"ނޯޓީ 40" ގެ 15 ޝޯ އޮލިމްޕަހުގައި ދައްކަން ވަނީ ހަމަޖެހިފައި. ފިލްމުގެ ޓިކެޓް ވެސް އަންނަނީ ވިއްކަމުން.
"ނޯޓީ 40" ގެ ޕޯސްޓަރެއް: ފިލްމް އަޅުވާނީ އަންނަ މަހު ދޭއްގައި.
15 ޖުލައި 2017 - 12:02
16 comments
އަންނަ މަހުގެ ދޭއްގައި ރިލީޒް ކުރަން ނިންމައި، މިހާރު ޓިކެޓް ވެސް ވިއްކަމުން އަންނަ ފިލްމް "ނޯޓީ 40" ގެ ޓްރެއިލާތަކަކާއި ފިލްމްގެ ތަފާތު ޕޯސްޓަރުތަކެއް ރޭ ދައްކާލައިފި އެވެ.
ރޭ އޮލިމްޕަހުގައި ވަނީ ފިލްމުގެ ފިލްމުގެ ބައެއް ކާސްޓުންނާއި ކްރޫއާ އެކު ޕްރޮމޯޝަނަލް އިވެންޓެއް ބާއްވައިފަ އެވެ. އޭގެ ތެރޭގައި ޓްރެއިލާ އާއި ޕޯސްޓަރުތައް ދައްކައިލުމުގެ އިތުރުން ފިލްމުގައި ހިމެނޭ ލަވަތައް އިއްވާލި އެވެ. އަދި މިދިޔަ އަހަރު އެޅުވި ކާމިޔާބު ފިލްމް "ބައިވެރިޔާ" ވެސް ދެއްކި އެވެ.
ރޭގެ އިވެންޓްގައި "ނޯޓީ 40" ގެ ޕްރޮޑިއުސަރު އިސްމާއީލް ޝަފީގް ބުނީ އެ ފިލްމަކީ މި އަހަރު ސިނަމާ އަށް އަންނާނެ އެންމެ ތަފަތު އަދި އެންމެ މަޖާ ފިލްމަށް ވާނެ ކަމަށެވެ. އަހަރުގެ ބޮޑު ފިލްމުގެ ގޮތުގައި ޕްރޮމޯޓް ކުރާ ފިލްމުގެ މަސައްކަތް ކުރެވިފައިވާ ގޮތާ ދޭތެރޭ ވަރަށް ހިތްހަމަޖެހޭ ކަމަށް ވެސް ޝަފީގް ބުންޏެވެ.
"ނޯޓީ 40" ލިޔެ، ޑައިރެކްޓްކޮށް، އޭގެ މުހިއްމު ރޯލެއް ވެސް ކުޅެފައިވާ މަޝްހޫރު އެކްޓަރު ޔޫސުފް ޝަފީއު (ޔޫއްޕެ) ބުނީ މި ފިލްމަކީ ބެލުންތެރިން ގަޔާވާނެ ވަރަށް ރަހަތައް ހިމެނޭނެ ފިލްމަކަށް ވާނެ ކަމަށެވެ.
އޭނާ ބުނީ "ނޯޓީ 40" ބެލުންތެރިން ހެއްވާލައި ރޮއްވައި ވެސް ލާނެ ފިލްމެއް ކަމަށެވެ.
އޮލިމްޕަހުގައި ޖުމްލަ 15 ޝޯ ދައްކަން ހަމަޖެހިފައިވާ "ނޯޓީ 40" އަކީ ބޮޑު ކާސްޓެއް ހިމެނޭ ފިލްމެކެވެ.
"ނޯޓީ 40" ގެ ޓްރެއިލާއެއް.
އުމުރުން 40 މަތީގެ އެކުވެރިންތަކެއްގެ މެދުގައި ހިނގާ ކަންތައްގަނޑެއް ދައްކުވައިދޭ ފިލްމުގައި އަލީ ސީޒަން، ނިއުމާ މުހައްމަދު، އަހުމަދު ސައީދު އަދި މުހައްމަދު މަނިކާ އެކު މިހާރުގެ ޒުވާން ބައެއް ތަރިން ވެސް ހިމެނެ އެވެ.
އޭގެ ތެރޭގައި މަރިޔަމް އައްޒަ، އަލީ އާޒިމް (ދޮންއައްޔަ)، ފާތުމަތު އާޒިފާ (އަޒޫ) އަދި އިބްރާހީމް ޖިހާދު (ޖިމީ) ފާހަގަކޮށްލެވެ އެވެ.
ޝަފީގާއި ބަތަލާ ނިއުމާ ޕްރޮޑިއުސްކޮށްފައިވާ ފިލްމުން އާ އެކްޓަރުންތަކެއް ވެސް ތައާރަފުވެގެން ދާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުރުކޮށް
18 July 2017
ބިގަސްޓް ފްލޮފް އޮފް ދި އިއަރ.
ޞަޞab
16 July 2017
ފިލްމް މަޖާ ވަނީ އޭގަ 6 އަހރުގެ ކުޑަ ކުދިން ތަކެއް ހެން ގަަޔަށް ބޮލަށް ވެލި އަޅާ ފުއް ޖަހާ އޭތި މީތި ހަދާ ފާޑު ފާޑު ގެ ހިނި ގަނޑު ޖަހާ އަމިއްލެއައް މަޖާ ވަކަހަލަ ޑައިލޮގް ކީމައެއް ނޫން.
ކަމަނަ
16 July 2017
މިއުޅޭ މޮޅުމީހުން ދިވެހި ފަސްގަޑު ގިނަވެގެންގޮސް މިގައުމް މިފުޑެނީ ކީއްކުރާނީ ބަޔަކު ކަމެށް ކޮއްލާއިރައް ފާޑު ކިޔަން ރެޑީގަ...... ނުވިތާކަށް އަމިލައައް ކަމެށް ކުރަންވެސް ނުކެރޭ.... ކުރާނެ ކަމެށް ނެތުނީމަ އަބަދުވެސް މީހުންގެ ކަންކަމާ ގެޅުން ނޫންކަމެށް ނުކެރޭ
ބާރީ
15 July 2017
ކަމަކުނުދޭ އަމިއްލައަށް މަޖާވެފަ
ރާކަނިމަސް
15 July 2017
އެރުވި އަޑުތަކާއި ފިލްމު ޕްރޮމޯޓްކުރިވަރުން ވަރަށް ތަފާތުވާނެމަށް ޓުރެއިލާ ބަލާލައިފިން. ފާހަގަވި ކަންތައް... 50 ސިކުންތުގެ ޓްރެއިލާ ދެބައިކުޅައެއްބައި ދިޔައިރު ޓައިޓްލްސް އަރުވާ ނުނިމޭ، ޓްރެއިލާގެ 1/2 ބޭކާރު، މިކަހަލަ ޓުރެއިލާއެއް ދޫކޮއްލާއިރު ޝައުގުވެރިގޮތެއް ވިސްނާފައެއް ނެތް. ސްޓޯރީލައިންގެ އެއްވެސް ނިޝާނެއް ނުފެނުނު، ބޮޑަށް ވައްތަރީ އަމިއްލައަށް މަޖާވެގެން މުހަންމާ ހަދާކަހަލަ ޑުރާމާއަކާ... ބޮޑެތި ސްޓާރުން ލައިގެން އަހަރެން އުންމީދުކުރިކަހަލަ ތަފާތު ފިލްމެއްކަމަކަށް ނުބެލެވޭ. މީ ހަމަ މަގޭ ޚިޔާލް، ޔޫއްޕެ އެއްޗެކޭ ހީނުކުރައްޗޭ...
އަހުމަދު
15 July 2017
ޑާކްރެއިން ފަދަ ކޮލިޓީ މަސައްކަތް އުފައްދަމުންދާ ސްޓޫޑިއޯ ތަކެއް ހުއްޓާ، ބެލުންތެރިން ބަލައިގަންނާނެ ކަމަށް މިވެރިން ހީކޮށްގެން މިއޮއްޖެހި ސަކަރާތެއް؟! އެއްވެސް މަޖަލެއްވެސް ނޫން، ބަލާ ހިތެއްވެސް ނެތް! ޕާސް!
ފަޅޯ
16 July 2017
ޑާކް ރެއިން ނޫން ބަޔަކު ނެތީތަ.
އަލީ
15 July 2017
ދިވެހިން ވީ ފުރަތަމަ ޓްރެއިލާ ނެރެން ދަސްކުރަން. ރަނގަޅުކުރަން ޖެހޭ ބޮޑު ކަމެއް.
އޭސްވެންޗޫރަރ
15 July 2017
ދިވެހި ފިލްމު ހަދާ މީހުންނައް "ކޮމެޑީ" ކަމަށް ވަނީ މޫނަށް ވައްތަރު ޖެއްސުމާ، ބޭކާރު މޭކަޕް ކުރުުމާ، ގަޔަށް ފުށް/ފެން/ކުލަ/ކާބޯތަކެތި ޖެހުން ކަމަށް ވަންޔާ، ބުނަލަން އޮތީ އެކަން އެހާ މަޖަލެއް ނޫނޭ. އެންމެނަކަށް ޖިމް ކެރީ އަކަށް ނުވެވޭނެ. ފިލުމުގެ އޯޑިއަންސް އަކީ 7 އަހަރުން ދަށުގެ ކުދިން ވެއްޖެޔާ، ފަހަރެއްގަ އެކުދިންނަށް ކަމުގޮސްދާނެ.
ބަދަލު
15 July 2017
ޔޫޓި1ުބުން މަޖާ ދެތިން ކްލިޕް ބެލިޔަސް މާރަނގަޅު. ޢެއްވެސް ކޮލިޓިއެއް ނެތް.
ާައޯކޭ
15 July 2017
ފިލުމް ވަރައްހަބޭސް ވާނެހެން ހީވޭ ފިލުމް ނުބަލާ ތިކަހަލަ ނެގެޓިވް ކޮމެންޓުނުކުރޭ..... އަހަރަމެން ޖެހޭނެ ދިވެހިން ކުރާ މަސައްކެށް ބަލާގަންނަށް ކުރިޔަށްދޭ ސަޅި