ތިނަދޫ ބޮޑު ބައެއް ހިއްކައިފި، މިހާރު އެއީ ބޮޑު ރަށެއް

ތިނަދޫ ބިން ހިއްކުމުގެ މަސައްކަތް ކުރަނީ. މި މަޝްރޫއުގެ ބޮޑު ބައެއް މިހާރު ވަނީ ނިމިފައި. - ފޮޓޯ: ހައުސިން މިނިސްޓްރީ

މުހައްމަދު ޔާމީން، މިހާރު

17 ޖޫން 2016 - 21:48

ގދ. ތިނަދޫ ބިން ހިއްކަން ސަރުކާރުން ކުރިއަށް ގެންދާ 165 މިލިއަން ރުފިޔާގެ މަަޝްރޫއުގެ ބޮޑު ބައެއް ނިމިއްޖެ ކަމަށް އެ ރަށު ކައުންސިލުން މިއަދު ބުނެފި އެވެ.

ކައުންސިލްގެ ނައިބު ރައީސް އިބްރާހިމް އަސްއަދު ވިދާޅުވި ގޮތުގައި 55 ހެކްޓަރުގެ ބިމުގެ ތެރެއިން ރަށުގެ އުތުރު ފަރާތުން 52 ހެކްޓަރުގެ ބިން ހިއްކައި ރަށާ ވަނީ ގުޅާލައިފަ އެވެ. އަދި ދެކުނު ފަރާތުގެ ތިން ހެކްޓަރުގެ ބިން ހިއްކުމުގެ މަސައްކަތް ފެށިގެން ކުރިއަށްދާ ކަމަށާއި އެ މަސައްކަތް ތިން ދުވަހުގެ ތެރޭގައި ނިމޭނެ ކަމަށް އޭނާ ވިދާޅުވި އެވެ.

ތިނަދޫ ބިން ހިއްކުމުގެ މަސައްކަތް ކުރަނީ. މި މަޝްރޫއުގެ ދަށުން 55 ހެކްޓަރުގެ ބިން ހިއްކުމަށް ވަނީ ހަމަޖެހިފައި. - ފޮޓޯ: ހައުސިން މިނިސްޓްރީ

ތިނަދޫ ބިން ހިއްކުމުގެ މަސައްކަތް ގާތްގަނޑަކަށް ނިމުނުއިރު އެ ރަށުގެ ބޮޑުމިން ގާތްގަނޑަކަށް 175 ހެކްޓަރަށް އަރާނެ އެވެ. އެއާއެކު ތިނަދޫ ވާނީ ރާއްޖޭގެ އެންމެ ބޮޑު އެއް ރަށަށެވެ.

އަސްއަދު ވިދާޅުވީ ދެކުނު ފަރާތުގެ ބައެއް ހިއްކަން ނިންމުމަކީ އެސަރަހައްދުގައި ދިރިއުޅޭ މީހުންނަށް ލިބުނު ހިތްހަމަޖެހުމެއް ކަމަށެވެ. އުދަ އެރުމުގެ ސަބަބުން އެ ސަރަހައްދުގެ ބައެއް ގެތަކަށް މީގެ ކުރިން ގެއްލުންވި އެވެ.

"އިންޖީނުގެއާ ދިމާލުން ވަރަށް ބޮޑަށް ގިރައިގެން ދާނެ، މިހާރު ވެސް ފެން ޕްލާންޓްގެ ފާރުގެ ދެބައިކުޅަ އެއްބައި އޮތީ ވެއްޓިފައި، އެ ތަން ހިމާޔަތްކުރަން ޖެހޭ، އެތަނުގައި ހިލަ ޖެހުމަށް މަޝްވަރާ ކުރަމުން މިދަނީ،" އަސްއަދު ވިދާޅުވި އެވެ.

ތިނަދޫ ބިން ހިއްކުމުގެ މަސައްކަތް ސަރުކާރުން ހަވާލުކުރީ ހޮލެންޑްގެ ވެންއޫޑް ކުންފުންޏާ އެވެ. އެ ކުންފުނިން މިހާރު ދަނީ ހިއްކި ސަރަހައްދުގެ ބިންގަނޑު ލެވަލްކުރުމުގެ މަސައްކަތް ކުރަމުންނެވެ.

ތިނަދޫ ބިން ހިއްކުމުގެ މަސައްކަތް ކުރަނީ. މި ސަރަހައްދުގެ ބޮޑު ބައެއް އަމާޒުކުރާނީ ގެދޮރުވެރިކުރުވުމުގެ ޕްރޮގްރާމް ހިންގުމަށް. - ފޮޓޯ: ހައުސިން މިނިސްޓްރީ

ބިންގަނޑު އެއްވަރުކުރާ ތަން ބަލަން ގިނަ ބަޔަކު އެސަރަހައްދަށް ޖަމާވެ އެވެ. އެކަމަކު އެތަނަށް އާންމުން ދިއުމަކީ ރައްކާތެރި ކަމަކަށް ނުވާތީ އެގޮތަށް އެކަން ނުކުރަން ތިނަދޫ ކައުންސިލުން ވަނީ އެދިފަ އެވެ.

ކުރިއަށް އޮތް ދިހަ ދުވަހެއްގެ ތެރޭގައި ބިންގަނޑު ލެވަލް ކުރުމުގެ މަސައްކަތް ނިމޭނެ. --އަސްއަދު

ތިނަދޫ ކައުންސިލުން ބުނީ ބިން ހިއްކުމަށް ފަހު އެ ސަރަހައްދުގެ 80 ޕަސަންޓުގައި ރިވެޓްމަންޓް ޖެހުމުގެ މަސައްކަތް ފަށާނެ ކަމަށެވެ. އެ ކައުންސިލުން ބުނި ގޮތުގައި ހިއްކި ސަރަހައްދު ބޭނުންކުރާނީ ގެދޮރުވެރި ކުރުމަށާއި އިގްތިސާދީ މަސައްކަތްތައް ކުރިއަށް ގެންދިއުމަށެވެ.

ފިނޭންސް މިނިސްޓަރު އަބްދުﷲ ޖިހާދު މީގެ ކުރިން "މިހާރު"އާ ވާހަކަ ދައްކަވަމުން ވިދާޅުވީ ތިނަދޫ ބިން ހިއްކުމުން އަތޮޅުގެ އެހެން ރަށްރަށުގެ ބައެއް މީހުންނަށް ތިނަދޫގައި ވަޒަންވެރިވެވޭނެ ކަމަށެވެ. އަދި އެ ތަނުގައި އިގްތިސާދީ ގޮތުން ގިނަ މަސައްކަތްތަކެއް ހިންގަން ރާވާނެ ކަމަށް ވެސް ތިނަދު އަށް އުފަން މިނިސްޓަރު ވިދާޅުވި އެވެ.

Raees Yameen GDh Thinadhoo ge tharaggee ah hingavaa mashroou thakuge therein: bin hikkun #rangalhu #ummeedh pic.twitter.com/qiZtIntSwd
— Dr.Mohamed Muizzu (@MMuizzu) June 6, 2016

ގދ. ތިނަދޫ ބިން ހިއްކުން ހައުސިން މިނިސްޓްރީ ގދ. ތިނަދޫ ސިޓީ ކައުންސިލް ފިނޭންސް މިނިސްޓަރު ޖިހާދު

19 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޕޮކަންޑި މޭން

19 June 2016

ސަޅިބާސާ ނުކަނޑާ ބިޔަ މަޝްރޫޢުތައް މިއޮށްގެން ނިންމަނީ ރާއްޖޭގެ އުތުރުން ފެށިގެން ދެކުނާއި ހަމައަށް. ތަރައްޤީއިން އުފާވެރިކަން. އުއްމީދީ 05 އަހަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލަކު

19 June 2016

ކަމެއްޖެހޭދުވަހު އެންމެ އަވަހަށް ބަނޑަށް ޖެހޭ މީހުންގެ ގޮތުގައި ތިބެން ބޭނިމިއްޔާ ތިނަދުއަށް ދާންވީ. މަޑަވެލީމީހުންނެއް ނުދާނެ ތިނަދުކަށް ކިތަންމެ ވަރަކަށް ހިއްކާފައި މަގުގައި ތާރެއްނޫން ރަން އެޅިޔަސް. އެންމެ ފަހުންވެސް ސަލާމަތް ހޯދަންވެގެން އައިސްތިބީ މަޑަވެލީގައި. ހައެއްކަމީހުން ހޯޑެއްދޫގައިތިބީ. މަޑަވެލި ހިއްކާތީ މޭކަރާނޭ ކަމެއްނެތް ކޮޔާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިނަދޫ މީހާ

18 June 2016

ކޮންކަމަކާތަ ހިތްހަމަ ނުޖެހެނީ. ބުނެބަ އޭރުންތާ އެކަމެއް ރަނގަޅު ކޮއްލެވޭނީ. ވެލި ބޯޓެއް ތިދެރަށު ދޭތެރެއަށް އާޅާލަދީފިއްޔާ ހިތްހަމަޖެހިގެން މަޑުން ތިބެވިދާނެތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑް

18 June 2016

ހިއްކި ހިއްކިހެން މޭކަރަނީ މަޑަވެލީ މީހުން. ކެތްތެރިވޭ ކޯޒްވޭ އަޅާނެޔޭ. ކޯޒްވޭ އަޅާފަ ތިދެރަށް ސިނާއީ މަސައްކަތް ކުރާ ދެރަށަށް ބަދަލުކުރާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމް

18 June 2016

މަޑަވެލީ މީހުން ތިނަދުއަކަށް ނުދާނެ ވަޒަންވެރިވާށޭ ކިޔާފަ. ކޮންމެސް އެހެން ރަށެއްގެ ބަޔަކުގެނެސް ތިތާ ވަޒަންވެރިކުރުވާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލަކު

19 June 2016

ހަކީމްބެއަށް ހަމަ ސާބަސް. ހިއްވަރު ކޮށްފައި މަޑަވެއްޔަށް ތިނަދޫ މީހުންގެނެސް ވަޒަންވެރިކުރުވަންވީ. އެހެންނޫނީ މުސްތަގުބަލުގައި އެމީހުންގެ ބަލަދުވެރިކަން ބޮލުގައި އަޅަންޖެހިދާނެ. ދުނިޔެމިދަނީ 3 ވަނަ ބޮޑު ހަނގުރާމަޔަކާ ދިމާލަށް. ފޮނިވެފާ ތިއްބާ ގއ. މީހުން އެއަރޕޯޓް އެޅީ. މިހާރު ތިނަދުއަށްވުރެ އަގުހެޔޮކޮށް ހުރިހާބާވަތެއްގެ މުދާވެސް ވިލިނގިލިން ލިބޭނެ. އަދި ބަލާތި ފެންވަރު ރަނގަޅު ހޮސްޕިޓަލަކާއި އެއަރޕޯޓް އިންޓަރޭޝަނަލް ކޮށްލާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚިޔާލް

18 June 2016

165 މިލިއަން ޚަރަދު ކޮއްގެން ތިހިއްކި ބިން ރައްޔިތުންނަށް އަވަސް ގޮތަކަށް ބޭނުން ކުރެވޭނެ ގޮތްހައްދަވައި ދެއްވާށެވެ. އެހެން ނުނީ ތިފަދަ ބިންތަން ގިރާހުސްވާނީއެވެ. ކިތައްމެ ބިމެއް ހިއްކިޔަސް އުޅެން އޮތީ ނޫނީ އުޅެވެން އޮތީ ހަމަ މާލެ ހުޅުމާލެ ވިލިމާލެ މިއޭރިޔާއެވެ. ތިތަންތަން ތިޔަހިއްކަނީ ކޮންމެހެން މާބޮޑުޕުލޭނެއް އޮވެގެންނެއްނޫނެވެ. އާބާދީ އެއްފަސް ކުރެވޭނީ ކިދުމަތާ، ލާރިއާ ލިބޭނެ ރަގަނޅު މެކޭނިޒަމްތަކެއް ގާއިމްކޮއްގެންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

18 June 2016

ބިން ހިއްކަން ހޭދަކުރާ ހޭދަތައް ހިކިފަހުރި ބިންބިން ބިނާކުރަން ހޭދަކުރުން މާބުއްދިވެިއެއް ނޫން ބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލުވެސް

18 June 2016

މާ ބުއްދި ވެރި. އެއީ ހަމަ ބޭކާރު ޚަރަދު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެލޯ

24 June 2016

ހުރިހާ ރަށެއް ތަރައްގީ ކުރުމަށްވުރެ އަތޮޅަކުން އެެއް ރަށް ތަރައްގީ ކުރުމުން ދާ ހަރަދު މަދުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން.

18 June 2016

މޭކަރާނެ. ބާއިތިއްބާ. ރީދޫ ކުދިން ނަށް ދެތިކި ޕީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތޮންބެ

18 June 2016

ނޭފަތުކުރިއަށްވުރެ ދުރަށް ވިސްނަން ނޭނގޭ ބަޔަކު ތިޔަކަމާ އުފާކޮށްފާނެ. އެކަމަކު އަމިއްލަ ވަޒަން ދޫކޮށް މާލެއަށް ޖަމާވެ މާލޭމީހުންނަށް ބޮޑު ކުލިދީގެން ކުދި ތަންތަންކޮޅުގަ ބިކަ ހާލުގަ އުޅޭ މީހުން ހިތާމަކުރާފަދައިން ތިޔަ ރަށަށް ހިޖުރަކުރާ މީހުން ހިތާމަކުރާތަން ދުނިޔޭގަ ތިބިބަޔަކު އަދި ދެކޭނެ. އޭރު އޮންނާނީ ކަތިވަޅި ގެއްލި މަރިޔަނބު ގެއްލި ކޮށި ދަނޑުވެސް ގެއްލިފަ. އަމިއްލަ ރަށުގަ ހުންނާނީ ޗައިނާ، ސައޫދީ ފަދަ މުއްސަނދި ގައުމުތަކުގެ ބޮޑެތި ފެކްޓަރީތައް. އެތަންތާގެ ވަޒީފާގަ އުޅޭނީ މަހަކު 30 ނޫނީ 40 ޑޮލަރުގެ މުސާރަލިބޭ ބިދޭސީން. ރާއްޖޭގެ ރީތި ރަށްތަކަކީ ޖަވާހިރަށްވުރެ އަގުބޮޑު ރަށްތަކެއް. ގިނަ ރަށް ފަޅުކޮށް އާބާދީ ތޮއްޖައްސާ ހުރިހާ ރަށެއް ވިއްކާލަގެންގެންނޫނީ މި ސަރުކާރުގެ އަމާޒު ޔަގީނެއް ނުވާނެ. މިކަން ވިސްނޭ ބަޔަކު މޭވެސް ކަރާނެ ލޯވެސް ކަރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯނުއެދުރު

18 June 2016

މިވެސް ބަޔަކު ބުނާނެ މާލެ ތޮއްޖަންސަށް ކުރާ ކަމެކޭ މި މުޖުތަމައުގެ ކަންކަން ގޮހުން ގީޯހަށް މިދަނީ ނޫސްތަކާ ސަރުކާރާ މައިންބަފައިން އެމީހުންގެ ވާޖިބް އަދާނުކުރެވެމުން ދާތީ