ހިއްސާއަކަށް 20ރ. ބަހަން ބީއެމްއެލް އިން ފާސްކޮށްފި

ބީއެމްއެލް އިން މިރޭ ބޭއްވި އަހަރީ އާއްމު ޖަލްސާގައި އެ ބޭންކުގެ ބޯޑު މެމްބަރުންނާއި ހިއްސާދާރުން އަދި މުވައްޒަފުން ބައިވެރިވަނީ. ފޮޓޯ: ހުސެއިން ވަހީދު /މިހާރު

އަބްދުﷲ ޖަމީލު، މިހާރު

23 އޯގަސްޓް 2017 - 21:33

4 comments

ބޭންކް އޮފް މޯލްޑިވްސް (ބީއެމްއެލް) ގެ މިދިޔަ އަހަރުގެ ފައިދާ އިން ހިއްސާއަކަށް 20 ރުފިޔާ ބަހަން އެ ބޭންކުގެ އަހަރީ އާންމު ޖަލްސާގައި މިރޭ ފާސްކޮށްފި އެވެ،

ހޮޓެލް ޖެން ބޭއްވި ބީއެމްއެލްގެ އަހަރީ އާންމު ޖަލްސާގައި، ހިއްސާދާރުންނަށް ހިއްސާގެ ފައިދާގެ ގޮތުގައި 107.6 މިލިއަން ރުފިޔާ (ހިއްސާއަކަށް 20ރ.) ބަހަން ފާސްކުރުމަކީ އެ ބޭންކްގެ ރެކޯޑެކެވެ.

މިއީ ބީއެމްއެލް އަށް ދިމާވި މާލީ މައްސަލަތަކަށް ފަހު ހިއްސާދާރުންނަށް ފައިދާ ބަހާ ހަތަރު ވަނަ އަހަރެވެ.

ރާއްޖޭގެ އެންމެ ބޮޑު ބޭންކުން މި ފަހަރު ހިއްސާގެ ފައިދާ ބަހަން ނިންމި އަދަދަކީ އޭގެ ކުރީ އަހަރާ އަޅާބަލާއިރު 18 ޕަސެންޓް އިތުރު އަދަދެއް ކަމަށް ވެސް ބީއެމްއެލް އިން ބުންޏެވެ.

ބީއެމްއެލް އިން 2015 ވަނަ އަހަރު ހިއްސާއަކަށް ބަހާފައި ވަނީ 17ރ. އެވެ.

ޗެއާޕާސަން ފަރީހާ ޝަރީފް ރިޔާސަތު ބެލެހެއްޓެވި މިރޭގެ އާންމު ޖަލްސާގައި 41 ހިއްސާދާރަކު ބައިވެރިވި އެވެ. އަދި ޕްރޮކްސީއާ އެެކު އަށް ހިއްސާދާރުން ބައިވެރިވި އެވެ.

މިއީ ބީއެމްއެލްގެ އަހަރީ އާންމު ޖަލްސާގައި ފަރީހާ ބައިވެރިވެވަޑައިގަންނަވާ އެންމެ ފަހު ފަހަރު ކަމަށް ވަނީ ވެފަ އެވެ. އޭނާގެ އިތުރުން މިރޭގެ ޖަލްސާއަށް ފަހު ބޯޑުގެ ދެ މެމްބަރަކު ވަކިވެވަޑައިގަންނަވަ އެވެ.

ބީއެމްއެލް އިން މިރޭ ބޭއްވި އަހަރީ އާއްމު ޖަލްސާގައި ހިއްސާދާރުން ވޯޓުލަނީ.---މިހާރު ފޮޓޯ: ހުސެއިން ވަހީދު

މިރޭގެ ޖަލްސާގައި ބީއެމްއެލްގެ ބޯޑަށް އާއްމު ހިއްސާދާރުންގެ ފަރާތުން ތިން ޑިރެކްޓަރަކު ވަނީ ހޮވައިފަ އެވެ.

ބީއެމްއެލްއިން އާއްމުކުރި މިދިޔަ އަހަރުގެ މާލީ ރިޕޯޓްގައިވާ ގޮތުން ޓެކްސް އަށް ކެނޑުމަށް ފަހު 1.02 ބިލިއަން ރުފިޔާ ސާފު ފައިދާގެ ގޮތުގައި ލިބިފައިވެ އެވެ. އެ ބޭންކަށް މިދިޔަ އަހަރު ޖުމްލަ އާމްދަނީގެ ގޮތުގައި 2.1 ބިލިއަން ރުފިޔާ ލިބުނެވެ.

ބީއެމްއެލް އިން މިރޭ ބޭއްވި އަހަރީ އާއްމު ޖަލްސާގައި އެ ބޭންކުގެ ހިއްސާދާރުންނާއި މުވައްޒަފުން ބައިވެރިވަނީ.---މިހާރު ފޮޓޯ: ހުސެއިން ވަހީދު

ބީއެމްއެލްގެ ފައިދާ އިން ޓެކްސް އާއި ހިއްސާގެ ފައިދާގެ ގޮތުގައި 340.4 މިލިއަން ރުފިޔާ ދައުލަތަށް މިދިޔަ އަހަރު ދައްކާފައިވެ އެވެ.

ބީއެމްއެލް މިދިޔަ އަހަރުގެ އޮޑިޓް ކޮށްފައިވާ މާލީ ބަޔާނާއި އަހަރީ ރިޕޯޓް އާއްމުކުރުމަށް ފަހު ނެރުނު ނޫސްބަޔާނެއްގައި ހާމަކުރި ހިސާބުތައް ދައްކާ ގޮތުން، މެދުނުކެނޑި ފާއިތުވި އަހަރުތަކުގައި ބޭންކުން ހޯދަމުން އަންނަ މާލީ ކުރިއެރުމަށް މިދިޔަ އަހަރު އިތުރު ހަލުވި ކަމެއް ވަނީ އައިސްފަ އެވެ. އެގޮތުން ޓެކްސް އަށް ކެނޑުމަށް ފަހު 61 ޕަސެންޓްގެ ކުރިއެރުމަކާއެކު 1.02 ބިލިއަން ރުފިޔާގެ ފައިދާއެއް ލިބި، ވިޔަފާރީގެ މައިގަނޑު ހުރިހާ ދާއިރާއަކުން ވެސް ހަރުދަނާ ކުރިއެރުންތަކެއް ހޯދާފައިވާކަން ފާހަގަކޮށްފައިވެ އެވެ.

ބީއެމްއެލް ހިއްސާދާރުން

4 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައިމާ

24 August 2017

އަހަރަކަށްވުރެ އަހަރަށް ބީއެމްއެލްއިން ހޯދާ ކާމިޔާބު ދަނީ ބޮޑު ކުރަމުން. ތިޔައީ ރާއްޖޭގެ އެންމެ ގިނަ ދިވެހިން ވަޒީފާ އަދާކުރާ އެއް އިދާރާއަށް ވާއިރު ތިތާނގެ މުވައްޒަފުންނަށާ އެމީހުންގެ އާއިލާތަކަށް ހިއްސާ ވިއްކަން ފަށަން ފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެއިން

24 August 2017

ރާއްޖޭގެ އެންމެ ރަގަޅު ކުންފުނި. އެހެން ކުންފުނިތަކުގެ މިސްމެނެޖްމެންޓާއި ހެދި ފައިދާ ދަށަށް. ބީއެމްއެލް ގެ ފައިދާ އަދި ހިއްސާދާރުންނަށް ލިބޭ ވަރު ދަނީ މައްޗަށް.