ރޭލުގައި ރިޒާވްކުރި ސީޓް ގެއްލުމުން ބަދަލަކަށް 75،000 ރުޕީސް

އިންޑިއާގެ ޑަކްޝިން އެކްސްޕްރެސް އިން ދަތުރުކުރި ޕަސިންޖަރު މައްސަލަ ހުށަހަޅާފައި ވަނީ އޭނާގެ ސީޓު ގެއްލުމުން އުނދަގޫތަކެއް ލިބުނު ކަމަށް ބުނެ.

ހަސަން އާމިރު، މިހާރު

04 ޖޫން 2017 - 17:34

2 comments

ނިއު ދިއްލީ (ޖޫން 4) - ރޭލުގައި ރިޒާވްކުރި ސީޓް އެހެން މީހަކަށް ދިނުމުގެ ސަބަބުން ސީޓު ގެއްލުނު ޕަސިންޖަރަށް ބަދަލުގެ ގޮތުގައި 75،000 ރުޕީސް ދިނުމަށް ސްޓޭޓް ކޮންޒިއުމާ ކޮމިޝަނުން އިންޑިއަން ރޭލްވޭ އަށް އަންގައިފި އެވެ.

ދިއްލީ ސްޓޭޓް ކޮންޒިއުމާ ޑިސްޕިއުޓްސް ރެޑްރެސަލް ކޮމިޝަނުން ނިންމާފައި ވަނީ ޕަސިންޖަރަށް ދޭން ޖެހޭ ފައިސާ ޓިކެޓް ޗެކްކުރާ މުވައްޒަފުގެ މުސާރައިގެ ތިން ބައިކުޅަ އެއްބައިން ކަނޑައިގެން ހަމަކުރުމަށެވެ.

ދިއްލީގެ ރައްވެއްސެއް ކަމަށްވާ ވީ ވިޖޭ ކުމާރު ހުށަހެޅި ޝަކުވާގައި ބުނެފައި ވަނީ މާޗް 30، 2013 ގައި އޭނާ، ވިސަކަޕަޓްނަމް އިން ދިއްލީ އަށް ދަތުުރު ކުރުމަށް ޑަކްޝިން އެކްސްޕްރެސް އިން ޓިކެޓް ރިޒާވް ކުރި ނަމަވެސް އޭނާގެ ސީޓުގައި އެހެން މީހަކު އިން ކަމަށެވެ. އަދި އޭނާ ބުކް ކުރި ކޮމްޕާޓްމަންޓަށް، ޓިކެޓް ނުނަގާ ބަޔަކު ވަނުމުގެ ސަބަބުން އޭނާ އަށާއި އެކުގައި ދަތުރުކުރި މީހުންނަށް އެތައް އުނދަގުލެއް ކުރިމަތިވި ކަމަށް ވެސް ބުނެފައިވެ އެވެ. އަދި ރޭލްވޭ އޮފިޝަލުންނަށް މައްސަލަ ހުށަހަޅަން ބެލި އިރު އެއްވެސް އޮފިޝަލަކާ ދިމާ ނުވި ކަމަށް ވެސް ކުމާރު ހުށަހެޅި މައްސަލައިގައިވެ އެވެ.

އިންޑިއާ

2 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފާތާނިކެ

04 June 2017

އެ ވިޖޭ އަކީ ބީޖޭޕީގެ ބޮޑެއްގެ އާއިލާ މެންބަރެއް.. ޑިމޮކްރަސީގައި އިންސާފަކީ އެއީ.. އެތަކެއް މިލިޔަން މީހުން ދުވާލަކު ދަތުރު ކުރާއިރު ފާއިތުވީ 5 އަހަރު މީ އެކަނިތޯ މި ހެން ދިމާވީ... އަޅުގަނޑުމެން ޗެއްނާއިން ޓިކެޓް ގަނެގެން ދީއްލީއަށް 4 ރެޔާއި 5 ދުވާލުން ދިޔައީ ޓިކެޓް ގަނެގެން ބުކްކޮށްގެން ކޮޅަށް ތިބެ... ހަމަ އިންޑިޔާގެ ޕާޓީ ގުންޑާއިން ވެރިކަން ކުރީ އޭގައި... ކޮރަޕްޗަން ހައްދުން ނެއްޓިފައި އޮތްތަނެއް....ބެންގަލޫރުން މީހަކު އެއަރޕޯޓުން ހިފެހެއްޓީމާ އެންމެ ބިޑި ބޮޑިއެއް ނަގާފައި ދޫކޮށް؛ލީ އަހަރެން ކުރިމަތީގައި... މަގޭ ނީވިޔާ ފުޅިއާއި ފައިވާނާ އަދިވެސް ބައެއް ކޮސްމެޓިކްސް އަތުލާފަ ބުނީ ދާށޯ.. ކޮން ގަވާއިދަކުން ކޮން ހަމައަކުން ކަމެއްވެސް ބުނެނުދީ.. ދެން ކާރު ނައިސްގެން އެތަކެއް އިރަކު ތިއްބާ އޮފިސަރު ޑިއުޓީ ނިންމާފަ އެއްކަލަ މަގޭ ބޮޑިވަރު ހިފައިގެން ކަރުދާހު ކޮތަޅެއްގައި ދަނިކޮށް ފޫގޮސްގެން މަގުމައްޗަށް އެޅުނީމާ އައްޑޫ އަންހެނަކު ބުނީ އެއްކަލަމީހާ އަހަރެންގެ ސާމާނު ހިފައިގެން އެއޮށް ދަނީޔޯ... ބޯ ހަލާކު