ފިތުރު ޒަކާތުގެ ގޮތުގައި މިދިޔަ އަންގާރަ ދުވަހާ ހަމައަށް މާލެ ސަރަހައްދުން އެކަނި ވެސް 2.7 މިލިއަނަށްވުރެ ގިނަ ރުފިޔާ ލިބިފައިވާ ކަމަށާއި މިއަދުން ފެށިގެން އެ ފައިސާ ބަހަން ފަށާނެ ކަމަށް އިސްލާމިކް މިނިސްޓްރީން މިއަދު ބުނެފި އެވެ.
އެ މިނިސްޓްރީގެ މީޑިއާ ކޯޑިނޭޓަރު މީސަމް މުސްތަފާ ވިދާޅުވީ މިދިޔަ އަންގާރަ ދުވަހާ ހަމައަށް 116314 މީހުން ރާއްޖެއިން ފިތުރު ޒަކާތް ދައްކާފައިވާ ކަމަށެވެ. އަދި ވިލިމާލެ، މާލެ، ހުޅުމާލެ ސަރަހައްދުން ފަގީރުންގެ ގޮތުގައި ރަޖިސްޓްރީކޮށްފައިވާ މީހުންނަށް މިއަދު 10:30-2:30 އާ ހަމައަށް ފިތުރު ޒަކާތް ބަހާނެ ކަމަށް އޭނާ ވިދާޅުވި އެވެ. އެއީ ބޮލަކަށް 500ރ. ގެ މަގުންނެވެ.
ރަށްރަށުގައި ދިރިއުޅޭ ފަގީރުންނަށް ފިތުރު ޒަކާތް ދޫކުރުމާއި ބަލައިގަންނަމުން އަންނަނީ އެ ރަށެއްގެ ކައުންސިލް އިދާރާއެއް މެދުވެރިކޮންނެވެ.
ފަގީރުންގެ ގޮތުގައި މާލެ ސަރަހައްދުން އެކަނި ވެސް 5000 މީހުން ރަޖިސްޓްރީކޮށްފައި ވެ އެވެ.