އެމްޓީޑީސީން ވިއްކާލި ނިޔާމަ ރިސޯޓު: އެ ރިސޯޓު ވިއްކާލުމުން އެ ކުންފުންޏަށް ލިބޭ އާމްދަނީ ވަނީ ވަރަށް ބޮޑަށް ދަށްވެފައި.
17 މެއި 2017 - 13:29
12 comments
ދ. އަތޮޅުގައި އޮންނަ ނިޔާމަ މޯލްޑިވްސް ރިސޯޓް ވިއްކާލުމުން މި އަހަރުގެ ފުރަތަމަ ހަތަރު މަސް ދުވަހު މޯލްޑިވްސް ޓޫރިޒަމް ޑިވެލޮޕްމަންޓް ކޯޕަރޭޝަން (އެމްޓީޑީސީ)އަށް ލިބުނު އާމްދަނީ ދަށްވެ، ފައިދާ ވެސް ވަރަށް ބޮޑަށް ދަށަށް ހިނގައްޖެ އެވެ.
އެމްޓީޑީސީގެ މެނޭޖިން ޑިރެކްޓަރު އަބްދުﷲ ޝުޖާއު ވިދާޅުވީ މިދިޔަ ކުއާޓަރުގައި އާމްދަނީ ދަށްވީ ކުރިން އާމްދަނީ ލިބެމުން ދިޔަ އެ ކުންފުނީގެ ރިސޯޓް ނިޔާމަ ވިއްކާލުމުން ކަމަށެވެ. އެމްޓީޑީސީ އަށް ދިން އެނބޫދޫފުއްޓާއި އޮޅުވެލީގައި އޯ ޕްލަސް އީ ހޮލްޑިންގެ ފަރާތުން ތަރަައްގީކޮށް ހިންގަމުން އައި ނިޔާމަ މޯލްޑިވްސް އެ ކުންފުންޏަށް 23.3 މިލިއަން ޑޮލަރު (359.2 މިލިއަން ރުފިޔާ) އަށް ވިއްކާލަން އެމްޓީޑީސީން ނިންމީ މިދިޔަ އޯގަސްޓް 16 ގަ އެވެ. "މިދިޔަ އަހަރުގެ ނިޔާމަ ވިއްކާލުމުން އެތަނުން ލިބޭ އާމްދަނީއެއް ނުލިބޭނެ. އެއީ މިދިޔަ ކުއާޓަރަށް ވުރެ އާމްދަނީ އެހާ ބޮޑަށް ދަށްވި މައިގަނޑު ސަބަބަކީ،" ޝިޖާއު ވިދާޅުވި އެވެ.
ނިޔާމަ ވިއްކާލީ އެމްޓީޑީސީ އަށް ސަރުކާރުން ދީފައި ހުރި ރަށްރަށުގެ ކުއްޔަށް ދައްކަން ޖެހި ނުދެއްކި އޮތް ފައިސާ ހަލާސްކުރުމުގެ އިތުރުން، ރައްޔިތުން ހިއްސާވާ ކުންފުނީގެ ވިޔަފާރި މޮޑެލް ބަދަލުކުރުމުގެ މަގުސަދުގައި ކަމަށް، އެމްޓީޑީސީގެ ބޯޑުން ބުނެފައިވެ އެވެ.
ބޯޑުން އޭރު ބުނެފައި ވަނީ މި އަހަރު ތެރޭގައި އަމިއްލައަށް ރިސޯޓެއް ތަރައްގީކުރަން މަގުފަހިވެގެންދާނެ ކަމަށެވެ. ނަމަވެސް ރިސޯޓް ތަރައްގީކުރުމުގެ އެފަދަ އެއްވެސް މަސައްކަތެއް އަދި ފަށާފައެއް ނުވެ އެވެ.
ފުރަތަމަ ކްއާޓަރުގެ އާމްދަނީ 2.6 މިލިއަން ޑޮލަރު
ޓޫރިޒަމްގެ ވިޔަފާރިން އާއްމުންނަށް ފައިދާ ހޯދައިދޭން އުފެއްދި ކުންފުނީގެ މި އަހަރުގެ ފުރަތަމަ ކުއާޓަރުގެ ހިސާބުތައް ދައްކާ ގޮތުން އާމްދަނީގެ ގޮތުގައި ލިބުނީ 2.6 މިލިއަން ޑޮލަރެވެ. އަދި ފައިދާގެ ގޮތުގައި ލިބުނީ 424،546 ޑޮލަރު (6.5 މިލިއަން ރުފިޔާ) އެވެ.
އެ ކުންފުނިން އާއްމުކުރި ހިސާބުތައް ދައްކާ ގޮތުން މިދިޔަ އަހަރުގެ ފަހު ކުއާޓަރުގައި އެ ކުންފުންޏަށް އާމްދަނީގެ ގޮތުގައި ހަތަރު މިލިއަން ޑޮލަރު ލިބުނެވެ. އަދި ފައިދާ އުޅުނީ 5.8 މިލިއަން ޑޮލަރު (89.4 މިލިއަން ރުފިޔާ) ގަ އެވެ.
މިދިޔަ ކުއާޓަރުގައި ވިޔަފާރިކުރަން 946،00 ޑޮލަރު ހޭދަކޮށްފައިވެ އެވެ. މިއީ އޭގެ ކުރީ ކުއާޓަރަށް ވުރެ 246،816 ޑޮލަރު އިތުރު އަދަދެކެވެ.
ޝިޖާއު ވިދާޅުވީ ވިޔަފާރިކުރުމަށް ހޭދަކުރި މިންވަރު އިތުރުވީ އެކައުންޓިން މިންގަނޑުތަކާ އެއްގޮތަށް ޕްރޮވިޝަން ހެދުމުން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފެމުނު
20 May 2017
ނިޔާމަ ރިސޯޓު ވިއްކާ ނުލާއިރު މިބޭފުޅުން ބުނަމުންދިޔައީ ބޭންކުން ނަގާފައިވާ ލޯނު ނުދެއްކި އޮތުމުން އެލޯނަށް ފައިސާ ދައްކަން ޖެހޭތީއޭ ފައިދާ ނުވަނީ. މިހާރު ނިޔާމަ ރިސޯޓު ވިއްކާލާފަ އެލިބުނު ފައިސާއަށް ބެންކު ލޯޑު ދައްކައި ނިމުނީމަ މިކިޔަނީ އެރިސޯޓު ވިއްކާލީމައޭ ފައިދާ ނުވަނީ. މިދެން ޖުހާގެ ޖޯކެއްތަ. ބޭފުޅުންނޭ ދިވެހިންނަކީ އެހާ ގަމާރު ބައެއްނޫން. ނިޔާމަ ރިސޯޓު ވިއްކާލީ ކޮންބޭނުމެއްގައި ކަމާއި އެރިސޯޓު ވިއްކާލުމުގެ ޑީލްގައި ޖީބު ބޮޑުވެގެންދިޔައީ ކޮންބައެއްގެކަން ރަގަޅަށް މިނިވަން ބަޔަކު އޮޑިޓްކޮށްލީމަ ފިސާރި ރަގަޅަށް އެގޭނެ. އެމްޑީޑީސީ ހިންގަން ހަވާލުވެތިބި މީހުން ކުޅޭކުޅިގަނޑު ނިމޭއިރު ހިއްސާދާރުންނަށް އޮންނާނީ ކުންފުނީގެ ނަންބޯޑު. އެވެސް ޝައްކު.
އައްޔު
19 May 2017
ހިއްސާނުބަހަންވެގެން އޮޅުވާލަނީ ކިހިނެތް ގަބޫލުކުރާނީ އާދައިގެ މީހަކު ހަމައެންމެ ރިސޯރޓަކުން އެމީހާބޭނުން ފެންވަރެއްގައި އެހެރަ އުޅެލަނީ އެކަމް 25 ރިސޯރޓް އޮތަސް އެމްޓީޑިސީ އަކަށް ފައިދާވާކަމަކަށްނުވޭ މީދެން އަޖައިބެއްނު އަނެއްކާ ތިޔަބުނާ ރިސޯރޓްވެސް ވިއްކާލީ ކީތްވެ ގެންލުންވާންވީ ބޯހަލާކު......
ހިއްސާ
18 May 2017
2 ވަނަ ބުރަށް ހިއްސާ ވިއްކަން ހުޅުވާލުމުން 50000 ރުފިޔާގެ ހިއްސާ ގަތީ ރެސޯރޓެއްގައި އުޅެ 3 އަހަރުން އެއްކުރެވުނު ފައިސާ ކޮޅުންނެވެ. ނަމަވެސް ލިބުނީ ކޮޅުކެއްސެވެ. މިވީހާ ދުވަހު ހިއްސާއަށް ލޯލާރިއެއްވެސް ނުލިބެއެވެ.
އަލީ
22 May 2017
މިރާއްޖޭގަ ހިއްސާގަންނަން އެންމެރަނގަޅީ އުރީދޫއިން. އެހެންތަނަކުން ހިއްސާއެއް ގަނެފައޮތްނަމަ އަވަހަށް ވިއްކާލާފަ އުރީދޫން ހިއްސާގަނޭ.
ހިއްސާދާރުން
18 May 2017
ހިއްސާދާރުންނަށް ބަހާނެއެއްޗެއް ނެތްތޯ. ތިހެން ރައްތައް ވިއްކަމުން ވިއްކަމުންގޮސް ރައްތަށް ހުސްކޮށްލަންތޯ ތިއުޅުއްވަނީ. ކޮބާތޯ އަޅުގަނޑުމެން އާންމުރައްޔިތުން ގަނެފައިވާ ހިއްސާގެއަގު. އެފައިސާ އަނބުރާ ލިބޭނެތޯ. އެމްޓީޑީސީއަކީ ތިބޭފުޅުންގެ އަމިއްލަ ޖީބު ބޮޑުކުރަން ގެންގުޅޭ މުދަލަކަށް ހެއްދެވީތޯ. 2018 ގައި އިންތިހާބު އޮތްކަން ހަނދާންކުރައްޗޭ. މަގޭވޯޓެއް ޔާމީނަކަށް ނުދޭނަން.
GAN Island
17 May 2017
ދައުލަތުގެ ފައިސާ ވަގަށް ނެގިމީހުންނެކޭ ދައުލަތުގެ ކުންފުނިތަކުގެ އިސްވެރިންނަށާއި ބޯޑް މެންބަރުންނަށް ތިއްބަވައިގެން ކުންފުންޏަށާއި ރައްޔިތުންނަށް ގެއްލުން ލިބޭނެ ނިންމުން ނިންމި މީހުންނެކޭ ތަފާތެއްނޫން. . . . ރައްޔިތުންގެ ބާރެއް ލިބުނު ދުވަހަކުން ދައުލަތަށް ގެއްލުން ލިބޭފަދަ ކަންކަން ކޮށްފައިވާ އެންމެންގެ މައްޗަށް އެމީހުން ކުރި ކަންކަމަށް އެކަށީގެންވާ ޙައްޤު އަދަބު ދޭންޖެހޭ. އެހެން ނޫނީ ދުވަހަކު ވެސް ރާއްޖެއިން މިސަޤާފަތް ނެތިގެން ނުދާނެ.
ކަޓުބުރޯތައް
17 May 2017
ވިއްކި ކަލޯތައް...އަސްވިއްކިޔަސް ލަގަން ނުވިއްކަން ބުނަނީ މިހެންވެ... ވިއްކައިގެން ލިބުނު ގައިސާ ކީއްތޯ ކުރީ؟ އިންވެސްޓްނުކުރަންތޯ؟
ހިއްސާދާރު
17 May 2017
23 މިލިއަން ޑޮލަރަށް ރިޒޯޓެއް ވިއްކާލީ؟؟؟؟ ރިޒޯޓެއް ހަދަންވެސް އެއަށްވުރެ ގިނައިން ދޭ. އެމް.ޓީ.ޑީ.ސީ އިން ހިންގާ މުއާމަލާތްތަކަކީ ކުންފުންޏަށާއި ހިއްސާދާރުންނަށް ފައިދާ ހުރި ކަންކަމާ ދޭތެރޭ ސުވާލު އުފެދޭ...
މަރީ
17 May 2017
ހަމަ ހިނިއަންނަނީ.. އިގްތިސާދީ މާހިރުން ތިބި ކަމަށްބުނާ ސަރުކާރުން ރާއްޖޭގައި އެއްމެ ފައިދާބޮޑު ވިޔަފާރިން ނަފާ ނުހޯދުނު.. އަވަހަށް މުދާކޮޅު ވިއްކާލާ ތަން ބަންދުކުރޭ.. މިވަރުން ދާނަމަ ގޮނޑި މޭޒް ތައްވެސް ވިއްކާލާނެ..
އާބުރުޒު
17 May 2017
ކުންފުނި ލިކުއިޑޭޓްކޮށް ޝެއަރ ހޯލޑަރުން އިންވެސްޓްކުރިފައިސާ ހަމައަށްދީ ތިކަމުން ސަލާމަތްވުން ބުއްދިވެރި
ހުރާފަތު އަލީ
17 May 2017
މީ އަޖައިބެއް ކަހަލަ ކުންފުންޏެއް މިތަނަށް ކިރިޔާވެސް ފައިސާ ފޮއްޗެއް ލިބޭކަމަށް ވަނީ އަތުގަ ހުންނަ ހަރު މުދާ ވިއްކައިގެން ހިއްސާދާރުންނަށް ދުވަހަކުވެސް ލޯލާރިއެއްވެސް ލިބޭނެހެނެއް ހީއެއް ނުވޭ ދަރިންގެ ދަރިން މިރިމިރި އަށް ދާއިރުވެސް