓަށް ގޮސް ވައްތަރު ޖައްސާނީ.
މަހުދީ
26 April 2017
ވަރަށް ތާއީދު. ގިނަގައުމުތަކުގައި އޮންނަނީ މިހެން
އާދަނު
27 April 2017
ތިޔައީ މަޢުލޫމާތުގެ ކުށެއް. ގިނަ ޤައުމުތަކުގައި އިދިކޮޅު އަދި އެއްކޮޅު ޙަރަކާތެއްގައި ވޮލަންޓިއަރ ކުރުމަކީ މައްސަލައެއްނޫން. ނަމަވެސް ދަޢުލަތާއި ދެކޮޅަށް ޓެރަރިސްޓް ޙަމަލާތައްދިނުމާއި އެކަމުގައި ބައިވެރިވުމަކީ ކުށެއް. އިދިކޮޅު ޙަރަކާތުގައި އެމީހުންނަށް ބައިވެރިނުވެވެންޏާ އެއްކޮޅު ޙަރަކާތެއްގައި ވެސް ބައިވެރިވެގެން ނުވާނެ.
އަބުދުﷲ
26 April 2017
ގަވާއިދުގައިވާ ގޮތުން ބިޒްނަސް ވިސާ ދޫކުރެވޭނީ 90 ދުވަހާއި 270 ދުވަހާ ދެމެދުގެ މުއްދަތަކަށެވެ. ބިޒްނަސް ވިސާ ހަމަވުމުގެ ތިން މަސް ކުރިން ވިސާ އަށް އެދި ހުށަހަޅަން ޖެހޭއިރު، ކޮންމެ ފަހަރަކު ވެސް އިތުރު ކުރެވޭނީ ގިނަވެގެން 90 ދުވަހެވެ. ވިސާގެ މުއްދަތު އިތުރު ކުރެވޭނީ އިތުރުކުރާ ކޮންމެ ފަހަރަކު 750ރ. ގެ ފީއެއް ދެއްކުމުންނެވެ. މިސާލަކައް ވިސާ ދޫކުރީ 90ދުވަހައް. މިހެން ވެއްޖެނަމަ ވިސާގެ މުއްދަތު ގުނަން ފަށާދުވަހު ވިސާ އިތުރުކުރަން ހުށަހަޅަން ޖެހޭނެ. މި 90 ދުވަސް ތަންކޮޅެއް ކުރުކޮއް 30 ހަދައިފިއްޔާ ވިސާއައް 90 ދިނުމުން ރަނގަޅު ކަމައް ފެނޭ.
އަފިހުން ގޮއްޔެ
26 April 2017
ވޯރކްވިސާ ގަ އަންނަމީހަކާ ދޭތެރޭ ތިޔަ އުސޫލުން ވިސާ ކެންސަލް ކުރާކަށް ހަމަ ލާހިކެއް ނޫން ދެއްތޮ.