ރާއްޖޭގެ ހާލަތު ބެލުމަށް އައިސް އުޅޭ ޔޫރަޕިއަން ޔޫނިއަން (އީޔޫ) ގެ ވަފުދުން އިދިކޮޅު އިސްވެރިންނާ އެކު މިރޭ ބޭއްވި ބައްދަލުވުމަށް ފަހު ގުރޫޕް ފޮޓޯއެއް ނަންގަވަނީ.
29 އޮކްޓޯބަރ 2017 - 23:34
18 comments
ރާއްޖޭގެ ހާލަތު ބެލުމަށް މިއަދު ރާއްޖެ އައި ޔޫރަޕިއަން ޕާލަމެންޓް (އީޔޫ) ގެ ވަފުދުގެ ބޭފުޅުން، އިދިކޮޅު ކޯލިޝަންގެ އިސްވެރިންނާ މިރޭ ބައްދަލުކޮށްފި އެވެ.
އީޔޫ ޕާލަމެންޓުގެ ތިން މެމްބަރަކު ހިމެނޭ އެ ވަފުދާ އެކު ހޮޓެލް ޖެންގައި ބޭއްވި ބައްދަލުވުމަށް ފަހު "މިހާރު" އާ ވާހަކަ ދައްކަވަމުން ޖުމްހޫރީ ޕާޓީގެ ޑެޕިއުޓީ ލީޑަރު އަބްދުﷲ ރިޔާޒު ވިދާޅުވީ މަޝްވަރާ ކުރީ ރައީސް އަބްދުﷲ ޔާމީންގެ ސަރުކާރުގެ އަމަލުތަކާއި އިދިކޮޅު މެމްބަރުންނާ ދޭތެރޭ އަޅާ ފިޔަވަޅުތަކުގެ އިތުރުން އަންނަ އަހަރު މިނިވަން ރިޔާސީ އިންތިޚާބެއް ބޭއްވުމާ ގުޅޭ ގޮތުން ކަމަށެވެ.
"އަޅުގަނޑުމެންގެ ކަންބޮޑުވުންތައް އެ ބޭފުޅުންނާ ވާނީ ހިއްސާކޮށްފައި. މިއީ މަޝްވަރާއެއް،" ތިން ގަޑިއިރެއްހާ އިރަށް ދިގު ދެމިގެންދިޔަ ބައްދަލުވުމާ ގުޅޭ ގޮތުން ކިނބިދޫ ދާއިރާގެ މެމްބަރު ވިދާޅުވި އެވެ.
މި ބައްދަލުވުމުގައި އިދިކޮޅު ފަރާތްތަކުން ބައިވެރިވީ ރިޔާޒުގެ އިތުރުން މަޑުއްވަރީ ދާއިރާގެ މުހައްމަދު އަމީތާއި ކުރީގެ ރައީސް މައުމޫން އަބްދުލް ގައްޔޫމްގެ ދަރިކަނބަލުން ޔުމްނާ މައުމޫނާއި މައްޗަންގޮޅި އުތުރު ދާއިރާ މެމްބަރު މާރިޔާ އަހުމަދު ދީދީ އާއި ގަލޮޅު އުތުރު ދާއިރާގެ މެމްބަރު އީވާ އަބްދުﷲ އާއި އައްޑޫ މީދޫ ދާއިރާގެ މެމްބަރު ރޮޒައިނާ އާދަމް އަދި އަދާލަތު ޕާޓީގެ ފޮރިން ރިލޭޝަންސް ކޮމެޓީގެ ޗެއާ ޝިދާތާ ޝަރީފެވެ.
އީޔޫ ވަފުދުގެ ބޭފުޅުން މާދަމާ ސަރުކާރުގެ އިސްވެރިންނާ ވެސް ބައްދަލު ކުރުމަށް ވަނީ ނިންމައިފަ އެވެ.
އީޔޫ ޕާލަމެންޓްރީ ގުރޫޕުގެ އިސް ވަފުދެއް ރާއްޖެ އައިސްފައިވާއިރު، ފްރާންސްގެ ސްޓްރަސްބާގްގައި މި މަހުގެ ފަސްވަނަ ދުވަހު ބޭއްވި ޕާލަމަންޓުގެ ބައްދަލުވުމުގައި ވަނީ ރާއްޖެއަށް ފިޔަވަޅު އެޅުމަށް ގަރާރެއް ފާސްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަންމަނިކް
30 October 2017
ހަމަ އެއްފިޔަވަޅެއްވެސް ނާޅާނެ. ދިވެހިރާއްޖެއަށް ހިލޭ ޗުއްޓީ ދަތުރެއް ކޮށްލި ގުރޫޕެއް. އަޅަން އޮންނާނެ އެންމެ ބޮޑުފިޔަވަޅަކީ، ފަތުރވެރިން މިގައުމަށް ޔޫރަޕުން ނާންނަން ގޮވާލުން. އެހެރން ގޮވުމަކުން އަންނަ ބަޔަކު މަދެއްވެސް ނުވާނެ. ސަބަބު ވަރަށް ސާފު. ރާއްޖޭގައި ޓްއަރިޒްމް ފެށުނީއްސުރެން، ރާއޖެ އަށް އެ ވިޔަފާރިން ވަންނަ ކޮމްމެ ޑޮަލަރަކަށް ދެ ޑޮލަރު ވަންނަނީ ޔޫރަޕް މީހުންގެ ޖީބަށް ކަމަށްވާތީ. ކޮނީ އާއި ހޮޓެލް ޕްލޭން އާއި މިކަހަލަ އެތައް ޓްއާރ އެޖެންޓުން ތަކަކަށް. އަދި ނުވިތަނަކަށް މި ފަހަކަށް އައިސް ގިނަ ރިސޯޓްތަށް ހިންގަނީ ވެސް ތި ދޮންމީހުން! އެހެންވީމަ އެމީހުނަށް ވަރަިހަމަ މިތާ ކޮންމެ ކަމެއް ހިގިޔަސް އެމީހުންގެ ވިޔަފާރި ކުރިއަށް ދަނިކޮށް. ދުވަހުން ދުވަހަށް އެމްޑީޕީ ގެ ސަޕޯޓަރުން މަދުވަނީ ތިކުރާ ތާކުން ތާކު ނުޖެހޭ ކަންތަކުގެ ސަބަބުން. ހުއްޓާލާ!!!!
މަގޭ ހިޔާލު
30 October 2017
އެމްޑީޕީ މިހާރު ނެތް. ކުރީގެ ޑިކްޓޭޓަރު ބުރަކަށީގައި އަޅުވައިގެން އުޅެންފެށިފަހުން މިހާރުތީ އެމްޑީޕީއެއްނޫން.
އަބްދުއްލާ
30 October 2017
އީޔޫ ން ދަތިކުރުމުގެ ފަިަޔވަޅު އަޅައިގެން ރާއްޖެ އަށް ދަތިވީމާ ދަތިވާނީ އެމްޑީޕީ މެމްބަރުންނަށް އެކަނި އޭރުން އެމްޑީޕީ ހުރިހާމީހުން ޕިންކް ވާނެ. ނަސީދު ހަމަ ހުންނާނީ ބަންދުގަ އޭނަޔަކީ ކުށްވެރިއެއް .ރާއްޖޭގެ ގާނޫނުގަ ކުށެއްކަމުގާ ބުނާ އަމަލެއް ވެރިކަމުގާ ހުންނަވައިގެން ކުރެއްވުމުން ލިބޭ އަދަބު ކުޑަވެގެން ނުވާނެ. ގާނޫނު ނަގަހައްޓަން ހުންނަ މީހާ ގާނޫނަށް ފައިން އެރީމާ ލިބޭ އަދަބު ބޮޑުވާންޖެހޭނެ ކުރަންޖެހޭ ހިތާމަވެސް ބޮޑުވާންޖެހޭނެ.
އަބްދުއްލާ
30 October 2017
ރިޔާސީ އިންތިހާބު މިނިވަންވަނީ ވަކި މީހަކަށް ކުރިމަތި ލެވުނީމަތޯ ؟ކޮންމެ ޕާޓީ އަކުންވެސް ގާނޫނުތަކުގަ ބުނާ ސަރުތު ފުރިހަމަވާ މީހަކަށް ކުރިމަތިލެވޭނެ. އެކަން އެއްވެސް ފަރާތަކުން މަނާކޮށްފައެއް ނުވޭ. ވީމާ ކޮންމެ ޕާޓީ އަކުންވެސް ކެންޑިޑޭޓެއް ނެރުނީމަ ނިމުނީ .އެއީ ވަކިމީހަކަށް ހާއްސަ ވެފާ އޮންނަ ކަމެއްނޫން. މާލޭގެ ކުނި މެނޭޖް ކުރަންނޭގުނު މީހަކު އަލުން ރާއްޖޭގެ ވެރިޔަކަށް ގެންނާނެ ބޭނުމެއް އެބައޮތްތޯ ؟
އެދުރޭ
30 October 2017
އެއްބަޔަކަށް ރިޔާސީ އިންތިޚާބު ސައްހަ ކަމަށް ބަގޫލް ކުރެވެން އޮތީ އަންނި އަށް ބައިވެރި ވެވެންޏާ. އަނެއްބަޔަކަށް އަދީބާއި ކާނަލް ނާޒިމް އާއި ދެންވެސް ޖަލުގައި ތިބި މީހުންނައް ބަިވެރި ވެވެންޏާ... ކިހިނެތް މި ކަން ކުރާނީ .....
ޝިފާގު
30 October 2017
މިނިވަން އިންތިޚާބެއްގެ ވާހަކަ ޢަބްދުﷲރިޔާޒު ދެއްކީމަ ވަރަށް ކަންބޮޑުވެއެވެ. އެންމެފަހުން އޮތް ރިޔާސީ އިންތިޚާބުގެ ނަތީޖާނެރުމުގައި އެންމެ އިސްދައުރެއް އަދާކުރި އެއްފަރާތްކަމުގައި ވީމައެވެ.
ޢަބުދުﷲ
30 October 2017
މިތާ މިތިބަ ޔޫރަޕުގެ އަންހެނުންނަށްވުރެ ދިވެހި އަންހެނުންގެ ނިވާކަން ބާބޮޑަށްވެސް ކުޑައެވެ. މިއީ ލަދުގަންނަންޖެހެ ވަރު ހުތުރުކަމެއްއް
މަހުދީ
30 October 2017
ހަމަ ހިލާ އެބައިމީހުން ތިޔަބައިމީހުނަށް ލޯބިވާނީ ތިޔަބައިމީހުން އެބައިމީހުންގެ ގޮތް ގަބޫލުކުރުމުން. އަހަރުމެންނަކީ މުސްލިމުން، އަހަރުމެންގެ މައްޗަށް މިމީހުން ހެޔޮއެދޭނެބާ؟
ތުރީ ލައިން ވިޕް
30 October 2017
މި ޤައުމުގެ ވަފުދެއް ވެސް އީޔޫ ގެ ސިޔާސީ ކަންކަން ބަލަން ފޮނުވާން ފެނެއެވެ.މުސްލިމުން ނާ މެދު ކަންކުރަނީ ކިހިނެއްތޯ އާއި ޓެރެރިޒަމް ސިފަ ކުރަނީ ކިހިނެއްތޯ ބެލުމަށެވެ.
ގުއިއްޒު
30 October 2017
ކޮމެންޓް ލިޔާ މީހުންވެސް ލިޔެބަލަ + ލައިކް ލިބޭ ކަހަލަ ކޮމެންޓްތައް.
ފާލު
30 October 2017
ބައެއް ފަހަރު ގިނައިން ޑިސްލައިކް ލިބެނީ އެ ކޮމެންޓެއްގަ ބުނާ އެއްޗެއް މާ ބޮޑަށް ހަގީގަތާ ކައިރިކުރާތީ. ހަގީގަތެއްކަން ވިސްނުނަސް އެމީހާގެ ފިކުރާ އިދިކޮޅު ހަގީގަތެއްވީމަ އެކަން ގަބޫލުކުރަން ބޭނުންނުވެ ދެން އާދެވޭ ރުޅިއެއްގަ ކޮމެންޓަށް ޑިސްލައިކް ދެވޭ ފަހަރުވެސް އާދޭ.