17 މެއި 2017 - 10:02
3 comments
ލަންޑަން (މެއި 17) - މި ސީޒަނުގެ އިނގިރޭސި ޕްރިމިއާ ލީގުގެ ގަދަ ހަތަރެއްގައި ނިންމާލުމުގެ ފުރުސަތު އަދިވެސް އެބައޮތް ރޭ ސަންޑަލެންޑް އަތުން 2-0 އިން މޮޅުވި އާސެނަލްގެ ކޯޗު އާސެން ވެންގާ ބުނެފި އެވެ.
ލީގުގެ ތިން ވަނައިގައި މި ވަގުތު މެންޗެސްޓާ ސިޓީ އޮތީ 37 މެޗުން 75 ޕޮއިންޓާ އެކު އެވެ. ހަތަރު ވަނައިގައި ލިވަޕޫލް އޮތީ 37 މެޗުން 73 ޕޮއިންޓާ އެކު އެވެ. އާސެނަލް ފަސް ވަނައިގައި އޮތީ 37 މެޗުން 72 ޕޮއިންޓް ހޯދައިގެންނެވެ.
އާސެނަލް ކޯޗުކަމާ ވެންގާ 1996 ވަނަ އަހަރު ހަވާލުވިއްސުރެން އެ ޓީމުން އަންނަނީ ފާއިތުވި 20 އަހަރު ލީގުގެ ގަދަ ހަތަރެއް ކަށަވަރު ކުރަމުންނެވެ. އެހެން ނަމަވެސް މި ސީޒަނުގެ ފަހު މެޗާ ކުރިމަތިލާއިރު، އެ ޓީމަށް ވަނީ ގަދަ ހަތަރެއްގައި ނިންމާލުމުގެ އަމިއްލަ ބާރެއް ނެތެވެ. އެހެން ނަމަވެސް ވެންގާ އުއްމީދު ދޫކޮށެއް ނުލަ އެވެ.
"އަހަރެމެންނަށް އެބަހުރި ތަޖުރިބާ ކުރެވިފައި ލީގުގެ ފަހު ދުވަހުގައި ވަރަށް އާދަޔާ ހިލާފު ކަންތައްތައް ވެސް. ކޮންމެ ޓީމެއް ވެސް އަންނާނީ މަގާމަކަށް ވާދަކުރަމުން. އާސެނަލުން ވެސް އަންނަނީ ގަދަ ހަތަރެއްގަައި އޮވެ ސީޒަން ނިންމާލުމަށް މަސައްކަތް ކުރަމުން. އަދިވެސް އުއްމީދު ދޫކޮށެއް ނުލަން،" ވެންގާ ބުންޏެވެ.
ލީގުގެ ފަހު ދުވަހުގައި އާސެނަލް އަމިއްލަ ދަނޑުގައި ކުޅޭނީ އެވަޓަންއާ އެވެ. ލިވަޕޫލް ކުޅޭނީ މިޑްލްސްބަރާއާ ދެކޮޅަށެވެ. އަދި ސިޓީ ރަށުން ބޭރުގައި ނުކުންނާނީ ވަޓްފޯޑާ ދެކޮޅަށެވެ.
އާސެނަލަށް ގަދަ ހަތަރެއްގެ ޖާގައެއް ލިބެން އޮތީ އެ ޓީމު މޮޅުވެ ލިވަޕޫލް ނޫނީ ސިޓީ ކުޅޭ މެޗުތަކުގެ ނަތީޖާ އަށް ބަލައިގެންނެވެ. ސިޓީ އާއި ލިވަޕޫލް ކުޅޭ މެޗުތަކުން މޮޅުވެއްޖެނަމަ އާސެނަލަށް ގަދަ ހަތަރެއްގެ ފުރުސަތު ނުލިބޭނެ އެވެ.
މި ސީޒަނަށް ފަހު ވެންގާ އާސެނަލާ އެކު ހަދާފައިވާ އެއްބަސްވުން ހަމަވާނެ އެވެ. ރިޕޯޓްތައް ބުނާގޮތުން އާސެނަލް ބޯޑުން ވަނީ ގަދަ ހަތަރެއްގެ ޖާގަ އާސެނަލަށް ގެއްލިއްޖެނަމަ ވެންގާ މަގާމުން ދުރުކުރަން ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބެކަމް
17 May 2017
އާސެނަލް ޗެމްޕިއަންސް ލީގު ކުޅެލަ ކުޅެލާ 131އަހަރު، ދުވަހަކުވެސް ޗެންމްޕިއަންސްލީގް ތަށި ލިބިފައެއް ނުވޭ، ޕްރެމިއަރ ލީގް ނުލިބޭތާ 13 އަހަރު، ވޭތުވެ ދިޔަ ދެތިން ސީޒަނުގަ 300 މިލިއަން ޕައުނޑަށްވުރެގިނައިން ޚަރަދުކޮށްގެން ލިބުނީ 2 އެފްއޭކަޕް. 47 މިލިއަން ޕައުންޑަށް އޮޒިލް، 45މިލިއަން ޕައުންޑަށް ގްރޭނިޓް ޒަކާ، 42.5މިލިއަން ޕައުންޑށް އެލެކްސިސް ސަންޗޭޒް، 41މިލިއަން ޕައުންޑަށް މުސްތާފީ، 20.3މިލިއަން ޕައުންޑަށް ޗެމްބާސް، 20މިިލިއަން ޕައުންޑަށް ޑެނީ ވެލްބެކް، 20މިލިއަން ޕައުންޑަށް ލޫކަސް ޕެރޭޒް ގަތީ ޗެކް ފޮތް ފޮރުވައިގެން ތިބެތޯ؟
ރަދީފް
17 May 2017
މަރުހަބާ އާސެނަލް. ވެންގާ ތިޔަހެން ބުންޏަސް މިފަހަރު ގަދަ4 (ޓްރޮފީ) ހޯދުމުގައި ވަނީ އަމިއްލަ ބާރުކެނޑިފަ.އެހެނީ ލިވަޕޫލް މޮޅުވެއްޖެނަމަ އާސެނަލްގެ މަގާމަކަށް ވާނީ 5 ވަނަ. ވެންގާ އަދި އާސެނަލްގެ ބޯޑް އެބަޖެހޭ ފައިސާ ހަރަދުކުރަން ، ޗެކްފޮތް ފޮރުވައިގެން އަބަދު ޓޮޕް4 އެއީ ލީގް އަދި އެފްއޭކަޕް އެއީ ޔޫސީއެލްކަމަށް ދެކިގެން ތިބޭނަމަ އެއްވެސް ކުރިއެރުމެއްނެތް. #ވެންގާއައުޓް
ހަޑިގިއްލާ
17 May 2017
ޗެކްފޮތް ފޮރުވައިގެން، ސްޕަރސްޓާރުން ވިއްކައިގެން ބިޔަ ސްޓޭޑިއަމްއެއް އުފައްދާ، މެދުނުކެނޑި 20އަހަރު ގަދަ 4ގަ ހިފެހެއްޓުމަކީ ފުޓްބޯޅައިގެ ތާރީޚްގަވެސް އެއްވެސް ކޯޗަކަށް ވީވަރެއްނޫނެވެ. މިއަދު އާސެނަލައަކީ ދެކޮޅުޖެހޭ ސާފު ވިޔަފާރި ކުންފުންޏެކެވެ. ފުރާނާލައިގެން ޗެކްފޮތް ހުސްކޮށްލައިގެންވެސް ޔުނައިޓެޑަށް ގަދަފަހަކަށްވެސް ނޭރުމުން އެކަމާ ފާޑުކިޔުން މާ އައުލާކަން ބޮޑެވެ. ޔޫރޮޕާލީގަކީ ޗެމްޕިއަންސްލީގު ކުޅެލަން ނުލިބޭ ކުދިން ކުޅޭ ލީގެކެވެ.