އެސްޓީއޯ އިން ވިއްކާ ޕެޓްރޯލާއި ޑީސަލުގެ އަގު ހެޔޮކޮށްފި

އެފްއެސްއެމްގެ ޝެޑަކުން ސައިކަލަކަށް ތެޔޮ އަޅައިދެނީ: ޕެޓްރޯލާއި ޑީސަލްގެ އަގު މިއަދުން ފެށިގެން ވަނީ ހެޔޮކޮށްފައި.---މިހާރު ފޮޓޯ

18 ޖޫން 2017 - 11:45

53 comments

އެސްޓީއޯ އިން ވިއްކާ ޕެޓްރޯލާއި ޑީސަލުގެ އަގު މިއަދުން ފެށިގެން ހެޔޮކޮށްފި އެވެ.

އެސްޓީއޯ އިން ބޭއްވި ނިއުސް ކޮންފަރެންސެއްގައި ބުނީ ޕެޓްރޯލާއި ޑީސަލުގެ އަގު ހެޔޮކުރީ، އެއިން ނަގަމުން އައި ޑިއުޓީ 10 ޕަސެންޓުން ފަސް ޕަސެންޓަށް ކުޑަކުރުމަށް އެކްސްޕޯޓް އިމްޕޯޓް ގާނޫނަށް ރައްޔިތުންގެ މަޖިލިހުން މިދިޔަ ބުދަދުވަހު ގެނައި އިސްލާހާ ގުޅިގެން ކަމަށެވެ.

އެސްޓީއޯ އިން އެތެރެކުރާ ޕެޓްރޯލާއި ޑީސަލްގެ އަގު ހެޔޮކުރުމާ ގުޅިގެން، އެ ކުންފުނީގެ މެނޭޖިން ޑިރެކްޓަރު އަހުމަދު ޝަހީރު މިއަދު ނޫސްވެރިންނާ ވާހަކަ ދައްކަވަމުން ވިދާޅުވީ ތެލުގެ އަގު ހެޔޮކުރީ އާއްމުންނަށް ފޯރުކޮށްދޭ އަސާސީ ޚިދުމަތްތަކުގެ އަގު ހެޔޮކުރުމަށް ކަމަށެވެ. އެގޮތުން ތެލުގެ އަގު ހެޔޮކުރީ ޑިއުޓީ ކުޑަވުމުގެ އިތުރުން މިދިޔަ މެއި މަހުން ފެށިގެން ފެނަކަ އާއި ސްޓެލްކޯގެ ހުރިހާ އިންޖީނުގެތަކަށް ބޭނުންވާ ތެޔޮ ސަޕްލައިކުރަން ފެށުމާ ގުޅިގެން ކަމަށް ވެސް އޭނާ ވިދާޅުވި އެވެ.

އެސްޓީއޯ އިން ވިއްކާ ޕެޓްރޯލާއި ޑީސަލްގެ އަގު ހެޔޮކުރުމާ ގުޅޭ ގޮތުން އެ ކުންފުނީގެ އެމްޑީ ޝަހީރު މިއަދު ނޫސްވެރިންނާ ވާހަކަ ދައްކަވަނީ.---މިހާރު ފޮޓޯ: ނިޝާން އަލީ

އެސްޓީއޯ އިން ބުނިގޮތުގައި ތެލުގެ ޑިއުޓީ އަށް ގެނައި ބަދަލާއެކު، ސްޓެލްކޯ އާއި ފެނަކަ އަށް ވިއްކާ ޑީސަލްގެ އަގު ވެސް ވާނީ ހެޔޮކޮށްފަ އެވެ.

ތެލުގެ އަގުތަކަށް ގެނައި ބަދަލު:

- ޕެޓްރޯލް ލިޓަރެއްގެ އަގު ވަނީ 8.95ރ. އިން 8.65ރ. އަށް ހެޔޮކޮށްފައި.

- ޑީސަލް ލިޓަރެއްގެ އަގު ވަނީ 8.95ރ. އިން 8.44ރ. އަށް ކުޑަކޮށްފައި.

ޝަހީރު ވިދާޅުވީ ތެލުގެ އަގު ހެޔޮ ކުރިއިރު ފެނަކައަށާއި ސްޓެލްކޯ އަދި މިފްކޯ މެދުވެރިކޮށް މަސްވެރިންނަށް ވަރަށް ހާއްސަ އަގެއްގައި ތެޔޮ ވިއްކަން ނިންމާފައިވާ ކަމަށެވެ.

"އަޅުގަނޑުމެން ފެނަކަ، ސްޓެލްކޯ އަދި މަސްވެރިންނަށް ކުރިން ވެސް ތެޔޮ ވިއްކަނީ ޕްރިފަރެންޝަލް [ހާއްސަ] ރޭޓެއްގައި. އާއްމުކޮށް އެ ރޭޓްތަކަކީ އަޅުގަނޑުމެން ޕަބްލިޝްކުރާ ރޭޓްތަކެއް ނޫން. އާއްމުކޮށް ޕަބްލިޝްކުރަނީ ޕަމްޕް ރޭޓް. ނަމަވެސް ޑިއުޓީ ހެޔޮވުމާ ގުޅިގެން އެ ފަރާތްތަކަށް ވަރަށް ބޮޑު ހެޔޮވުމެއް މި ލިބުނީ،" ޝަހީރު ވިދާޅުވި އެވެ.

އެސްޓީއޯ އިން އެންމެ ފަހުން ތެލުގެ އަގު ހެޔޮކޮށްފައި ވަނީ މިދިޔަ އޭޕްރިލް މަހުގެ ފަހުކޮޅު އެވެ. އޭރު ވަނީ ޕެޓްރޯލް ލީޓަރަކުން 20 ލާރި އަދި ޑީސަލް ލީޓަރަކުން 10 ލާރި ހެޔޮކޮށްފަ އެވެ.

އެސްޓީއޯ ތެޔޮ ޕެޓްރޯލް ޑީސަލް އަހުމަދު ޝަހީރު

53 ކޮމެންޓް, 50 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދަތުރުވެރިޔާ

21 June 2017

ޓެކްސީ ދަތުރު އަގުހެޔޮވާނީ ކޮންދުވަހަކުންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމާލު

19 June 2017

ކޮން އިރަކުތޯ ޕެޓްރޯލް ލިޓަރެއްގެ އަގު 8.95ރ. އަށް ހަމަޖެއްސީ. އިއްޔެއާ ހަމައަށްވެސް ޕެޓްރޯލް ލިޓަރެއް ލިބެނީ 9.15ރ އަށް. ފިއުލް ސަޕްލައިގެ ވެބްސައިޓުންވެސް ދައްކަނީ އެގޮތަށް. http://fuelmaldives.com/ އާންމުންނަށް 8.95ރ އަށް ލިޓަރެއް ލިބުނުއިރެއް ދިޔަބާ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެތެރެ

19 June 2017

ކޮންމެ އަގެެއްގަ ތެޔޮ ލިބުނަސް ދަ ގްރޭޓް މާލޭގެ ކަރަންޓް ބިލުތަކަށްވުރެ ރާއްޖެތެރޭ މީހުންގެ ކަރަންޓް ބިލް ޑަބަލްް ބޮޑު.....ރައްޔިތުންނަށް މާބޮޑު ފައިދާއެއް ނެތް...ފައިދާ އޮތީ ސްޓެލްކޯއާ މަސްވެރި އޮޑިވެރިންނަށް....ކަރަންޓް ރޭޓް ހަމަހަމަ ކުރޭ...ޓެކްސް ނަގަން ވީމަ، އުޅަނދު ފަހަރު ފީތަކާ އެއްޗެހި ދަންކަންވީމަ މާލެއާ ރާއްޖެތެރެ އެއްގޮތް، ކަރަންޓްފީ ނަގަންވީމަ މާލެއަށް ހެޔޮކޮށް، ރާއްޖެތެރެ ބޮޑުކޮށް...މިއީވެސް އިންސާފު ދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިއުސް

18 June 2017

އެސްޓީއޯ އިން ވިއްކާ ޕެޓްރޯލާއި ޑީސަލުގެ އަގު ހެޔޮކުރި ގޮތަށް ކަރަންޓް ބިލް ވެސް ކުޑަ ވާން ޖެހޭނެ ކަމަށް މަމެން ދެކެނީ. އަދި ހަމަ މިގޮތަށް ދުރާލާ ރޭވިގެން އައިސް މާލެ ސަރަހައްދުގައި ކުއްޔަށް އުޅޭ މީހުން ނަށް ފަސޭހައިން މާލެ ސަރަހައްދުން ކުޑަ އަގުގައި ފްލެޓްސް ތައް ލިބޭނެ އުސޫލުން 1 ލައްކަ ހައުސިންގް ޔުނިޓްސ އިމާރާތް ކުރުމުގެ އަމަލީ މަސައްކަތް އެމްޓީސީސީ މެދުވެރިިކޮށް ފަށާ މާލެ ސަރަހައްދުން ފްލެޓްސް ތަކަށް އެދޭ އެންމެންނަށް މިސަރުކާރުން ފްލެޓްްސް ދެވޭތޯ މަސައްކަތް ކޮށް އެމަގުން މިކަން ދާނެ ކަަމަށް މަމެން މިދެކެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިދުމަތްތެރިޔާ

18 June 2017

ރައްޔަތުންނަށް ހެޔޮއަގުގައި ތަކެތި ލިބުމަކީ އުފާކުރާކަމެއް. ނަމަވެސް ހިތާމައަކީ ކޮންމެ ކަމެއްގައިވެސް މަކަރާއި ހީލަތާއި، އޮޅުވާލުމާއި. ޚިޔާނާތާއި، ވައްކަން، އެކުލެވިފައިވާލެއް ބޮޑުކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަނގަފޫޅު

19 June 2017

ތެލުގެ އަގު ހެޔޮ ކުރިމަކީ މަކަރެއް ތޯ އެވެ. އެހެން ކަމަަށް ވާނަމަ އޭގައި އޮތް މަކަރެއް ނިކަން ބުނެ ބަލާށެވެ.ވަގުން ނަށް ހީވާނީ އެއްމެނާކީ ވެސް ވަގުން ހެނެވެ.އެހެންވެވަ "ވަގުންގެ ފޮށި ބާރަށް ބަންނާނެ"އެވެ.ޚިދުމަތް ތެރިޔާ ގެ ނަމުގައި ކޮމެންޓް ކުރާ މީހާއަށް ވަނީ މިބުނި ގޮތެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޭންޖުރެސް

18 June 2017

އެސްޓީއޯ އިން ވިއްކާ ޕެޓްރޯލާއި ޑީސަލުގެ އަގު ހެޔޮކޮށްފިއެވެ. ދެން އެހެންވީއިރުން ޓެކްސީ ތަކުގެ އަގު ހެޔޮ ވާން ޖެހޭނެ މާލެ ސަރަހައްދުގައި. މިކަން ޖެހޭނެ ޓްރާންސްޕޯރޓް އޮތީޯރިޓީން ކުރަން. ދެން އަނެއްކާ ތަމެން މިކަމުގައި ރަށުތެރޭގައި އުޅޭ ކިއްލި ތަޅާ ވިޔަފާރި ކުރާ މީހުންނާއި އެކު މޭޒު ދަށުން ދަމާ ކުޅޭނީ އެއް ނޫނެވެ. ތަމެން ނުޖެހޭނެ އެޒާތުގެ ކޮރަޕްޓް ގޭމްސް ތަކެއް އެކަމުގައި ޖައްސަން. ކިއްލި ތަޅާއިން ނަކީ އެއީ ޑޭންޖުރެސް ބަޔެކޭ އެމެން ނާއި އެކު މޭޒު ދަށުން ދަމާ ކުޅެގެން ނުވާނެއޭ ޓްރާންސްޕޯރޓް އޮތޯރިޓީން. އެމެން އެއީ ޑޭންޖުރެސް ބަޔެކޭ ޑޭންޖުރެސް ޑޭންޖުރެސް ޑެންޖުރސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ ބަކުރު

18 June 2017

ތީހާދަ ބޮޑުތަން އަގުހެޔޮ ތިކޮއްލީ. ހިނިއާދޭ އާޓިކަލް ކިޔާލީމަ. ޕެޓްރޯލް ލީޓަރަކުން 51ލާރި އޭ އެކަމަކު ޕެޓްރޯލް އަގުހެޔޮ ކުރާވާހަކަ އެތަންމިތާންގަ ދައްކަމުން ދިޔައިރު ހީވެގެން ދިޔައީ 17ރުފިޔާއަށް ދިން ޕެޓްރޯލް ލީޓަރު 12ރުފިޔާއަށް ކުޑަވަނީހެން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގިވްއިން

18 June 2017

އެސްޓީއޯ އިން ވިއްކާ ޕެޓްރޯލާއި ޑީސަލުގެ އަގު ހެޔޮކުރުން އެއީ ވަރަށް ބޮޑު އުފަލެއް ލިބިގެންދާނެ ކަމެކެވެ. މިހާރު މަމެންގެ ވެރިކަން ދެން ކާމިޔާބު ވެ މަމެންނަށް 2018 ގެ ރިޔާސީ ރޭސް ކާމިޔާބު ވާނެ ކަމުގެ ނިޝާންސް ތައް ފެންނާން ފަށަނީ އެވެ. ދެން އެންމެ އަަވަހަށް އަޑު އިވިގެން ދާނީ ހުރިހާ ކުދިންނަށް ވެސް މާލެ ސަރަހައްދުން ފްލެޓްސް ތައް ލިބިގެންދާ ތަނެވެ. މިކަމުގެ އުފަލުގައި ހުރިހާ ކުދިން ވެސް ޕިންކީން ނާއި ބައިވެރިވާންވީއެވެ. މިހާރު ދެން ދުރުގައި އުޅެވިއްޖެއެއް ނޫން ރުޅި މޫނު ހަދައިގެން ވަރަށް ދުވަހު. ދެން އެހެން ނަހަދާ ޕިންކީން ނާއި އެކު އަތާއި އަތް ގުޅުވާލައިގެން ބައްލަވަންވީ ތިކުދިންނަށް މާލެ ސަރަަހައްދުން ފްލެޓްސް ތައް ލިބޭތޯ އެވެ. ގިވް ޔުއަރ ހޭންޑް ޓު މީ. ގިވް އިން ޓު މީ ގިވް އިން ޓު މީ ގިވް އިން ޓު މީ.