އެފްއޭއެމުން ރެފްރީންނާއި ކޯޗުން ރަޖިސްޓްރީ ކުރަނީ

އައްޒާމް އަލިފުޅު، މިހާރު

02 ޖޫން 2017 - 14:55

ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ގެ ޑިވެލޮޕްމެންޓަށް ބޭނުންވާ މަސައްކަތްތައް ކުރިއަށް ގެންދިއުމުގެ ގޮތުން މައުލޫމާތު އެއް ކުރުމަށް ރެފްރީންނާއި ކޯޗުން ރަޖިސްޓްރީ ކުރަން ހުޅުވާލައިފި އެވެ.

އެފްއޭއެމުން ނެރުނު ބަޔާނެއްގައި ބުނެފައިވަނީ އެ އެސޯސިއޭޝަނުން ހިންގާފައިވާ ރެފްރީ ކޯސް ފުރިހަމަ ކޮށްފައިވާ ރެފްރީން އަންނަ މަހު ދެ ވަނަ ދުވަހުގެ ކުރިން އެ އެސޯސިއޭޝަނުގައި ރަޖިސްޓްރީވާން ޖެހޭނެ ކަމަށެވެ. އަދި އެ މުއްދަތުގެ ތެރޭގައި ރަޖިސްޓްރީނުވާ ރެފްރީންނަށް އެފްއޭއެމުން ރާވާ ހިންގާ މުބާރާތްތަކުގައި އޮފިޝަލްކަން ނުކުރެވޭނެ ކަމަށެވެ.

އަދި އެ އެސޯސިއޭޝަނުގެ މުބާރާތްތަކުގައި ހަރަކާތްތެރިވާން ބޭނުންވާ ކޯޗުން ވެސް ރަޖިސްޓްރީވުމަށް ވަނީ ހުޅުވާލައިފަ އެވެ. އޭގެ ތެރޭގައި "ޕްރޯ"، "އޭ"، "ބީ" އަދި "ސީ" ސެޓްފިކެޓް ހާސިލްކޮށްފައިވާ ކޯޗުން ހިމެނޭ ކަމަށް އެފްއޭއެމުން ބުނެ އެވެ. އަދި މި މުއްދަތުގެ ތެރޭގައި ރަޖިސްޓްރީނުވާ ކޯޗުންނަށް އެފްއޭއެމް މުބާރާތްތަކުގައި ބައިވެރިވާ ކްލަބްތަކުގައި މަސައްކަތް ނުކުރެވޭނެ ކަމަށް އެފްއޭއެމުން ވަނީ ބުނެފަ އެވެ.

އެފްއޭއެމްގެ ޖެނެރަލް ސެކްރެޓަރީ ހުސެއިން ޖަވާޒް (ޖަވާ) "މިހާރަ"ށް ވިދާޅުވީ މިއީ އެފްއޭއެމްގެ ހިންގުން ހަރުދަނާކޮށް ރެފްރީންނާއި ކޯޗުންގެ މައުލޫމާތު އެއްކުރުމުގެ ގޮތުން ކްލަބް ލައިސަންސިން ތެރޭން ކުރާ ކަމެއް ކަމަށެވެ.

"މިއީ ހަގީގަތުގައި ކްލަބް ލައިސަންސިންގެ ތެރެއިން ޑިވެލޮޕްމެންޓަށް ކުރެވޭ މަސައްކަތެއް. ރެފްރީންނާއި ކޯޗުންނާއި ބެހޭ މައުލޫމާތު އެއްކުރެވިގެން އިތުރު ކުރިއެރުންތަކެއް ހޯދައިދޭން ފަސޭހަތަކެއް ވެގެންދާނެ.،" ޖަވާ ވިދާޅުވި އެވެ.

"އެބަހުރި 2000 ވަނަ އަހަރު އެފްއޭއެމް ރެފްރީ ކޯސް ފުރިހަމަ ކޮށްފައި އެއް މެޗު ދެ މެޗު އޮފިޝަލްކަން ކޮށްފައި ވެސް އެގޮތަށް ބަލާއިރު ރަޖިސްޓްރީކޮށްގެން މިކަން ރަނގަޅަށް ކުރިއަށްގެންދެވޭނެ ކަމަށް މި ބަލަނީ."

އެފްއޭއެމުން ބުނީ ރެފްރީންނާއި ކޯޗުން ރަޖިސްޓްރީ ކުރަން ބޭނުންވާ ފޯމު އެ އެސޯސިއޭޝަނުން ލިބެން ހުންނާނެ ކަމަށެވެ.

އެފްއޭއެމް ރެފްރީން

5 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަކްރަމް

07 June 2017

އެފް.އޭ.އެމް ތީ ޝާކީބް އާއި ޝާވީދު ގެ އަމަިއްލަ މުހުތާދުތަކެއް ފުއްދަން ބޭނުންކުޜާ އައްޑާއެއް، ކޮންމެ ހެން ރާއްޖޭގެ ފުޓްބޯޅަ ކުރިއަރުވަން މަސައްކަތް ކުރާތަނެއް ނޫން. ރާއްޖޭގެ ފުޓްބޯޅައިގެ ޑިވަލޮޕްމަންޓްގެ ވާހަކަ ޖަވާމެން ދެއްކީމަ ވަރަށް ޖޯކު ޖަވާ، ޕްލީސް ޑޮންފޫލް އަސް... ޝަވީދުގެ އެޖެންޑާ ހާސިލްވެއްޖެ ބައްސާމް ބޭނުންވިކަންތައް ވީމަ ވެލެންސިޔާ ތުންފުއްސަކަށް ހަދާފަ އެއްލާލީ ... މިރާއްޖޭގެ ފުޓްބޯޅަ ހަލާކު ކުރީ ޝަވީދު...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރެފްރީއެއް

04 June 2017

އަދިވެސް ރެފްރިންނަށް ދޭންޖެހޭ ލާރި ނުދޭ..މި އަހަރުވެސް 3 ފަހަރު ރެފްރީން ރެޖިސްޓްރި ކޮށްފި..ކޮބާ އެ ފޯމްތަށް..އަހަރަކު 30 ފަހަރު އެކައުންޓް ނަމްބަރު އެފް އޭ އެމް އަށް ފޮނުވާ...ވާކަމެއް ނެތް..އަމީޒް ތީ އެއްވެސް ކަމެއް ރަނގަޅު ކުރަން އުޅޭ މީހެއްނޫން..އިޒުހާންވެސް ފީފާއަށް ފޮނުވީ އޮޅުވާލުމެއްގެ ތެރޭން ކަމަށްވަނީ....އަމީޒް އިސްތިއުފާ...ޖަވާވެސް ތީ ކަމެއްވަ މީހެއްނުން..ހުސް ފޮނި އަނގަ....