ޚަބަރު / ޕެންޝަން އެޑްމިނިސްޓްރޭޝަން އޮފީސް

ޕެންޝަންގެ ބޯޑު ޗެއާމަން ކަމަށް ކުރިމަތިލާން ހުޅުވާލައިފި

ޕެންޝަން އޮފީހުން ބޭއްވި ފޯރަމެއް: އެ އޮފީހުގެ ބޯޑުގެ ޗެއާމަންގެ ދައުރު އަންނަ މަހު ހަމަވޭ --ފޮޓޯ: ހުސެއިން ވަހީދު /މިހާރު

މުއިއްޒު އިބްރާހިމް، މިހާރު

04 ޖުލައި 2017 - 10:53

1 comments

މޯލްޑިވްސް ޕެންޝަން އެޑްމިނިސްޓްރޭޝަން އޮފީސް (އެމްޕީއޭއޯ) ގެ ބޯޑުގެ ޗެއާމަން މަގާމަށް ކުރިމަތިލުމުގެ ފުރުސަތު އެ އޮފީހުން ހުޅުވާލައިފި އެވެ.

އެމްޕީއޭއޯގެ ބޯޑުގެ ޗެއާމަންގެ މަގާމަށް ކުރިމަތިލުމުގެ މުއްދަތު މި މަހުގެ 13 ވަނަ ދުވަހުގެ ނިޔަލަށް އޮންނާނެ ކަމަށް އެ އޮފީހުން ކުރި އިއުލާނެއްގައި ވެ އެވެ. އެ މަގާމަށް ކުރިމަތިލާން ހުޅުވާލީ މިހާރު އެ ބޯޑުގެ ޗެއާމަންގެ މަގާމުގައި ހުންނެވި އާތިފާ އަލީގެ ދައުރު އަންނަ މަހު ހަމަވާތީ އެވެ.

އެމްޕީއޭއޯގެ ބޯޑުގެ ޗެއާމަންގެ މަގާމަށް އައްޔަން ކުރާނީ އެކަމަށް ޚާއްސަ ސިލެކްޝަން ކޮމެޓީއަކުން ހޮވުމަށް ފަހު، ކެޕިޓަލް މާކެޓް ޑިވެލޮޕްމަންޓް އޮތޯރިޓީން ފާސްކުރާ ބޭފުޅުންގެ ނަންތަކުގެ ތެރެއިން ރައީސުލް ޖުމްހޫރިއްޔާ ކަނޑައަޅުއްވާ ބޭފުޅެކެވެ.

މަގާމުގެ ޝަރުތަކީ ވިޔަފާރީގެ ދާއިރާއިން ނުވަތަ އިގުތިސާދީ ދާއިރާ އިން ނުވަތަ ގާނޫނީ ރޮނގުން ފުރަތަމަ ޑިގްރީ އޮތުމާ އެކު މާލީ ނުވަތަ ޕެންޝަން ދާއިރާގައި މަސައްކަތް ކޮށްފައި ވުމެވެ.

ޕެންޝަން އެޑްމިނިސްޓްރޭޝަން އޮފީސް ޕެންޝަން އޮފީސް

1 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢާލިމް

04 July 2017

ތި މަގާމަށް ވެސް ސިވިލް ސަރވިސް މުވައްޒަފެއް ނުލާތި ސްޓެލްކޯ ޗެއަރމަން ގޮތަށް. ސްޓެލްކޯ ޗެއަރމަން ވެސް އެހެރީ ޤާނޫނާއި ޤަވާއިދާ ޚިލާފަށް ލާފައި. އެއީ ސިވިލް ސަރވިސް މުވައްޒަފެއް. އެހެން ވީމާ ސިޔާސީ މަޤާމެއް ނުފުރޭނެ