ދުވަސްވީ މީހުންނާ ބެހޭ ގައުމީ ސިޔާސަތެއް އެކުލަވާލައިފި

އުމުރުން ދުވަސްވީ މީހުންނާ ބެހޭ ގައުމީ ސިޔާސަތު އިފްތިތާހު ކުރުމަށް މިއަދު ބޭއްވި ރަސްމިއްޔާތުގައި ނައިބު ރައީސް ޖިހާދާއި ސަރުކާރުގެ ބައެއް އިސްވެރިން ބައިވެރިވެ ވަަޑައިގަންނަވަނީ-- ފޮޓޯ: ހުސެން ވަހީދު/ މިހާރު

އާމިނަތު ޝިފްލީން، މިހާރު

01 އޮކްޓޯބަރ 2017 - 11:54

13 comments

ދުވަސްވީ މީހުންނާ ބެހޭ ގައުމީ ސިޔާސަތެއް އެކުލަވާލައި، މިއަދު އިފްތިތާހު ކޮށްފި އެވެ.

މިއަދު ފާހަގަ ކުރާ، އުމުރުން ދުވަސްވީ މީހުންގެ ބައިނަލްއަގްވާމީ ދުވަހުގެ މުނާސަބަތުގައި އިސްލާމިކް ޔުނިވަސިޓީގައި ބޭއްވި ރަސްމިއްޔާތެއްގައި މި ސިޔާސަތު އިފްތިތާހު ކޮށްދެއްވީ ނައިބު ރައީސް އަބްދުﷲ ޖިހާދެވެ.

އުމުރުން ދުވަސްވީ މީހުންގެ ގިނަ ހައްގުތައް ރައްކާތެރިކޮށްދޭ މި ސިޔާސަތު އެކުލަވާލާފައިވަނީ އެ މީހުންނަށް އިޖްތިމާއީ ގޮތުންނާއި އިގްތިސޯދީ ގޮތުން ކުރިމަތިވާ ގޮންޖެހުންތައް ދެނެގަނެ، ބޭނުންވާ ރައްކާތެރިކަން ފޯރުކޮށްދިނުމުގެ ބޭނުމުގަ އެވެ. އަދި މުޖުތަމައުގައި އެ މީހުންގެ ބައިވެރިވުން އިތުރުކޮށް، ޒިންމާދާރު ފާގަތި ދިރިއުޅުމަކަށް މަގު ފަހިކޮށްދިނުމަށް އޭގެ ތެރޭގައި ހިމެނޭ ކަމަށް، އެ ސިޔާސަތު އެކުލަވައިލި ޖެންޑާ މިނިސްޓްރީން ބުންޏެވެ.

ދުވަސްވީ މީހުންގެ ހައްގުތައް ރައްކާތެރިކުރުމުގައި ރިއާޔަތް ކުރަން ޖެހޭ މި ސިޔާސަތު އެކުލަވާލާފައިވަނީ ހަތަރު ބަޔަކަށެވެ. އޭގެ ތެރޭގައި އަޅާލުމާއި ރައްކާތެރިކަން ދިނުމާއި ސިއްހަތާއި ދުޅަހެޔޮކަން ހިމެނެ އެވެ.

ޖެންޑާ މިނިސްޓްރީން ބުނީ މި ސިޔާސަތުގެ ސަބަބުން، އުމުރުން ދުވަސްވީ މީހުންނަށް ކުރާ އެކި އަނިޔާތަކާއި އިހުމާލު އަދި އެ މީހުންގެ ފަރާތުން ނަގާ ނާޖާއިޒު ފައިދާ އިން ރައްކާތެރިކޮށްދޭނެ ކަމަށެވެ. އަދި ރިޓަޔަމެންޓަށް ފަހު، ގިނަ ބަޔަކު މުޖުތަމައުން އެކަހެރިވާ އިރު އެ މީހުންނަށް މިނިވަންކަމާ އެކު ކަންކަމުގައި ހަރަކާތްތެރިވި، ގުޅުން ބަދަހިކޮށްދޭނެ ކަމަށް ވެސް ބުންޏެވެ.

މިއަދުގެ ރަސްމިއްޔާތުގައި ޖިހާދު ވާހަކަފުޅު ދައްކަވާނީ-- ފޮޓޯ: ހުސެން ވަހީދު/ މިހާރު

ސިއްހީ މައްސަލަތަކަކީ އުމުރުން ދުވަސްވީ މީހުންނަށް ކުރިމަތިވާ އެންމެ ބޮޑު ގޮންޖެހުންކަން ފާހަގަކޮށް، އެ މިނިސްޓްރީން ބުނީ އަލަށް އެކުލަވައިލި ސިޔާސަތުގެ ދަށުން، އެ މީހުންނަށް އެކަށީގެންވާ ގޮތެއްގައި ސިއްހީ ފަރުވާ ވެސް ފޯރުކޮށްދޭނެ ކަމަށެވެ.

މި ރަސްމިއްޔާތުގައި ވާހަކަފުޅު ދައްކަވަމުން ނައިބު ރައީސް ވިދާޅުވީ ގައުމަށް ލިބިފައިވާ ރީތި ނަމުގެ ފަހަތުގައި ވަނީ އުމުރުން ދުވަސްވީ މީހުން ކަމަށާއި އެ މީހުން ވަނީ އެކި ދާއިރާތަކުން ގައުމަށް އަގުހުރި މަސައްކަތްތަކެއް ކޮށްދީފައިވާ ކަމަށެވެ. އަދި ގައުމުގައި ތިބި ފާހަގަ ކުރެވޭ އިލްމުވެރިންނާއި ހިދުމަތްތެރިން އޭގެ ތެރޭގައި ހިމެނޭ ކަމަށް އެ މަނިކުފާނު ވިދާޅުވި އެވެ.

"އެ މީހުން ވަނީ އެ މަސައްކަތުގައި މުސްކުޅިވެފައި. އޭގެ ތެރޭން ބައެއް މީހުން ވަނީ ގައިގެ ބާރު ދެރަވެ، އެހެން މީހުންގެ އަޅާލުމަށް ބޭނުންވެފައި،" ނައިބު ރައީސް ވިދާޅުވި އެވެ.

ޖިހާދު ވިދާޅުވި ގޮތުގައި ގައުމުގެ ރައުސްމާލަކީ ޒުވާނުން ކަމަށް ވާއިރު، އެ ގައުމެއްގެ އެންމެ ބޮޑު ހަޒާނާއަކީ އުމުރުން ދުވަސްވީ މީހުންނެވެ. އަދި އެ މީހުންގެ ހަޔާތުގައި ލިބިފައިވާ ތަޖުރިބާއަކީ ލޮލަށް ނުފެންނަ މައުނަވީ ތަރިކައެއް ކަމަށާއި އެއީ ގައުމުގެ އެންމެ އަގުހުރި އާސާރު ކަމަށް ވިދާޅުވި އެވެ. އެހެންވެ، އެ މީހުންނަށް ބޮޑު ގަދަރެއް ދޭން ޖެހޭކަން އެ މަނިކުފާނު ކުރެއްވި އެވެ.

މިއަދުގެ ރަސްމިއްޔާތުގައި ދައުލަތުގެ ބައެއް ވަޒީރުންގެ އިތުރުން ގިނަ އަދަދެއްގެ އުމުރުން ދުވަސްވީ މީހުން ވެސް ބައިވެރިވި އެވެ.

އުމުރުން ދުވަސްވީ މީހުން އުމުރުން ދުވަސްވީ މީހުންގެ ދުވަސް ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީ ކުރީގެ ނައިބު ރައީސް އަބްދުﷲ ޖިހާދު

13 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޫހި

01 October 2017

ބަލަ އެމީހުންގެ ހައްްގަށްވެސް މިހާރުވަނީ އަރައިގެންފަ. 65 އަހަރުވުން އެންމެ މުހިއްމު ހައްޤުންވަނީ މަހުރޫމްކޮށްފަ. އެއީ ރާއްޖޭގެ ވެރިކަމަށް ކުރިމަތިލުމުގެ ހައްޤު ދެންކޮންވާހަކައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޖީދު

01 October 2017

ޒުވާނުން މަރުވެ ހުސްވާއިރު ކޮބާ ޒުވާނުންނާ ބެހޭ ސިޔާސަތު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޗީޑި

01 October 2017

އަނެްކާ އަނެއްކޮސް ގޮވަން ފެށީ ވޯޓުލާ ދުވަސް ގާތްވީމާ. އަހަރެން މީ 30 އެތަކެއް އަހަރު ދަައުލަތަށް ހިދުމަތް ކޮށްފައި ރިޓަޔަ ޕެކެޖެއްވެސް ނެތި ކަލޭމެންނާ ހެދި ނިކުންނަން މަޖުބޫރުވީ މީހެއް. މިއަދުވެސް އަނބިދަރިންނަށް ކާންމިދެނީ ބަލިވެ އުޅެމުންވެސް އަތްފައިކޮށައިގެން ދަމާކަނޑައިގެން. ހައްލެއް ނުފެނޭ. ނުވެސް ދެއްކި. ލަދުގަނޭ މިހެން ބުނަންވެސް އެކަމަކު ދެނެއް މަގޭ ލޮލަކު ތިއަނދުނެއް ނޭޅުވޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާއުފާ

01 October 2017

ދުވަސްވީ މީހުންކަމަށް ބަލާ ޢުމުރު ފުރައަކީ ކޮބައިކަމެއް ނޭގެއެވެ. ކުޑަކުއްޖެއްކަމަށް ބަލަނީ ޢުމުރުން 18 އަހަރު ޒުވާނުން ކަމުގައި ބަލަނީ 19 އިން 35 އަހަރު. ވީމާ ދުވަސްވީ ޢުމުރުވެސް ކަނޑައަޅާ ބުނުން ރަނގަޅުވާނެ ދޮގެއްތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިރުގަނޑު

01 October 2017

މިދާ ރޭޓުން ޒުވާނުން މަރުވަމުން ދާކަމަށް ވަންޏާ، ދުވަސްކޮޅަކުން ރާއްޖޭގައި ތިބޭނީ ހުސް މުސްކުޅި ދުވަސްވީ މީހުންނެވެ. އެހެންވީމާ އަނެއްހެން ގޯހެއްނޫން ތިކަމެށް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބްރޯބެ

01 October 2017

ދުވަސްވީ މީހުންނާ ބެހޭނެކަމެއް ނެތް ކޮންމެހެން... ބެހޭނެ މީހުން މަދުވެގެން އެމީހުންނާވެސް ބެހެންފެށީދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާޝް

01 October 2017

ތީ ކުރިންވެސް ކަނޑަ އަޅާފައި އޮތް ސިޔާސަތެއް. އަދި ސިޔާސަތު ޢާއްމުވެސް ކޮށްފައޮތީ! ކޮންމެ މީހަކަށް މިނިސްޓަރު ކަމާއި، ޑެޕިއުޓީ ކަން ލިބުމުން ބޮޑު ޚަދަރުކޮށްފަ ޖަލްސާ ބާއްވަންޏާ ހަމަ ބާއްވަންވީ! އަންނަ އަހަރުވެސް ހަމަ ބާއްވަންވީ! އޭރުން ފޮޓޯ ކޮޅެއް ނެގޭނެތާ! އެއީތާ ނުވެގެން މި އުޅޭކަމަކީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާލިދު

01 October 2017

ދުވަސްވީ މީހުންގެ ހައްގު ހޯދަން ނިކުތީމަ އެބައިމީހުންގެ މޫނައް މިރުސް ދުން ޖަހާ ަނިޔާ ކުރަން ހިތްވަރު ދޭ ބަޔަކައް ކޮއްދެވޭނެ ކަމެއް އޮއްނާނެތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސްނާލީމާ

01 October 2017

ވަރަށް މަދުގެޔަކުން ނޫނީ ނުފެންނާނެ މަންމައާ ބައްޕައަށް އިޚްތިރާމްކޮށް އަޅާލުން ދޭތަނެއް! ގިނަފަހަރަށް މަންމަ އޮންނާނީ ބޭރުގޭގަ! ބައްޕަ އޮންނާނީ ގެޔަށް ވަންއިރު ގޯޅިގަނޑެއްގެ ތެރޭގަ! ވަކިވަރަކަށް މުސްކުޅިވުމުން ދަރިންގެ ކުރިމަތީގާ މަންމައާ ބައްޕަ ބާކީވޭ! ގޭގެވެރިންނަށް ގެއިން ކޮޓަރިގަނޑެއްވެސް ނުލިބޭ! މިކަންކަން ރަނގަޅުކޮށް އެމީހުނަށް ލިބެންވާ ލޯތްބާ ހަމްދަރުދީ ލިބޭނޭ ގޮތަކަށް ކަންކަން ބައްޓަންކުރުމަކީ ބޭނުންތެރިކަމެއް! ދުނިޔެއަށް އައި ކޮންމެ މީހެއްވެސް ދިރިހުރިއްޔާ އެމީހަކުވެސް މަރުވަނެ! -އިބްރާހީމް-

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސަރު

01 October 2017

ތިޔަދެން މުސްކުޅިންގެ ދުވަސްވެސް ދިޔައީ! މިހާރުވެސް އައިޖީއެމްއެޗްގައި އެޑްމިޑް ކޮށްފަ އޮތް މުސްކުޅި ކާފަ އަކަށް ބޭނުންވާ ބޭސް އެތަނުން ލިޔެދިނީމަ ވެސް އެސްޓީއޯގައި ނެތީމަ އެހެންތާކުން އެބޭސް އާސަންދައިން ނުލިބެގެން ޖެހެނީ ގަންނަން! ކޮބައިތަ ހުސްނުވުމަކީ!؟ ސަރުކާރު ހޮސްޕިޓަލުން ލިޔާބޭސް ވެސް އާސަންދައިން ނުލިބުނީމަ ސިޔާސަތު ތިއޮތީ މުސްކުޅިމީހާ އަށް ދޭ 5000 ރުފިޔާ ވެސް އަތުލާގޮތަށް ރާވާފަ!