ފަލަސްތީނުގެ ބިންތަކުގައި އިޒްރޭލުން ޔަހޫދީންނަށް ގެދޮރު އިމާރާތް ކުރުމުގެ މަޝްރޫއެއް ކުރިއަށް ގެންދަނީ.
20 ޖޫން 2016 - 14:12
1 comments
ގުދުސް (ޖޫން 20) - ހުޅަނގު އައްސޭރީގައި ޔަހޫދީންނަށް ގެދޮރު އިމާރާތްކޮށް ދިނުމަށް އިޒްރޭލް ސަރުކާރުން 18 މިލިއަން ޑޮލަރު ހަމަޖައްސައިދީފި އެވެ.
ބޮޑު ވަޒީރު ބެންޖަމިން ނަތަންޔާހޫގެ ކަނާތު ފިޔައިގެ ކެބިނެޓުން މި އަދަދު އިއްޔެ ފާސްކުރި އިރު ކުރިން ވަނީ ޔަހޫދީންނަށް ގެދޮރު އަޅައިދޭން 88 މިލިއަން ޑޮލަރު ދިނުމަށް ވެސް ފާސްކޮށްފަ އެވެ.
ހުޅަނގު އައްސޭރީގައި ޔަހޫދީންނަށް ގެ އަޅައިދިނުމަކީ ބައިނަލްއަގުވާމީ ގާނޫނުތަކުގެ ދަށުން މަނާ ކަމެކެވެ. އަދި އިޒްރޭލް- ފަލަސްތީނުގެ ސުލްހަ އަށް ހުރަސް އަޅާ މައިގަނޑު ސަބަބަކީ ވެސް ޔަހޫދީ އާބާދީތައް ހަދަމުން ދިޔުމެވެ.
އެމެރިކާ އާއި ޔޫރަޕިއަން ޔޫނިއަން އަދި އެހެންވެސް ބައިނަލްއަގުވާމީ ޖަމާއަތްތަކުން ވަނީ ހުޅަނގު އައްސޭރީގައި ޔަހޫދީންނަށް ގެދޮރު ހަދައިދިނުން ހުއްޓާލުމަށް އިޒްރޭލަށް ގޮވާލައިފަ އެވެ. ނަމަވެސް ހަރުކަށި ވިސްނުމުގެ ގިނަ މެންބަރުން ހިމެނޭ ނަތަންޔާހޫގެ ސަރުކާރުން ދަނީ ބައިނަލްއަގުވާމީ ގޮވާލުންތަކަަށް އިޖާބަ ދިނުމެއް ނެތި ޔަހުދީ އާބާދީތައް އިތުރު ކުރުމުގެ މަސައްކަތް ކުރަމުންނެވެ.
ފަލަސްތީން ލިބަރޭޝަން އޮގަނައިޒޭޝަންގެ ސެކްރެޓަރީ ޖެނެރަލް ސައިބު އަރަކާތު އިޒްރޭލުގެ މި އަމަލު ސިފަކުރައްވާފައި ވަނީ ބައިނަލްއަގުވާމީ މުޖުތަމައުގެ މޫނުމަތީގައި ޖެހި އެތި ފަހަރެއްގެ ގޮތުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީޝާކިރު
20 June 2016
މިހެންވާންޖެހެނީ މުސްލިމުންގެ މައިބަދަ ކަމުގަވާ ސައުދީ އަރަބިއްޔާގެ ގޮނޑިކޮއްކޮ ސަރުކާރުގެ ދޫހޮޅިކަމުން މުސްލިމުންނައް ކޮންމެފަދަ ގޮތެއް ހެދިޔަސް ދެތުންފަތް ޖައްސާ ދެލޯމަރައިގެން ތިބޭނީ ހުރިހާ ބާރެއް މުސްލިމުންނައް ލިބިއޮވެމެ ވެރިކަމުގެ ޖާހަތައްޓަކާ އާހިރަތް ވިއްކާލާ ދުނިޔޭގެ އުފާ ހޯދާތީ މިސާލަކައް ބުނާނަމަ ބައްލަވާ ރާއްޖެޔައް ދެމުންދިޔަކަދުރު އެއްފަހަރުވެސް ރާއްޖޭގެ ރައްޔިތުންގެ ކިބައިން އަހާލިބާ ދިވެހި ދައުލަތުން ރޯދަމަސް ނިމޭއިރުވެސް އެކަދުރު ދިވެހި ރައްޔިތުންނައް ދެއްވިތޯ ވެރިން ރުއްސައިގެން ގައުމުގެ ރޯމައުދަނާ ހަޒާނާ ވަކިބައެއްގެ އެކައުންޓް ތަކައް ޖަމާކުރުމުގަ ތާއަބަދު މިދަނީ